Oppenheimer မှာ လိုအပ်တဲ့အချက်တွေ မပါခဲ့ဘူးဆိုတဲ့ ဝေဖန်မှုတွေရှိနေ
ဇွန် ၂၉၊ ၂၀၂၅။
“Oppenheimer” ရုပ်ရှင်မှာ ဒါရိုက်တာ Christopher Nolan က ဂျပန်လူမျိုးတွေအပေါ် ဒီဗုံးရဲ့အကျိုးသက်ရောက်မှုတွေကို တိုက်ရိုက်မပြခဲ့တဲ့အကြောင်း သိထားပြီးဖြစ်မှာပါ။ ဒီရွေးချယ်မှုက နာမည်ကျော်ဒါရိုက်တာတစ်ဦးဖြစ်တဲ့ Spike Lee အပါအဝင် လူအချို့ကို စိတ်အနှောင့်အယှက်ဖြစ်စေခဲ့ပါတယ်။ Spike Lee ကတော့ Nolan အနေနဲ့ ဂျပန်လူမျိုးတွေအပေါ် ဗုံးရဲ့အကျိုးဆက်တွေကို ပြသင့်တယ်လို့ ပြောဆိုခဲ့ပါတယ်
အဲဒီလိုဝေဖန်တဲ့အထဲမှာ ဝါရင့်ဒါရိုက်တာတစ်ဦးဖြစ်တဲ့ ဒါရိုက်တာ James Cameron လည်း အပါအဝင်ဖြစ်ပြီး Deadline နဲ့ တွေ့ဆုံမေးမြန်းခန်းတစ်ခုမှာလည်း James Cameron က Oppenheimer အပေါ် Nolan ရဲ့ချဉ်းကပ်မှုကို ဝေဖန်ခဲ့ပါတယ်။
လက်ရှိမှာ ဟီရိုရှီးမားအကြောင်း ကိုယ်ပိုင်ရုပ်ရှင်တစ်ကားကို ဖန်တီးနေတဲ့ James Cameron က “Oppenheimer” ရဲ့ ဇာတ်လမ်းနဲ့ပတ်သက်ပြီး အဓိကဇာတ်လိုက်ရဲ့အမြင်ထဲကနေပဲ ကန့်သတ်ထားတဲ့ရွေးချယ်မှုဟာ မှားယွင်းတဲ့ခြေလှမ်းဖြစ်ပြီး ဗုံးရဲ့လက်တွေ့ကမ္ဘာပေါ်က အကျိုးဆက်တွေရဲ့ အပြည့်အဝအလေးချိန်ကို ရှောင်ရှားလိုက်တာလို့ ဆိုပါတယ်။
“ဟုတ်ပါတယ်၊ သူရှောင်သွားတဲ့အရာက စိတ်ဝင်စားစရာပါပဲ။ ကျွန်တော်က ရုပ်ရှင်ဖန်တီးမှုကို ကြိုက်နှစ်သက်ပေမယ့် ဒါဟာ ကိုယ်ကျင့်တရားဆိုင်ရာ ရှောင်ဖယ်မှုတစ်ခုလို့ ခံစားမိပါတယ်။ ဘာလို့လဲဆိုတော့ Oppenheimer က အကျိုးသက်ရောက်မှုတွေကို မသိဘူးဆိုတာ မဟုတ်ဘူးလေ။ ဇာတ်ကားထဲမှာ သူ့ကို မီးလောင်နေတဲ့အလောင်းတွေကို တွေ့ရတဲ့ အခန်းတိုတစ်ခုပဲရှိပါတယ်။ တခြားရုပ်ရှင်ဖန်တီးသူရဲ့ ဇာတ်ကားကို ဝေဖန်ချင်တာမဟုတ်ပေမယ့် ဒီတစ်ခုကလွဲရင် သူ့ကို ဘယ်လိုစိတ်လှုပ်ရှားစေတယ်ဆိုတာကိုပဲ ဆက်ပြထားတယ်။ ဒါပေမယ့် ကျွန်တော်ကတော့ ဒါဟာ အကြောင်းအရာကို ရှောင်နေတယ်လို့ ခံစားမိပါတယ်။ Studio ဒါမှမဟုတ် Chris က ဒါကို မကိုင်ချင်တဲ့ အထိမခံနိုင်တဲ့ကိစ္စလို့ ထင်မှတ်လို့လားဆိုတာ မသိပါဘူး။ ဒါပေမယ့် ကျွန်တော်ကတော့ အဲဒီအထိမခံနိုင်တဲ့ကိစ္စကို တိုက်ရိုက်ဖြေရှင်းချင်ပါတယ်” လို့ Cameron က ပြောပါတယ်။
Nolan ဘက်ကတော့ “Oppenheimer” မှာ ဂျပန်လူမျိုးတွေအပေါ် ဗုံးရဲ့အကြမ်းဖက်မှုတွေကို တိုက်ရိုက်မပြခဲ့တဲ့ သူ့ရဲ့ဖန်တီးမှုဆိုင်ရာ ရွေးချယ်မှုကို အမြဲတမ်းရပ်တည်ခဲ့ပါတယ်။ သူ့ရဲ့အကြောင်းပြချက်ကတော့ ဇာတ်လမ်းကို Oppenheimer ရဲ့ ကိုယ်ပိုင်အမြင်နဲ့ပဲ ပြောပြထားတာဖြစ်ပြီး အဲဒါကို လွှဲဖယ်ရင် ဇာတ်ကားရဲ့ စိတ်ခံစားမှုနဲ့ ဇာတ်လမ်းတည်ဆောက်မှု တည်ငြိမ်မှုကို ပျက်စီးစေမယ်လို့ ဆိုပါတယ်။
ဒါပေမယ့် ဇာတ်ကားရဲ့ နောက်ပိုင်းမှာ တစ်ခြားဘယ်လိုရုပ်ပုံမဆို ပိုပြောနိုင်တဲ့ ထိတ်လန့်စရာအခန်းတစ်ခုရှိပါတယ်။ Cillian Murphy သရုပ်ဆောင်ထားတဲ့ Oppenheimer က ဆလိုက်ပရိုဂျက်တာရှေ့မှာ ထိုင်နေပြီး ဗုံးဖြစ်ပြီးနောက်ပိုင်း ဖျက်ဆီးခံရတဲ့ပုံရိပ်တွေကို ကြည့်ဖို့တောင် မခံနိုင်အောင် ဖြစ်နေပါတယ်။ သူ့ရဲ့တုံ့ပြန်မှုက တိတ်ဆိတ်ပြီး တုန်လှုပ်ချောက်ချားနေတဲ့အတွက် စိတ်ထိခိုက်စရာကောင်းပါတယ်။
Nolan က “Oppenheimer” မှာ အပြင်ပန်းအဆင်တွေကို စိတ်မဝင်စားခဲ့ပါဘူး။ ဒါဟာ စိတ်ထဲက ပူဆွေးမှု၊ အပြစ်ရှိမှုနဲ့ ဗုံးဖန်တီးမှုနဲ့အတူလိုက်ပါလာတဲ့ ကိုယ်ကျင့်တရားဆိုင်ရာ ပျက်စီးမှုတွေအကြောင်း ရုပ်ရှင်တစ်ကားဖြစ်ပါတယ်။ ဒါကို ဂုဏ်ပြုတဲ့အခန်းတစ်ခုတောင် မရှိပါဘူး။
လက်ရှိမှာတော့ James Cameron ဟာ “Ghosts of Hiroshima” ဆိုတဲ့ Hiroshima တိုက်ခိုက်မှုရဲ့ အသက်ရှင်ကျန်ရစ်သူ Tsutomo Yamaguchi ရဲ့ အတွေ့အကြုံအပေါ်မူတည်ထားတဲ့ ဗုံးရဲ့အကျိုးဆက်တွေကို ပြသမယ့်ရုပ်ရှင်ကိုဖန်တီးနေပါတယ်။

#နိုင်ငံတကာသတင်း
◼ တရုတ်ကိုဟန့်တားရန် ဂျပန်တစ်ပတ်ရစ်စစ်သင်္ဘောများအား ဖိလစ်ပိုင်သို့ ပေးပို့မည်
ပေကျင်းကို တန်ပြန်ရန် အမေရိကန်မဟာမိတ်နှစ်နိုင်ငံက ပူးပေါင်းဆောင်ရွက်မှု တိုးမြှင့်နေစဉ် တရုတ်၏ရေကြောင်းတိုးချဲ့မှုများအပေါ် အဟန့်အတားကို တိုးမြှင့်နိုင်ရန် ဂျပန်က ၎င်းတို့၏ တစ်ပတ်ရစ် ရေတပ်ဖျက်သင်္ဘောများအား ဖိလစ်ပိုင်သို့ ပို့ဆောင်သွားမည်ဖြစ်ကြောင်း ယိုမီယူရီ သတင်းစာက ယနေ့တွင်ဖော်ပြခဲ့သည်။
ယင်းအစီအစဉ်တွင် ဂျပန်ရေတပ်၌ နှစ်ပေါင်း သုံးဆယ်ကျော် အသုံးပြုခဲ့သော အဘူကူမာ အမျိုးအစား ဖျက်သင်္ဘော ခြောက်စီး ပါဝင်မည်ဖြစ်ကြောင်း အမည်ဖော်ပြမထားသော အစိုးရသတင်းရင်းမြစ်များကို ကိုးကား၍ ယိုမီယူရီသတင်းက ပြောသည်။
ဂျပန်ကာကွယ်ရေးဝန်ကြီး ဗိုလ်ချုပ်ကြီး နာကာတာနီ နှင့် ဖိလစ်ပိုင်ကာကွယ်ရေးဝန်ကြီး ဂီလ်ဘာတိုတီယိုဒိုရိုတို့ ပြီးခဲ့သည့် လ က စင်ကာပူတွင် တွေ့ဆုံချိန်၌ ယင်းအစီအစဉ်ကို သဘောတူခဲ့ကြောင်း သတင်းစာက ဖော်ပြသည်။
ယင်းအတွက် နောက်ဆုံးပြင်ဆင်မှုအနေဖြင့် ဖိလစ်ပိုင်ရေတပ် က ယခုနွေရာသီတွင် အဆိုပါ ဖျက်သင်္ဘောများအား စစ်ဆေးသွားမည်ဟုလည်း သတင်းက ဖော်ပြသည်။
သတင်းနှင့်ပတ်သက်၍ ဂျပန်ကာကွယ်ရေးဝန်ကြီးဌာန ပြောခွင့်ရပုဂ္ဂိုလ်က မှတ်ချက်မပေးခဲ့ကြောင်း ရိုက်တာသတင်းက ဖော်ပြသည်။
ထို့အတူ ဖိလစ်ပိုင် စစ်ဘက်ပြောရေးဆိုခွင့်ရှိသူ နှင့် တရုတ် နိုင်ငံခြား‌ရေးဝန်ကြီးဌာနကလည်း မှတ်ချက်ပေးရန် တောင်းဆိုမှုကို ချက်ချင်းမတုံ့ပြန်ခဲ့ကြောင်း ရိုက်တာက ဆိုသည်။
ဂျပန်အတွက် အရှေ့တရုတ်ပင်လယ် နှင့် ဖိလစ်ပိုင်အတွက် တောင်တရုတ်ပင်လယ်တွင် ပေကျင်း၏ ပို၍တွန်းတွန်းတိုက်တိုက်ဖြစ်လာသော လှုပ်ရှားမှုများနှင့် ရင်ဆိုင်နေရကြောင်း တိုကျိုနှင့် မနီလာတို့က ပြောကြားကြသည်။
နှစ်ဖက်စလုံး က ပူးတွဲ စစ်ရေးလေ့ကျင့်မှုများ လုပ်ဆောင်နေကြသလိုတပ်ဖွဲ့များ အခြားတစ်နိုင်ငံသို့ ပို့ဆောင်တပ်စွဲခွင့်အတွက်လည်း အပြန်အလှန် လက်မှတ်ရေးထိုးထားကြသည်။
အဘူကူမာ အတန်းအစား ဖျက်သင်္ဘောများသည် ပုံမှန်အားဖြင့် တန် ၂၀၀၀ လေးသော သေးငယ်သည့် ဖျက်သင်္ဘောများဖြစ်ပြီး တပ်ဖွဲ့ဝင် ၁၂၀ ခန့် လိုက်ပါနိုင်သည်။
သင်္ဘော နှင့် ရေငုပ် သင်္ဘော တိုက်ဖျက်ရေး ဒုံးကျည်များ နှင့် တော်ပီတို များသယ်ဆောင်နိုင်ကြောင်း သိရသည်။
ဖိလစ်ပိုင် ရေတပ်တွင် ဖျက်သင်္ဘောများ မရှိသေးဘဲ ဖရီးဂိတ် နှင့် ကော်ဗက် ကဲ့သို့ အခြားသေးငယ်သော စစ်သင်္ဘောများသာရှိကြောင်းသိရသည်။
သတင်း-ရဲမင်း
ကိုးကား-Reuters

#ယနေ့ထုတ်သတင်းစာ_နိုင်ငံတကာသတင်း
◼ ဘရာဇီးထိပ်သီးညီလာခံ၌ ခေါင်းဆောင်များ၏ ပူးတွဲကြေညာချက်ထုတ်ရန် ဘရစ်အုပ်စုသဘောတူ
ဘရာဇီးနိုင်ငံ ရီယိုဒီဂျနေးရိုးမြို့တော်၌ ကျင်းပနေသည့် ဘရစ်အုပ်စုထိပ်သီးညီလာခံ၌ အဖွဲ့ဝင်နိုင်ငံများမှ ခေါင်းဆောင်များ၏ ပူးတွဲကြေညာချက်တစ်ရပ်ကို ထုတ်ပြန်ရန်ဘရစ်အုပ်စုနိုင်ငံများမှ သံတမန်များကာ ဇူလိုင် ၅ ရက်တွင် သဘောတူထားကြောင်း သိရသည်။
ဘရစ်အုပ်စုထိပ်သီးညီလာခံကို ရိယိုဂျနေးရိုးမြို့တော်၌ ဇူလိုင် ၄ ရက်မှစ၍ ကျင်းပလျက်ရှိရာ တရုတ်နှင့် ရုရှားခေါင်းဆောင်များမှတစ်ပါး ကျန်အဖွဲ့ဝင်နိုင်ငံများမှ ခေါင်းဆောင်များ တက်ရောက်လျက်ရှိသည်။
အဆိုပါ ထိပ်သီးညီလာခံတွင် အဖွဲ့ဝင်အင်အားတိုးလာလင့်ကစား ယင်းထိပ်သီးညီလာခံ အတွက် အဖွဲ့ဝင်နိုင်ငံများမှ ခေါင်းဆောင်များ၏ ပူးတွဲကြေညာချက်ကို ထုတ်ပြန်နိုင်ရန် ဘရစ်အုပ်စု သံတမန်များက သဘောတူထားကြောင်း ဘရာဇီး အစိုးရသတင်းအရင်းအမြစ်များက ထုတ်ဖော်ပြောကြားထားသည်။
ဘရစ်အုပ်စုသည် ယခုနှစ်ဧပြီလအတွင်း ကျင်းပခဲ့သော ဘရစ်အုပ်စုနိုင်ငံခြားရေးဝန်ကြီးများ အစည်းအဝေး၌ ပူးတွဲကြေညာချက် ထုတ်ပြန်နိုင်ခဲ့ခြင်းမရှိပေ။ ဘရစ်အုပ်စုကို ၂၀၀၉ ခုနှစ်တွင် ဘရာဇီး၊ ရုရှား၊ အိန္ဒိယနှင့် တရုတ်နိုင်ငံတို့က စတင်ဖွဲ့စည်းတည်ထောင်ခဲ့ပြီး ၂၀၁၀ ပြည့်နှစ်တွင် တောင်အာဖရိကနိုင်ငံလည်း အဖွဲ့ဝင်အဖြစ် ထပ်မံပါဝင်လာခဲ့သည်။
သို့ရာတွင် ကရစ်အုပ်စုသည် အဖွဲ့အင်အား တိုးချဲ့ရေးအတွက် ကြိုးပမ်းလျက်ရှိရာ ပြီးခဲ့သည့်နှစ်အတွင်း အီဂျစ်၊ အီသီယိုးပီးယား၊ အင်ဒိုနီးရှား၊ အီရန်၊ဆော်ဒီအာရေဗျနှင့် အာရပ်စော်ဘွား များ ပြည်ထောင်စု(ယူအေအီး)တို့ကို အဖွဲ့ဝင် နိုင်ငံသစ်များအဖြစ် ထပ်မံလက်ခံခဲ့သည်။ အနောက်အုပ်စုနိုင်ငံများ၏ ကမ္ဘာ့ဩဇာကို တန်ပြန်ထိန်းချုပ်ရေးအတွက် ဘရပ်အုပ်စုကို မူလ အဖွဲ့ဝင်နိုင်ငံများ ကဖွဲ့စည်းခဲ့ခြင်းဖြစ်သည်။
ရိုက်တာ

‘LAST TRAIN TO NEW YORK’ ဟာ Train to Busan ရဲ့ Remake မဟုတ်ပါဘူး။
‘LAST TRAIN TO NEW YORK’ ဟာ Train to Busan Universe ထဲမှာပဲရှိတဲ့နောက်ဆက်တွဲဇာတ်ကားလို့ ဒါရိုက်တာ James Wan က ပြောပါတယ်။
ဖန်တီးမှုအရ ဒါဟာ Train to Busan ရဲ့ ကမ္ဘာထဲမှာ ဖြစ်ပျက်နေတာပါ… ဒီဇာတ်ကားကိုတော့ တစ်နေ့နေ့မှာ အကောင်အထည်ဖော်နိုင်မယ်လို့ မျှော်လင့်ပါတယ်” လို့ပြောပါတယ်။

Netflix ကနေ Troll 2 ထပ်ထွက်ပါမယ်။ လာမယ့် December 1 ရက်နေ့မှာပြသမှာဖြစ်ပြီး အရင်ကားရဲ့ အဆက်ဖြစ်ပါမယ်။
ဒါ့အပြင် Trailer ထဲမှာကြည့်ရသလောက်ဆိုရင် နောက်ထပ် Troll တစ်ကောင်ပါ ပါလာဦးမှာဆိုတော့ စုစုပေါင်း နှစ်ကောင်တွေ့ကြဦးမှာပါ။

Park Chan-wook ရဲ့ ‘OLDBOY’ နောက်ဆက်တွဲတစ်ခုကို ရိုက်ကူးနေတယ်လို့ သတင်းထွက်နေပါတယ်။

THE BOYS ရဲ့ နောက်ဆုံး Season ရိုက်ကူးမှုတွေ တရားဝင်ပြီးဆုံးသွားပြီးဖြစ်ပြီး ၂၀၂၆ နွေရာသီမှာစတင်ပြသမယ်လို့သိရပါတယ်။

“Squid Game” ရဲ့ ဖန်တီးသူက Season 3 ရဲ့ အဆုံးသတ်ကို အမေရိကန် spinoff တစ်ခုအတွက် ရည်ရွယ်ပြီး ရေးထားတာမဟုတ်ဘူးလို့ အတည်ပြုလိုက်ပါတယ်။
"ကျွန်တော်က အဲဒီဇာတ်ဝင်ခန်းကို ရှိုးအတွက် ထိရောက်တဲ့ အဆုံးသတ်ဖြစ်စေချင်လို့ ရေးခဲ့တာပါ၊ တခြားဘာ အတွက်မှ ရည်ရွယ်ပြီးလုပ်တာမဟုတ်ဘူး " လို့ပြောလာပါတယ်။

Privacy · Terms · Advertising · Ad choices · Cookies · · Meta © 2025
Posts
The Standard Time Daily

22m ·
#ယနေ့ထုတ်သတင်းစာ_အားကစားသတင်း
◼ ပါရာဂွေးလူငယ်ခံစစ်ကစားသမား ဒီယေဂိုလီယွန်ကို မန်ယူအသင်း အပြီးသတ်ခေါ်ယူ… See more


The Standard Time Daily

1h ·
#ယနေ့ထုတ်သတင်းစာ_နိုင်ငံတကာသတင်း
◼ ထိုင်ဝမ်ရေလက်ကြား၌ တတိယမြောက်လေကြောင်းလမ်းခွဲသစ် တရုတ်ဖွင့်လှစ်
တရုတ်နိုင်ငံသည် ထိုင်ဝမ်ရေလက်ကြားဒေသ၌ အမ်- ၅၀၃ လေကြောင်းလမ်း၏ လမ်းခွဲ သစ်တစ်ခုကို ထပ်မံဖွင့်လှစ်ထားကြောင်း ဇူလိုင် ၆ရက် သတင်းများတွင် ရေးသားတင်ပြထားသည်။
တရုတ်အစိုးရက ထပ်မံဖွင့်လှစ်လိုက်သော အမ်-၅ဝ၃ လေကြောင်းလမ်း လမ်းခွဲသစ်သည်တရုတ်နိုင်ငံနှင့် တရုတ်(တိုင်ပေ) တို့ကို ပိုင်းခြားပေးထားသော တရားမဝင်နယ်စပ်မျဉ်း၏ အနောက်ဘက်တွင် တည်ရှိကြောင်းသိရသည်။
ထိုင်ဝမ်ရေလက်ကြားပောင်၌ တရုတ်နိုင်ငံက လေကြောင်းလမ်းသစ်ထပ်မံဖွင့်လှစ်မှုကို ထိုင်ဝမ်ရေလက်ကြား တည်ဆဲအခြေအနေကို ပြောင်းလဲရန်ရည်ရွယ်ချက်ဖြင့် ပြုလုပ်ခဲ့သော တစ်ဖက်သတ်လုပ်ရပ်ဖြစ်ကြောင်း တရုတ်(တိုင်ပေ) တာဝန်ရှိသူများက ဝေဖန်ထားသည်။
တရုတ်နိုင်ငံက ဇူလိုင် ၆ ရက်တွင် ဖွင့်လှစ်ခဲ့သော ဒ​ဗလျူ - ၁၂၁ အမည်ရှိ လမ်းခွဲသစ်သည် အမ် - ၅၀၃ လေကြောင်းလမ်း၏ တတိယမြောက် လေကြောင်းလမ်းခွဲသစ် ဖြစ်သည်။
တရုတ်နိုင်ငံသည် အမ်-၅၀၃ လေကြောင်းလမ်းတွင် ဒ​ဗလျူ -၁၂၂၊ ဒဗလျူ - ၁၂၃ နှင့် ဒဗလျူ - ၁၂၁ အမည်ရှိ လမ်းခွဲသစ်များကို ဖွင့်လှစ်ထားသည်။
တရုတ်နိုင်ငံသည် တရုတ်(တိုင်ပေ)ကို ပြည်မကြီးအချုပ်အခြာပိုင်နယ်မြေအဖြစ် မှတ်ယူထားပြီး ပြည်မကြီးနှင့် ပြန်လည်ပေါင်းစည်းရေးအတွက် စစ်ရေးအရရော သံတမန်ရေးအရပါ ဖိအားပေးလျက်ရှိသည်။
ရိုတ်တာ

‘INTERSTELLAR’ ဟာ ၂၁ ရာစုရဲ့ အကောင်းဆုံး ရုပ်ရှင်ဖြစ်လာခဲ့ပါပြီ
ဒါကို ဟောလိဝုဒ်က သရုပ်ဆောင်၊ ဒါရိုက်တာ၊ ဇာတ်ညွှန်းရေးသူတွေနဲ့ နာမည်ကြီး ပုဂ္ဂိုလ်ပေါင်း ၅၀၀ ကျော်က အသိမှတ်ပြုပြောထားတာဖြစ်ပါတယ်။