အချစ်ဆိုတာကလည်း
တကယ်တော့ မနောဓာတ်နဲ့
စည်းနှောင်တဲ့ ခမည်းကြိုးတစ်ကြိုးပါပဲ"
ဆရာမ ခင်ခင်ထူးကိုယ်တိုင်ကြုံခဲ့ရတဲ့
မြို့ငယ်လေးက စာပေဟောပြောပွဲတစ်ခုကိုသွားရင်း စိတ်ဝင်စားဖွယ် ဂမ္ဘီရဆန်ဆန်နောက်ကွယ်က ဇာတ်လမ်းတွေကို အခြေခံပြီး ၁၁လကြာ ရေးသား ဖန်တီးယူထားပြီး မဂ္ဂဇင်းမှာ ဖော်ပြထားတယ်လို့လည်း သိရပါတယ်..
ရိုးရာ၊ စုန်း ကဝေ၊ နတ်တွေအကြောင်း၊ အပင်းသွင်းတာ ပယောဂ ကုတာ စတဲ့အရာတွေနဲ့ အတူ
အနေအေးတဲ့မိန်းမသားတစ်ယောက်က
ချစ်မိလာရင်
အရာအားလုံးကို ရင်ဆိုင်ကျော်ဖြတ်မယ်ဆိုတဲ့
အလိုလို သတ္တိတွေရှိလာပြီး
အလုပ်ထဲမှာပဲ အာရုံနှစ်ထားကြတဲ့
အပျိုကြီး၊ လူပျိုကြီးတို့ရဲ့
ချစ်ခြင်းမေတ္တာအကြောင်းတွေ❤️
ဒီစာအုပ်ထဲမှာ..ဇာတ်ကောင်တွေ အများကြီး ထည့်သွင်းပုံဖော်ထားပေမယ့်
ဇာတ်ကောက် တစ်ခုနဲ့တစ်ခု
ရှုပ်ထွေးသွားခြင်းမရှိပဲ
ရေးဆွဲတဲ့ဇာတ်ကောင်တွေရဲ့ ဇာတ်ရုပ်တွေကို
အချိတ်အဆက်မိမိ ပုံဖော်နိုင်ခြင်းက
စာအုပ်ဇာတ်လမ်းအစကနေ အဆုံးထိကို
လက်က မချနိုင်လောက်တဲ့ထိ
ဆရာမခင်ခင်ထူးက
ဆွဲခေါ်သွားနိုင်တယ်👏
ဇာတ်ကောင် ခင်စောမူတစ်ယောက်
အလုပ်တာ၀န်နဲ့ သစ်စခန်းတစ်ခုကို
စားရင်းစစ်ဖို့ ခရီထွက်လာရင်း
ရထားပေါ်မှာ ခရီးသွားဟန်လွဲ
ဆုံခဲ့ရတဲ့ ပညာသည်လိုလို၊
ထူးဆန်းတဲ့ အမေကြေးစည်ဆိုသူနဲ့ ဆုံပြီး
(ခန္ဒာကိုယ်က ၆၀ကျော်အရွယ်အဘွားအိုလို ဖြစ်ပြီး မျက်နှာက အလွန်နုပျိုတဲ့ အသက် ၃၀အရွယ်မိန်းမပျိုမျက်နှာတဲ့..ထူးဆန်းလေစွ)
တစ်လမ်းလုံး အိပ်ငိုက်လာလိုက်
ထူးဆန်းတဲ့စကားတွေပြောလာလိုက်နဲ့
နောက်ဆုံး ခင်စောမူ ဆင်းရမယ့်ဘူတာရောက်လို့
အထုတ်ပိုးတွေသယ် ဘူတာဆင်းမှ
" သမုန်းကျင်းက စောညွန့်ကို ပေးလိုက်စမ်းပါ" ဆိုပြီး ဆယ်ပြားစေ့သာသာ အဆောင်ကျောက်ပြားလေးကို ပစ်ပေးခဲ့ရာကနေ
စောညွှန့်ဆိုတဲ့အမျိုးသမီး ရှာပုံတော်မှာ
လျို့ဝှက်ဆန်းကြယ်၊ သည်းထိပ်ရင်ဖိုစရာတွေနဲ့
နတ်ဆရာလိုလို ဓာတ်ဆရာလိုလို အပင်းကုတဲ့ဆရာလိုလိုနဲ့
ဒေါ်ခင်မေသီရဲ့ သရဲမွေးထားတဲ့
ခြောက်ခြားဖွယ်ရာ
အိမ်ကြီးထဲက လျှိုဝှက်ချက်တွေ....
သိုက်ကလာတယ် စကားမပြောဘူး ဆိုသလို
၇နှစ်အရွယ်ထိစကားမပြောတဲ့ ဥစ္စာစောင့်လိုလို ရုပ်ရည်အရမ်းချောမောလှပတဲ့
အပမီနေသလို အပြုစားခံရသလိုဖြစ်နေတယ်ဆိုတဲ့ ဒန်းပွင့်ဆိုတဲ့ မိန်းကလေးနဲ့
နွားလှည်းမောင်းသမားလေး
မောင်ပုည တို့ရဲ့အချစ်ဇာတ်လမ်း...
ဒန်းပွင့်ရဲ့ အမွေတွေကို သိမ်းပိုက်ချင်တာကြောင့်
လောဘခိုးတွေဝေနေတဲ့
အာကြမ်း၊လျှာကြမ်း၊လူကြမ်း၊စိတ်ကြမ်းတဲ့
အဒေါ်အပျိုကြီး ၃ယောက်အကြောင်း
ဘိုတဲမှာ ကုလားမနှစ်ယောက်သေလို့
သရဲခြောက်တယ်ဆိုတဲ့
ဘန်ဂလိုကြီးဆီက ဖြူဖြူနဲ့ကုလားမနှောက်ကို
ညတွေဆိုမြင်ရတယ်ဆိုပြီး
ဘယ်သူမှမသွားရဲပေမယ့်
ပိန်လှီကြုံသေးတဲ့ ဘူတာရုံပိုင်က
ညသန်းကောင်
ဘိုတဲ့ရှေ့ အဝိုင်း သွားဝိုင်းပြီး
သူ့အမည်ပါရေးခဲ့တယ်ဆိုလို့
ဘယ်ချိန် ကုလားမနှစ်ယောက်မြင်ရမလဲဆိုပြီး
ရင်တထိပ်ထိပ်ဖတ်ရတာတွေ
(ဖတ်တဲ့ချိန်ကလဲ ညနက် ၂နာရီထိုးကြီး)
သစ်စခန်းထဲက ရှေ့မီနောက်မီ လူကြီးတွေနဲ့ ဝိုင်းဖွဲ့ပြောဖြစ်တဲ့ စကားဝိုင်းလေးကနေ လူကြီးတွေရဲ့ အတွေ့ကြုံတွေ ၊မမြင်နိုင်တဲ့ ပရလောကအကြောင်းတွေ၊ ဂမုန်းပင်တွေအကြောင်း
ခင်စောမူနေရာကနေ
ကိုယ်တိုင် အစနကောက်ပြီး၊ တွေးခေါ်စဉ်းစားပြီး
ကိုယ်တိုင်ပဲ ဒီဇာတ်လမ်းထဲက ခင်စောမူနေရာရောက်သွားတဲ့ထိ ခံစားရတဲ့ စာအုပ်
ဇာတ်လမ်းကို နောက်ဆုံးထိဆွဲခေါ်သွားစေတာက
ကိုယ်တိုင် စပ်ဆက်တွေးခေါ်စဉ်းစားရတာပါပဲ
ခင်စောမူက လူကြုံပေးလိုက်တဲ့ ကြေးပြားအဆောင်လေးတစ်ခုအတွက်နဲ့
စောညွှန့်ဆိုတဲ့အမျိုးသမီးကို
ရသမျှ သတင်းအစအနအကုန် လိုက်ဖမ်းပြီး
စုံစမ်းထောက်လှမ်းတာတွေက
နောက်ဆုံးမှာတော့
သူကိုယ်တိုင် စောညွှန့်မိသားစုက သွေးရင်းသားရင်းတစ်ယောက်
ဖြစ်နေလို့ဆိုတာနဲ့တင်
ဇာတ်သိမ်းအလွန်လှခဲ့ရောပဲ👏
လူသေမှုတွေရဲ့ နောက်ကွယ်တရားခံက
ဘယ်သူလဲဆိုတာရယ်❓
၁၇နှစ်အရွယ်
အချစ်ဦးနဲ့လွဲခဲ့တဲ့ စောညွှန့်တစ်ယောက်
အချစ်ဦးနဲ့ တစ်ပုံစံထဲ တူတဲ့ တူတော်မောင်ကို တွေ့ရတော့ အသက် ၅၀အရွယ်ထိ
မမေ့နိုင်သေးတဲ့ အချစ်ဦးနဲ့
ပြန်ဆုံမှာလားဆိုတာရယ်❓
သစ်တောက စာရင်းတွေသာမက
သမုန်းကျင်းကလူတွေအကြောင်း
စုံထောက်ဆန်ဆန်
အမှုစစ်ဆေးသလို
အသေးစိတ်၊အချက်ကျကျ၊ကွင်းဆက်မိမိ နဲ့
လိုက်လံစူးစမ်းတဲ့ အပျိုကြီးခင်စောမူ
လုပ်သမျှကို
အနောက်ကနေ မငြီးမညူနဲ့
လိုအပ်တာအကုန် စိတ်ရှည်ရှည်နဲ့ ဖြည့်ဆည်းပေးတဲ့ လူပျိုကြီးသစ်တော့အရာရှိ၀န်ထောက်မင်းနဲ့ရော ဖူးစာစုံမလားဆိုတဲ့❓
မေးခွန်းတွေက
စာမျက်နှာ ၄၀၀ကျော်ထိ
ကိုယ်တိုင် စဉ်းစားအဖြေရှားရင်း
25.10.2024
10:15 PM
KLH
#ဆရာမခင်ခင်ထူး
#ခမည်းကြိုး
