ကိုယ့်အပေါ်မကောင်းတဲ့ ဆက်ဆံရေးတွေကို ဖြတ်တောက်နိုင်ဖို့ ကြိုးစားမယ် ။ မာယာတွေများတဲ့ လူတွေကြားမှာ စိတ်ချမ်းသာစွာ နေထိုင်နိုင်ဖို့က ကိုယ့်အပေါ်ပဲ မူတည်တာပါ ။ အတ္တစိတ်တွေ များလာတယ် ။ မာန်မာနတွေ ပေါများလာကြပြီး ကိုယ်ချင်းစာတရားတွေ တဖြည်းဖြည်း ပပျောက်လာကြတယ် ။ လှည့်စားတတ်ကြတဲ့ လောကကြီးမှာ လိမ်လည်လှည့်ဖျားခြင်း မခံရဖို့ အတော်အသင့်တော့ ပါးနပ်နေရမယ် မဟုတ်လား... ။
ကိုယ့်အပေါ် မကောင်းတဲ့သူတွေ ၊ တစ်နည်းအားဖြင့် ပြော ရရင် ကိုယ့်အတွက် မလိုအပ်တဲ့ ဆက်ဆံရေးတွေအပေါ်မှာ ပြတ်သားရမယ် မဟုတ်လား ။ အပေါ်ယံ ကောင်းပြတတ်တဲ့ မျက်နှာဖုံးတွေကို ကျော်ပြီး စစ်မှန်သော မျက်နှာကို
မြင်အောင် ကြည့်တတ်ဖို့ တစ်ခါတလေ အလွယ်တကူ ယုံကြည်တတ်တဲ့ အကျင့်လေးကိုလည်း ပြင်ရဦးမယ် ။
အခုချိန်ကစလို့ ကိုယ်ချင်းစာစိတ်အပြည့်နဲ့ လူတိုင်းအပေါ်ကို ရိုးသားမယ် ။ ကိုယ့်အပေါ် မကောင်းတဲ့ ဆက်ဆံရေးတွေကို ဖြတ်တောက်နိုင်ဖို့ ကြိုးစားမယ် ။
#အေးချမ်းစွာရှင်သန်ခြင်း #သဟာဆွေလှိုင်း

“ မောင်က
လိုက်ခဲ့ဟု
ခေါ်တုန်းကလည်း
မောင့်ဘေးမှာ ကျွန်မပါသည် ။
မောင်က
နေရစ်ခဲ့ဟု
ဆိုပြန်တော့လည်း
မောင် စိတ်အနှောက်အယှက်ဖြစ်မည့်
စာတစ်စောင်
စကားတစ်ခွန်းမျှ
မောင် မကြားစေရဘဲ
ကျွန်မ ငြိမ်သက်စွာ
နေရစ်ခဲ့တာ အမှန်ပါပဲ ။
အဲ့သည်အထိ
ကျွန်မ မောင့်ကို
ချစ်မြတ်နိုးခဲ့ပါသည် မောင် ”
#ဂျူး #အမှတ်တရ

စိတ်အမှိုက်တွေ ရှင်းထုတ်ဖို့ ၊ စဉ်းစားတဲ့ပုံစံကို ပြောင်းလဲတတ်ဖို့ သင်ယူရပါမယ် ။ လွယ်တဲ့အလုပ်တော့ မဟုတ်ပါဘူး ။ ဒါပေမဲ့ မဖြစ်နိုင်တာတော့ မဟုတ်ပါဘူး ။ ကျွန်မရဲ့ ကိုယ်ပိုင်အတွေ့အကြုံအရ မကောင်းတာတွေကို အာရုံစိုက်မယ့်အစား ကောင်းတာတွေကို အာရုံစိုက်တာက ဘဝကို အကောင်းတွေအများကြီး ယူဆောင်လာပေးမယ် ဆိုတာ ကျွန်မ ပြောနိုင်ပါတယ် ။
အောင်မြင်ပျော်ရွှင်နေသူတွေက ဘာတွေကိုစဉ်းစားပြီး အချိန်ကုန်ဆုံးတတ်ကြတယ်လို့ စာဖတ်သူ ထင်ပါသလဲ။ အဖြေကတော့ တကယ်ကို ရိုးရိုးလေးပါ ။ အဲဒီလူတွေက သူတို့အတွက် သူတို့ချမှတ်ထားတဲ့ ပန်းတိုင်တွေနဲ့ အဲဒီပန်းတိုင်တွေကို ဘယ်လို အောင်မြင်အောင် လုပ်ဆောင်ရမလဲဆိုတဲ့အကြောင်း တွေးတောပါတယ်။
အဲဒီအတွေးတွေက သူတို့ရဲ့စိတ်ကို မကောင်းတဲ့အတွေး တွေ မဝင်လာအောင် အကာအကွယ် ပေးထားပြီး အောင်မြင်မှုဆီ တွန်းပို့ပေးတဲ့ အကောင်းမြင် သဘောထားတွေ ဖြစ်ပေါ်လာအောင် ကူညီပေးပါတယ် ။ အဲဒီအရာတွေရဲ့ တခြားတစ်ဖက်မှာ မကောင်းမြင်သူတွေက သူတို့မှာ မရှိတဲ့အရာတွေနဲ့ ဘဝမှာ သူတို့မလိုချင်တဲ့ အရာတွေအကြောင်း စဉ်းစားရင်း ၊ ပြောဆိုရင်း နဲ့ အချိန်ကုန်တတ် ကြပါတယ် ။ အဲဒီအတွေးတွေက သူတို့ကို စိတ်မချမ်းမမြေ့ဖြစ်စေပြီး စိတ်ဓာတ်တွေ ကျစေပါတယ် ။
#ထက်ထက်တင်ဇာ

ကိုယ့်ဘက်က စမခေါ်ရင် တိတ်ဆိတ်သွားတဲ့ ဆက်ဆံရေးတွေချည်းပဲ ။ ဆက်ဆံရေးအားလုံးမှာ ကိုယ့်ဘက်ကပဲ အနစ်နာခံတာ များပါတယ် ။ သာတယ် ၊ နာတယ် စိတ်ထဲ မရှိပါဘူး ။ ရင်းနှီးတဲ့လူတွေ့ရင် နှုတ်ဆက်လိုက်တာပဲ ။ ကိုယ့်ဘက်က စမခေါ်မိရင် ငြိမ်သက်သွားတဲ့ ပေါင်းသင်းဆက်ဆံရေးတွေ များတယ် ။ တရင်းတနှီး ပြောဆိုနေမိလို့ ထင်ပါရဲ့ ။ တန်ဖိုးမထားကြဘူး ။
အနားမှာရှိတဲ့သူတွေရော ၊ အဝေးရောက်ပြီး မတွေ့ဖြစ်တဲ့သူတွေရော ကိုယ်က စပြီး မခေါ်ရင် သူစိမ်းတွေပါပဲ ။ ကိုယ့်ဘက်ကမှ စပြီး စာမပို့ရင် ဆောင်းတွင်းဘက်ကို ရောက်နေတဲ့ Conversation တွေလည်း ရှိသေးတယ် ။ ခဏလောက် အဆက်သွယ်ဖြတ်ကြည့်ပြီးပြီ ကျွန်တော် မရှိလည်း အဆင်ပြေနေကြတာပဲ ။
ကိုယ်ဟာ သူတို့အတွက် လူပိုကြီးဖြစ်နေခဲ့တာလား ။ အဲဒီတော့ ကိုယ့်ကို လိုအပ်တဲ့ လူနည်းစုကိုပဲ တန်ဖိုးထားပြီး
အရင်ထက် ပိုဂရုစိုက်တော့မယ် ။ တော်တော်များများက ကိုယ့်ဘက်က စမခေါ်ရင် တိတ်ဆိတ်သွားတဲ့ ဆက်ဆံရေးတွေကို လက်လွှတ်လိုက်ပြီ ။
#အေးချမ်းစွာရှင်သန်ခြင်း #သဟာဆွေလှိုင်း

Alaska ပြည်နယ်ထဲက Whittier ဆိုတဲ့ မြို့ငယ်လေးတစ်မြို့မှာ နေထိုင်သူ ၂၁၇ ဦးဟာ Begich Towers လို့ လူသိများတဲ့ ၁၄ ထပ် အဆောက်အအုံတစ်ခုတည်းမှာသာ နေထိုင်ကြပါတယ် မူလက အဲ့ဒီအဆောက်အဦးကိုဒုတိယကမ္ဘာစစ်အတွင်း စစ်တပ်အတွက် ဆောက်လုပ်ခဲ့ခြင်းဖြစ်ပြီး ယခုအခါမှာတော့ ၎င်းအဆောက်အအုံဟာကိုယ်ပိုင်မြို့ငယ်လေးတစ်ခုအဖြစ်ရှိနေပါတယ်

ထူးခြားတာက အဲ့ဒီအဆောက်အဦးထဲမှာ စာသင်ကျောင်း၊ ကုန်စုံဆိုင်၊ စာတိုက်၊ ဘုရားကျောင်း၊ ဆေးရုံ နဲ့ ရဲစခန်းတွေပါရှိပါတယ် ဒါကြောင့် နှင်းထဲကို ခြေတစ်လှမ်းမျှ လှမ်းစရာမလိုဘဲ ဓာတ်လှေကား တစ်ခုထဲနဲ့ အဲ့ဒီနေရာတွေကို သွားနိုင်ပါတယ်

#knowledge #ဗဟုသုတ

လက်ရှိကမ္ဘာပေါ်မှာအကြီးဆုံး သဲကန္တာရဖြစ်တဲ့ ဆာဟာရသဲကန္တာရဟာ လွန်ခဲ့တဲ့ နှစ်ပေါင်းထောင်ချီက ရေကန်တွေ၊ မြစ်တွေ နဲ့ သာယာဝပြောတဲ့ တိရစ္ဆာန်တွေ ပြည့်နှက်နေတဲ့စိမ်းလန်းစိုပြည်တဲ့ မြေမျက်နှာပြင်တစ်ခုဖြစ်ခဲ့ပါတယ် ဒီလိုပြောင်းလဲမှုဟာ သဘာဝရာသီဥတုစက်ဝန်းရဲ့ တစ်စိတ်တစ်ပိုင်းကြောင့်ဖြစ်ပြီး အဲဒီအရာတွေက ဒေသတွင်း မိုးရွာသွန်းမှုပုံစံကိုပါပြောင်းလဲစေခဲ့ပါတယ်
လက်ရှိမှာတော့ ဆာဟာရသဲကန္တာရဟာ ခြောက်သွေ့တဲ့ကာလကို ရောက်နေပေမဲ့ သိပ္ပံပညာရှင်တွေကတော့ နောက်နှစ်ပေါင်း ၁၅,၀၀၀ လောက်ကြာရင် မုတ်သုန်မိုးတွေနဲ့အတူ ရေကန်တွေလည်းဖြစ်ပေါ်လာပြီးတစ်ဖန်ပြန်လည် စိမ်းလန်းစိုပြည်လာမယ်လို့ ခန့်မှန်းထားပါတယ်
#knowledge #ဗဟုသုတ

၁၉၆၀ ပြည့်လွန်နှစ်တွေတုန်းက ဆိုင်ကယ်နဲ့ပတ်သက်တဲ့နည်းပညာရပ်မှာ ထူးခြားတဲ့တီထွင်မှုတစ်ခုပေါ်ပေါက်ခဲ့ပါတယ် အဲ့တာကတော့ ဦးထုပ်ဆက်သွယ်ရေးစနစ် ဘဲဖြစ်ပါတယ် စီးနင်းသူ နဲ့ နောက်ကလိုက်ပါသူတို့ဟာ ဦးထုပ်တစ်ခုကနေ နောက်တစ်ခုကို ချိတ်ဆက်ထားတဲ့ စကားပြောပိုက် ကနေတစ်ဆင့် အဆက်မပြတ် ဆက်သွယ်ပြောဆိုနိုင်ခဲ့ပါတယ် Bluetooth နဲ့ intercom စနစ်တွေ မပေါ်ခင်ကာလတုန်းကတော့ ဒါဟာ လမ်းပေါ်မှာ ကြိုးမဲ့ဆက်သွယ်မှုနဲ့ အနီးစပ်ဆုံး ပုံစံတစ်ခုဘဲဖြစ်ပါတယ်
ဒီနေ့ခေတ်မှာ ကြည့်ရင်တော့ ထူးဆန်းနေနိုင်ပေမဲ့ ဒါဟာ လူတွေပြဿနာတွေကို ဘယ်လောက်အထိ တီထွင်ဖန်တီးပြီး ဖြေရှင်းခဲ့ကြတယ် ဆိုတာကို ပြသနေပါတယ် ဆိုင်ကယ်အတူစီးတဲ့အခါ အင်ဂျင်သံနဲ့ လေတိုက်နှုန်းကြောင့် အော်ဟစ်ပြောဆိုရတာမျိုး ဖြစ်တတ်တာမို့ အဲဒီခေတ်ကာလအတွက်တော့ ဒါဟာ ဆိုင်ကယ်စီးတဲ့အခါအချင်းချင်းဆက်သွယ်ပြောဖို့ ဉာဏ်ကြီးရှင်ဆန်တဲ့ နည်းလမ်းတစ်ခုဖြစ်ခဲ့ပါတယ်
#knowledge #ဗဟုသုတ

​ရေဝက်ဝံ​လေး(Tardigrade)

Tardigrade (သို့) Water bear - ​ရေဝက်ဝံလို့ ဘာသာပြန်ဆိုကြတဲ့ ဒီအ​ကောင်​လေး​တွေက​တော့ အာကာသထဲမှာ အသက်ရှင်နိုင်ကြပါတယ်။ ၂၀၀၇ ခုနှစ်မှာ စမ်းသပ်ခဲ့ကြပြီး သူတို့က အာကာသထဲမှာ ရှင်သန်နိုင်တယ်လို့ ​သိရှိရတဲ့ ပထမဆုံး အ​ကောင်​လေး​တွေလဲ ဖြစ်ပါတယ်။

Water bear ​လေး​တွေက အာကာသထဲမှာ​ပဲ မဟုတ်၊ ကမ္ဘာ​မြေ​​ပေါ်မှာလဲ​အောက်စီဂျင်မလိုအပ်ဘဲ၊ ရှင်သန်နိုင်တဲ့ Microscopic အ​ကောင်​လေး​တွေပါ။ အပူဒဏ်၊ အ​အေးဒဏ်၊ ​ဓါတ်ရောင်ခြည်၊ စတဲ့ အ​ခြေအ​နေ အမျိုးမျိုးကို ခံနိုင်ရည်ရှိပါတယ်။

ကမ္ဘာ​မြေ​ပေါ်မှာ​တော့ Water bear ​လေး​တွေက သမုဒ္ဒရာ၊ ​ရေအိုင်​တွေ၊ ​ရေညှိ၊ ​ရေ​မှော်​တွေမှာ ကျက်စားကြပါတယ်။ ​​တော်​တော်​လောက်ကို ​ဆိုးရွားတဲ့ ပတ်ဝန်းကျင်​ဒေသ​တွေမှာ​တောင် ရှင်သန်နိုင်ပါတယ်။

နှစ်စဉ်နှစ်တိုင်း သန်းပေါင်းများစွာသော ဂဏန်းတွေဟာ ဩစတြေးလျနိုင်ငံရဲ့ ခရစ်စမတ်ကျွန်းတစ်လျှောက် ရွှေ့ပြောင်းသွားလာကြပြီး သဘာဝရဲ့ အထူးခြားဆုံး
ဂေဟစနစ်တစ်ခုကို ဖန်တီးပေးနေပါတယ်
ဒါကြောင့် ဩစတြေးလျအာဏာပိုင်တွေဟာ ဂဏန်းတွေကို ဘေးအန္တရာယ်မဖြစ်စေဖို့ သူတို့အတွက် သီးသန့်တံတားတွေကို တည်ဆောက်ပေးခဲ့ကြပါတယ် ဒီတံတားတွေဟာ ဂဏန်းတွေ အများအပြား ရွှေ့ပြောင်းချိန်မှာ လမ်းမတွေပေါ် ဘေးကင်းစွာ ဖြတ်ကူးနိုင်အောင် ကူညီပေးပါတယ်
#knowledge #ဗဟုသုတ

👉စက်သုံးဆီ(ရန်ကုန်)
Octane 92 - ၃၀၁၅ ကျပ်
Octane 95 - ၃၀၇၅ ကျ​ပ်
Diesel - ၂၆၃၅ ကျပ်
Premium Diesel - ၃၂၆၅ ကျပ်