Cat tattoo

Cat tattoo

Cat tattoo

Cat tattoo

My kind of therapy 🐚🌊

My kind of therapy 🐚🌊

My kind of therapy 🐚🌊

My kind of therapy 🐚🌊

My kind of therapy 🐚🌊

ကာဗွန်အခွန်စည်းကြပ်မည့် ကိစ္စ ထိုင်းအစိုးရ အတည်ပြု

ထိုင်းနိုင်ငံသည် ဖန်လုံအိမ်ဓါတ်ငွေ့လျှော့ချရေး ကြိုးပမ်းမှု တစ်စိတ်တစ်ပိုင်းအနေဖြင့် ကာဗွန်ဓါတ်ငွေ့ တစ်တန် ထုတ်လွှတ်လျှင် ဘတ် ၂၀၀ ကာဗွန်ခွန် စည်းကြပ် ကောက်ခံ ရန် အင်္ဂါနေ့တွင် အစိုးရအဖွဲ့က သဘောတူလိုက်သည်ဟု ဘဏ္ဍာရေးဝန်ကြီးဌာန ဒုတိယဝန်ကြီး Paopoom Rojanasakul က ပြောကြားသည်။

သို့သော်လည်း လက်ရှိ ရေနံအခွန်တွင် ပါဝင်လာမည်ဖြစ်သော အခွန်ကောက်ခံမှုသည် ရေနံနှင့် ရေနံထွက်ကုန်များ၏ လက်လီဈေးနှုန်းကို ထိခိုက်မည်မဟုတ်ကြောင်း မစ္စတာ Paopoom က ပြောကြားခဲ့သည်။

ကာဗွန်ဈေးနှုန်းသတ်မှတ်ခြင်းသည် စက်မှုကဏ္ဍ၏ ကုန်ကျစရိတ်ကို ထိခိုက်မည်မဟုတ်သကဲ့သို့ လောင်စာဆီ ၏ လက်လီဈေးနှုန်းများ အပေါ်လည်း အကျိုးသက်ရောက်မည်မဟုတ်ဟု သူက ဆက်လက် ပြောကြားခဲ့သည်။

အဆိုပါစီမံချက်သည် စားသုံးသူဆိုင်ရာ အမူအကျင့်ကို သဘာဝပတ်ဝန်းကျင်နှင့် သဟဇာတဖြစ်စေရန် ပြောင်းလဲရာတွင် အကူအညီဖြစ် စေရန်နှင့် သဘာဝပတ်ဝန်းကျင် အပေါ် ထိခိုက်မှုများကို ဦးစားပေးစဉ်းစားသော နိုင်ငံတကာကုန်သွယ်မှုဆိုင်ရာ စေ့စပ်ညှိနှိုင်းမှုများတွင် အထောက်အကူဖြစ်စေရန် ဆောင်ရွက်ခြင်းဖြစ်ကြောင်း မစ္စတာ Papoom က ပြောဆိုသည်။

ထိုင်းနိုင်ငံသည် ၂၀၅၀ ပြည့်နှစ်တွင် ကာဗွန်မျှခြေရောက်ရှိရန်နှင့် ၂၀၂၆ ခုနှစ်တွင် ဖန်လုံအိမ်ဓါတ်ငွေ့ထုတ်လွှတ်မှု လုံး၀ မရှိစေရန် ရည်မှန်းထားကြောင်းနှင့် မော်တော်ယာဉ်များနှင့် ရေနံစက်မှုလုပ်ငန်းများသည် ကာဗွန်ထုတ်လွှတ်မှု ၇၀ ရာခိုင်နှုန်း၏ အရင်းခံ အကြောင်းတရားများဖြစ်ကြောင်း သူက ပြောဆိုခဲ့သည်။

ကာဗွန်ဈေးနှုန်း ယန္တရားအရ လိုက်နာရမည့် ထုတ်ကုန်များတွင် ဓါတ်ဆီ၊ ရေနံဆီ၊ လေယာဉ်ဆီ၊ ဒီဇယ်၊ ဇီဝဒီဇယ်၊ ရေနံဓါတ်ငွေ့ရည်နှင့် လောင်စာဆီတို့ပါဝင်သည်ဟု မစ္စတာ Paopoom က ပြောဆိုခဲ့သည်။