ပဲခူးမြို့တွင် နေအိမ်ခြံဝန်းထဲ၌ နှစ်သစ်ကူးပွဲကျင်းပပြုလုပ်နေစဉ် အိမ်ရှင်အမျိုးသားနှစ်ဦး သံကတ်ကြေးဖြင့် ထိုးခံရ၍ တစ်ဦးသေဆုံး
ဇန်နဝါရီ ၃
ပဲခူးတိုင်းဒေသကြီး၊ ပဲခူးမြို့၊ ကလိကျေးရွာတွင် မိသားစုဝင်များ နေအိမ်ခြံဝန်းထဲတွင် ဒီဇင်ဘာလ ၃၁ ရက်နေ့၌ နှစ်သစ်ကူးပွဲကျင်းပပြုလုပ်စဉ် အရက်မူးနေသည့် တစ်ရွာထဲနေအမျိုးသားတစ်ဦးမှ ထိုခြံဝန်းထဲသို့ ရောက်ရှိလာပြီး စကားများရန်ဖြစ်၍ အိမ်ရှင်အမျိုးသားနှစ်ဦးကို ထိုအမျိုးသားမှ သံကတ်ကြေးဖြင့်ထိုးရာ တစ်ဦးသေဆုံးသွား ကြောင်း သိရသည်။
ဖြစ်စဉ်မှာ ပဲခူးမြို့၊ ကြည်တော်ကုန်း (၅) လမ်း၊ နန်းတော်ရာရပ်ကွက်တွင် နေထိုင်သည့် ကိုလင်းတို့ ဇနီးမောင် နှံနှစ်ဦးမှာ မိဘများရှိသည့် ကလိကျေးရွာတွင် နှစ်သစ်ကူးပွဲကျင်းပရန်အတွက် ရောက်ရှိလာပြီး နေအိမ်ခြံ ဝန်းထဲ၌ မိသားစုဝင်များနှင့်အတူနှစ်သစ်ကူးပွဲကျင်းပနေစဉ် တစ်ရွာထဲနေအမျိုးသားတစ်ဦး အရက်မူး ပြီး ခြံဝန်းထဲရောက်ရှိလာပြီး “ကချင်တယ်သီချင်းဖွင့်ပေးရန်” ပြောသောကြောင့် အိမ်ရှင်များမှ ဖွင့်ပေးခဲ့ကြောင်း သိရသည်။
ထိုသီချင်းတစ်ပုဒ်ဖွင့်ပေးပြီးနောက် အိမ်ရှင်များမှ ပြန်ခိုင်းသောကြောင့် “မင်းတို့ကငါ့ကိုနှင်ထုတ်တာလားဟု ပြောဆိုပြီး” နောက် ထိုတစ်ရွာထဲနေအမျိုးသားမှ အရှည် (၁) ပေခန့်ရှိ သံကတ်ကြေးအားကိုင်ပြီး ခြံဝန်းထဲသို့ ပြန်လည်ရောက်ရှိလာပြီး အနီးရှိ အုတ်နီခဲကျိုးအား ကောက်ယူပြီး ကိုလင်း၏ ညီဖြစ်သူကျော်သူရ၏ ဦးခေါင်းကို ထုပြီး ဘယ်ဘက်ကျောကုန်းကိုလည်း ကတ်ကြေးဖြင့်ထိုးပြီးနောက် ကိုလင်း၏ ဆီးခုံအထက်ကိုလည်း ကတ်ကြေးဖြင့် ထိုးသွင်းဒဏ်ရာနှစ်ချက်ဖြင့် ထိုးပြီး ထိုအမျိုးသား ထွက်ပြေးသွားကြောင်း သိရသည်။
ဒဏ်ရာပြင်းထန်ရရှိသည့် ညီအစ်ကိုနှစ်ဦးကို ပဲခူးပြည်သူ့ဆေးရုံသို့ ပို့ဆောင်စဉ် ညီဖြစ်သူ ကျော်သူရမှာ သေဆုံးပြီး၊ ၎င်း၏အစ်ကိုဖြစ်သူလည်း စိုးရိမ်ရသည့် အခြေနေရှိကြောင်း၊ ကျူးလွန်သူအမျိုးသား နေလင်းအောင်ကို တာဝန်ရှိသူများမှ ဖမ်းဆီးအရေးယူထားကြောင်း သိရသည်။
Photo – Credit
#centralnewsnaypyitaw
