ကမ္ဘာ့ပထမဆုံး 10G အင်တာနက် တရုတ်မှာ စတင်
မေလ ၂၀ ရက်နေ့က တရုတ်နိုင်ငံမြောက်ပိုင်း ဟဲပေခရိုင် ရှုံအန်းမြို့မှာ 10G broadband အင်တာနက် စတင်ဖြန့်ကြက်ခဲ့ပါတယ်။
ဒီကွန်ရက်လွှင့်တင်ဖို့ Huawei နဲ့ တရုတ်တယ်လီကွန်းကုမ္ပဏီ China Unicom တို့ ပူးပေါင်းဆောင်ရွက်ခဲ့ရတာလို့ ဆိုပါတယ်။ 10G broadband ဆိုတာက တစ်စက္ကန့်မြန်နှုန်း 10 gigabit ထွက်တဲ့ အင်တာနက်ကို ပြောတာပါ။
အခု တရုတ်ရဲ့ 10G ဖိုက်ဘာအင်တာနက်က download မြန်နှုန်း 9834 Mbps (10Gbps နီးပါး) နဲ့ Upload မြန်နှုန်း 1008 Mbps အထိ ရောက်ပြီး လိုင်းကြန့်ကြာမှု latency ၃ မီလီစက္ကန့်ပဲ ရှိမယ်လို့ ပြောပါတယ်။
ကမ္ဘာမှာ အိမ်သုံး broadband အင်တာနက်အမြန်ဆုံးဆိုတဲ့ UAE နဲ့ စင်ကာပူရဲ့ ပျမ်းမျှ speed တောင် 313.5 Mbps နဲ့ 345.3 Mbps ပဲ ရှိတာနဲ့ နှိုင်းယှဉ်ကြည့်လို့ ရပါတယ်။
မြန်နှုန်းအရ တရုတ်ရဲ့ 10G ကွန်ရက်က 20GB ရှိတဲ့ အကြီးစား 4K ရုပ်ရှင်တစ်ကားကို စက္ကန့် ၂၀ အတွင်း ဒေါင်းလုပ်ဆွဲနိုင်မယ်လို့ ဆိုပါတယ်။ ဒီဖိုင်ဆိုဒ်ကို 1Gbps လိုင်းဆွဲအားနဲ့ ဒေါင်းမယ်ဆိုရင် ၇ မိနစ်ကနေ ၁၀ မိနစ်ကြား ကြာပါလိမ့်မယ်။
တရုတ်ရဲ့ အခု ကွန်ရက်က ရှိပြီးသား fiber-optic တွေရဲ့ ဒေတာပို့လွှတ်မှုကို မြှင့်တင်ပေးမယ့် မျိုးဆက်သစ် 50G Passive Optical Network (PON) နည်းပညာကို သုံးထားတာလို့ ဆိုပါတယ်။ အကောင်းဆုံးအခြေအနေမှာဆို ဒီနည်းပညာက upload/download အင်တာနက်မြန်နှုန်း 50 Gbps အထိ ရမယ်လို့လည်း ပြောပါတယ်။
bandwidth မြင့် အသုံးချနယ်ပယ်တွေ ဖြစ်တဲ့ cloud computing , telemedicine , VR/AR နဲ့ 8K video streaming လို အဆင့်မြင့် applications တွေအတွက် တရုတ်ရဲ့အခုကွန်ရက်နည်းပညာက မှတ်တိုင်တစ်ခုပါပဲ။

“ကိုယ့်ကိုယ်ကိုယ် စိတ်ချမ်းသာအောင် ထားပါ..”
တကယ်တော့ ကိုယ် စိတ်ချမ်းသာအောင် ကိုယ်ကပဲလုပ်နိုင်ပါတယ်..။ ကိုယ် စိတ်ဆင်းရဲအောင်လည်း ကိုယ်ကိုယ်တိုင်ပဲ လုပ်လို့ရပါတယ်..။ အဖြစ်အပျက် အခြေအနေ အာရုံတစ်ခုအပေါ် ကိုယ်လက်ခံလိုက်တဲ့စိတ်ပုံစံအပေါ်မှာ မူတည်ပြီး တုံ့ပြန်မှု ပုံစံတွေ ကွဲပြားသွားတာပါ။
လူတစ်ယောက်ကြောင့် ကိုယ်စိတ်ထိခိုက်နာကျင်ရတယ်..အခြေအနေ တစ်ခုခုကြောင့် ကိုယ် စိတ်ဆင်းရဲ ဒေါသထွက်ရတယ်..အဖြစ်အပျက် တစ်ခုခုကြောင့် ကိုယ် ဝမ်းနည်းသောကရောက်ရတယ်..ဆိုတဲ့ အရာတိုင်းမှာ အဲ့ဒီလူက..အခြေအနေက..အဖြစ်အပျက်က..ကိုယ့်ကို စိတ်ဆင်းရဲအောင် လုပ်နိုင်တာ မဟုတ်ပါဘူး..။ ကိုယ် ခံယူလိုက်တဲ့ စိတ်ပုံစံကြောင့်သာ စိတ်ဆင်းရဲစရာ နာကျင်စရာအဖြစ် ကိုယ်က လက်ခံယူလိုက်တာပါ..။ တကယ်တော့ ကိုယ့်စိတ်ကသာ အခရာပါ။
ဥပမာ လူတစ်ယောက်က ကိုယ့်ကို ထိခိုက်နာကျင်အောင် တိုက်ခိုက်စော်ကားလာပြီ ဆိုပါတော့၊ ကျွန်မတို့ရဲ့ တုံ့ပြန်မှုတွေ အမျိုးမျိုးကွဲပြားနိုင်ပါတယ်။
..” ကြည့်စမ်း သူက ငါ့ကို စော်ကားလိုက်တာ..” လို့ ခံယူလိုက်ရင် ဒေါသထွက် နာကျင်ရပါတော့မယ်..။
“ ဪ...သူ ငါ့ကို ဒီလို တိုက်ခိုက်ဖို့အတွက် သူ့မှာ စိတ်ဆင်းရဲစရာ မပျော်ရွှင်စရာတွေ ရှိနေမှာပဲ..သနားဖို့ ကောင်းလိုက် တာ..”
လို့ တွေးကြည့်လိုက်ရင် သူ့ကို သနားကရုဏာ သက်တဲ့စိတ် ဖြစ်ပါမယ်။
“ ဟယ်...သူ ပြောသမျှဟာ ကိုယ်မှမဟုတ်တာ ဘာနာစရာ ရှိသလဲ..”
လို့ သက်တောင့်သက်သာ ဖြေတွေးလိုက်တဲ့အခါ ကျွန်မတို့ စိတ်မှာ ဘာနာကျင်စရာမှ ဖြစ်စရာ အကြောင်း မရှိတော့ပါဘူး..။ ဒါဟာ ကျွန်မတို့လက်ခံ ခံယူလိုက်တဲ့ စိတ်ပုံစံအတိုင်း တုံ့ပြန်မှုတွေ ပုံစံကွဲသွားတာသာ ဖြစ်ပါတယ်..။
သူ့ကြောင့် ကိုယ်စိတ်ဆင်းရဲနာကျင်ရတယ်ဆိုရင် သူက ကိုယ့်ရဲ့စိတ်ကို လွှမ်းမိုးချယ်လှယ်ခွင့် ရသွားပါပြီ။ တကယ်တော့ ဘယ်သူကမှ..ဘယ်အရာကမှ..ဘယ်အာရုံကမှ ကိုယ့်ကိုစိတ်ထိခိုက်နာကျင်အောင် မလုပ်နိုင်ပါဘူး။
ကိုယ် စိတ်ထိခိုက်နာကျင်အောင် ကိုယ်ကပဲ လုပ်နိုင်တာပါ..။ စိတ်ဆင်းရဲ နာကျင်မှုတွေဟာ ကိုယ်နဲ့ မထိုက်တန်ဘူးလို့ တွေးကြည့်လိုက်ပါ..။ကိုယ့်မှာ ကိုယ်ပဲ ရှိပါတယ်..။ ကိုယ့်ကိုယ်ကိုယ် စိတ်ချမ်းသာအောင် ထားမယ်..စိတ်ချမ်းသာအောင် တွေးမယ်..စိတ်ချမ်းသာအောင် နေထိုင် မယ်ဆိုရင် သောကနဲ့ ဝေးရာဆီ လျှောက်လှမ်းနေတာပဲ ဖြစ်ပါတယ်။
လွန်းထားထား
1- သောကနဲ့ဝေးရာဆီ..
2- ဒီနေ့ပျော်ပါ..
3- နောင်တရဲ့အဝေးမှာ..
4- ပိုအေးချမ်းတဲ့ကိုယ်
#လွန်းထားထား
#သောကနဲ့ဝေးရာဆီ..
#ဒီနေ့ပျော်ပါ..
#နောင်တရဲ့အဝေးမှာ..
#ပိုအေးချမ်းတဲ့ကိုယ်

#knowledge #ဗဟုသုတ

The Wonderland (2019)

ဒီAnime ကားလေးက alice in wonderland နဲ့တူပါတယ်။ ဇာတ်လမ်းအကျဥ်းလေးက akane ဆိုတဲ့ကောင်မလေးကို မြေအောက်ခန်းနဲ့ဆက်သွယ်ထားတဲ့ တခြားကမ္ဘာက သူတွေ လာခေါ်တာနဲ့စပါတယ်။တခြားကမ္ဘာမှာ နတ်သမီးအဖြစ်ရှင်သန်ဖိုလာခေါ်ရင်း ကမ္ဘာကြီးကိုကယ်တင်ဖိုဖြစ်လာတဲ့ စိတ်ဝင်စားဖွယ် anime ကားလေးဖြစ်ပါတယ်။ alice in wonderland လို ထူးထူးဆန်းဆန်းကြိုက်နှစ်သက်သူတွေအဖို အကြိုက်တွေ့မယ့်ကားလေးဖြစ်ပါတယ်။

ဇာတ်ကားလင့်
https://t.me/c/2186686827/374

Channel Join ရန်လင့်
https://t.me/+snaCVmemMMBhNDRl

Grand Unified Theories (GUTs): ToE မရောက်ခင် ကြားခံအဆင့်တစ်ခုအနေနဲ့ Grand Unified Theories (GUTs) ဆိုတာ ရှိပါတယ်။

ဒီသီအိုရီတွေကတော့ စကြဝဠာထဲက အခြေခံအားကြီး ၄ ခုထဲက ဒြပ်ဆွဲအား (gravity) ကို ချန်လှပ်ပြီး ကျန်တဲ့ အားကြီး ၃ ခုဖြစ်တဲ့ အားပြင်းနျူကလီးယားအား (strong nuclear force), အားပျော့နျူကလီးယားအား (weak nuclear force), နဲ့ လျှပ်စစ်သံလိုက်အား (electromagnetic force) တို့ကို တစ်ခုတည်းသော အားတစ်ခုအဖြစ် ပေါင်းစည်းဖို့ ကြိုးစားကြပါတယ်။

စကြဝဠာရဲ့ စတင်ခြင်းမှာ အပူချိန်အလွန်မြင့်မားတဲ့အချိန်မှာ ဒီအားကြီး ၃ ခုဟာ တစ်ခုတည်းသော အားအဖြစ် တည်ရှိခဲ့ပြီး၊ စကြဝဠာ အေးမြလာတဲ့အခါမှ သီးခြားစီ ကွဲထွက်လာတယ်လို့ GUTs က ယူဆပါတယ်။ Howard Georgi နဲ့ Sheldon Glashow တို့လို ပညာရှင်တွေက GUTs ကို စတင်တည်ထောင်ခဲ့ကြပြီး SU(5) model လိုမျိုး နမူနာသီအိုရီတွေလည်း ပေါ်ပေါက်ခဲ့ပါတယ်။

ဒါပေမယ့် GUTs တွေဟာ proton decay (ပရိုတွန်ပြိုကွဲခြင်း) ကို ခန့်မှန်းထားပေမယ့် ဒီဖြစ်စဉ်ကို လက်တွေ့မှာ မတွေ့ရှိရသေးတာကြောင့် GUTs တွေရဲ့ တိကျမှန်ကန်မှုကို ဆက်လက်လေ့လာနေဆဲ ဖြစ်ပါတယ်။

The Sub-stance (2024)

ကြောက်စရာ ခန္ဓာကိုယ်အပြောင်းအလဲတွေနဲ့ ရွံစရာတွေ ပါတာမို နှလုံးခိုင်မှ ကြည့်ကြပါလို သတိပေးချင်ပါတယ်။ ဇာတ်လမ်းအကျဉ်းကတော့ အယ်လီဇဘတ် ဟာ နာမည်ကြီးမင်းသမီးဖြစ်ခဲ့ပေမဲ့ အသက်အရွယ်ကြီးရင့်လာတဲ့အခါ သူ့နေရာမှာ ကောင်မလေးငယ်ငယ်လှလှလေးနဲ့ အစားထိုးဖို တီဗီအစီအစဉ်တစ်ခုကနေ ကန်ထုတ်ခံလိုက်ရပါတယ်။ အဲဒီအချိန်မှာ သူ့ကို ထူးဆန်းတဲ့ ဆေးတစ်မျိုးကမ်းလှမ်းလာပါတယ်။ အဲဒီဆေးရဲ့ အစွမ်းကတော့ ဆေးသုံးလိုက်တဲ့သူရဲ့ ဆဲလ်တွေကို ပွားလာစေပြီး အဲဒီဆေးထိုးခံတဲ့သူရဲ့ နောက်ထပ် ဗားရှင်းလူတစ်ယောက်ကိုယ်ပွားထွက်ပေါ်လာတာပါပဲ။ အဲဒီကိုယ်ပွားက ပိုလှမယ် ပိုတော်မယ် ပိုပြီးပြည့်စုံတဲ့ ဗားရှင်းဖြစ်လာပါမယ်။ ဒါပေမဲ့ အရေးကြီးတဲ့ သတ်မှတ်ချက်ကတော့ မူလလူနဲ့ ကိုယ်ပွားဟာ တစ်ယောက်ကို တစ်ပတ်စီ အချိန်ပေးရပါတယ်။

သေချင်လောက်အောင် စိတ်ညစ်နေတယ်ဆိုရင် အသက်ရှင်နေရခြင်းရဲ့အကြောင်းအရင်းကို စဉ်းစားကြည့်လိုက်ပါ။ ပထမဦးဆုံးအနေနဲ့ အကြောင်းရင်းတစ်ခုကိုပဲ စဉ်းစားကြည့်လိုက် ကိုယ်ဟာ ဘယ်သူ့အတွက် အသက်ရှင်နေတာလဲ ၊ ဘာကြောင့် အသက်ရှင်နေတာလဲ ၊ သားသမီးတွေအတွက်လား ၊ မိသားစုအတွက်လား ၊ မိဘအတွက်လား ၊ ကိုယ့်အတွက်ကိုယ် ရှင်သန်နေတာလား..စသည်ဖြင့် အကြောင်းအရင်းတစ်ခုကို စတွေ့လိုက်ပြီဆိုတာနဲ့ နောက်ထပ် အသက်ရှင်နေရခြင်း အကြောင်းအရင်းတွေများစွာ ထပ်ပေါ်လာပါလိမ့်မယ် ။
ကျွန်မတို့ အသက်ရှင်သန်နေရခြင်းအကြောင်းဟာ တစ်ခုတည်းမဟုတ်ဘဲနဲ့ အံ့ဩစရာ ကောင်းလောက်အောင်ကို အများကြီးဖြစ်နေတာ တွေ့ရပါလိမ့်မယ် ။ ကိုယ် အသက်ရှင်ပေးနေဖို့ လိုအပ်နေတဲ့သူတွေလည်း ကိုယ့်ဘေးမှာ အများကြီးရှိတယ်ဆိုတာ သိလာရပါလိမ့်မယ် ။ ဒီလိုပေါ်လာပြီဆိုရင် ရှင်သန်နေရခြင်းရဲ့အဓိပ္ပာယ်ကို နည်းနည်းပဲဖြစ်ဖြစ် ရှာဖွေတွေ့ ရှိလာလိမ့်မယ်လို့ ထင်ပါတယ် ။ ကိုယ့်ရဲ့ရှင်သန်နေရခြင်းဟာ အချည်းနှီး မဟုတ်ပါလားဆိုတာကို သိမြင်လာလိမ့်မယ် ။
စိတ်တွေမွန်းကျပ်နေပြီဆိုရင် ကောင်းတဲ့ ၊ ပျော်ရွှင်ခဲ့ရတဲ့ အကြောင်းအရာလေးတစ်ခု အဖြစ်အပျက်လေး တစ်ခုကို တွေးကြည့်ပါ ။ ကိုယ့်ဘဝထဲမှာ ကောင်းတဲ့အရာတွေဟာ တစ်ခုတည်း တစ်ကြိမ်တည်း မဟုတ်ဘဲ အများကြီး ရှိခဲ့တယ် ။ အကြိမ်ကြိမ်အခါခါ ရှိခဲ့တယ် ။ နောက်ထပ်လည်း ထပ်ပြီး ရှိနေဦးမယ်ဆိုတာကို အားတက်စရာ တွေ့ရမှာပါ ။
နောက်ပြီး ရည်မှန်းချက်တွေ ပျောက်နေသလို ခံစားရတဲ့အခါ ကိုယ်ဘယ်လိုပုံစံနဲ့ ဘဝကို နေထိုင်ရပ်တည်သွားသလဲဆိုတဲ့ အကြောင်းအရင်းတစ်ခုကိုပဲ အရင်တွေးကြည့်လိုက်ပါ ။
စာအုပ်တွေ အများကြီး ရေးချင်တာလား ၊ ပိုက်ဆံ ချမ်းသာချင်တာလား ၊ တရားအားထုတ်ပြီး အေးငြိမ်းရာရှာချင်တာလား ၊ နိုင်ငံခြားမှာ သွားပြီး ကျောင်းတက်ချင်တာလား စသည်ဖြင့် အကြောင်းအရင်းတစ်ခုကို တွေ့လိုက်တာနဲ့ နောက်ထပ်အကြောင်းတွေ ထပ်ပေါ်လာပြီး ကိုယ်ဖြစ်ချင်တဲ့ ဘဝရဲ့ပုံစံဟာ ရုပ်လုံးပေါ်လာပါလိမ့်မယ် ။
အထီးကျန်စိတ်ကို ခံစားနေရတယ် ။ ငါတစ်ယောက်တည်းပဲရှိတယ် ။ ငါ့ကို ဘယ်သူကမှ မချစ်ကြ မခင်ကြဘူးလို့ စိတ်ထဲမှာ ဖြစ်နေတယ်ဆိုရင် ကိုယ့်အတွက် အမြဲရပ်တည်ပေးတတ်တဲ့ လူတစ်ယောက်ကို အရင်စဉ်းစားကြည့်လိုက်ပါ ။ ဥပမာ အမေလို လူမျိုးပေါ့ ။ ခွေးကလေးတစ်ကောင်ဆိုရင်လည်း အဆင်ပြေပါတယ် ။ နောက်ထပ် ကိုယ့်ကို ချစ်တဲ့သူတွေ ၊ မိသားစုဝင်တွေ ၊ သူငယ်ချင်းမိတ်ဆွေတွေရဲ့ မျက်နှာတွေ ဆက်တိုက် ပေါ်လာပါလိမ့်မယ် ။
ကိစ္စတစ်ခုမှာ အခက်ခဲဆုံးက ဘာလဲဆိုရင် ပထမဦးဆုံး စလုပ်လိုက်ဖို့ပါပဲ ။ မည်သည့်အရာမဆို အစပိုင်းက အမြဲခက်ခဲတတ်ပါတယ် ။ အစလေး တစ်ခုကိုသာ အရင်ဆုံး စ ကြည့်ပါ ၊ စ လုပ်လိုက်ပါ ၊ စ တွေးကြည့်လိုက်ပါ ကျန်တဲ့အရာတွေက သူ့အလိုလို လိုက်ပါလာပါလိမ့်မယ် ။ အဲဒီအခါမှာ ကျွန်မတို့ဟာ ဘဝမှာ ကောင်းသောအရာတွေ အများကြီး ရှိနေသေးတယ်ဆိုတာကို ကျေးဇူးတင်ဝမ်းမြောက်စွာနဲ့ တွေ့ မြင်လာမိမှာပါ ။
#မွန်ဟော်စီ

မလိုအပ်တဲ့ အရာတွေကို ရှင်းလင်းပစ်ပါ ။
မလိုအပ်တဲ့ အရာတွေကို မကြာခဏ ရှင်းလင်းဖယ်ရှားပစ်ပါ ။ ဘာကြောင့်ပါလဲ ။ ပစ္စည်းမျိုးစုံကို စုဆောင်းထားတာက မိမိရဲ့ အိမ် ၊ စိတ် နဲ့ ဘဝကိုပါ ဖရိုဖရဲ မသပ်မရပ်ဖြစ်စေလို့ပါပဲ ။ ပစ္စည်းတွေ စုပုံနေတဲ့အိမ်ဟာ အတွေးတွေ စုပုံရှုပ်ထွေးနေတယ်ဆိုတဲ့ သင်္ကေတကို ပြသခြင်းပဲ ဖြစ်ပါတယ် ။
မိမိတို့ရဲ့ အတွေးတွေက ကြည်လင်ပြတ်သားပြီး တည့်မတ်နေရပါမယ် ။ ပြီးတော့ အသုံးမလိုတဲ့ပစ္စည်းတွေကို မစုဆောင်းပါနဲ့ ။ ဒါပေမဲ့ ကျွန်မတို့အားလုံး မလိုအပ်တဲ့ ပစ္စည်းတွေကို သိမ်းဆည်းထားတတ်ကြတာပါပဲ ။ မလိုအပ်ဘူးလို့ ထင်ပေမယ့်လည်း တစ်ချိန်ချိန်မှာတော့ အသုံးဝင်သွားတတ်လို့ပါပဲ ။ ဒီလိုနဲ့ပဲ အိမ်တစ်အိမ်မှာ ပုလင်းတွေ ၊ ဘူးတွေ ၊ တိုလီ မိုလီပစ္စည်းတွေ စုပုံလာကြပါတယ် ။
ကျွန်မမှာတော့ စာအုပ်တွေနဲ့ ပတ်ချာဝိုင်းနေပါတယ် ။ သိမ်းပစ်လိုက်ရင် မဖတ်ဖြစ်တော့ပါဘူး ။ ဖတ်ချင်တာတွေယူပြီး ဖတ်လို့ရအောင် လက်လှမ်းမီရာမှာ ထားရတဲ့ စာအုပ်တွေက အများကြီးပဲ ။ စာကြည့်တိုက်တွေကိုတော့ လှူပါတယ် ။ သိမ်းထားချင်တဲ့ စာအုပ်တွေကလည်း များပါတယ် ။ ကလေးတွေဆီမှာ ရေခဲမုန့်တို့ ၊ အချိုရည်တို့ထည့်တဲ့ ပလတ်စတစ်ခွက်ကလေးတွေကိုလည်း တောင်းထားရပါတယ် ။ ပျိုးပင်ကလေးတွေ မျိုး ထားဖို့ပါ ။ ပစ္စည်းတွေ များလာတော့လည်း စိတ်ထဲမှာ ရှုပ်ထွေးလာရတာ အမှန်ပါပဲ ။ ရှင်းလင်းပစ်ရမှာ ဖြစ်ပါတယ် ။
ကျွန်မ အကြံပေးချင်တာက ရံဖန်ရံခါ တချို့သောပစ္စည်းတွေကို ရှင်းလင်းပစ်ခြင်းက သင့်တော်လျော်ကန်တဲ့ အလုပ်ပါပဲ ။ ဒီလိုမှ မလုပ်ရင် သူတို့က စိတ်ကိုလွှမ်းမိုးလာပြီး ပင့်ကူမျှင်တွေလို ပိုပြီး ရှုပ်ထွေးနှောင်ဖွဲ့ လာတော့မှာပါ ။ အပိုပစ္စည်းများကို ရှင်းလင်းပစ်ခြင်းက အသုံးမဝင်တဲ့ပစ္စည်း ၊ ကျိုးပဲ့နေတဲ့အရာ ၊ ရက်လွန်နေတဲ့ပစ္စည်း ၊ မသန့်ရှင်းတဲ့ ဘူးခွက်တွေ ၊ ပိုနေတဲ့ အရာတွေနဲ့ အရုပ်ဆိုးအကျည်းတန်တဲ့ ပစ္စည်းတွေကို စွန့်ပစ်ဖို့ အခွင့်အရေး တစ်ခုရတာပဲ ဖြစ်ပါတယ် ။ တကယ်တော့ မိမိတို့အိမ်မှာ အသုံးမဝင်တဲ့ ပစ္စည်း ၊ မလှပတဲ့ပစ္စည်းတွေ မထားတာပဲ ကောင်းပါတယ် ။ မလိုအပ်တာတွေကို စွန့်ပစ်လိုက်ခြင်းက မိမိကို အားသစ်အင်သစ်ဖြစ်စေသလို စိတ်ကိုလည်း ကြည်လင်စေပါတယ် ။
ဘယ်လိုအရာတွေကို ထားသင့်သလဲ ၊ ဘယ်လိုအရာတွေကို ဖယ်ရှားသင့်သလဲဆိုတာကိုလည်း သတိရှိရှိနဲ့ စု ဆောင်းတတ်သွားပါတယ်။ အောင်မြင်နေတဲ့သူတွေနဲ့ ရေသေထဲမှာ အားစိုက်ရုန်းကန်နေရပြီး အရာမရောက်တဲ့သူရဲ့ ခြားနားချက်ကိုလည်း သတိပြုမိပါတယ် ။ အင်အားအပြည့်နဲ့ ချောမွေ့စွာ လျှောက်လှမ်းနေသူတွေက မလိုအပ်တဲ့ အရာတွေကို ထုတ်ပယ်ပစ်ဖို့ ၊ ဖရိုဖရဲဖြစ်နေတာတွေကို ရှင်းလင်းပစ်ဖို့ဆိုတဲ့ အရည်အချင်းရှိတဲ့သူတွေ ဖြစ်ပါတယ် ။ လေယာဉ်ပြေးလမ်းကြောင်းပေါ်မှာပဲ ပြေးနေပြီး ကောင်းကင်ကို ပျံမတက်နိုင်ပဲ ဒုက္ခရောက်နေတဲ့ လေယာဉ်လို တချို့လူတွေက ဈေးပေါပေါရလို့ ဝယ်ခဲ့တဲ့ ပစ္စည်းတွေကို အထုပ်လိုက် သိမ်းထားတတ်ပါတယ် ။ အသုံးမဝင်တဲ့ ပစ္စည်းတွေကို လွှင့်မပစ်ရပဲ ဗီရိုထဲမှာ ဖွင့်မကြည့်တော့ပဲ ထည့်ထားကြတယ် ။ အံဆွဲတွေထဲမှာလည်း ပစ္စည်းအကျိုးအပဲ့တွေ အပြည့်ပါပဲ ။ အဝတ်အစား ဗီရိုတွေထဲမှာလည်း မဝတ်တော့တဲ့ အဝတ်အစားတွေ ၊ ဖက်ရှင် date အောက်သွားလို့ ဘယ်တော့မှ ဝတ်ဖို့ စိတ်မကူးတော့တဲ့ အဝတ်အစားတွေကို အပြည့်ထည့်ထားတတ်ကြပါတယ် ။ သူတို့ရဲ့စိတ်အခြေအနေတွေကို ခန့်မှန်းကြည့်လို့ရပါတယ် ။ ဝတ္ထုတစ်ပုဒ်ထဲမှာ လက်ထပ်ဖို့ ပြင်ဆင်ထားပြီးမှ ရောက်မလာတဲ့ သတို့သားကို နာကြည်းတဲ့စိတ်နဲ့ သတို့သမီးက ပြင်ဆင်ထားတဲ့အိပ်ခန်း ၊ အဝတ်အစား ၊ ဧည့်သည်တွေကို ဧည့်ခံဖို့ ပြင်ဆင်ထားတဲ့ ပစ္စည်းတွေကို ဒီအတိုင်းထားပြီး နေ့စဉ် နာကြည်းစိတ် ၊ ဒေါသဖြစ်တဲ့စိတ် ၊ စိတ်ပျက် အားငယ်တဲ့စိတ် ၊ ကလဲ့စားချေလိုတဲ့စိတ်တွေနဲ့ ဖြတ်သန်းခဲ့တာ နှစ်ပေါင်း ရှည်ကြာစွာပါပဲ ။ သူ့ဘဝကြီးက လေးလံထိုင်းမှိုင်းလှပါတယ် ။ ဒါတွေ အားလုံးကို စွန့်ပစ်ပြီး လူသစ် စိတ်သစ် နဲ့ နေလိုက်မယ်ဆိုရင် ဘယ်လောက် သာယာလိုက်မလဲလို့ ကျွန်မ တွေးမိပါတယ် ။
မလိုအပ်တာတွေကို ရှင်းလင်းပစ်တာနဲ့အတူ ကိုယ်စိတ်နှစ်ပါး ပေါ့ပါးစေခြင်းဆိုတဲ့ အကျိုးဆက်က ပါလာပါတယ် ။ စာဖတ်သူတို့အိမ်မှာ နေရာပိုရသွားစေပါတယ် ။ ပြီးတော့ နေရာတိုင်းမှာ ပစ္စည်းတွေ စုပုံနေတဲ့ အတွက် လွှမ်းမိုးခံနေရသလို ခံစားနေရတာကိုလည်း ထုတ်ပယ်ပစ်နိုင်တဲ့အပြင် ပုံမှန်သက်သောင့်သက်သာ ရှိသွားစေပါတယ် ။ နောက်ဆုံးပေါ် အိမ်ထောင်ပရိဘောဂတွေနဲ့ ဖိတ်ဖိတ်တောက်ပြီး စတိုင်လ်နဲ့ နေရမယ်လို့ မဆိုလိုပါဘူး ။
ကျွန်မ အကြံပြုချင်တာလေးတစ်ခုက စာဖတ်သူအတွက် ဘာတွေရှုပ်ထွေးနေသလဲဆိုတာ သိလိုရင် ဗီရိုပေါ်တွေမှာ ရှာဖွေကြည့်ပါ ။ မလိုအပ်တော့တဲ့ ပစ္စည်းတွေတွေ့ ရင် သံယောဇဉ်ဖြတ်ပြီး ရှင်းလင်းထုတ်လိုက်ပါတော့ ။
စာဖတ်သူရဲ့ စိတ်လည်း ရှင်းလင်းကြည်လင်သွားပါလိမ့်မယ် ။ “ Prune your stuff frequently ” “ သင့်ရဲ့ မလိုအပ်တဲ့အရာတွေကို မကြာခဏ ဖယ်ရှားပစ်ပါ ။ ”
#ဘဝရဲ့စည်းမျဉ်းများ #ခင်စောတင့်

#knowledge #ဗဟုသုတ

#knowledge #ဗဟုသုတ