ရာဇဝင်တွင်တဲ့ကျောက်ပန္ဒူ
ရခိုင်ပြည်နယ် မောင်တောမြို့နယ်၏
အရှေ့ဘက်တွင် မယူတောင်တန်း၊ အနောက်ဘက်တွင်ဘင်္ဂလားပင်လယ်အော်၊ ဘင်္ဂလားဒေ့ရ်ှနိုင်ငံနှင့် နယ်နိမိတ်ပိုင်းခြားထားသည့် နာမည်ကျော် နတ်မြစ်ကလည်း မောင်တောမြို့နယ်အတွက် သဘာ၀ကပေးထားသည့် လက်ဆောင်ကောင်းများ ဖြစ်သည်။ဓါတ်တော်ငါးဆူ အပြင် သဘာဝအလှစိတ်ဝင်စားစရာ အကောင်းဆုံးမှာ ကျောက်ပန္ဒူ ကမ်းခြေဖြစ်ပြီး
ကျောက်ပန္ဒူဟူသော အမည်မှာလည်း ယင်းနေရာတွင် ရှေးရခိုင်ဘုရင် များခေတ်က ဘင်္ဂလားပင်လယ်အော်အတွင်း ရေကြောင်း ခရီးသွားလာသည့်အခါ လမ်းပြအမှတ်အသားအဖြစ် အသုံးပြုခဲ့သည့်ကျောက်ဆောင်ကြီးကို အစွဲပြုပြီး ကျောက်ပန်းတူဟု ခေါ်ဆိုခဲ့ရာမှ ကာလရှည်ကြာလာသည့်အခါ ကျောက်ပန္ဒူဟု ပြောင်းလဲခေါ်ဆိုခဲ့ခြင်းဖြစ်သည်။ကျောက်စိုင်၊ ကျောက်တုံးများနှင့် ကမ်းခြေတစ်လျှောက် တွင် သဘာ၀အတိုင်း ပြန့်ကျဲလျက်ရှိနေပြီးမြင်ကွင်း၊ ဟင်းလင်းပြင် မြင်တွေ့ရ သော ဘင်္ဂလားပင်လယ်အော်ရေပြင်သည်ကား စိတ်အေးချမ်းကာ ကောင်း၏
ဟိန္ဒူဘာသာဝင်တို့၏ အဆိုအရ ဟာနုမာန်မျောက်မင်းနှင့် မျောက်သား ၅၀၀ တို့ ဒဿဂီရိ (ငယ်မည် ရာဝဏ) မင်း တိုင်းပြည့်သို့ စစ်ချီရန် လမ်းဖောက်လုပ်ခဲ့သည့်နေရာ
(ရခိုင်စကား ...မျောက်သားငါးရာ ကျောက်တန်းစီရယ်နီရာ)ဟု အသိအမှတ်ပြု အလေးထားသည့်နေရာတစ်ခုဖြစ်သည့်
(ဂေါ့တော်စ်ပလ္လင် ) ဟုလည်း ခေါ်ဆိုကြ၏
Crd. Nyi Nyi
အယင်က ဤဒေသသို့ မလ္လာယုကျွန်းမှ ရွေ့ပြောင်းအခြေချနေထိုင်လာခဲ့ကြသူများမှာ ဟိန္ဒူဘာသာဝင်များဖြစ်ဖွယ်ရှိပါရေ။သူတို့သည် ကျောက်ပန္ဒူ (ကျောက်ဆောင်) အရှေ့ဘက် ရှိ တောင်ငယ်နှစ်လုံးကို ရာမတောင် ၊ လက္ခဏတောင်ဟု သတ်မှတ်ပြီး ပူဇော်ခဲ့ကြရာ ယနေ့အထိ ဟိန္ဒူဘာသာဝင်များ နှစ်စဉ်ပွဲတော်များကျင်းပလျှက်ရှိပါရေ။ကျောက်ပန္ဒူ၏ အနောက်တောင်ဘက်ပင်လယ်တွင် ဟာနုမန် (မျောက်)ကျောက်တန်းကိုလည်း ခက်ခက်ခဲခဲပြုလုပ်ထားခဲ့ကြပါသည်။ (ခေါင်းဆယ်လုံးဘီလူး ဖမ်းယူခရေ မေသီတာကို ကယ်တင်ဖို့ ကျောက်လမ်းအား ပင်လယ်ပြင်ကြီးတွင်မျောက်မင်းတို့၏အကူအညီဖြင့်တည်ဆောက်ရစွာဖြစ်ပါရေ။) ဟာနုမန်ကျောက်တန်းကို ဒီရေ ကျချိန်မှာ တွေ့မြင်နိုင်ပါရေ။
Crd. ညိုလှဖြူ (မောင်တော)
ကျောက်ပန္ဒူကမ်းချေမှာ ဆေးတောင်လုံးကျော်ရှာဖို့လို့ ဟာနုမန် ဖဲ့ယူခရေ မာန်အောင် တောင်နီတောင်က အခြမ်းတောင်ပုံချေလည်း ဟိပါရေ။
ဟိန္ဒူ လူမျိုးမှာလည်း ရာမတောင်နဲ့ ကျောက်ပန္ဒူနဲ့ ထိကေ ကမ္ဘာမီးလောင်ဖို့လို့ အယူထားကတ်တေကြားဖူးပါရေ။ ကျောက်ပန္ဒူရေ တစ်ရက်မှာ ဆန်စိတစ်ခြမ်းစီ ရွေ့ပါရေလတ်။
အခါအခွင့်ကြုံကေ လာလည်ဖို့ ဖိတ်ခေါ်ပါရေ အမျိုးရို့။
အရှင်စက္ကိန္ဒ ရွီးရယ်နတ်မြစ်ကမ်းယောင်စာအုပ်
မြို့နယ်သမိုင်းမှတ်တမ်းစာအုပ်
ဓာတ်ပုံ -(ကိုထူးထူး၊ကိုသားတိုး၊ကိုကျောက်ထွန်းအောင်အောင်နှင့်မူရင်းပိုင်ရှင်များအား crdပီးပါရေ)
#rakhine Media
#crd
