တရားမဝင်သွယ်တန်းထားသည့် ဝိုင်ဖိုင်ကြိုးများနှင့်ဆက်သွယ်ရေးကြိုးများကိုရှင်းလင်း

ရန်ကုန်မြို့တွင်း၌ တရားမဝင်သွယ်တန်းထားသည့် ဝိုင်ဖိုင်ကြိုးများနှင့် ဆက်သွယ်ရေးကြိုးများကို သက်ဆိုင်ရာခရိုင်လျှပ်စစ်ဝန်ထမ်းများ၊ ကုမ္ပဏီဝန်ထမ်းများမှ ယမန်နေ့ နိုဝင်ဘာ ၁၃ ရက်က ဖယ်ရှားရှင်းလင်းပေးခဲ့ကြကြောင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်း(YESC)ထံ မှ သိရသည်။

YESC အနောက်ပိုင်းခရိုင်ရှိ လှိုင်မြို့နယ်၊ အင်းစိန်လမ်းနှင့် ရွာမကျောင်းလမ်းထောင့်၊ ပါရမီလမ်းတစ်လျှောက်တို့တွင် လျှပ်စစ်စွမ်းအားဝန်ကြီးဌာန၏ YESC ပိုင်လျှပ်စစ်ဓာတ်တိုင်များပေါ်တွင် တရားမဝင်သွယ်တန်းထားသော ဖိုင်ဘာကေဘယ်ကြိုးများ၊ ဝိုင်ဖိုင်ကြိုးများနှင့်လျှပ်စစ်အန္တရာယ်ဖြစ်စေနိုင်သည့်ဆက်သွယ်ရေးကြိုးများအား စစ်ဆေးမှုများပြုလုပ်ကာ ဖယ်ရှားရှင်းလင်းခဲ့ကြကြောင်း သိရသည်။

ထိုသို့ ဖယ်ရှားရှင်းလင်းမှုများအား YESC အနောက်ပိုင်းခရိုင်၊ လှိုင်မြို့နယ်လျှပ်စစ်မန်နေဂျာ၊ မြို့နယ်လျှပ်စစ်အင်ဂျင်နီယာနှင့်ဝန်ထမ်းများ၊ တရားဝင်ခွင့်ပြုထားသောဆက်သွယ်ရေးကုမ္ပဏီများမှဝန်ထမ်းများက ပူးပေါင်းဆောင်ရွက်ခဲ့ကြကြောင်း သိရသည်။

စစ်ဆေးမှုများပြုလုပ်ချိန်၌ တရားဝင်ခွင့်ပြုထားသည့် ဆက်သွယ်ရေးကုမ္ပဏီများအနေဖြင့် မြို့တော်အင်္ဂါရပ်များနှင့် အညီစနစ်တကျသွယ်တန်းထားခြင်းရှိ/မရှိ၊ လျှပ်စစ်အန္တရာယ်ကင်းရှင်းမှုရှိ/မရှိတို့ကိုလည်း စစ်ဆေးခြင်းတို့ကိုလည်းပြုလုပ်ခဲ့ကြကြောင်း သိရသည်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ

နိုဝင်ဘာ - ၁၄

#ရွှေဈေး

-ကမ္ဘာ့ရွှေဈေး
တအောင်စ ၂၅၆၂ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၅၂၉၈၃၁၃ ကျပ်

ပြင်ပရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၆၁၀၅၀၀၀ ကျပ်
ဝယ်ဈေး ၆၀၆၅၀၀၀ ကျပ်

-၁၅ ပဲရည် တကျပ်သား
ရောင်းဈေး ၅၉၀၅၀၀၀ ကျပ်
ဝယ်ဈေး ၅၈၆၅၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၂၁၀၀ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၅၃၀ ကျပ်
ဝယ်ဈေး - ၄၄၃၀ ကျပ်

-စင်္ကာပူဒေါ်လာ
ရောင်းဈေး - ၃၃၇၀ ကျပ်
ဝယ်ဈေး - ၃၃၀၀ ကျပ်

-ယူရို
ရောင်းဈေး - ၄၈၀၀ ကျပ်
ဝယ်ဈေး - ၄၆၇၅ ကျပ်

-ထိုင်းဘတ်
ရောင်းဈေး - ၁၂၉.၈၇ ကျပ်
ဝယ်ဈေး - ၁၂၆.၅၈ ကျပ်

-မလေးရှားရင်းဂစ်
ရောင်းဈေး - ၁၀၂၀ ကျပ်
ဝယ်ဈေး - ၉၉၀ ကျပ်

-တရုတ်ယွမ်
ရောင်းဈေး - ၆၃၀ ကျပ်
ဝယ်ဈေး - ၆၁၀ ကျပ်

-ဂျပန်ယန်း
ရောင်းဈေး - ၂၉.၁၀ ကျပ်
ဝယ်ဈေး - ၂၈.၃၅ ကျပ်

-အိန္ဒိယရူပီး
ရောင်းဈေး - ၅၃.၂၅ ကျပ်
ဝယ်ဈေး - ၅၁.၉၀ ကျပ်

-ကိုရီးယားဝမ်
ရောင်းဈေး - ၃.၂၂ ကျပ်
ဝယ်ဈေး - ၃.၁၄ ကျပ်

-စတာလင်ပေါင်
ရောင်းဈေး - ၅၇၇၀ ကျပ်
ဝယ်ဈေး - ၅၆၂၀ ကျပ်

-ဩစတြေးလျဒေါ်လာ
ရောင်းဈေး - ၂၉၄၅ ကျပ်
ဝယ်ဈေး - ၂၈၇၀ ကျပ်

-ကနေဒါဒေါ်လာ
ရောင်းဈေး - ၃၂၄၅ ကျပ်
ဝယ်ဈေး - ၃၁၆၀ ကျပ်

-ဟောင်ကောင်ဒေါ်လာ
ရောင်းဈေး - ၅၈၅ ကျပ်
ဝယ်ဈေး - ၅၇၀ ကျပ်

-ယူအေအီး
ရောင်းဈေး - ၁၂၄၀ ကျပ်
ဝယ်ဈေး - ၁၂၀၅ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။


#centralnewsnaypyitaw

အိမ်ဖြူ‌တော်မှာ ရွေးကောက်ခံသမ္မတ ထရမ့်နဲ့ သမ္မတဘိုင်ဒန်တို့ နိုဝင်ဘာ ၁၃ ရက်မှာ တွေ့ဆုံပြီး အာဏာလွှဲပြောင်းရေးကိစ္စ ဆွေးနွေးခဲ့ကြသလို ဒီတွေ့ဆုံမှုအပြီး ထရမ့်က ကြေညာချက်ကြီးကြီးမားမားတွေလည်းပြုလုပ်လာပါတယ်။

အဲဒီထဲမှာ -
• ဒေါ်နယ်ထရမ့်က ကွန်ဂရက်အမတ် မတ်ဂိတ်ကို ရှေ့နေချုပ်ရာထူးအတွက် အဆိုပြုထား၊

• ဖလော်ရီဒါပြည်နယ် အထက်လွှတ်‌တော်အမတ် မာကို ရူဘီယိုကို နိုင်ငံခြားရေးဝန်ကြီးနေရာ အဆိုပြု၊

• အမျိုးသားထောက်လှမ်းရေးညွှန်ချုပ်နေရာအတွက် တူလ်ဆီ ဂတ်ဘတ်ကို အဆိုပြုထား၊

• ဒီရာထူးတွေကို အထက်လွှတ်တော်က အတည်ပြုပေးဖို့လိုပြီး အထက်လွှတ်တော်မှာ ထရမ့်ရဲ့ ရီဘတ်ဘလီကန်ပါတီက အမတ်အများစု ရှိနေ၊

• တောင် ဒါကိုဒါပြည်နယ် အထက်လွှတ်တော်အမတ် ဂျွန်သူးက ဆီးနိတ်လွှတ်တော် အမတ်ခေါင်းဆောင်နေရာကို ရွေးချယ်ခံရပြီး မြန်မာ့အရေးမပြတ်ပြောလေ့ရှိတဲ့ ကန်တတ်ကီပြည်နယ် အမတ် မစ်ချ် မက်ကော်နယ်ရဲ့နေရာမှာ အစားထိုးရယူပြီဖြစ်ပါတယ်၊

• အောက်လွှတ်တော်မှာတော့ ရီပတ်ဘလီကန်ပါတီအမတ်တွေကပဲ အမတ်နေရာအများစုရရှိထားပါတယ်၊

Credit - BBC

#သတင်းဟင်းလေးအိုးကြီး

တရားမဝင်သစ် ၁၅၇ ဒသမ ၄၁၄၈ တန်နှင့်အတူ တရားခံ ၁၃ ဦး ဖမ်းဆီးရမိ

နိုဝင်ဘာ ၁၄

နေပြည်တော်၊ ပြည်နယ်နှင့် တိုင်းဒေသကြီးများမှ တရားမဝင် ကျွန်း၊ သစ်မာနှင့် အခြားသစ် စုစုပေါင်း ၁၅၇ ဒသမ ၄၁၄၈ တန်နှင့်အတူ တရားခံ ၁၃ ဦးတို့ကို ဖမ်းဆီးရမိခဲ့ကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန သစ်တောဦးစီးဌာနမှ သိရသည်။

နိုဝင်ဘာ ၄ ရက်မှ ၁၀ ရက်အထိ နေပြည်တော်၊ ပြည်နယ်နှင့် တိုင်းဒေသကြီး သစ်တောဦးစီးဌာနများမှ ပေးပို့လာသော စာရင်းများအရ တရားမဝင်ကျွန်း ၃၅ ဒသမ ၃၀၉၄ တန်၊ သစ်မာ ၈ ဒသမ ၄၄၃၀ တန်၊ အခြားသစ် ၁၁၃ ဒသမ ၆၆၂၄ တန် စုစုပေါင်း ၁၅၇ ဒသမ ၄၁၄၈ တန်၊ ယာဉ်/ယန္တရားခြောက်စီး၊ တရားခံ ၁၃ ဦးတို့ကို ဖမ်းဆီးရမိခဲ့ကြောင်း သစ်တောဦးစီးဌာနမှ သိရသည်။

Credit - New Vision Media

#သတင်းဟင်းလေးအိုးကြီး

ဖိလစ်ပိုင်းမှာ စူပါတိုင်ဖွန်း ယူဆာဂီကြောင့် သတိပေးချက် အမြင့်ဆုံးထုတ်ပြန်

နိုဝင်ဘာ၁၄

အင်အားပြင်း မုန်တိုင်းများကြောင့် ထိခိုက်ပျက်စီးမှုများစွာ ဖြစ်ပေါ်ခဲ့သည့် ဖိလစ်ပိုင်မြောက်ပိုင်းကို စူပါတိုင်ဖွန်း ယူဆာဂီ ချဉ်းကပ်တိုက်ခိုက်လာပြီဖြစ်တာကြောင့် မိုးလေဝသဌာနက မု်နတိုင်းသတိပေးချက်ကို အမြင့်ဆုံး ထုတ်ပြန်သတိပေးလိုက်ပါတယ်။

ယူဆာဂီဟာ ဒေသစံတော်ချိန် ဒီကနေ့မွန်းလွဲပိုင်းမှာ လူဇွန်ကျွန်းပေါ်ကို တနာရီလေတိုက်နှုန်း ၁၈၀ ကီလိုမီတာနဲ့ တိုက်ခတ်သွားမှာဖြစ်ပြီး ဒါဟာ သီတင်းသုံးပတ်အတွင်း ဖိလစ်ပိုင်ကို ဝင်ရောက်တိုက်ခတ်တဲ့ ငါးကြိမ်မြောက် မုန်တိုင်းလည်းဖြစ်ပါတယ်။

မုန်တိုင်းကြောင့် ကမ်းရိုးတန်းဒေသတွေမှာ အထူးသဖြင့် ထိခိုက်ပျက်စီးမှုများ ဖြစ်ပေါ်နိုင်ကြောင်း မိုးလေဝသဌာနက သတိပေးထားပါတယ်။ ကာဂါယန်ပြည်နယ် ကမ်းရိုးတန်းနဲ့ မြေနိမ့်ပိုင်း ဒေသတွေမှာ ဘေးလွတ်ရာ ပြောင်းရွှေ့မှုတွေ လုပ်နေပြီလိုပ အရပ်ဘက်ကာကွယ်ရေး အေဂျင်စီအကြီးအကဲက ဆိုပါတယ်။

ယခုလအစောပိုင်းမှာ ကာဂါယန်မြောက်ဘက်ကမ်းရိုးတန်းကို ဝင်ရောက်တိုက်ခတ်ခဲ့တဲ့တိုင်ဖွန်းမုန်တိုင်း ရင်ရှင်းမတိုင်မီ ကြိုတင်ပြောင်းရွှေ့ခဲ့တဲ့ လူဦးရေးအတိုင်း လူ လေးသောင်းကို ယာယီစခန်းတွေမှာ ခှိုလှုံရဖို့ရှိတယ်လို့ ပြောပါတယ်။

မကြာသေးမီက တိုက်ခတ်ခဲ့တဲ့ မုန်တိုင်းတွေကြောင့် လူ ၁၅၉ ယောက်သေဆုံးပြီး အဆိုးရွားဆုံး ထိခိုက်ခဲ့တဲ့ဒေသတွေမှာ ကူညီကယ်ဆယ်ရေးတွေအတွက် ကုလသမဂ္ဂက ဒေါ်လာ၃၂ ဒသမ ၉ သန်း အကူအညီတောင်းခံထားပါတယ်။

Ref:CNA
Photo:AP/Getty Images

#centralnewsnaypyitaw

ထရမ့်က ကာကွယ်ရေးဝန်ကြီးအဖြစ် အမည်စာရင်းတင်သွင်းထားတဲ့ ပိဟဂ်ဆက်ဟာ တက်တူးထိုးထားတဲ့ အတွက် ဘိုင်ဒန်ကျမ်းကျိန်ပွဲမှာ လုံခြုံရေးတာဝန်ထမ်းဆောင်ခွင့် ရုပ်သိမ်းခံရဖူး

နိုဝင်ဘာ ၁၄

အကြိုသမ္မတဒေါ်နယ်ထရမ့်က ကာကွယ်ရေးဝန်ကြီးခန့်အပ်မယ်လို့ ကြေညာထားတဲ့ Fox News အစီအစဉ် တင်ဆက်သူ ပိဟဂ်ဆက်ဟာ ၂၀၂၁ ခုနှစ် သမ္မတဂျိုးဘိုင်ဒန် ကျန်းသစ္စာကျိန်ဆိုပွဲမှာ လုံခြုံရေးတာဝန်ဆောင် ရွက်ဖို့ ငြင်းပယ်ခံခဲ့ရတယ်လို့ Yahoo News Singapore မှာရေးသားဖော်ပြထားပါတယ်။

ပိဟဂ်ဆက်ကို တက်တူးထိုးထားတဲ့အတွက် ငြင်းပယ်ခဲ့တာဖြစ်ပြီး တက်တူးထိုးတာဟာ အစွန်းရောက်တွေရဲ့ သင်္ကေတတစ်ခုအဖြစ် စစ်ဖက်ထိပ်တန်းအရာရှိကြီးတွေက ယုံကြည်ထားကြလို့ဖြစ်တယ်လို့ဆိုပါတယ်။

ကာကွယ်ရေးဝန်ကြီး ဖြစ်လာနိုင်ဖွယ်ရှိတဲ့ ပိဟဂ်ဆက်ကတော့ ၎င်းရဲ့ရင်ဘတ်မှာ ဂျေရုဆလမ်လက်ဝါးကပ် တိုင်ပုံစံ တက်တူးထိုးထားကြောင်း ပြောပါတယ်။

ဂျေရုဆလမ်လက်ဝါးကပ်တိုင်ဟာ လွန်ခဲ့တဲ့နှစ်ပေါင်း ၁၀၀၀ နီးပါးက ခရစ်ယာန်ခရူးဆိတ်စစ်ပွဲကနေ ဆင်း သက်လာတဲ့ လက်ဝါးကပ်တိုင်ပုံဖြစ်ပါတယ်။

ဒီကနေ့ခေတ်မှာတော့ အဲဒီဂျေရုဆလမ်လက်ဝါးကပ်တိုင်ပုံဟာ ခရစ်ယာန်ဘာသာဝင်တွေရဲ့ အထိမ်းအမှတ် တစ်ခုအဖြစ်ရှိနေပြီး တချို့နေရာတွေမှာတော့ အဲဒီအမှတ်တံဆိပ်ဟာ မူဆလင်တွေနဲ့ လူဖြူမဟုတ်တဲ့သူတွေ အပေါ် အောင်နိုင်ခြင်းနဲ့ လွှမ်းမိုးခြင်း အမှတ်တံဆိပ်အဖြစ် သုံးကြတယ်လို့ ဆိုပါတယ်။

“ကျွန်တော့်မှာ တက်တူးရှိလို့ဆိုပြီး ဝါရှင်တန်ဒီစီမှာရှိတဲ့ အမျိုးသားအစောင့်တပ်က ကျွန်တော့်ကို အစွန်းရောက် တစ်ဦးအဖြစ် မှတ်ယူခဲ့ပါတယ်။” လု့ိ အခုနှစ် နွေရာသီမှာထုတ်လွှင့်ခဲ့တဲ့ The Shawn Ryan Show အစီအစဉ် မှာ ပိဟဂ်ဆက်က ပြောခဲ့ပါတယ်။

“သမ္မတဂျိုင်းဘိုင်ဒန် ကျမ်းသစ္စာကျိန်ဆိုပွဲမှာ လုံခြုံရေးတာဝန်ယူရမယ့် ကျွန်တော့်ကို တာဝန်ကနေ ပြန်လည် ရုပ်သိမ်းခဲ့ပါတယ်။ ကျွန်တော့်ကို တာဝန်ကနေ ပြန်လည်ရုပ်သိမ်းခဲ့တဲ့ အရာက ဂျေရုဆလမ်လက်ဝါးကပ်တိုင်ပုံ ပဲဖြစ်ပါတယ်။ တကယ်တော့ ဒီပုံဟာ ခရစ်ယာန်ဘာသာဝင်ရဲ့ အမှတ်သင်္ကေတသာဖြစ်ပါတယ်။” လို့ ၎င်းက ပြောပါတယ်။

ပိဟဂ်ဆက်ကို အမေရိကန်ကြည်းတပ်၊ အမျိုးသားတပ်ဖွဲ့အရာရှိအဖြစ် ၂၀၀၃ ခုနှစ်မှာ ခန့်အပ်ခဲ့ပါတယ်။ ဟဂ် ဆက်ဟာ အာဖဂန်နစ္စတန်၊ အီရတ်၊ ကျူးဘားက ဂွာတာနာမိုပင်လယ်အော်တို့မှာ ဗိုလ်မှူးအဆင့်အထိ တာဝန် ထမ်းဆောင်ခဲ့သူဖြစ်ပါတယ်။

“တိုင်းပြည်တာဝန်ထမ်းဆောင်ချင်လို့ ကျွန်တော် တပ်မတော်ထဲဝင်ရောက်ခဲ့တာဖြစ်ပါတယ်။ အစွန်းရောက်ဝါဒ ဟာ ၉/၁၁ မှာ ကျွန်တော်တို့ကို တိုက်ခိုက်ခဲ့တဲ့အတွက် ကျွန်တော်တို့ အကြမ်းဖက်တိုက်ဖျက်ရေးစစ်ကို ဆင်နွှဲ ခဲ့ရတယ်။ ၂၀၂၁ ခုနှစ်လည်းကျရော ဒီတပ်မတော်ကပဲ ကျွန်တော့်ကို အစွန်းရောက်ဝါဒီတစ်ယောက်အဖြစ် မှတ်ယူခဲ့ကြတယ်။” လို့ ၂၀၂၄ ခုနှစ်မှာ ထုတ်ဝေခဲ့တဲ့ “စစ်သူရဲတွေအပေါ် ဆင်နွှဲတဲ့စစ်ပွဲ” ဆိုတဲ့ ၎င်းရဲ့စာအုပ် မှာ ဖော်ပြခဲ့ပါတယ်။

“နောက်ဆုံးတော့ ကျွန်တော့်ခန္ဓာကိုယ်မှာ ဘာသာရေးအရ ထိုးထားတဲ့တက်တူးကြောင့် ကျွန်တော့်တပ်က အရာရှိတွေက ကျွန်တော်ဟာ အစွန်းရောက်တစ်ဦး ဒါမှမဟုတ် လူဖြူအမျိုးသားရေးဝါဒီတစ်ဦးလို့ မှတ်ယူကြ တယ်။ ဒါဟာ ခရစ်ယာန်အမှတ်သင်္ကေတသာဖြစ်ပြီး ဘာမှ အစွန်းရောက်သင်္ကေတ မဟုတ်ပါဘူးဗျာ။” လို့ ပိဟဂ်ဆက်က ပြောပါတယ်။

Ref: Trump’s Defense Secretary Pick Was Removed From Biden’s Inauguration For A Truly Wild Reason: Yahoo News Singapore

#သတင်းဟင်းလေးအိုးကြီး

Green Energy နှင့် New Energy များအတွက် တရုတ်နိုင်ငံမှ နည်းပညာနှင့် ရင်းနှီးမြှုပ်နှံမှုများ ဆောင်ရွက်ပေးနိုင်မည့်အခြေအနေများဆွေးနွေး

နိုဝင်ဘာ ၁၄

စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်ဦးဆောင်သော မြန်မာကိုယ်စားလှယ်အဖွဲ့သည် နိုဝင်ဘာ ၁၁ ရက်က ပေကျင်းမြို့ရှိ China National Petroleum Corporation (CNPC) ၏ ဧည့်ခန်းမဆောင်၌ CNPC ဥက္ကဋ္ဌ ဦးဆောင်သောအဖွဲ့နှင့်တွေ့ဆုံ ဆွေးနွေးခဲ့သည်။

တွေ့ဆုံစဉ် ရေနံချက်စက်ရုံများ အဆင့်မြှင့်တင်ခြင်းနှင့် အသစ်တိုးချဲ့တည်ဆောက်ခြင်း စီမံကိန်းများအတွက် လိုအပ်သည့် ရေနံစိမ်းနှင့် သဘာဝဓာတ်ငွေ့ စဉ်ဆက်မပြတ်ရရှိနိုင်ရေး၊ မြန်မာနှင့်တရုတ်နှစ်နိုင်ငံလုံးသည် သဘာဝဓာတ်ငွေ့လိုအပ် ချက်များရှိနေ၍ မြန်မာနိုင်ငံတွင် LNG Terminal တည်ဆောက်ပြီးရရှိလာမည့် သဘာဝဓာတ်ငွေ့ကို မျှဝေသုံးစွဲနိုင်ရန်အတွက် ပူးပေါင်းဆောင်ရွက်နိုင်မည့် အခြေအနေများ၊ မြန်မာ-တရုတ် ရေနံစိမ်းနှင့် သဘာဝဓာတ်ငွေ့ပိုက်လိုင်းများ၏ စွမ်းရည်အပြည့် အသုံးပြုနိုင်ရန်အတွက် ပူးပေါင်းဆောင်ရွက် ရေး၊ မြန်မာနိုင်ငံ၏ အလားအလာကောင်းသော ရေနံနှင့်သဘာဝဓာတ်ငွေ့စီမံကိန်းများ၊ ပိုက်လိုင်းများ တည်ဆောက်ခြင်း၊ အဆင့်မြှင့်တင်ခြင်းလုပ်ငန်းများ၊ ရေနံချက်စက်ရုံနှင့် ဓာတ်မြေဩဇာစက်ရုံများ အဆင့်မြှင့် တင်ခြင်း၊ အသစ်တည်ဆောက်ခြင်းများတွင် ရင်းနှီးမြှုပ်နှံမှုများ ဆောင်ရွက်နိုင်မည့် အခြေအနေများကို ဆွေးနွေးခဲ့ကြသည်။

ထိုနောက် မြန်မာ ကိုယ်စားလှယ်အဖွဲ့သည် နိုဝင်ဘာ ၁၂ ရက်တွင် ပေကျင်းမြို့ရှိ အမျိုးသား စွမ်းအင်အုပ်ချုပ်မှု အဖွဲ့ (National Energy Administration-NEA)၏ အစည်းအဝေးခန်းမဆောင်၌ ဒုတိယအကြီးအကဲ ဦးဆောင်သောအဖွဲ့နှင့်တွေ့ဆုံ၍ နှစ်နိုင်ငံစွမ်းအင်ဆိုင်ရာ မူဝါဒများ၊ မဟာဗျူဟာများ၊ စွမ်းအင်ဖူလုံမှုနှင့် လုံခြုံမှုအတွက် နှစ်နိုင်ငံဆောင်ရွက်နေသည့် အခြေအနေများ၊ Green Energy နှင့် New Energy များအတွက် တရုတ်ပြည်သူ့သမ္မတနိုင်ငံမှ နည်းပညာနှင့် ရင်းနှီးမြှုပ်နှံမှုများ ဆောင်ရွက်ပေးနိုင်မည့်အခြေအနေများ၊ တရုတ်နိုင်ငံအနေဖြင့် စွမ်းအင်ကဏ္ဍတွင် အရှေ့အလယ်ပိုင်းဒေသ၊ အာဖရိကဒေသတို့နှင့် ပူးပေါင်း ဆောင်ရွက်မှုများဆောင်ရွက်လျက်ရှိရာ မြန်မာနိုင်ငံ၏ ပထဝီအနေအထားအရအချက်အချာကျသည့် အားသာချက်ကိုရယူ၍ ပူးပေါင်းဆောင်ရွက်သွားမည့် အခြေအနေများ၊ စွမ်းအင်ကဏ္ဍတွင် လူသား အရင်းအမြစ်များ ဖွံ့ဖြိုးတိုးတက် စေရေးအတွက် တရုတ်နိုင်ငံမှ ဆောင်ရွက်ပေးနိုင်သည့် အခွင့်အလမ်းများကို ဆွေးနွေးခဲ့ကြသည်။

အဆိုပါ ဆွေးနွေးပွဲများသို့ မြန်မာကိုယ်စားလှယ်အဖွဲ့နှင့်အတူ မြန်မာသံရုံး၊ ပေကျင်းမြို့မှ သံမှူးကြီး ဦးဆောင်သော ကိုယ်စားလှယ်အဖွဲ့လည်း တက်ရောက်ခဲ့ကြသည်။

#centralnewsnaypyitaw

တောင်ကြီးမြို့ မဟာဘုံကထိန်ပွဲတော် လှည့်လည်နေမှု မြင်ကွင်းများ

ဓာတ်ပုံ - Lin Lin(TGI)

#သတင်းဟင်းလေးအိုးကြီး

ရှမ်းတောင်မှာ ကြက်သွန်နီဈေး နှစ်ဆနီးပါးခုန်တက်လာပြီး အာလူးအကြော်သီးတွေ ပစ္စည်းပြတ်နေ

နိုဝင်ဘာ ၁၄

ရှမ်းပြည်နယ်တောင်ပိုင်းရဲ့ ကုန်စိမ်းဈေးကွက်ဖြစ်တဲ့ အောင်ပန်းကုန်စည်ဈေးကွက်မှာ အခုနိုဝင်ဘာလ၊ ဒုတိယပါတ်အတွင်း ကြက်သွန်နီဈေး နှစ်ဆဆနီးပါးခန့် ခုန်တက်လာခဲ့ပြီး အာလူးအကြော်သီးတွေဟာ ပစ္စည်းပြတ်သလောက် နီးပါးဖြစ်နေတယ်လို့ အောင်ပန်းကုန်စည်အမျိုးမျိုးရောင်းဝယ်ရေး-အောင်ပန်းကုန်စိမ်းပွဲရုံထံကနေ သိရပါတယ်။

အောင်ပန်းကုန်စိမ်းဈေးကွက်မှာ နိုဝင်ဘာလ၊ ပထမပါတ်အတွင်းက ကြက်သွန်နီတစ်ပိဿကို ၂၇၀၀ကျပ်ကနေ ၃၀၀၀ကျပ်ဝန်းကျင်အထိသာ ပေါက်ဈေးရှိခဲ့ပေမယ့် အခုနိုဝင်ဘာလ၊ ဒုတိယပါတ်အတွင်း ရုတ်တရက် ဈေးတက်သွားခဲ့ပြီး တစ်ပိဿကို ၅၀၀၀ကျပ်ကနေ ၆၀၀၀ကျပ်ဝန်းကျင်အထိ ပေါက်ဈေးရှိနေပြီ ဖြစ်တယ်လို့ သိရပါတယ်။

“အဓိကကတော့ ကုန်စည်ထွက်ရှိမှုနဲ့ ဝယ်လိုအားက မမျှမတဖြစ်နေတော့ ဈေးတက်လာတာပေါ့။ ဘာတွေ အခက်အခဲဖြစ်လာနိုင်လဲဆိုရင် ပြည်သူတွေက ကုန်ဈေးနှုန်းကြီးမြင့်တဲ့ဒဏ်ကို ပိုခံရမှာပေါ့။ Demand နဲ့ Supply မမျှတဲ့အချိန်မှာ ဘယ်ကုန်သီးနှံမဆို ဈေးတက်လေ့ရှိပါတယ်။ အောက်ပြည်ဖက်က ကုန်စိမ်းတချို့ ထွက်ရှိလာမှပဲ ကုန်စိမ်းဈေးနှုန်းက ပြန်ကျမယ့်သဘောရှိပါတယ်”လို့ ပွဲရုံပိုင်ရှင်တယောက်က ပြောပါတယ်။

အာလူးတွေလည်း အောင်ပန်းကုန်စိမ်းဈေးကွက်ကို ပစ္စည်းအဝင်နည်းနေပြီး စျေးအအမြင့်ဆုံး ရောက်ရှိနေသလို အကြော်သီးတပိဿာကို ၈၅၀၀ကျပ်အထိ ပေါက်ဈေးရှိနေပြီး ပစ္စည်းပြတ်သလောက်နီးပါး အခြေအနေရှိနေတာကြောင့် အောင်ပန်းက နာမည်ကြီး အာလူးကြော်လုပ်ငန်း အများစုဟာ လုပ်ငန်းရပ်နားထားရတယ်လို့ သူက ဆက်ပြောပါတယ်။

ပြီးခဲ့တဲ့ စက်တင်ဘာလအတွင်းဖြစ်ပွားခဲ့တဲ့ ရှမ်းတောင်မှာ ရေကြီးရေလျှံမှုဖြစ်စဉ်တွေ မတိုင်ခင်က တပိဿကို ၂၅၀ကျပ်ဝန်းကျင်သာ ပေါက်ဈေးရှိခဲ့လို့ လွှင့်ပစ်ခဲ့ရတဲ့ ခရမ်းချဉ်သီးတွေ ဟာလည်း လက်ရှိမှာ တပိဿကို ၆၈၀၀ကျပ်ကနေ ၇၀၀၀ကျပ်ဝန်းကျင်အထိ ပေါက်ဈေးရှိလာနေသလို တလအတွင်း ဈေးထပ်တက်မယ့် အနေအထားရှိတယ်လို့လည်း ကုန်စိမ်းပွဲရုံတွေထံကနေ သိရပါတယ်။

ဓာတ်ပုံ-Aungban Trading

#centralnewsmyanmar

၂၀၂၄ ခုနှစ်ရဲ့ နှစ်လယ် မြန်မာ့ကျောက်မျက်ရတနာပြပွဲ ကျင်းပပြုလုပ်မည်

နိုဝင်ဘာ ၁၄

၂၀၂၄ ခုနှစ်ရဲ့ နှစ်လယ် မြန်မာ့ ကျောက်မျက်ရတနာ ပြပွဲကို နိုဝင်ဘာ ၁၈ ရက်နေ့ကနေ စတင်ပြီး ၂၇ ရက်နေ့ အထိ နေပြည်တော် မဏိရတနာ ကျောက်စိမ်းခန်းမမှာ ကျင်းပပြုလုပ်သွားမယ်လို့ ပြပွဲ ဗဟိုကော်မတီ ကပြောပါတယ်။

ပြပွဲကို မြန်မာ့ကျောက်မျက်ရတနာ ဉပဒေနဲ့အညီ ခွင့်ပြုမိန့်ရရှိထားတဲ့ နိုင်ငံသား ကျောက်မျက်ရတနာ လုပ်ငန်းရှင်၊ လိုင်စင်ရယူပြီး ကျောက်မျက်ရတနာ ရောင်းဝယ်တဲ့ လုပ်ငန်း လုပ်ဆောင်နေတဲ့ နိုင်ငံသား လုပ်ငန်းရှင်တွေကို တက်ရောက်ခွင့်ပြုမှာလို့ သိရပါတယ်။

တက်ရောက်ဝယ်ယူခွင့်နဲ့ ပတ်သက်တဲ့ ကိစ္စရပ်တွေကို ပြပွဲ ဗဟိုကော်မတီ၊ မြန်မာ့ ကျောက်မျက်ရတနာ ရောင်းဝယ်ရေး လုပ်ငန်းရုံးချုပ် (နေပြည်တော်)၊ မြန်မာ့ပုလဲထုတ်လုပ်ရေးနဲ့ ရောင်းဝယ်ရေးလုပ်ငန်း ရုံးချုပ် (နေပြည်တော်) တို့မှာ စုံစမ်းနိုင်တယ်လို့လည်း သိရပါတယ်။

#သတင်းဟင်းလေးအိုးကြီး