စက်သုံးဆီများကို လိုအပ်သလောက်ဝယ်ယူနိုင်မည့် MPTA FM Application အား ဇန်နဝါရီ ၁ ရက်မှစတင်အသုံးပြုနိုင်ပြီဖြစ်

မည်သည့် စက်သုံးဆီအမျိုးအစားကိုမဆို လို အပ်သလောက်ဝယ်ယူနိုင်မည့် MPTA FM Application အား ၂၀၂၅ ခုနှစ်၊ ဇန်နဝါရီ ၁ ရက်မှစတင်၍ အသုံးပြုနိုင်ပြီဖြစ်ကြောင်း သိရသည်။

MPTA FM Application အား မှန်ကန်မြန်ဆန်စေရေးဗဟိုကော်မတီ၏ ဦးဆောင်မှုဖြင့် စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ မြန်မာနိုင်ငံစက်သုံးဆီတင်သွင်းရောင်းချဖြန့်ဖြူးရေးအသင်း(MPTA)နှင့်ပူးပေါင်း၍ ရေးဆွဲခဲ့ခြင်းဖြစ်သည်။

အဆိုပါ Application အား ပြည်သူများအနေဖြင့် ဖုန်းအသုံးပြု၍ နီးစပ်ရာ မည်သည့်စက်သုံးဆီအရောင်းဆိုင်များတွင် မည်သည့်စက်သုံးဆီအမျိုးအစားများကို မည်သည့်စျေးနှုန်းများဖြင့် လိုအပ်သလောက်ဝယ်ယူဖြည့်တင်းနိုင်ခြင်း ရှိ/မရှိသိရှိနိုင်ရန်အတွက် ရေးဆွဲခဲ့ခြင်းဖြစ်သည်။

ယင်း Application ၌ နိုင်ငံတစ်ဝှမ်းရှိ စက်သုံးဆီအရောင်းဆိုင်များတည်နေရာ၊ ဆိုင်ဖွင့်ချိန်/ပိတ်ချိန်၊ ရရှိနိုင်သည့် စက်သုံးဆီအမျိုးအစားနှင့် အရောင်းစျေးနှုန်း သတင်းအချက်အလက်များကို ထည့်သွင်းထားသည်။

ထို့ကြောင့် ၎င်း Application အား Android Version ဖုန်းများဖြင့် Google Play Store တွင် Download ပြုလုပ်ကာ စတင်အသုံးပြုနိုင်ပြီး IOS Version ဖုန်းများဖြင့် F Store မှတစ်ဆင့် Download ပြုလုပ်အသုံးပြုနိုင်ရန်လည်း ဆက် လက်ဆောင်ရွက်လျက်ရှိသည်။

မိုင်းဆတ်မြို့တွင် ၂ ရက်တိုင်ကျင်းပမည့် မိုင်းဖုန်းဆရာတော်ကြီး၏မွေးနေ့အကြိုအလှူတော်

ရှမ်းပြည်နယ်၊ မိုင်းဆတ်မြို့၌ မိုင်းဖုန်းဆရာ တော်ကြီး၏မွေးနေ့အကြိုအလှူတော်အား ဒီဇင် ဘာ ၃၀ ရက်နှင့် ၃၁ ရက်တို့၌ ၂ ရက်တိုင်ကျင်းပသွားမည်ဖြစ်ကြောင်း သိရသည်။

မိုင်းဖုန်းဆရာတော်ကြီး၏မွေးနေ့အကြိုအလှူတော်အား မိုင်းဆတ်မြို့၊ မွေတော်ဟိုလင်းမင်္ဂ လာစုမ့်မိန်းစေတီတော်ရှိ ကမ္မဌာန်းကျောင်းတိုက် ၌ ဆင်ယင်ကျင်းပသွားမည်ဖြစ်၍ လှုဖွယ်ဝတ္တုပစ္စည်းများ၊ ဆွမ်းနှင့် စတုတိသာများပါဝင်လှူဒါန်းနိုင်ကြောင်း သိရသည်။

မိုင်းဖုန်းဆရာတော်ကြီးသည် သက်တော်(၆၁)နှစ်ပြည့်တော်မူမည်ဖြစ်ကာ ဝိဇာတမွေးနေ့ပွဲအား တာချီလိတ်မြို့နယ်၊ မိုင်းဖုန်း(က)ကျေးရွာ အုပ်စုရှိ လွန်းလိန်းသာသနာ့နယ်မြေတွင် ၂၀၂၅ ခုနှစ်၊ ဇန်နဝါရီ ၁ ရက်မှ ၆ ရက်အထိ ဆင်ယင်ကျင်းပသွားမည်ဖြစ်ကြောင်း သိရသည်။

ဝိဇာတမွေးနေ့ပွဲသို့လာရောက်မည့် အနယ်နယ်အရပ်ရပ်မှ ဧည့်ပရိသတ်များအား စတုဒိသာများကျွေးမွေးလှူဒါန်းသွားမည်ဖြစ်ကာ ဆရာ တော်ကြီးမှလည်း နှီးဘုရားကြီးအနီးရှိ တရား ဟောစင်တွင် တရားရေအေးများတိုက်ကျွေးသွားမည်ဖြစ်ကြောင်း သိရသည်။

ရုရှားကုန်သင်္ဘောတစ်စင်း ပေါက်ကွဲန-စ်မြုပ်

Ursa Major အမည်ရ ရုရှားကုန်တင်သင်္ဘောတစ်စင်းသည် စပိန်နိုင်ငံ နှင့် အယ်ဂျီးရီယားနိုင်ငံအကြား မြေထဲပင်လယ်ရေပြင်တွင် စက်ခန်းပေါက်ကွဲမှုဖြစ်ပွားကာ န-စ်မြုပ်ခဲ့ကြောင်းနှင့် သင်္ဘောသားနှစ်ဦး ပျောက်ဆုံးနေကြောင်း ရုရှားနိုင်ငံခြားရေးဝန်ကြီးဌာနက ဒီဇင်ဘာ ၂၄ ရက်တွင် ပြောကြားခဲ့သည်။

၂၀၀၉ ခုနှစ်တွင် တည်ဆောက်ခဲ့သော အဆိုပါသင်္ဘောသည် ရုရှားကာကွယ်ရေးဝန်ကြီးဌာန စစ်ဘက်တည်ဆောက်ရေးလုပ်ငန်း၏ အစိတ်အပိုင်းဖြစ်သော Oboronlogistika ကုမ္ပဏီက စီမံထိန်းချုပ်ပြီး သင်္ဘောသည် ရုရှားအရှေ့ဖျား ဗလာဒီဗော့စ်တော့ ဆိပ်ကမ်းသို့ သွားရာလမ်းကြောင်းတွင်ရှိနေကာ သင်္ဘောပေါ်တွင် ဆိပ်ကမ်းသုံး ဧရာမကရိန်းကြီးနှစ်ခု တပ်ဆင်ထားသည်ဟု ပြောဆိုထားခဲ့သည်။

သင်္ဘောသား ၁၆ ဦးအနက် ၁၄ ဦးကို ကယ်ဆယ်နိုင်ခဲ့ကာ စပိန်နိုင်ငံသို့ ပို့ဆောင်ထားခဲ့သော်လည်း နှစ်ဦးသည် ပျောက်ဆုံးနေဆဲဖြစ်သည်ဟု နိုင်ငံခြားရေးဝန်ကြီးဌာနက သတင်းထုတ်ပြန်ခဲ့သည်။ စက်ခန်းပေါက်ကွဲရသည့် အကြောင်းရင်းကိုမူ ပြောဆိုခဲ့ခြင်းမရှိပေ။

ယခင်က Sparta III ဟု ခေါ်တွင်သည့် အဆိုပါကုန်သင်္ဘောသည် ဗလာဒီမာဗော့စ်တော့ဆိပ်ကမ်းတွင် တပ်ဆင်မည့် ဆိပ်ကမ်းသုံး ကရိန်းကြီးများနှင့် ရေခဲခွဲသင်္ဘောသစ်များအတွက် အစိတ်အပိုင်းများကို တင်ဆောင်လာခြင်းဖြစ်သည်ဟု သင်္ဘော၏ နောက်ဆုံးပိုင်ရှင်ဖြစ်သော Oboronlogistika က ဒီဇင်ဘာ ၂၀ ရက်က ထုတ်ပြန်ချက်တွင် ပြောဆိုထားခဲ့သအဆိုပါသင်္ဘောသည် ရုရှားနိုင်ငံ စိန့်ပီတာစဘတ်ဆိပ်ကမ်းမှ ဒီဇင်ဘာ ၁၁ ရက်တွင် ထွက်ခွာသွားခြင်းဖြစ်ပြီး တနင်္လာနေ့ ဂရင်းနစ်စံတော်ချိန် ၂၂၀၄ နာရီတွင် အယ်ဂျီးရီးယားနှင့် စပိန်နိုင်ငံကြား ရေပြင်မှနေ၍ နောက်ဆုံးအချက်ပေးမှုထုတ်လွှင့်ခဲ့သည်ဟု သင်္ဘောလမ်းကြောင်းခြေရာခံ LSGE က ဖော်ပြခဲ့သည်။

Facebook Cele သရုပ်ဆောင် မိုးညို အိမ်ထောင်ပြုပြီ

ဒီဇင်ဘာ ၂၅

Facebook Cele သရုပ်ဆောင် မိုးညိုနဲ့ ချစ်သူ သက်သက်မွန် တို့က ရွှေလက်တွဲ မင်္ဂလာပွဲအခမ်းအနား ကိုတော့ ဇာတိမြေဖြစ်တဲ့ ပဲခူးတိုင်းဒေသကြီး၊ မိုးညိုမြို့နယ်၊ အင်းတော်တလုပ်ကျေးရွာမှာ ဒီဇင်ဘာ ၂၃ ရက် နဲ့ ၂၄ ရက်တို့မှာ ၂ ရက်တိုင်တိုင် ကျင်းပခဲ့ပါတယ်။

“အဓိက ဒီမင်္ဂလာပွဲလေးဖြစ်မယ် မဖြစ်ဖူးနဲ့ ခုလိုပွဲလေးဖြစ်သွားလို့ ဝမ်းသာရပါတယ်။ ကျွန်တော်တို့ ချစ်သူသက်တမ်း ၉ နှစ်ကျော်တွဲလာကြတာပါ။ ကျွန်တော် သက်မှတ်ထားတဲ့ ဒီဇင်ဘာလထဲမှာ မင်္ဂလာပွဲလေးကို ကျင်းပဖြစ်တာပါ။ ဘဝမှာ ၉ နှစ်ကျော် ပျိုးထောင်ခဲ့ရတဲ့ အချစ်ဥယျာဥ်လေးကို အခုအချိန်မှာ အချစ်ပန်းလေး တွေ စိုက်ထူထောင်နိုင်ခဲ့ပြီပေါ့။ အဆုံးရှုံးမခံနိုင်လို့ ခုလိုလက်ထပ်လိုက်ကြတာပါ”လို့ Facebook Cele သရုပ် ဆောင် မိုးညိုက ပြောပါတယ်။

အဆိုပါ အခမ်းအနားမှာတော့ အကယ်ဒမီ ဂွမ်းပုံတို့ ဇနီးမောင်နှံက မင်္ဂလာပန်းကုံးစွပ်ပေးပြီး မင်္ဂလာသီချင်းတွေနဲ့အတူ မင်္ဂလာလက်ဖွဲ့ငွေ ချီးမြှင့်ခဲ့တာပဲဖြစ်ပါတယ်။ ဒီ မင်္ဂလာပွဲမှာ အကျွေးအမွေးတွေ ဖျော်ဖြေရေး အစီအစဉ်တွေနဲ့ စည်ကားခမ်းနားစွာ ပြုလုပ်တယ်လို့လည်း သိရပါတယ်။

မိုးညိုကတော့ လွန်ခဲ့တဲ့ ၆ လကျော်ကတည်းက ချစ်သူကောင်မလေးကို နှစ်ဖက်မိဘအစုံအလင်နဲ့ သွားရောက်မြန်းထားခဲ့တယ်လို့ဆိုပါတယ်။ မိုးတွင်းကာလမှာ သွားရောက်မြန်းခဲ့ပြီး ဒီဇင်ဘာလ ဆောင်းတွင်း ကာလမှာ မင်္ဂလာလက်ထပ်ပွဲ ကျင်းပခဲ့တာလည်းဖြစ်ပါတယ်။

Credit - Myanamr Transparency News Agency

#centralnewsnaypyitaw

ထိုင်း တာ့ခ်ခရိုင်နဲ့ထိစပ်နေတဲ့ မြ၀တီ ရွှေကုက္ကိုလ်နယ်စပ်ကို သွားလာခွင့် တလပိတ်

ဒီဇင်ဘာ ၂၅

မြ၀တီ ရွှေကုက္ကိုလ်မှာ ကူးစက်မှုမြင့်နေတဲ့ ပြင်းထန်ဝမ်းရောဂါကြောင့် နယ်နိမိတ်ချင်းထိစပ်နေတဲ့ ထိုင်းနိုင်ငံ၊တာ့ခ်ခရိုင်နဲ့ရွှေကုက္ကိုလ် နယ်စပ်တလျှောက်ကို ထိုင်းဘက်က နယ်စပ်ဖြတ်ကျော်သွားလာခွင့် တလပိတ်လိုက်တယ်လို့ သိရပါတယ်။

ဒါကြောင့် ရွှေကုက္ကိုလ်မြို့ကနေထိုင်းကို တရားဝင်ကမ်းကူးပြီးလည်းသွားရောက်နိုင်ခြင်းမရှိတော့သလို တရားမဝင် လမ်းကြောင်းကနေလည်းဝင်ရောက်မှုမရှိစေရေးကို ထိုင်းနယ်ခြားစောင့်တပ်ဖွဲ့က လုံခြုံရေးအထူးတင်းကြပ်စစ်ဆေးနေတယ်လို့ သိရပါတယ်။

" ရွှေကုက္ကိုလ်နဲ့ထိနေတဲ့နယ်စပ်ကိုပဲပိတ်တာ။ဒီတော့ ထိုင်းကနေ ရွှေကုက္ကိုလ်ကို ကုန်စည်တိုက်ရိုက် သယ်ယူပို့ဆောင်တာတော့ရပ်သွားတာပေါ့။လူတွေလည်းသွားမရဘူး။ သူတို့လိုအပ်ရင် မြဝတီတံတားဘက် ကနေပဲသွင်းလို့ရမယ့်အခြေအနေရှိတယ်။ရွှေကုက္ကိုလ်ကနေ ထိုင်းဘက်ကူးတာကလည်း တကယ်တော့ ထိုင်းနဲ့မြန်မာတရားဝင်ဖွင့်ထားတဲ့ ဂိတ်တွေထဲမပါဘူး။ ရွှေကုက္ကိုလ်ဘက်မှာ ဝမ်းပျက်ဝမ်းလျှောက တအားဖြစ်နေတယ်။ ထိုင်းကသူတို့ဘက်ကိုရောဂါကူးမှာစိုးရိမ်ပြီးတင်းကြပ်နေတာ။ "လို့ ဒေသခံက ပြောပါတယ်။

တာ့ခ်ခရိုင်ထဲကမှ ရွှေကုက္ကိုလ်နဲ့နယ်နမိတ်ထိစပ်နေတဲ့နေရာကိုသာ နယ်စပ်ဖြတ်ကျော်ခွင့်ပိတ်လိုက်တာဖြစ်ပြီး မြဝတီချစ်ကြည်ရေးတံတား ၁ နဲ ၂ နှစ်စင်းစလုံး ဖြတ်သန်းသွားလာခွင့်ကို ခုချိန်ထိ ပိတ်ထားခြင်းမရှိဘူးလို့ သိရပါတယ်။

ဒါကြောင့် ထိုင်း-မြန်မာနယ်စပ်ကုန်သွယ်ရေးရပ်တန့်သွားခြင်းမရှိသလို မြဝတီမြို့မှာလည်း ပြင်းထန်ဝမ်းပျက်ဝမ်းလျှောရောဂါဖြစ်ပွားပြီး ဆေးရုံတက်ရောက်ကုသမှုခံယူနေရသူမရှိသေးဘူးလို့သိရပါတယ်။

" ခုထိတော့ ရောဂါဖြစ်လို့ဆေးရုံကြီးမှာလာကုသူမရှိသေးဘူး။ကျန်းမာရေးဌာနကတော့ ယင်နားစားတွေမစားဖို့၊ဝမ်းပျက်ဝမ်းလျှောရင်ဆေးရုံဆေးခန်းပြဖို့ ဆောင်ရန်ရှောင်ရန်တွေ သတိပေးတာရှိတယ်။မြဝတီကအေးဆေးပါပဲ။ထိုင်းနယ်စပ်လည်းမပိတ်ပါဘူး" လို့ မြဝတီမြို့ခံကပြောပါတယ်။

လက်ရှိ ရွှေကုက္ကိုလ်မြို့မှာ ဝမ်းပျက်ဝမ်းလျှော ရောဂါဖြစ်ပွားမှုမြင့်တက်နေပြီး ရောဂါကူးစက်သူ ၂၀၀ လောက်ရှိပြီး ထိုင်း-မြဝတီနယ်စပ်ရှိ ကာစီနိုရုံတွေမှာလည်း ဝမ်းရောဂါကူးစက်မှုဖြစ်ပွားနေတဲ့အပြင် လူနှစ်ယောက်အထိသေဆုံးမှုရှိနေတယ်လို့ သိရပါတယ်။

ပြင်းထန်ဝမ်းပျက်ဝမ်းလျှောရောဂါလက္ခဏာတွေက အရည်ဝမ်းများစွာသွားခြင်း၊ ငါးညှီနံ့နံတဲ့ ဆန်ဆေးရည်ကဲ့သို့ ဝမ်းသွားခြင်း၊ အော့အန်ခြင်း၊ နှလုံးခုန်နှုန်းမြန်ခြင်း၊ မျက်တွင်းချိုင့်ဝင်ခြင်း၊ ခံတွင်း၊ နှုတ်ခမ်းနဲ့ လျှာတွေ ခြောက်သွေ့ခြင်း၊ သတိလစ်ခြင်း၊ ကြွက်တက်ခြင်း တို့ဖြစ်နိုင်ပြီး ရောဂါဆိုးရွားပါက အသက်အန္တရာယ် ဆုံးရှုံးနိုင်တဲ့အထိဖြစ်ပွားနိုင်တယ်လို့ သိရပါတယ်။

Photo: Mahar (ပုံဟောင်း)

Credit - VOM News Agency

#သတင်းဟင်းလေးအိုးကြီး

ကြွေးမြီအကြီးအကျယ် ဖောင်းပွလာခြင်းကြောင့် အမေရိကန်၏စီးပွါးရေးစွမ်းဆောင်ရည်သည် မကြာမီတွင် "ပူဖောင်းများအားလုံး၏မိခင်" အဖြစ် ပေါက်ထွက်တော့မည်ဖြစ်ကြောင်း Rockefeller International ၏ဥက္ကဋ္ဌ ရုချ်ရှာမာက သတိပေးခဲ့သည်။

အမေရိကန်တို့သည် အကြွေးကို အလွန်အမင်း စွဲလန်းလာပြီး ၎င်းကို ထိန်းချုပ်ရန် ကြိုးပမ်းမှုများသည် နောက်ဆုံးတွင် စီးပွားရေးတိုးတက်မှုနှင့် ကော်ပိုရိတ်အမြတ်အစွန်းများကို အားနည်းသွားစေလိမ့်မည်ဖြစ်ကြောင်း Rockefeller International ၏ ဥက္ကဌ Ruchir Sharma က ပြောကြားခဲ့သည်။

သဘာဝဘေးအန္တရာယ်ခံစားခဲ့ရသော ရပ်ရွာများအတွက် မြန်မာနိုင်ငံက ဆန်တန်ချိန် ၃,၅၀၀ လက်ခံရရှိ

မြန်မာနိုင်ငံရှိသဘာဝဘေးအန္တရာယ်ခံစားခဲ့ရသော ရပ်ရွာများအတွက် အာဆီယံ+3 အရေးပေါ် အရန်ဆန်ရိက္ခာ (APTERR) အစီအစဉ်အရ တောင်ကိုရီးယားနိုင်ငံနှင့် တရုတ်နိုင်ငံက ပံ့ပိုးကူညီသော ဆန်တန်ချိန် ၃,၅၀၀ လက်ခံရရှိခဲ့ကြောင်း စိုက်ပျိုးရေးဦးစီးဌာန၊စပါးဌာနခွဲမှတာဝန်ရှိသူ ဦးယဉ်မင်းထွန်းက ပြောသည်။

မြန်မာနိုင်ငံ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနလက်အောက်ရှိ စိုက်ပျိုးရေးဦးစီးဌာနအနေဖြင့် အရန်ဆန်သိုလှောင်ရေးနှင့် ဖြန့်ဖြူးရေးဆိုင်ရာ APTERR အစီအစဉ်တွင် တက်ကြွစွာ ပါဝင်ဆောင်ရွက်လျက်ရှိသည်။

ထိုပြင် မြန်မာနိုင်ငံသည် ၂၀၂၃ ခုနှစ် APTERR အစီအစဉ်မှတစ်ဆင့် တောင်ကိုရီးယားနိုင်ငံနှင့် တရုတ်နိုင်ငံထံမှ လက်ခံရရှိခဲ့သော ဆန်တန်ချိန် ၃,၄၅၀ ကို ပြန်လည်ဖြန့်ဖြူးပေးဝေခဲ့ရာ လူပေါင်း ၃၄၀,၀၀၀ ကျော် အကျိုးကျေးဇူးရရှိခဲ့ကြောင်း သိရသည်။

NOM

ဒီဇင်ဘာ ၂၅ ရက်နေ့ စက်သုံးဆီစျေးနှုန်းများ

#centralnewsnaypyitaw

ဒီဇင်ဘာ ၂၅ ရက်နေ့ စက်သုံးဆီစျေးနှုန်းများ

#သတင်းဟင်းလေးအိုးကြီး