ကိုရီးယား ၀က်သားကင် (ဝက်ဆလပ်ထုပ်)
------------------------------------------------
ကိုရီးယားကားတွေထဲကလို ဆလတ်ရွက်ထဲ ၀က်သားကင်၊ ငရုတ်သီး၊ ကြက်သွန်ဖြူ ထည့်၊ ဆလတ်ရွက်လေးနဲ့ထုပ်ပြီး စားတာမြင်ပြီးကတည်းက စားချင်နေတဲ့သူလေးတွေအတွက် မိသားစုနဲ့ပဲဖြစ်ဖြစ်၊ သူငယ်ချင်းတွေနဲ့ပဲဖြစ်ဖြစ် ကိုယ်တိုင်လုပ်စားလို့ရအောင် အရမ်းကောင်းတဲ့ ကိုရီယားစတိုင် ၀က်သားကင်နည်းလေးပါနော်...🧑🍳🧑🍳
#newyearseve အမီတင်ပေးလိုက်ပါတယ်ရှင့်...🥰❤️
ပါ၀င်ပစ္စည်းများ
၁။ ၀က်သား သုံးထပ်သား – ၃၀၀ ဂရမ် (ခပ်ပါးပါးလှီးပေးပါ)
၂။ ဆလတ်ရွက် – ၁စည်း (ရေစင်အောင် ဆေးထားပါ)
၃။ ငရုတ်သီးစိမ်း တောင့်ရှည် – ၁ခု (ပါးပါးလှီးပါ)
၄။ ကြက်သွန်ဖြူ – ၄ခု ( အရှည်ပါးပါးလှီးပါ)
နုပ်နုပ်စင်းထားရန် ပါ၀င်ပစ္စည်းများ
၁။ သစ်တော်သီး – ၁လုံး (ပါးပါးလှီးထားပါ)
၂။ ကြက်သွန်နီ – ၂လုံး (ပါးပါးလှီးပါ)
၃။ ကြက်သွန်ဖြူ – ၄မွှာ (နှုတ်နှုတ်စဉ်းပါ)
၄။ ကြက်သွန်မြိတ် – ၁စည်း (ပါးပါးလှီးပါ)
၅။ သကြား – စားပွဲတင်ဇွန်း ၁ဇွန်း
၆။ ပျားရည် – စားပွဲတင်ဇွန်း ၁ဇွန်းခွဲ
၇။ ငရုတ်ကောင်းမှုန့် – အနည်းငယ်
၈။ နှမ်းဆီ – လက်ဖက်ရည်ဇွန်း ၂ဇွန်း
၉။ ကိုရီယား ငရုတ်သီးအနှစ် – စားပွဲတင်ဇွန်း ၃ဇွန်း
ကင်နည်း
၁။ နုပ်နုပ်စင်းထားရန် ပါ၀င်ပစ္စည်းများဖြစ်သော (သစ်တော်သီး၊ ကြက်သွန်နီ၊ ကြက်သွန်ဖြူ)တို့ကို ကြိတ်စက်(blender) ဖြင့် ကြေညက်အောက် ကြိတ်ပေးပါ။
၂။ ပြီးနောက် ဇလုံတစ်ခုထဲ (၀က်သား၊ ကြိတ်ထားသော သစ်တော်သီး၊ ငရုတ်သီးနှစ်၊ သကြား၊ ပျားရည်၊ ငရုတ်ကောင်းမှုန့်၊ နှမ်းဆီ၊ ကြက်သွန်မြိတ်) တို့ကို ထည့်လိုက်ပါ။
၃။ နုပ်ရန်ပါ၀င်ပစ္စည်း အားလုံးကို သမအောင် ရောနယ်ပြီး ရေခဲသေတ္တာအောက်ထပ်တွင် အနည်းဆုံး နာရီ၀က်ခန့် နှပ်ထားပေးပါ။
၄။ ပြီးမှ မီးကင်ပြားကို ဆီအနည်းငယ်သုတ်ပြီး ၀က်သားများကို ကျက်သည်အထိ တစ်ဖက် ၅-၆ မိနစ်နှုန်းဖြင့် ကင်ပေးပါ။
၅။ ၀က်သားကင်များရပြီဆိုလျှင် ဆလတ်ရွက်ထဲ ၀က်သားကင်၊ ငရုတ်သီးတောင့်ရှည်၊ ကြက်သွန်ဖြူ ထည့်၍ ထုပ်ပြီး သုံးဆောင်လို့ရပါပြီရှင်…😋🤤
#crd_wutyee
#deliciousfoods
