ဟားဗက်တက္ကသိုလ်တွင် လူတိုင်း တက်လို့ရပါပြီ
ဟားဗက်တက္ကသိုလ်သည် ဈေးအလွန်ကြီးသော ပုဂ္ဂလိကတက္ကသိုလ်ဟု ပြောကြသော်လည်း နိုင်ငံအသီးသီးရှိ ပညာရေးကို စိတ်ဝင်စားသူ မည်သူမဆိုကို အခမဲ့ ပညာဖြန့်ဖြူးပေးလေ့ ရှိပါသည်။ ၀င်ခွင့် မလိုပါ။ အောက်ပါလင့်ခ်ကို နှိပ်ပြီး ဝင်ရောက် တက်နိုင်ပါသည်။
https://pll.harvard.edu/catalog/free
ဘာသာရပ်မှာများမှာလည်း ....
1. Art & Design
2. Theology
3. Business
4. Computer Science
5. Data Science
6. Education & Teaching
7. Health & Medicine
8. Humanities
9. Mathematics
10. Programming
11. Science
12. Social Sciences တို့ကို သင်ကြား ပို့ချပေးပါပြီ။ ဘာသာရပ်တစ်ခု တစ်ခုတွင်လည်း အကြောင်းအရာ အငယ်များကိုလည်း ထပ်မံ ရွေးချယ်ပြီး တက်နိုင်ပါသည်။ သင်တန်းကြေး ပေးစရာ မလိုပါ။ သင်တန်းများမှာ (၁) ပတ်သင်တန်း၊ (၃) ပတ်သင်တန်း၊ (၇) ပတ်သင်တန်းစသည်ဖြင့် စာအနည်းအများကို မူတည်ပြီး သင်တန်းကာလကို သတ်မှတ်ထားသည်။ သင်တန်းသတ်မှတ်ထားချိန်ကာလအတွင်း မိမိက အတန်းပြီးသွားလျှင် ဟားဗက်မှ ပေးသော ဒီပလိုမာ လက်မှတ်ကို ရယူနိုင်ပါသည်။ သို့သော် လက်မှတ်ယူလျှင် ဒေါ်လာ (၁၀၀) မှ (၁၅၀) အထိ သွင်းရပါမည်။ မယူလျှင် သွင်းစရာ မလိုပါ။
ကိုယ်ပိုင်အီးမေးလ်အကောင့်တစ်ခု ရှိရပါမည်။ ထိုအီးမေးလ်ဖြင့် တက္ကသိုလ် အွန်လိုင်းသင်တန်းတွင် တက္ကသိုလ်အကောင့် ဖွင့်ရမည်။ ထိုအကောင့်ဖြင့်သာ မိမိစာရင်းပေးထားသော သင်တန်းကို တက်ရပါမည်။ မိမိအားသော အချိန် မည်သည့်အချိန်မဆို သင်တန်းကို တက်နိုင်သောကြောင့် ကမ္ဘာတစ်လွှား မည်သည့်နေရာမှမဆို တက်ရောက်နိုင်သည်။ ကိုယ်တိုင်လာပြီး တက်နိုင်သည်ပဲ ဖြစ်ဖြစ်၊ အွန်လိုင်းမှ လှမ်းပြီး တက်သည်ပဲ ဖြစ်ဖြစ် ပညာသည် ပညာသာ ဖြစ်သည်။ စဉ်းစားမှု၊ တွေးခေါ်မှု၊ ကျွမ်းကျင်မှုကို ပေးသည်သာ။ ယခု ဒီပလိုမာများသည် အလုပ်အကိုင် လျှောက်ရာတွင် အသုံး၀င်နိုင်သော်လည်း အမေရိကန်တက္ကသိုလ်တစ်ခုခုကို ပြောင်းရွှေ့ယူနိုင်မည့် Credit တော့ မရပါ။ ဒီဂရီ ပရိုဂရမ်လည်း မဟုတ်ပါ။
မရှင်းလျှင် မက်စေ့ပို့ပြီး မေးမြန်းနိုင်ပါသည်။ အားသည့်အချိန်တွင် အကြောင်းပြန်ပေးပါမည်။ စာကြည့်တိုက်ထဲ၊ စာသင်ခန်းထဲများတွင် ဖုန်းပြောမရသည့်အတွက် ဖုန်းခေါ်ဆိုလျှင် ကိုင်၍ မရပါ။
(ဓာတ်ပုံမှာ အွန်လိုင်းသင်တန်းနှင့် မဆိုင်ပါ။ မိမိတို့၏ စာသင်ခန်းဖြစ်ပါသည်)
https://pll.harvard.edu/catalog/free
အတန်းတက်ရန် လမ်းညွှန်ချက်
ကိုယ်တက်ချင်တဲ့ ဘာသာရပ်ကို ရွေးပါ။ ပြီးလျှင် ပုံမှာ ပြထားတဲ့အတိုင်း (၁) Learn more ကို နှိပ်ပါ၊ (၂) Enroll ကို ဆက်နှိပ်ပါ၊ (၃) Create account for free မှာ အကောင့်ဖွင့်ပါ။ အကောင့်ရလျှင် စတင်တက်လို့ ရပါပြီ။ မိမိ၏ Email နှင့် အကောင့် Password ကို မမေ့ဖို့ အရေးကြီးပါသည်။
