အာဆင်နယ်ကို စတုတ်စီးတီးအသစ်လို့ ပြောခဲ့တဲ့အပေါ် အာတီတာတုန့်ပြန်

ဒီဇင်ဘာ ၈

စပိန်လူမျိုးနည်းပြ အာတီတာက အာဆင်နယ်အသင်းကို စတုတ်စီးတီးအသစ်လို့ ယူနိုက်တက်အသင်း တိုက်စစ်မှူးဟောင်း ဘာဘာတော့ဗ်က ပြောခဲ့တဲ့အပေါ် တုန့်ပြန်ခဲ့ပါတယ်။

အာတီတာက “ဘာဘာတော့ဗ် ပြောတာကို ကျနော်ကောင်းမွန်စွာ နားလည်ပါတယ်။ စတုတ်စီးတီးအသင်းက အလွန်ကောင်းခဲ့တာကြောင့် ဒါကို ကျနော်ချီးကျူးမှု တစ်ခုအဖြစ် မှတ်ယူပါတယ်။ ကျနော်တို့ဟာ တည်ကန် ဘောမှ မဟုတ်ပါဘူး၊ အရာအားလုံးရဲ့ဘုရင်နဲ့ ကမ္ဘာ့အကောင်းဆုံး ဖြစ်ချင်ပါတယ်။ ကျနော်တို့ဟာ အရင်က လုံလောက်တဲ့ ဂိုးလည်း မသွင်းနိုင်၊ စိန်ခေါ်နိုင်ခြင်းလည်းမရှိလို့ လွန်ခဲ့တဲ့နှစ် ၂၀ တုန်းက ပွဲကြီးတွေမှာ အနိုင်မရ ခဲ့ပါဘူး။ အခုအချိန်မှာတော့ ကျနော်တို့ အရာအားလုံးရဲ့ အကောင်းဆုံးဖြစ်ချင်ပါတယ်”လို့ ပြောခဲ့တာပါ။

အာဆင်နယ်အသင်းဟာ ပြီးခဲ့တဲ့ကြားရက်က ယူနိုက်တက်အသင်းကို ၂ ဂိုး-ဂိုးမရှိနဲ့ အနိုင်ရခဲ့တဲ့ပွဲမှာ ထောင့်ကန် ဘော ကနေတဆင့် ဂိုးတွေ သွင်းယူနိုင်ခဲ့တာ ဖြစ်ပါတယ်။

အာဆင်နယ်အသင်းဟာ ပြီးခဲ့တဲ့ ရာသီကနေစတင်ပြီး တည်ကန်ဘောတွေကနေ ဂိုးတွေ အများကြီး သွင်းယူကာ ပြိုင်ဘက် အသင်းတွေဆီကနေ ရမှတ်တွေ ရယူနိုင်ခဲ့တာပါ။

အဲဒါကြောင့် ဘာဘာတော့ဗ်က အာဆင်နယ်အသင်းဟာ စတုတ်စီးတီးအသစ်လို့ နောက်ပြောင်မှု ပြုလုပ်ခဲ့တာ ဖြစ်ပါတယ်။

တိုနီပူးလစ်ကိုင်တွယ်ခဲ့တဲ့ စတုတ်စီးတီးအသင်းဟာ ပရီးမီးယားလိဂ်မှာရှိချိန်က လက်ပစ်ဘောတွေ၊ တည်ကန် ဘောတွေကို အားသာချက်အဖြစ် အသုံးပြုပြီး သွင်းဂိုးတွေ ရယူနိုင်ခဲ့တာပါ။

အာဆင်နယ်အသင်း ကိုယ်တိုင်လည်း စတုတ်စီးတီးအသင်းနဲ့ ယှဉ်ပြိုင်ခဲ့တုန်းက ဒီလိုအခြေအနေတွေကနေ ဂိုးတွေပေးခဲ့ရတာ ဖြစ်ပါတယ်။

အာဆင်နယ်အသင်း နည်းပြ အာတီတာကတော့ သူတို့ဟာ တည်ကန်ဘောတွေတင် မဟုတ်ဘဲ အရာအားလုံးမှာ အကောင်းဆုံး ဖြစ်ချင်တယ်လို့ ပြောခဲ့တာပါ။

အာဆင်နယ်အသင်းဟာ ပရီးမီးယားလိဂ် ပွဲစဉ်အဖြစ် ဖူလ်ဟမ်အသင်းနဲ့ ယှဉ်ပြိုင်ပြီးရင် ကြားရက်မှာ မိုနာကို အသင်းနဲ့ ချန်ပီယံလိဂ်ပွဲစဉ် ယှဉ်ပြိုင်မှာဖြစ်ပါတယ်။

Source: Goal

ပုံ - အာဆင်နယ်နဲ့ ယူနိုက်တက်အသင်း ယှဉ်ပြိုင်နေစဉ်

#သတင်းဟင်းလေးအိုးကြီး

ကျပ်သိန်း (၈၀၀၀) ကျော်ဖိုးရှိတဲ့ မူးယစ်ဆေး၀ါးတွေ ကျောက်ဆည်နဲ့ မိုင်းဆက်တို့မှာ ဖမ်းဆီးရမိ

ဒီဇင်ဘာ ၉

ကျပ်သိန်း (၈၀၀၀) ကျော်ဖိုးရှိတဲ့ မူးယစ်ဆေး၀ါးတွေကို မန္တလေးမြို့၊ ကျောက်ဆည်မြို့နယ်အတွင်းနဲ့ ရှမ်း (ရှေ့) မိုင်းဆက်မြို့နယ်တို့မှာ ဖမ်းဆီးရမိခဲ့တယ်လို့ ရဲတပ်ဖွဲ့ဆီက ပြောပါတယ်။

ကျောက်ဆည်မြို့နယ်ထဲက သံရွာကျေးရွာအနီးမှာ ဒီဇင်ဘာ (၄)ရက်နေ့ HUMMER အမျိုးအစားယာဉ် (၁)စီးကို ရပ်တန့်စေပြီး စစ်ဆေးမှုတွေ ပြုလုပ်ရာမှာ ယာဉ်ပေါ်မှာ သိုဝှက်သယ်ဆောင်လာတဲ့ ဘိန်းဖြူ အလေးချိန် ၈ ဒသမ ၈ ကီလို၊ စိတ်ကြွရူးသွပ်ဆေးပြား ၁၄၀၀၀၀ နဲ့ လက်ကိုင်ဖုန်း (၄) ကို သိမ်းဆည်း ရမိခဲ့တယ်လို့ သိရပါတယ်။

သိမ်းဆည်းရမိတဲ့ မူးယစ်ဆေး၀ါးတွေရဲ့ ဒေသကာလပေါက်စျေးဟာ ကျပ် သိန်း ၄၃၀၀၀ တန်ဖိုးရှိတယ်လို့ သိရပါတယ်။

ဒီဇင်ဘာ (၅)ရက်နေ့က မိုင်းဆက်မြို့နယ်ထဲက မဟုန်လွယ်ကျေးရွာ အနီးမှာ HILUX REVO ယာဉ် (၁)စီးကို ရပ်တန့်စေပြီး စစ်ဆေးမှုတွေပြုလုပ်ခဲ့ရာမှာ ကျပ်သိန်း ၄၀၀၀ တန်ဖိုးရှိတဲ့ စိတ်ကြွရူးသွပ်ဆေးပြား (၁၀) သိန်း ကို သိမ်းဆည်းရမိခဲ့တယ်လို့ သိရပါတယ်။

အဲ့ဒီ မူးယစ်ဆေး၀ါးတွေကို သယ်ဆောင်လာသူ (၂)ဦးကို သက်ဆိုင်ရာ နယ်မြေရဲစခန်းတွေမှာ မူးယစ်ဆေးဝါးနဲ့ စိတ်ကိုပြောင်းလဲစေတဲ့ ဆေးဝါးများဆိုင်ရာဥပဒေအရ အမှုဖွင့် အရေးယူထားတယ်လို့ သိရပါတယ်။

#centralnewsnaypyitaw

~~~ အမှတ်တရ ~~~ { ၄ }
#ဂျူး
အဓိပ္ပါယ် ဖော်ရခက်သော မျက်လုံးများဖြင့် ကျွန်မ မောင့်ကို လှမ်းလှမ်းကြည့်သောအခါ မျက်၀န်းချင်း ဆုံမိပြီဆိုလျှင် ရှက်တတ်သော မောင်က အလျင် မျက်လုံးလွှဲလေ့ရှိပါသည်။
ဘာပဲဖြစ်ဖြစ် နောက်တော့ မောင်စိတ်၀င်စားသူမှာ ကျွန်မဟု အနည်းအကျဉ်း ရိပ်မိလာရသည်။ များများစားစား ရိပ်မိရအောင်လည်း အခြေအနေ မပေးပါ ။
ဆရာဦးတင်မောင်ရင်က စာသိပ်မေးပါသည်။သည်လိုနှင့် ခန္ဓာဗေဒ ခွဲစိတ်ခန်း ရောက်တိုင်း စာသိပ်မေးသော ဆရာကို မျက်နှာချင်း မဆိုင်မိအောင် ရှောင်ရသော အလုပ်အပြင် မောင်နှင့် မျက်လုံးခြင်းဆုံဖို့ ခပ်ရှက်ရှက်ဖြင့် ကြိုးစားရသော အလုပ်တစ်ခုပါ ပိုလာသည်။ တစ်ခါတစ်ခါကျတော့ အရပ်ပုသောကျွန်မသည် ကျွန်မတို့ လူအုပ်ကြားတွင် ပျောက်ကွယ်နေသည့်အခါ အရပ်ရှည်သွယ်သော မောင်သည်ပင်လျှင် ခြေဖျားထောက်၍ထောက်၍ ကြည့်ရတတ်ပါသည်။ တစ်ခါတစ်လေ ဆရာဦးကိုလေးက အဖွဲ့တစ်ခုခုသို့ ၀င်ရောက်လာပြီး စာသင်ခြင်း တစ်လှည့် ၊ စာမေးခြင်း တစ်လှည့် ပြုလုပ်တတ်၏။
တစ်နေ့တာ ခန္ဓာဗေဒ သင်ခန်းစာများ ပြီးစီးနေသော ကျောင်းသား ကျောင်းသူများ ဆရာ့အနီးသို့ ရောက်သွားတတ်၏။ ဆရာ့စကားကို အားလုံး ဝိုင်းနားထောင်တတ်ကြသည်။ ထိုအခါ မောင်ကလည်း ဆရာရှိရာသို့ လာ၍ နားထောင်တတ်ပါသည်။ မောင့်အာရုံက ဆရာ့ဆီမှာ ရှိချင်ရှိနိုင်မည် ဖြစ်သော်လည်း မောင့်မျက်လုံးကတော့ ကျွန်မဆီမှာပဲ ရှိနေတတ်၏။ ကျွန်မ ရယ်ချင်သည့်အခါ မောင့်ဆီမှ မျက်လုံး လွှဲပစ်ကာ ကျိတ်ရယ်လေ့ရှိပါသည်။ ကျွန်မ ပြုံးရယ်လျှင် မောင်ကလည်း ရှက်သလို မချိုမချဉ် ပြုံး၍ မျက်နှာ ချက်ချင်း လွှဲပစ်တတ်သည်။
တစ်ခါတုန်းက မောင်နှင့်ကျွန်မ တစ်ယောက်နှင့်တစ်ယောက် မျက်နှာချင်းဆိုင် အကာအကွယ် မရှိ ခပ်လှမ်းလှမ်းမှာ တည်ရှိနေခဲ့ ကြဖူး၏။ မောင်နှင့် သိပ်တွဲသော မောင့်သူငယ်ချင်း အံ့ကျော်က တမင်တကာ မောင့်ရှေ့သို့ ၀င်ရပ်ပြီး မောင့်မြင်ကွင်းကို ကွယ်ပစ်လိုက်၏။ မောင်သည် အလွန်တရာ ချစ်ဖို့ကောင်းအောင် ရှက်ရယ်ရယ်လျက် မောင့်သူငယ်ချင်းကို ရှေ့မှ တွန်းဖယ်ထုတ်ပစ်ခဲ့ဖူးလေသည်။ အဲဒီတုန်းက ကျွန်မ ရှက်လည်းရှက် ၊ ပျော်လည်း ပျော်ပြီး မောင့်ကိုလည်း နင့်နင့်သည်းသည်း ချစ်မိနေမှန်း ပထမဆုံးအကြိမ် သတိပြုခဲ့မိပါသည်။
မောင့်ကို ချစ်မိပြီဟု ကိုယ့်ကိုယ်ကို ၀န်ခံလိုက်ရသောနေ့က ကျွန်မ အကြီးအကျယ် တုန်လှုပ်သွားပါသည်။ ဘာကြောင့် ချစ်မိမှန်းလည်း မသေချာသောကြောင့် အနည်းငယ် နားမလည်နိုင်ပါ။ မောင့်အပြုအမှု အနေအထိုင်က အစ ကျွန်မ အသေးစိတ် ချစ်မိသွားတာက အလွန်သေချာပါသည်မောင်။
ပထမနှစ်ကတည်းက ကျွန်မ သူငယ်ချင်း ခင်စန်း၀င်းက ခဏခဏ ပြောလွန်း၍ မောင့်နာမည်ကို ကျွန်မ သိခဲ့ရပါသည်။ ခင်စန်း၀င်းက အကောင်းပြောခြင်း မဟုတ်ပါ။ အတင်းတုပ်ခြင်းသာ ဖြစ်၏။ မောင့်ကို ခင်စန်း၀င်းက ဟင်နရီဒူးနန့် နှစ် ဟုခေါ်ပါသည်။ (ဟင်နရီဒူးနန့် တစ် သည် အဲ့ဒီတုန်းက ခင်စန်း၀င်းနှင့် ရည်းစား မဖြစ်သေးသော ကျွန်မသူငယ်ချင်း ၀င်းမြင့်ထွန်း ဖြစ်ပါသည်။) ကြက်ခြေနီနှင့် မဆိုင်ပါ။ စာသင်ရင်း ဒူးလှုပ် ခြေလှုပ် လှုပ်နေတတ်သောကြောင့် ဖြစ်၏။ နောက်ခုံတန်းက တစ်ချိန်လုံး လှုပ်နေသောအခါ သူမ၏ ခုံကပါ လိုက်လှုပ်၍ မူးနောက်လာသည်ဟု ခင်စန်း၀င်းက စိတ်တိုသဖြင့် ပြောပြဖူး၏။
အဲဒီတုန်းကတော့ ကျွန်မ နှင့် မောင် တစ်ချိန်ချိန်မှာ ပတ်သက်လာလိမ့်မည်ဟု မည်သူမျှ မထင်ခဲ့ကြ။ ကျွန်မနှင့် မောင် ရည်းစားဖြစ်သောအခါ မောင် ဒူးလှုပ်လျှင် ကျွန်မက မောင့်ကိုဆိတ်ဆွဲတတ်သောကြောင့် မောင်အနည်းငယ်ထိန်းချုပ်လာ၏။
(သို့သော် ဖဲရိုက်နေရင်း တစ်ခါတစ်ခါ လှုပ်နေတတ်ပါသေးသည်။) ကျွန်မ ပြောချင်တာက ကျွန်မ ဘယ်လိုမှ မကြိုက်သော အကျင့်ဆိုးတစ်ခု မောင့်ဆီမှာ ရှိနေလျက်နှင့် ထိုအကျင့်ဆိုးကိုပင် ချစ်စဖွယ် ဖြစ်လာအောင် မောင်က ကျွန်မ အပေါ် လွှမ်းမိုးနိုင်သည် ဆိုတာပါပဲ။
နောက်ပြီး ခန္ဓာဗေဒ ခွဲစိတ်ခန်းမှာ လက်တွေ့ခွဲစိတ်ရလျှင် တစ်တန်းလုံး ဂျူတီကုတ်အဖြူ ၀တ်ရသည်။ ဂျူတီကုတ် မပါလာလျှင် ဌာနမှူး ဆရာ ဦးခင်မောင်စိန်က အခန်းထဲမှ ထွက်သွားခိုင်းပါသည်။ ဒုတိယနှစ်မှာ ဂျူတီကုတ်က ဖက်ရှင်တစ်ခု ဖြစ်သဖြင့် လူတိုင်း ကော့ပျံနေအောင် မီးပူထိုးပြီး သပ်သပ်ရပ်ရပ် ၀တ်ထားကြသည့် အထဲတွင် မောင့်ကိုတော့ ကြေမွနေသော အင်္ကျီဖြင့် တစ်ခါတစ်ခါ တွေ့ရ၏။ လျှော်ဖွပ်ပြီး မီးပူမတိုက်ရသေး၍ ကြေမွခြင်းမျိုး မဟုတ်ပါ။ လုံးထွေးပစ်တင်ထားပြီး ကြေမွသော ပုံစံသာ ဖြစ်၏။ ဘာပဲဖြစ်ဖြစ် မောင့်ကျတော့ ချစ်ဖို့ ကောင်းသွားတာပါပဲ။ တခြားသူများ ဂျူတီကုတ်ကို ပခုံးပေါ်တင်ထားလျှင် ကျွန်မ ကြည့်မရသော်လည်း မောင့်ကိုကျတော့ ကျွန်မ သိပ်ကြည့်ကောင်းနေပါသည်။ အချစ်ဆိုတာ မျက်နှာ လိုက်တတ်၏။
#ဆက်ရန်ရှိ

ဦးချောင်းရေ😆

ဒီဇင်ဘာ ၉ ရက်နေ့ စက်သုံးဆီစျေးနှုန်းများ

#သတင်းဟင်းလေးအိုးကြီး

ဒီဇင်ဘာ ၉ ရက်နေ့ စက်သုံးဆီစျေးနှုန်းများ

#centralnewsnaypyitaw

Xiaohong ချစ်ပ်ဖြင့် မောင်းနှင်သည့် စံချိန်ချိုးနိုင်သော 504-quantum ကွန်ပျူတာကို တရုတ်နိုင်ငံမှ တီထွင်ထုတ်လုပ်။

တရုတ်သည် စွမ်းဆောင်ရည်မြင့်မားသော 504-quit ကွမ်တမ်ကွန်ပြူတာ Tianyan-504 ကို တီထွင်ခြင်းဖြင့် ကွမ်တမ်ကွန်ပြူတာတွင် မှတ်တိုင်သစ်တစ်ခုသို့ ရောက်ရှိသွားပြီဖြစ်သည်။

Tianyan-504 ကွမ်တမ်ကွန်ပြူတာအား China Telecom Quantum Group (CTQG)၊ တရုတ်သိပ္ပံအကယ်ဒမီအောက်ရှိ ကွမ်တမ်သတင်းအချက်အလက်နှင့် ကွမ်တမ်ရူပဗေဒဆိုင်ရာ စင်တာနှင့် Anhui ပြည်နယ်အခြေစိုက် ကွမ်တမ်နည်းပညာကုမ္ပဏီ QuantumCTek တို့ ပူးပေါင်း၍ တီထွင်ခဲ့ခြင်းဖြစ်သည်။

2023 ခုနှစ် နိုဝင်ဘာလတွင် စတင်ခဲ့သော Tianyan ကွမ်တမ် ကွန်ပြူတာ cloud platform သည် နိုင်ငံပေါင်း 50 ကျော်မှ လာရောက်သုံးစွဲသူ ၁၂ သန်းကျော် ရရှိထားပြီး ကမ္ဘာတစ်ဝှမ်းရှိ သုံးစွဲသူများအတွက် လက်လှမ်းမီနိုင်သော ကွမ်တမ် ကွန်ပြူတာဝန်ဆောင်မှုများပေးလျက်ရှိသည်။

တို့ဖူးသုပ်

တို့ဖူး
ကြက်သွန်နီ
မန်ကျည်းအရည်
ရှောက်ရွက်
ငရုတ်သီးစိမ်း
ငံပြာရည်
ဆီချက်
အချိုမှုန့်/ကြက်သားမှုန့်