လမ်းသူလမ်းသားတွေ မြတ်နိုးစွာထိန်းသိမ်းထားတဲ့ စာပေလမ်းကြား

လူစည်ကားတဲ့ ရန်ကုန်မြို့လည်ခေါင်မှာ ခမ်းနားမှင်တက်ဖွယ် ဗိသုကာအမွေအနှစ်အဆောက်အအုံတွေနဲ့အပြိုင် သက်ဝင်လှုပ်ရှားနေတဲ့ စာပေအမွေအနှစ်လမ်းကြားလေးတစ်ခုကလည်း ရှိနေပါတယ်။

လူကြိုက်များတဲ့ ဘာသာပြန်စာပေတွေကအစ ပုံနှိပ်တိုက်တွေက ထပ်မထုတ်တော့တဲ့ ရှားပါးစာအုပ်အဟောင်းတွေအဆုံး အရောင်စုံတဲ့စာအုပ်တွေကို လမ်းဘေးက ခုံတန်းလျားတွေပေါ်မှာ ခပ်မြင့်မြင့်ပုံတင်ထားပြီး စာဂျပိုးတွေကို လက်ယပ်ခေါ်နေတဲ့ ၃၇လမ်းဟာ ရန်ကုန်မြို့လည်ခေါင်က ထင်ရှားတဲ့ စာပေလမ်းကြားတစ်ခုပါ။

ဒီလမ်းရဲ့ နောက်ထပ်ထူးခြားချက်ကတော့ လမ်းဘေးစာအုပ်အဟောင်းဆိုင်လေးတွေ ရေရှည်တည်တံ့နေအောင် ၃၇လမ်းထဲမှာ နေထိုင်သူတွေက စာအုပ်သမားတွေကို ငွေကြေးမယူဘဲ လမ်းဘေးမှာ အခမဲ့ဖွင့်ခွင့်ပေးထားတာပါ။

၃၇လမ်းထဲမှာ အောင်သူ၊ ဇွဲသစ်၊ မပေါက်၊ ဂျက်စာပေလို လမ်းဘေးစာအုပ်အဟောင်းဆိုင်တွေနဲ့ မြေညီထပ်မှာဖွင့်လှစ်ထားတဲ့ အဟောင်းဆိုင်တွေလည်းရှိပါတယ်။ တစ်ချို့ဆိုင်တွေဆိုရင် သက်တမ်းအားဖြင့် နှစ်ပေါင်း၂၀ အထက်ရှိနေကြပါပြီ။

ဟိုးအရင်က ရန်ကုန်မြို့ရဲ့ နာမည်ကြီး စာအုပ်လမ်းဟာ ပန်းဆိုးတန်းလမ်းဖြစ်ခဲ့ပြီး ခေတ်ကာလတွေ ပြောင်းသွားတော့ ပန်းဆိုးတန်းလမ်းမကြီးပေါ်မှာ စာအုပ်အဟောင်းဆိုင် အနည်းအကျဉ်းသာကျန်တော့ပြီး တော်တော်များများက ဘေးကပ်လျက်က ၃၇လမ်းထဲရောက်လာ ကြတာပါ။

၃၇ လမ်းက လမ်းဘေးမှာ ဆိုင်ဖွင့်တာ ဆိုင်ခန်းခ မပေးရပါဘူး။ စာအုပ်ဆိုင်တွေရဲ့ သက်တမ်းကလည်း မနည်းတော့ဘူး။ ကျွန်တော်တို့ဆိုင်တွေကို အမွေအနှစ်တစ်ခုအနေနဲ့ လမ်းထဲက လူတွေကလည်း လက်ခံထားတာပါ လို့ ၃၇လမ်းထဲမှာ အောင်သူစာအုပ်အဟောင်းဆိုင် ကိုဖွင့်လှစ်ထားတဲ့ ကိုစိုးအောင်သူက ပြောပါတယ်။

၃၇လမ်းထဲမှာ စာရေးဆရာ၊ စာပေနဲ့ပတ်သက်တဲ့သူတွေ အများကြီး နေထိုင်ကြပြီး သူတို့တွေက လမ်းထဲမှာ စာအုပ်အဟောင်းဆိုင်လေးတွေ ရှိနေတာကို သဘောကျကြပါတယ်။

စာအုပ်အဟောင်းဆိုင်တွေမှာ အင်္ဂလိပ်စာ လေ့လာချင်သူတွေအတွက် အင်္ဂလိပ် ၀တ်ထုစာအုပျကောငျးတှေ၊ နိုင်ငံတကာက ကာတွန်းစာအုပ်တွေ၊ Reader's Digest နဲ့ National Geographic တို့လို မဂ္ဂဇင်းတွေကိုလည်း သက်သာတဲ့ ဈေးနဲ့ရှာဖွေတွေ့နိုင်ပါသေးတယ်။

ကျွန်တော်တို့က စာအုပ်သမားတွေဆိုတော့ မညစ်ပတ်ဘူး။ အမှိုက်မထွက်ဘူး။ သပ်သပ်ရပ်ရပ် ပြန်သိမ်းပေးခဲ့တာဆိုတော့ လမ်းထဲက လူတွေနဲ့လည်း အဆင်ပြေတယ်။ မနက်ခင်း ကျွန်တော်တို့ ဆိုင်လာခင်းတဲ့အခါ ရပ်ထားတဲ့ကားတွေကိုတောင် သူတို့ဘာသာသူတို့ လာရွှေ့ပေးကြတယ်။ ညဘက်သူတို့ပြန်ရောက် လာတဲ့အခါကျရင်လည်း ကျွန်တော်တို့ဆိုင်နေရာကို ပြောင်နေအောင် တံမြက်စည်း ပြန်လှည်းပေးခဲ့တယ်။ ၃၇ လမ်းနေတဲ့သူတွေက ကျွန်တော်တို့အပေါ်ကောင်းကြတယ် လို့ သူကပြောပါတယ်။

စာပေလမ်းကြားထဲက စာပေချစ်သူ လမ်းသူလမ်းသားတွေရဲ့ ကျေးဇူးကြောင့် ဒီလမ်းထဲမှာ စာရနံ့တွေ ထုံမွမ်းနေဦးမှာပါ။

ဖြစ်ချင်တာတွေ မြိုသိပ်ရင်း
မိမိကိုယ်မိမိ နှစ်သိမ့်ဆု ချီးမြှင့် 🏅🎖🥇🥈🥉

Home from Work set up

ပါးအဖြူကွက်

ပါးပြင်အဖြူကွက်က ကလေးတွေမှာ အဖြစ်များတယ်။ ယောကျာ်းလေးတွေ ပိုဖြစ်တယ်။ ဒီအဖြူကွက် ဖြစ်ပွါးသူရဲ့ ၉၀% က အသက် ၃-၁၂ နှစ်ကြား ကလေးတွေဖြစ်ကြပါတယ်။ သို့သော် ဆေးခန်းမှာတော့ မိန်းကလေးတွေမှာ ပိုတွေ့ရပြီး အများစုက အသက် ၈နှစ်နဲ့ ၁၄နှစ်ကြား အရွယ်တွေ ဖြစ်ကြတယ်။အီဂျစ်နဲ့ မာလီလို အပူပိုင်းဒေသတွေမှာ ကလေးငယ်တွေရဲ့ ၂၀% နီးပါးက ဒီအဖြူကွက်မျိုး ဖြစ်ကြတယ်လို့ ဆိုတယ်။

ရောဂါလက္ခဏာအနေနဲ့ ပါးပြင်နဲ့ မေးရိုးကြား ကျပ်ပြားစေ့အရွယ် အနီကွက်မျိုး အရင် ပေါ်လာတယ်။ တဖြည်းဖြည်းကြာလာတာနဲ့အမျှ အနီကွက်က အဖြူရောင်အဖြစ် ပြောင်းလာတယ်။ တကယ်ဆေးခန်းလာပြတဲ့အချိန်မှာ အဖြူကွက်အဆင့်ရောက်နေကြသူပဲ များတယ်။ နွေရာသီမှာ အဖြူကွက်က ပိုထင်းလာတတ်တယ်။ ဆောင်းရာသီမှာ အသားခြောက်တာ၊ အဖြူဖတ်လန်တာက ပို အဖြစ်များတယ်။ ဒီအချက်က ခရုသင်းနဲ့ ခွဲခြားရာမှာ အသုံးဝင်တယ်။ အရေပြားဆရာဝန်အချို့က ခွဲရခက်တဲ့ အရေပြားရောဂါတွေမှာ dermatoscope (ဆဲလ်မှန်ဘီလူး) သုံးပြီး ခွဲခြားနိုင်တယ်။

Pityriasis alba ကို လေ့လာကြည့်တဲ့အခါ နာတာရှည် အရေပြားရောင်ရမ်းတဲ့ လက္ခဏာ(chronic dermatitis)မျိုး တွေ့ရတယ်။ အကျိုးဆက်အနေနဲ့ မယ်လနင်ထွက်တဲ့ ဆဲလ်အလုပ်မလုပ်တော့ဘဲ အမဲရောင်ခြယ်ထုတ်လုပ်မှုက တဖြည်းဖြည်း ကျဆင်းသွားတယ်။ ဒါ့ကြောင့် ဖြစ်တဲ့နေရာလေးကွက်ပြီး အဖြူကွက်အဖြစ်မြင်နေရတာပါ။ အရေပြားဆဲလ်က ရောင်ပြီး ရှုံ့တာ(skin atrophy) ရှိိတယ်။ အမှန်တော့ ပါးပြင်အဖြူကွက် (pityriasis alba)ဆိုပေမယ့် တခြားနေရာတွေမှာလည်း အကွက်တွေ ပေါ်တတ်တယ်။ တချို့က တနှစ်အတွင်း ပျောက်နိုင်တယ်။

အကြံပြုချက်များ
(၁) နေလောင်ကာလိမ်းဆေးလိမ်းပါ။
(၂) ရနံ့မပါ အစိုဓာတ်လိမ်းဆေး နေ့စဉ် လိမ်းပေးသင့်တယ်။
(၃) ဆပ်ပြာခဲနဲ့ မျက်နှာသစ်ဆေး အပြင်းစားတွေ မသုံးပါနဲ့။
(၄) ရနံ့ပါတဲ့ လိမ်းဆေး (သို့) အမြှုပ်ထွက် ဆပ်ပြာတွေ မသုံးပါနဲ့။
(၅) လိုအပ်ရင် ဆရာဝန်နဲ့ သေချာပြပါ။ သေချာကုရင် ၁-၃လအတွင်း ပျောက်ကြတယ်။

ဂျပန်ရေပြင်နှင့် ထိစပ်ဧရိယာထဲကို တရုတ်လေယာဉ်တင်သင်္ဘောဝင်ရောက်
-------------------------
ဂျပန်ရေပြင်နဲ့ ထိစပ်နေတဲ့ ရေပြင် ဧရိယာတစ်ခုထဲကို တရုတ်လေယာဉ်တင် သင်္ဘောတစ်စင်း ပထမဆုံးအဖြစ် ဗုဒ္ဓဟူးနေ့က ဝင်ရောက်လာခဲ့တယ်လို့ ဂျပန်ကာကွယ်ရေးဝန်ကြီးဌာနက ပြောပါတယ်။ ဒါဟာ အိမ်နီးချင်း နှစ်နိုင်ငံအကြား တင်းမာမှုတွေ ဖြစ်ပေါ်စေတဲ့ လတ်တလော ရေကြောင်းသွားလာမှုတစ်ခု ဖြစ်ပါတယ်။

အဲဒီ တရုတ်လေယာဉ်တင် သင်္ဘောဟာ ဖျက်သင်္ဘောနှစ်စင်း ခြံရံပြီး ဂျပန်နိုင်ငံတောင်ပိုင်း ယိုနာဂူနီနဲ့ အိုင်ရီ ယိုမိုတဲ ကျွန်းတွေကြားကနေ ဖြတ်သန်းခုတ်မောင်းသွားခဲ့တာပါ။ နိုင်ငံ့ ကမ်းရိုးတန်းကနေ ရေမိုင် (၂၄)အကွာမှာ ရှိပြီး ကုလရဲ့ သတ်မှတ်ချက်အရ ဂျပန်နိုင်ငံက ထိန်းချုပ်မှု တစ်စုံတစ်ရာ ချမှတ်ကျင့်သုံးနိုင်ခွင့်ရှိတဲ့ ရေနယ်နိမိတ် တစ်ခုကို ဝင်ရောက်ခဲ့တယ်လို့လည်း ဂျပန်နိုင်ငံဘက်က ပြောပါတယ်။

အဲဒီဖြစ်စဉ်အပေါ် တိုကျိုက လေးနက်တဲ့ စိုးရိမ်ပူပန်မှုဖြစ်ကြောင်းနဲ့ ဂျပန်နိုင်ငံနဲ့ ဒေသတွင်း လုံခြုံရေးရှုထောင့် ကနေ ကြည့်ရင် လုံး၀ လက်သင့်ခံနိုင်စရာ မရှိတဲ့ ဖြစ်စဉ်ဖြစ်အကြောင်း ပေကျင်းကို အသိပေးထားတယ်လို့ ဂျပန်အစိုးရအဖွဲ့ ဒုတိယအတွင်းဝန် ဟီရိုရှီ မိုရီယာက ပြောပါတယ်။

ဒါ့အပြင် နိုင်ငံ့ရေပြင်ပိုင်နက် အနီးတစ်ဝိုက် တရုတ် ရေတပ်သင်္ဘောတွေရဲ့ သွားလာ လှုပ်ရှားမှုတွေကို အနီးကပ်စောင့်ကြည့်မှာဖြစ်ပြီး သတင်းအချက်အလက် စုဆောင်းရေး၊ စောင့်ကြည့် ထောက် လှမ်းမှုတွေ လုပ်ဆောင်ရေးအတွက် ဖြစ်နိုင်သမျှ လုပ်ထုံးလုပ်နည်းတွေကို ကိုင်စွဲကျင့်သုံးသွားမှာ ဖြစ်တယ် လို့လည်း ဟီရိုရှီ မိုရီယာက ပြောဆိုသွားခဲ့ပါတယ်။

အမေရိကန်တွင် ကင်ဆာဖြင့် လူသေဆုံးနှုန်း (၃၃)ရာခိုင်နှုန်း ကျဆင်း
------------------------
အမေရိကန်နိုင်ငံမှာ ကင်ဆာရောဂါကြောင့် သေဆုံးမှုဟာ (၁၉၉၁)ခုနှစ်ကနေ (၂၀၂၁)ခုနှစ်အထိ ကာလအတွင်း (၃၃)ရာခိုင်နှုန်းကျဆင်သွားခဲ့တယ်လို့ ကင်ဆာရောဂါဆိုင်ရာ အစီရင်ခံစာတစ်ခုကို ကိုးကားပြီး CBS သတင်းက ဖော်ပြပါတယ်။ ဗုဒ္ဓဟူးနေ့က ထုတ်ပြန်ခဲ့တဲ့ အမရိကန် ကင်ဆာသုတေသနအသင်းရဲ့ အစီရင်ခံစာမှာ အဲဒီ ရာခိုင် နှုန်းဟာ အရေအတွက်အားဖြင့်ဆိုရင် လူ့အသက် (၄)သန်းကျော်ကို ကယ်တင်နိုင်ခဲ့တာနဲ့ ညီမျှတယ်လို့ ပြောပါ တယ်။

ကင်ဆာရောဂါနဲ့ သေတဲ့ ကလေးငယ်နဲ့ ဆယ်ကျော်သက်အရွယ် အရေအတွက်ဟာလည်း ပြီးခဲ့တဲ့ ဆယ် စုနှစ် နှစ်စုအတွင်း (၂၄)ရာခိုင်နှုန်း ကျဆင်းသွားခဲ့တယ်လို့ ဆက်ပြီး ဖော်ပြထားပါတယ်။ အဲဒီလို သေဆုံးနှုန်း ကျဆင်း လာတာဟာ ဆေးလိပ်သောက်နှုန်း လျော့နည်းလာတာ၊ ရောဂါကုသမှုနည်းနာတွေ တိုးတက်ကောင်း မွန်လာ တာနဲ့ ရောဂါကို ကြိုတင်စစ်ဆေးသိရှိတာတွေကြောင့် ဖြစ်တယ်လို့ ပြောပါတယ်။ ကင်ဆာရောဂါကို ဖြစ်စေနိုင်တဲ့ အရာထဲမှာ လူသိပ်မသိတဲ့ အချက်က အရက်သောက်သုံးခြင်းဖြစ်တယ်လို့ အဲဒီအစီရင်ခံစာက ပြောပါတယ်။

အရက်ပမာဏ အများအပြား သောက်သုံးခြင်းဟာ အသည်းကင်ဆာ၊ အစာအိမ်ကင်ဆာနဲ့ ရင်သား ကင်ဆာ အပါအဝင် ကင်ဆာရောဂါ အမျိုးအစား (၆)မျိုးကို ဖြစ်စေဖို့ အလားအလာ အလွန်များစေနိုင်တဲ့အတွက် အရက်သောက်သုံးမှုအပေါ် သတိပေးထားပါတယ်။ ကင်ဆာကို ဖြစ်စေတဲ့အထဲမှာ အရက်သောက်တာ အပြင် ဆေးလိပ်သောက်တာ၊ ကိုယ်အလေးချိန် များတာ၊ ကိုယ်လက်လှုပ်ရှားမှုနည်းတာနဲ့ စားသောက်မှုပုံစံတွေကြောင့် လည်း ဖြစ်တယ်လို့ အမေရိကန် ကင်ဆာသုတေသနအသင်းရဲ့ အစီရင်ခံက ဖော်ပြထားပါတယ်။

ဒီရော့စီကို နည်းပြအဖြစ်မှ ရိုးမား ထုတ်ပယ်
-----------------
စီးရီးအေကလပ် ရိုးမားအသင်းဟာ အသင်းရဲ့ဂန္ထဝင်ကစားသမားဖြစ်သလို လက်ရှိနည်းပြလည်းဖြစ်တဲ့ ဒီရော့စီကို နည်းပြရာထူးကနေ ထုတ်ပယ်လိုက်ပြီလို့ စက်တင်ဘာလ(၁၈)ရက်နေ့မှာ တရားဝင် ကြေညာသွားခဲ့ပါတယ်။ ရိုးမားအသင်းဟာ အခုဘောလုံးရာသီ စီးရီးအေ(၄)ပွဲ ကစားပြီးချိန်မှာ နိုင်ပွဲမရသေးတာကြောင့် ဒီရော့စီကို နည်းပြ အဖြစ်ကနေ ထုတ်ပယ်ဖို့ ဆုံးဖြတ်ခဲ့တာပါ။

အခုအချိန်မှာ ဒီရော့စီနဲ့လမ်းခွဲလိုက်ပြီဖြစ်ပြီး ဒါကအသင်းရဲ့ရလဒ်တွေ ကောင်းမွန်လာဖို့အတွက် ရည်ရွယ်တယ် လို့ ရိုးမားအသင်းက ထုတ်ပြန်ချက်မှာ ရေးသားခဲ့ပါတယ်။ တာဝန်ရှိသူ တွေအနေနဲ့ အသင်းရဲ့ရလဒ်တွေအပေါ် စိတ်ဝင်တစားလုပ်ဆောင်နေကြတာကြောင့် အသင်းကို လမ်းကြောင်းမှန် ပေါ် ပြန်လည်ရောက်ရှိလာအောင် လုပ်ဆောင်သွားမယ်လို့လည်း ရေးသားဖော်ပြခဲ့ပါသေးတယ်။

ဒီရော့စီဟာ ရိုးမားအသင်းမှာ ဆယ်စုနှစ်(၂)ခုနီးပါး ကစားသမားအဖြစ် ကစားခဲ့သူဖြစ်ပြီး ရိုးမားအသင်းကို နည်းပြအဖြစ် (၂၀၂၄)ခုနှစ်၊ ဇန်နဝါရီလမှာ တာဝန်ယူကိုင်တွယ်ခဲ့သူလည်း ဖြစ်ပါတယ်။

အိုဒီဂတ်၏ဒဏ်ရာ ထင်ထားသည်ထက် ပိုမိုပြင်းထန်
---------------------------
ဩစတြီးယားအသင်းနဲ့ကစားခဲ့တဲ့ နေးရှင်းလိဂ်ပွဲစဉ်မှာရခဲ့တဲ့ နော်ဝေကွင်းလယ်လူ အိုဒီဂတ်ရဲ့ဒဏ်ရာက မူလက ထင်ထားတာထက် ပိုမိုပြင်းထန်တယ်လို့ အာဆင်နည်းပြအာတီတာက စက်တင်ဘာလ(၁၈)ရက်နေ့မှာ ပြောကြား ခဲ့ပါတယ်။ အိုဒီဂတ်ဟာ ဩစတြီးယားအသင်းနဲ့ ကစားခဲ့တဲ့ပွဲစဉ်မှာ ခြေကျင်းဝတ်ဒဏ်ရာရခဲ့ပြီး ဆက်မကစားနိုင် တော့တာကြောင့် ပွဲချိန်(၆၇)မိနစ်မှာ လူစားလဲခံခဲ့ရတာပါ။

အစောပိုင်းသတင်းတွေရဲ့ဖော်ပြချက်အရ အိုဒီဂတ်ဟာ ဒဏ်ရာကြောင့် (၃)ပတ်ခန့် အနားယူရတော့မယ်လို့ ခန့်မှန်းခဲ့ကြပေမယ့် နည်းပြအာတီတာကတော့ အိုဒီဂတ်ရဲ့ ဒဏ်ရာက ထင်ထားတာထက် ပိုမိုပြင်းထန်နေတယ် လို့ ပြောကြားခဲ့ပါတယ်။ ဆေးစစ်ချက်တွေရဲ့အဖြေအရ အိုဒီဂတ်ရဲ့ဒဏ်ရာက ပြင်းထန်ခဲ့ပေမဲ့ အချိန်အတော်ကြာ အနားမယူရဖို့အတွက် မျှော်လင့်မိတယ်လို့ နည်းပြ အာတီတာက ဆက်လက်ပြောကြားခဲ့ပါသေးတယ်။

အာဆင်နယ်အသင်းဟာ လာမယ့်စက်တင်ဘာလ (၂၂)ရက် နေ့မှာ မန်စီးတီးအသင်းနဲ့ ပရီးမီးယားလိဂ်ပွဲစဉ် ကစားရဖို့ရှိတာကြောင့် အိုဒီဂတ် ဒဏ်ရာရရှိခဲ့တာက အသင်း အတွက် စိုးရိမ်စရာ ဖြစ်လာခဲ့ရပါတယ်။

🙂

ကစ်ကစ်တစ်မျှစ်သောက်ဆမ်းချက်နည်း

ကစ်ကစ်တစ်ကိုဆားများများနဲ့လူးပြီး(၁၀)မီနစ်လောက်နှပ်ထားပါ(ငါးအသားနုလို့ပါအသားလည်းကျစ်စေပါတယ်) ပြီးရင်
မျှစ်စိမ်းကိုပါးပါးလေးလှီးထားပါ ငရုပ်သီးခြောက်၊ နနွင်းမှုန်များများ၊ဂျင်း၊ ကြက်သွန်နီ(၂)ဥ ခန့် ထည့်ထောင်းပါ ပြီးရင် ဆားနှပ်ထားတဲ့ငါးကိုရေနဲ့သေချာစင်အောင်ဆေးပါ ပြီးရင်အိုးထဲထည့်ပါ၊ လှီးထားတဲ့မျှစ်တွေထည့်ပါ ရေကိုများများထည့်ပါ၊ ရခိုင်ငပိနည်းနည်းထက်ပိုထည့်ပါမျှစ်ပါလို့ပါ၊ဆားနှပ်ထားတာမို့ငါးသားထဲဆားစိမ့်ဝင်ပြီးသားမို့ဆားနည်းနည်းပဲထည့်နောက်မည်းကြည့်ပြီးမှလိုရင်ထည့်ပါ၊ အချိုမှုန့်မစားရင်ကြက်သားမှုန့်အနည်းငယ်သာထည့်ပါ ပြီးရင်ကြိုက်နှစ်ရာချဉ်ထည့်ပါ၊ဆီမထည့်ရပါနော် ပြီးရင်အဖုံးပိတ်ချက်ရင်းပါပြီ မှတ်ချက် ချက်တဲ့အခါမီးအပူမများစေရပါ(80 or (50 ပဲသုံးပေးပါ