#tattooideas

#tattooideas

#tattooideas

#tattooideas

#tattooideas

ချစ်သူသိစေ ။ ခင်မောင်တိုး

တောင်ပံပါရင်မင်းဆီကို-ကော်နီ

ရုရှားနှင့် ယုံကြည်စိတ်ချစွာ ဆွေးနွေးမှုများကြောင့် သဘောတူညီချက် ၁၀ ခု လက်မှတ်ရေးထိုးနိုင်ခဲ့ဟု နစကခေါင်းဆောင်ပြော
ရန်ကုန်၊ မတ် ၅
နှစ်ဖက်ယုံကြည်စိတ်ချစွာ ဆွေးနွေးမှုတွေကြောင့် သဘောတူညီချက် ၁၀ ခု လက်မှတ်ရေးထိုးနိုင်ခဲ့ကြောင်း နစကခေါင်းဆောင်က ရုရှားသမ္မတ ပူတင်နဲ့အတူ မီဒီယာတွေနဲ့ တွေ့ဆုံရင်း ပြောကြားခဲ့ပါတယ်။
ယခုခရီးစဉ်ကနေတစ်ဆင့် နှစ်နိုင်ငံအကြား ချစ်ကြည်ရင်းနှီးမှု ပိုမိုနက်ရှိုင်းစေပြီး နှစ်ဖက်အကြားမှာ ကုန်သွယ်ရေး၊ စီးပွားရေး၊ ကာကွယ်ရေး၊ သိပ္ပံနဲ့ နည်းပညာ၊ လျှပ်စစ်စွမ်းအား၊ စက်မှုနဲ့ စွမ်းအင်ကဏ္ဍတို့အပါအဝင် အကျိုးတူကဏ္ဍစုံ ပူပေါင်းဆောင်ရွက်မှုတွေမှာလည်း မကြာခင်ကာလအတွင်း ယခုထက်ပိုမို တိုးတက်အောင်မြင် ဆောင်ရွက်နိုင်မယ်လို့ ယုံကြည်တယ်လို့ ဆိုပါတယ်။
မြန်မာနိုင်ငံအနေနဲ့ ရုရှားနိုင်ငံနဲ့ ရုရှားပြည်သူလူထုကနေ ရုရှားနိုင်ငံရဲ့ အချုပ်အခြာအာဏာတည်တံ့ခိုင်မြဲရေးနဲ့ ကမ္ဘာကြီးတည်ငြိမ်အေးချမ်းရေးအတွက် ဆောင်ရွက်နေတဲ့ ကိစ္စမှန်သမျှကို မြန်မာနိုင်ငံက အပြည့်အဝ ရပ်တည်ပါကြောင်း ဆက်ပြောပါတယ်။
မြန်မာနိုင်ငံအနေနဲ့ နိုင်ငံရေးရည်မှန်းချက်တွေ ပြည့်မီဖို့ ဆောင်ရွက်တဲ့အချိန်မှာ ရုရှားနိုင်ငံက ဒေသတွင်းရဲ့ နိုင်ငံတကာစာမျက်နှာတွေမှာ မြန်မာနိုင်ငံအပေါ် စဉ်ဆက်မပျက် ထောက်ခံပေးမှုတွေကိုလည်း ကျေးဇူးတင်ရှိကြောင်းလို့လည်း ဆိုခဲ့ပါတယ်။
အနာဂတ်မှာလည်း နှစ်နိုင်ငံကြားမှာ အပြည်ပြည်ဆိုင်ရာ စာမျက်နှာများအတွင်း နီးကပ်စွာ ဆက်လက်ပူးပေါင်း ဆောင်ရွက်သွားမယ်လို့လည်း ပြောကြားခဲ့ပါတယ်

တစ်ခါတစ်လေ တေးဆို- #ဒွေး

နျူကလီးယားဓာတ်အားပေးစက်ရုံ တည်ဆောက်ရေးဆိုင်ရာ သဘောတူညီချက်များကို ရုရှားနှင့် မြန်မာ လက်မှတ်ထိုး
- သယံဇာတထုတ်ယူရေးလည်း သဘောတူ
မော်စကို / TASS ၊ မတ် ၅
မြန်မာနိုင်ငံနဲ့ ရုရှားနိုင်ငံဟာ အသေးစား နျူကလီးယားဓာတ်အားပေးစက်ရုံ တည်ဆောက်ရေးဆိုင်ရာ သဘောတူညီချက်တွေကို လက်မှတ်ရေးထိုးခဲ့ပါတယ်။
မတ်လ ၄ ရက်နေ့က ရုရှားသမ္မတ ဗလာဒီမာ ပူတင်နဲ့ နစကခေါင်းဆောင်တို့ မော်စကိုမြို့၊ ကရင်မလင်နန်းတော်မှာ တွေ့ဆုံရင်း မြန်မာနိုင်ငံမှာ ရုရှားအကူအညီနဲ့ စီမံကိန်းအကောင်အထည်ဖော်ဖို့ သဘောတူခဲ့တာပါ။
စာရွက်စာတမ်းများအတွက် မြန်မာနိုင်ငံမှာ အသေးစားစွမ်းရည်စွမ်းရှိတဲ့ နျူကလီးယား ဓာတ်အားပေးစက်ရုံ တည်ဆောက်ရေး အခြေခံမူများဆိုင်ရာ စာချွန်လွှာတွေ ပါဝင်ပါတယ်။
ဒါ့အပြင် အဏုမြူနဲ့ ဓာတ်ရောင်ခြည် ဘေးအန္တရာယ်ကင်းရှင်းရေး နယ်ပယ်မှာ ပူးပေါင်းဆောင်ရွက်ရေး စာချွန်လွှာကိုလည်း လက်မှတ်ရေးထိုးခဲ့ပါတယ်။
မြန်မာသယံဇာတဝန်ကြီးနဲ့ RK-Investment လို့ခေါ်တဲ့ ရုရှားရန်ပုံငွေအဖွဲ့တို့အကြား မြန်မာနိုင်ငံမှာ သယံဇာတထုတ်ယူရေးနဲ့ ပတ်သက်တဲ့ နောက်ထပ်စာချွန်လွှာကို လက်မှတ်ရေးထိုးခဲ့ပါတယ်။
နှစ်နိုင်ငံအကြား အကောက်ခွန်ဆိုင်ရာ ကိစ္စရပ်တွေမှာ ပူးပေါင်းဆောင်ရွက်ရေး၊ ကျန်းမာရေးဝန်ကြီးဌာနဲ့ အားကစားနှင့် အာကာသတာဝန်ခံအေဂျင်စီတို့အကြား နားလည်မှုစာချွန်လွှာတွေကိုလည်း လက်မှတ်ရေးထိုးခဲ့ပါတယ်။
ဒါ့အပြင် ရင်းနှီးမြှုပ်နှံမှုတွေကို အကာအကွယ်ပေးဖို့နဲ့ တွန်းအားပေးဖို့ သဘောတူညီချက်တစ်ရပ်ကိုလည်း နစကခေါင်းဆောင်နဲ့ ရုရှားသမ္မတတို့အကြား ချမှတ်ခဲ့ပါတယ်။