သွားနှင့်သွားဖုံးကျန်းမာရေးအတွက် အထူးထုတ်လုပ်ထားသော Electric Toothbrush

သွားနှင့်သွားဖုံးကျန်းမာရေးကို အထူးဂရုစိုက်လိုသူများအတွက် Seago Sonic Electric Toothbrush ကို မိတ်ဆက်ပေးလိုက်ပါပြီ။ ဒီ Electric Toothbrush လေးက သာမန် Toothbrush တွေထက် အဆပေါင်းများစွာ ပိုမိုထိရောက်စွာ သန့်စင်ပေးနိုင်ပြီး သင့်ရဲ့သွားတွေကို ကျန်းမာလှပစေမှာပါ။

အဓိက Features များ:
✅ သွားနှင့်သွားဖုံးကို နက်ရှိုင်းစွာ သန့်စင်ပေးခြင်း

တစ်မိနစ်လျှင် 40,000 ကြိမ် လှုပ်ရှားနိုင်သော Sonic Technology ဖြင့် သွားချေးနှင့် အစွန်းအထင်းများကို သာမန် Toothbrush ထက် 10 ဆပိုမို ဖယ်ရှားပေးနိုင်ပါတယ်။

နူးညံ့သော ဘီစကိုင်များဖြင့် သွားကြားထဲထိ သန့်စင်ပေးပြီး သွားဖုံးကို နူးညံ့စွာ ဂရုစိုက်ပေးပါတယ်။

✅ 2 နှစ်အထိ အသုံးပြုနိုင်သော ဘီစကိုင် 8 ခု

W Shape Brush Head ဖြင့် သွားကြားနှင့် သွားမျက်နှာပြင်ကို နက်ရှိုင်းစွာ သန့်စင်ပေးနိုင်ပါတယ်။

ဘီစကိုင် 8 ခုပါဝင်ပြီး 2 နှစ်အထိ အသုံးပြုနိုင်ပါတယ်။

✅ သွားနှင့်သွားဖုံးအခြေအနေအလိုက် ရွေးချယ်နိုင်သော Mode 5 မျိုး

White Mode: ခိုင်မာသော အစွန်းအထင်းများကို ဖယ်ရှားပေးခြင်း

Clean Mode: နေ့စဉ်သန့်စင်ခြင်း

Sensitive Mode: ခံတွင်းနူးညံ့သူများအတွက် သွားနှင့်သွားဖုံးကို ကာကွယ်ပေးခြင်း

Polish Mode: သွားများကို ပိုမိုတောက်ပစေခြင်း

Massage Mode: သွားဖုံးကို နူးညံ့စွာ နှိပ်နယ်ပေးခြင်း

Smart Memory Function: နောက်ဆုံးရွေးချယ်ထားသော Mode ကို အလိုအလျောက် မှတ်သားပေးပါတယ်။

✅ 2 မိနစ် Timer နှင့် IPX7 Waterproof

2 မိနစ် Timer ဖြင့် သွားတိုက်ချိန်ကို အတိအကျထိန်းညှိပေးပြီး 30 စက္ကန့်တိုင်း သတိပေးချက်ဖြင့် ကျွမ်းကျင်သူများညွှန်ကြားထားသော သွားတိုက်နည်းကို လိုက်နာနိုင်ပါတယ်။

IPX7 Waterproof ဒီဇိုင်းဖြင့် ရေချိုးခန်းထဲတွင်ပါ အသုံးပြုနိုင်ပါတယ်။

✅ အမြန်အားသွင်းနိုင်ပြီး 30 ရက်အထိ ခံသော Battery

တစ်ကြိမ်အားသွင်းလျှင် 30 ရက်အထိ အသုံးပြုနိုင်ပါတယ်။

USB Cable ဖြင့် အားသွင်းနိုင်ပြီး Power Bank၊ ဖုန်း စသည်တို့နှင့် အသုံးပြုနိုင်ပါတယ်။

ခရီးဆောင်အတွက် အဆင်ပြေစေမယ့် ပေါ့ပါးသောဒီဇိုင်းနှင့် Toothbrush Holder ပါဝင်ပါတယ်။

ဘယ်သူတွေအတွက် သင့်တော်လဲ?

သွားနှင့်သွားဖုံးကျန်းမာရေးကို ဂရုစိုက်လိုသူများ

ခံတွင်းနူးညံ့သူများ

ခရီးသွားလာများသူများ

စျေးနှုန်း - စိတ်ဝင်စားသူများ Inbox ပို့ပါ။
အခြားမေးမြန်းစရာများရှိပါက - ဆက်သွယ်နိုင်ပါတယ်။

သွားနှင့်သွားဖုံးကျန်းမာရေးကို ပိုမိုကောင်းမွန်စေဖို့ Seago Sonic Electric Toothbrush ကို အခုပဲ ဝယ်ယူလိုက်ပါ!

#electrictoothbrush #သွားကျန်းမာရေး #seagotoothbrush #ခံတွင်းသန့်ရှင်းရေး #ခရီးဆောင်ပစ္စည်း

နည်းပြ/သရုပ်ပြ လျှောက်ထားလိုသူများအတွက် အလုပ်ခေါ်စာ

#govjob

❝လူအိုများအတွက် အငြိမ်းစားနိုင်ငံတော်မရှိ❞

ဟောလိဝုဒ်ရုပ်ရှင်တွေက ကျွန်တော်တို့ကို ဆုချလေ့ရှိတယ်ပြောရင် ယုံကြမလား။ အဓိကဇာတ်လိုက်က ကျည်ဆံမှန်ရင်တောင် အင်္ကျီအိတ်ကပ်ထဲက အကြွေစေ့ကိုမှ တည့်တည့်မှန်ပြီး အသက်ဘေးကလွတ်တာမျိုး၊ ဗီလိန်နှိပ်စက်တာကို ပေါင်းစုံခံရပေမယ့် ဇာတ်သိမ်းမှာ ဇာတ်လိုက်ပဲ အလဲထိုးအနိုင်ယူသွားတာမျိုး၊ မတရားစွပ်စွဲခံရတဲ့ဇာတ်လိုက်က နောက်ဆုံးမှာ အမှန်တရားကိုသက်သေပြသွားတာမျိုး ဖန်တရာတေနေတဲ့ ဆုပေးနည်းတွေပေါ့။

ရုပ်ရှင်ကြည့်တဲ့သူတွေကလည်း ဒီလိုဆုချတာကို သိစိတ်က သတိမထားမိရင်တောင် မသိစိတ်ထဲကနေ ကျေနပ်အားရလေ့ရှိကြတယ်။ ဇာတ်လိုက်အတွက် ဒါမှမဟုတ် ဗီလိန်အတွက် တရားမျှတမှုတစ်ခုခုရသွားမှ ရုပ်ရှင်ကားတစ်ကားဟာ ပြီးပြည့်စုံသယောင်ခံစားရတယ်။ ဟောလိဝုဒ်ရုပ်ရှင်ကားတွေလိုပဲ ကိုယ့်ရဲ့ဘဝကလည်း လှပပြီး ကျေနပ်စရာကောင်းတဲ့ဇာတ်သိမ်းခန်းကို ပိုင်ဆိုင်ခွင့်ရလိမ့်မယ်ဆိုတဲ့ အတွေးလည်း စိမ့်ဝင်လာကြတယ်။ ရေပွက်ပမာဘဝတွေကို မေ့လျော့ပြီး “ကိုယ်က တခြားသူတွေထက် ပိုထူးနိုင်ပါတယ်လေ” ဆိုတဲ့ပုံရိပ်ယောင်တစ်ခုနဲ့ ရှင်သန်လာကြတယ်ပြောရမှာပေါ့။

တဖက်မှာလည်း Up, The Notebook, Shawshank Redemption တို့လိုရုပ်ရှင်တွေက ငယ်ရွယ်တုန်းမှာ ဘယ်လောက်ပဲ အခက်အခဲတွေ၊ မတရားတာတွေကြုံရပါစေ အိုမင်းလာတဲ့ချိန်မှာတော့ ဘဝကို ငြိမ်းငြိမ်းချမ်းချမ်းဖြတ်သန်းရမှာပဲဆိုတဲ့ အတွေးတွေဝင်စေပြန်တယ်။ တသက်လုံး ဒုက္ခတွေခါးစည်းခံခဲ့ရတာတွေအတွက် ဘုရားသခင်ဟာ ဘဝတစ်ကွေ့မှာတော့ ဆုလာဘ်ကြီးကြီးမားမားပေးအပ်မှာပါလေဆိုတဲ့ မျှော်လင့်ချက်လည်း ပါမှာပေါ့လေ။

၂၀၀၇ ခုနှစ်က အော်စကာအကောင်းဆုံးရုပ်ရှင်ဆုရခဲ့တဲ့ No Country for Old Men ရုပ်ရှင်ကို အတော်များများက Anti-Hollywood (ဟောလိဝုဒ်ဆန့်ကျင်) ရုပ်ရှင်လို့ခေါ်ကြတယ်။ အများစုလည်း ကြည့်ဖူးကြပြီးပြီလို့ ထင်ပါတယ်။ ပုံမှန်ဟောလိဝုဒ်ရုပ်ရှင်ထဲမှာသာဆိုရင် ငွေထုပ်ကြီးရှာတွေ့တဲ့ Llewelyn ဟာ Anton အပါအဝင် အခက်အခဲပေါင်းသောင်းခြောက်ထောင်ဖြတ်ကျော်လာခဲ့ပြီး အကောင်းဆုံးတိုက်ခန်းတစ်ခန်းမှာ ဘီယာအေးအေးတစ်ခွက်နဲ့ ဇိမ်ယူနေလောက်ရောပေါ့။ ရဲမှူးကြီး Ed Tom လည်း Llewelyn ကို ကယ်နိုင်ခဲ့မယ်၊ Anton ကို ဖမ်းနိုင်ခဲ့မယ်၊ ကမ္ဘာကြီးဟာ သူနားလည်တဲ့ပုံစံအတိုင်းပဲ ဆက်ပြီးလည်ပတ်နေမယ်ပေါ့။ Anton လည်း သူရက်ရက်စက်စက်သတ်ဖြတ်ခဲ့တာတွေအတွက် ထိုက်သင့်တဲ့အပြစ်ဒဏ်ပေးအပ်ခံရမယ်ပေါ့။ ဒါတွေဟာ တကယ်တမ်းတော့ ဇာတ်ကောင်တစ်ယောက်ချင်းစီအတွက် ရုပ်ရှင်ကြည့်ရှုသူက မသိမသာတောင့်တမိတဲ့ အကောင်းဆုံးစိတ်ကူးတွေပဲမဟုတ်လား။ No Country for Old Men ကတော့ ပရိသတ်ရဲ့ စိတ်ကူးတွေကို ပိတ်ကားပေါ်မှာတောင် အတင်မခံခဲ့ဘူး။ ဒီရုပ်ရှင်မှာ ဇာတ်ရှိန်အတက်အကျရယ်လို့လည်းမရှိ၊ ဇာတ်ကောင်တွေမှာ ဇာတ်လမ်းဒိုင်းကာလည်းမရှိ၊ သူတို့အတွက် တရားမျှတမှုဆိုတာလည်း အပြင်ကလောကကြီးအတိုင်း ဟာသတစ်ပုဒ်လို။ Ed Tom ဆိုရင် အချိန်တန်လို့ အသက်ကြီးလာတဲ့အခါ အရာအားလုံး ငြိမ်းချမ်းသွားမှာပါလေဆိုတဲ့ စိတ်ကူးစိတ်သန်းလေးတောင် ရုပ်ရှင်ထဲမှာ ရှင်သန့်ခွင့်မရခဲ့ဘူး။ ပိတ်ကားပေါ်မှာ ပေါ်လာတာနဲ့ ကြောက်ရပါတဲ့ Anton တစ်ယောက် ဇာတ်သိမ်းမှာတော့ ဝဋ်လည်မှာပဲလို့ ထင်မိရင် အကြီးကြီးထပ်မှားပြန်ဦးမယ်။

No Country for Old Men ဟာ ဘဝအချိုးအကွေ့တစ်ခုမှာ ဆုလာဘ်တစ်ခုစောင့်ဆိုင်းနေမှာကို မျှော်လင့်မိတဲ့ ကျွန်တော်တို့တွေကို သတ်ချတဲ့ရုပ်ရှင်လို့ပြောရမယ်ထင်ပါတယ်။ ခင်ဗျားတို့ ကျွန်တော်တို့ လိုချင်လှပါတယ်ဆိုတဲ့ ငွေထုပ်ကြီးတွေ၊ ငြိမ်းချမ်းမှုတွေ၊ လက်စားချေခွင့်တွေကို ဖမ်းဆုပ်နိုင်ဖို့ဆိုတာ ဟောလိဝုဒ်အက်ရှင်ရုပ်ရှင်တွေထဲကလောက် လွယ်မနေဘူးမဟုတ်လား။ ကမ္ဘာကြီးရဲ့ စည်းချက်ကင်းမဲ့မှုတွေ၊ ခေတ်အဆက်ဆက်ကြမ်းတမ်းရက်စက်မှုတွေကြားမှာ ကျွန်တော်တို့တွေဟာ ဘဝနေမဝင်ခင် တချိန်ချိန်မှာတော့ စည်းချက်ညီပြီး ငြိမ်းချမ်းတဲ့နေရာတစ်ခုကို ရှာတွေ့မယ်လို့ ထင်မှတ်ကြတာပါပဲ။ အခုလိုခေတ်အခြေအနေမျိုးမှာဆို ဒီမျှော်လင့်ချက်တွေဟာ ပိုလို့တောင် အားထက်သန်ပါသေးရဲ့။ ဒါပေမယ့်လည်း ဘဝအတက်အကျမျိုးစုံကိုဖြတ်သန်းခဲ့ပြီးတဲ့လူအိုတွေ ဘဝရဲ့နောက်ဆုံးအချိန်အခိုက်အတန့်တွေကို အေးအေးချမ်းချမ်းအနားယူဖြတ်သန်းနိုင်မယ့် အငြိမ်းစားနိုင်ငံတော်တစ်ခုကိုတောင် အာမခံချက်မပေးနိုင်တဲ့ ဒီလောကကြီးမှာ ကလေးတွေ၊ ဆယ်ကျော်သက်တွေ၊ လူငယ်တွေအတွက် ငြိမ်းချမ်းရာဆိုတာ ဗလာနတ္တိပါပဲ။ No Country for Old Men ရဲ့ဇာတ်သိမ်းခန်းအပြီးခံစားချက်လိုမျိုး တကယ်ကို ဗလာနတ္တိပါပဲ။

ပုံရိပ်ယောင်အိပ်မက်တွေ၊ မျှော်လင့်ချက်အပိုင်းအစတွေနဲ့ တည်ဆောက်ထားတဲ့ ဟောလိဝုဒ်ရုပ်ရှင်တွေကြားမှာ ဒီရုပ်ရှင်က အော်စကာအကောင်းဆုံးရုပ်ရှင်ဆုဆွတ်ခူးခဲ့တာလည်း ဇောက်ထိုးစကားတစ်ခွန်းကြားရသလိုများ ဖြစ်နေမလား။ ဘဝလမ်းအဆုံးအထိ လဲကျတလှည့်၊ ရုန်းထတလှည့် ကြိုးစားလျှောက်သွားသည့်တိုင် ငြိမ်းချမ်းရာဆိုတဲ့ဆုလာဘ်ကို ရှာမတွေ့ခဲ့ရင် ဆယ်စုနှစ်တွေများစွာဖြတ်သန်းလာခဲ့ရတဲ့ ကိုယ့်ဘဝဟာ အဆုံးသတ်မှာ လှောင်ရယ်စရာဟာသတစ်ပုဒ်ဖြစ်သွားမလား။

ရော်နယ်ဒိုနဲ့ ရွှေဖိနပ်ဆုပြိုင်ဆိုင်မှုကို ဘန်ဇီမာ တုန့်ပြန်

ဖေဖော်ဝါရီ ၁၈

အယ်လ်အစ်တီဟတ်အသင်း တိုက်စစ်မှူး ဘန်ဇီမာဟာ ရီးရယ်လ်အသင်းဖော်ဟောင်း ရော်နယ်ဒိုနဲ့ ဒီရာသီ ဆော်ဒီပရိုလိဂ်ပြိုင်ပွဲမှာ ဂိုးသွင်းအများဆုံး ရွှေဖိနပ်ဆု ရယူနိုင်ဖို့ ပြိုင်ဆိုင်နေမှုကို တုန့်ပြန်ခဲ့ပါတယ်။

ဘန်ဇီမာက “ကျနော်ပြောချင်တာက ကျနော်ဟာ ဂိုးတွေသွင်းယူနိုင်ဖို့ စဉ်းစားနေတဲ့သူ မဟုတ်ဘူးဆိုတာပါ။ ရော်နယ်ဒိုနဲ့အတူ ဒီနေရာမှာ ရှိနေရတာက ကောင်းပေမယ့် ကျနော့်အတွက် ပိုပြီးအရေးကြီးတာက ပွဲတွေကို အနိုင်ရယူဖို့ပါ။ ဒါကြောင့် အသင်းအတွက် ကျနော်ထပ်ပြီး ဂိုးတွေသွင်းနိုင်ရင် ကျနော်ပျော်ရွှင်ပါတယ်”လို့ ဆော်ဒီပရိုလိဂ် တရားဝင် ဝက်ဘ်ဆိုက်ကို ပြောခဲ့တာပါ။

ဘန်ဇီမာဟာ ဒီရာသီမှာ အယ်လ်အစ်တီဟတ်အသင်းအတွက် ခြေစွမ်းပြသနေပြီး ဆော်ဒီပရိုလိဂ်ပြိုင်ပွဲမှာ ၁၅ ဂိုး သွင်းယူထားတာ ဖြစ်ပါတယ်။

ဘန်ဇီမာရဲ့ ရီးရယ်လ်အသင်းဖော်ဟောင်း ရော်နယ်ဒိုကလည်း အယ်လ်နာဆာအသင်းအတွက် သွင်းဂိုးတွေ သွင်းယူနေပြီး ဒီရာသီ ဆော်ဒီပရိုလိဂ် ပြိုင်ပွဲမှာသွင်းဂိုး ၁၆ ဂိုးနဲ့ ဂိုးသွင်း အများဆုံး ကစားသမားအဖြစ် ရပ်တည်နေတာပါ။

အဲဒါကြောင့် ရော်နယ်ဒိုနဲ့ ဘန်ဇီမာတို့အကြားမှာ သွင်းဂိုးကွာဟမှုက ၁ ဂိုးသာရှိတာဖြစ်ပါတယ်။

ဒါပေမယ့် ဘန်ဇီမာကတော့ ရွှေဖိနပ်ဆုထက် အယ်လ်အစ်တီဟတ်အသင်းကို နိုင်ပွဲတွေ ရယူပေးနိုင်ဖို့က သူ့အတွက် အရေးကြီးတယ်လို့ ပြောခဲ့တာပါ။

ဒီရာသီ ဆော်ဒီပရိုလိဂ်ပြိုင်ပွဲ ပွဲစဉ် ၂၀ စီ ကစားအပြီးမှာ အယ်လ်အစ်တီဟတ်အသင်းဟာ အမှတ်ပေးဇယား အဆင့် ၂ နေရာမှာ ရပ်တည်နေတဲ့ အယ်လ်ဟီလယ်အသင်းကို ၄ မှတ် အသာရကာ အမှတ်ပေးဇယား ထိပ်ဆုံး နေရာမှာ ရပ်တည်နေပါတယ်။

အယ်လ်နာဆာအသင်းကတော့ အယ်လ်အစ်တီဟတ်အသင်းနဲ့ ၈ မှတ်အကွာ အဆင့် ၃ နေရာမှာ ရပ်တည်နေတာ ဖြစ်ပါတယ်။

Source: Goal

ပုံ - ဘန်ဇီမာနဲ့ ရော်နယ်ဒိုကို တွေ့ရစဉ်

#ဘောလုံးသတင်းစုံ

အမေရိကန် ခရီးသည်တင်လေယာဉ်တစင်း ကနေဒါလေဆိပ်မှာ ပျက်ကျလို့ ၁၈ ယောက် ဒဏ်ရာရ

ဝါရှင်တန်၊ ဖေဖော်ဝါရီ ၁၈

အမေရိကန် ဒဲလ်တာလေကြောင်းလိုင်းမှ လေယာဉ်တစင်းဟာ နှင်းမုန်တိုင်းတိုက်ခိုက်မှုကြောင့် ကနေဒါနိုင်ငံ တိုရွန်တိုပီယာဆန်လေဆိပ်မှာ ဆင်းသက်စဉ် ပျက်ကျခဲ့တာကြောင့် လေယာဉ်ပေါ်ပါ ခရီးသည် ၈၀ အနက် ၁၈ ယောက်ဒဏ်ရာရခဲ့တယ်လို့ တာဝန်ရှိသူတွေက ပြောပါတယ်။

လေယာဉ်ဟာ ဒဲလ်တာလေကြာင်းလိုင်းရဲ့ အန်ဒါဗာလုပ်ငန်းခွဲကနေ လည်ပတ်နေတဲ့ CRJ900 လေယာဉ်ဟာ ခရီးသည် ၇၆ ယောက်နဲ့ လေယာဉ်အမှုထမ်း လေးယောက်လိုက်ပါသွားခဲ့ပြီး မတော်တဆမှုဖြစ်စဉ်ကို ဒဲလ်တာလေကြောင်းလိုင်းက အတည်ပြုထားပါတယ်။

လေယာဉ်ပျက်ကျရတဲ့အကြောင်းရင်းကို ရှင်းလင်းစွာမသိရသေးကြောင်း ကနေဒါတာဝန်ရှိသူတွေက ပြောပါတယ်။ လေယာဉ်ဟာ ဆင်းသက်ခြင်းမပြုမီ ထူးခြားတဲ့ အရိပ်လက္ခဏာတွေ မတွေ့ခဲ့ဘူးလို့ ခရီးသည်တယောက်က ဆိုပါတယ်။

ကနေဒါနိုင်ငံမှာ သီတင်းပတ်ကုန်ပိုင်းက ပြင်းထန်တဲ့ နှင်းမုန်တိုင်းတွေ တိုက်ခိုက်ခဲ့ပြီး လေဆိပ်မှာ နှင်းထု ၂၂ စင်တီမီတာထိ ကျဆင်းခဲ့ပြီးနောက် လေကြောင်းလိုင်းတွေဟာ ဖျက်သိမ်းလိုက်ရတဲ့ ခရီးစဉ်တွေကို အမှီလိုက်ပြေးဆွဲနိုင်ရေး ကြိုးပမ်းနေကြပြီး လေတိုက်နှုန်းနဲ့ အေးခဲနေတဲ့ အပူချိန်က စိန်ခေါ်မှု ဖြစ်နေပါတယ်။

ဒဏ်ရာရသူအားလုံမှာ ခရီးသည်တွေဖြစ်ပြီး နီးစပ်ရာဆေးရုံတွေကို ပို့ပေးထားတယ်လို့ တာဝန်ရှိသူတွေက ပြောပါတယ်။ ဒဏ်ရာရသူတွေထဲက သုံးယောက်ကတော့ အခြေအနေပြင်းထန်းတယ်လို့ တာဝန်ရှိသူတွေက ပြောပါတယ်။

အမေရိကန်မှာ ဇန်နဝါရီနှောင်းပိုင်းကလည်း ဝါရှင်တန် ဒီစီမှာ စစ်ရဟတ်ယာဉ်နဲ့ ခရီးသည်လေယာဉ်တိုက်မိလို့ လူ ၆၇ ယောက်သေဆုံခဲ့ပြီး ဖီလာဒဲလ်ဖီးယားမှာလည်း ဆေးဘက်ဆိုင်ရာ ရဟတ်ယာဉ်တစင်းပျက်ကျလို့ ခုနှစ်ယောက်သေဆုံးခဲ့ကာ အလက်စကားပြည်နယ်မှာလည်း ခရီးသည်တင်လေယာဉ်ပျက်ကျပြီး လူ ၁၀ ယောက်သေဆုံးခဲ့ပါတယ်။

Ref:BBC
Photo:Reuters

#centralnewsnaypyitaw

ဒီမြောင်နဲ့တော့
😂

စောင်၊ မွေ့ယာသိုလှောင်ထားရာမှ အောင်းပူဖြစ်၍ ဂိုဒေါင်နှင့် နေအိမ်မီးလောင်

ဖေဖော်ဝါရီ ၁၈

မန္တလေးတိုင်းဒေသကြီး၊ တောင်သာမြို့နယ်၊အမှတ်(၆) ရပ်ကွက်တွင် ဖေဖော်ဝါရီလ ၁၇ ရက် မွန်းလွဲ ၁ နာရီ ၄၇ မိနစ်ခန့်က စောင်နှင့်မွေ့ယာ သိုလှောင်ထားရာမှ အောင်းပူဖြစ်၍ ဂိုဒေါင်နှင့် နေအိမ်တစ်လုံးမီးလောင်ခဲ့ကြောင်း မီးငြှိမ်းသတ်သူများထံမှ သိရသည်။

၁၅ မိနစ်ခန့်ကြာမြင့်ခဲ့​သော မီးလောင်မှုကြောင့် အလျားပေ ၂၀ ၊ အနံ ၁၅ ပေရှိ သွပ်မိုး၊ ဝါးကာ ဂိုဒေါင် ၁ လုံးနှင့် အလျား ၁၀ ပေ၊ အနံ ၁၅ ပေရှိ သွပ်မိုး၊ထရံကာ မြေစိုက်လူနေအိမ် ၁ လုံး မီးလောင်ဆုံးရှုံးခဲ့ပြီး လူထိခိုက်သေဆုံးမှုမရှိကြောင်း သိရသည်။

မီးလောင်မှုကို မီးငြှိမ်းသတ်ယာဥ် ၂ စီး၊ ရေသယ်ယာဥ် ၁ စီး၊ သန္ဓေ အရန်မီးသတ်တပ်ဖွဲ့ဝင် ၂၀ ကျော်ဖြင့် ငြှိမ်းသတ်ခဲ့ရာ မွန်းလွဲ ၂ နာရီ ၃ မိနစ်ခန့်တွင် မီးငြိမ်းခဲ့ကြောင်း သိရသည်။

ဂိုဒေါင်နှင့် နေအိမ်မီးလောင်မှုကြောင့် အသက် ၄၃ နှစ်အရွယ် အမျိုးသမီးကို ရာဇသတ်ကြီးပုဒ်မ ၂၈၅ ဖြင့် တောင်သာမြို့မရဲစခန်းက အမှုဖွင့်ထားသည်။

အလားတူ ဖေ​ဖော်ဝါရီလ ၁၇ ရက် နံနက် ၁၁ နာရီ ၅၅ မိနစ်ခန့်ကလည်း ပျော်ဘွယ်မြို့နယ်၊ ဝါးရုံကျေးရွာတွင် မီးဖိုမီးကြွင်းမီးကျန်မှ မီးလောင်မှုဖြစ်ပွားခဲ့ရာ အလျား ၂၄ ပေ၊ အနံ ၁၆ ပေရှိ သွပ်မိုး၊ ထရံကာ ပျဥ်ခင်းနေအိမ်နှင့် မီးဖိုဆောင် မီးလောင်ဆုံးရှုံးခဲ့သည်။

"အဘိုးအိုက မီးဖိုဆောင်မှာ ရေနွေးတည်သောက်ရင်း မီးဖိုမီးကြွင်းမီးကျန်ကို သေချာမငြှိမ်းခဲ့တော့ အဲ့ဒီမီးကနေတစ်ဆင့် မီးဖိုဆောင်နဲ့ အိမ်ကို မီးလောင်သွားတာ"ဟု မီးငြှိမ်းသတ်ရာတွင် ပါဝင်သူ အရန်မီးသတ်တပ်ဖွဲ့ဝင်တစ်ဦးက ပြောသည်။

မီးလောင်မှုကြောင့် အသက် ၇၂ နှစ်အရွယ် အဘိုးအိုကို ပျော်ဘွယ်မြို့နယ် ယင်းတော်နယ်မြေရဲစခန်းက ရာဇသတ်ကြီးပုဒ်မ ၂၈၅ ဖြင့် အမှုဖွင့်အရေးယူထားကြောင်း သိရသည်။

#သတင်းဟင်းလေးအိုးကြီး

လူတွေ ကားတွေနဲ့ တိုးကြိတ်နေတဲ့ နယူးယောက်မြို့ထဲမှာ မတော်တဆ ခလုတ်ဝင်တိုက်မိတဲ့ ကောင်လေးနဲ့ကောင်မလေးတစ်ယောက်အကြောင်း ၆ မိနစ်ခွဲစာပဲရိုက်ပြထားတာဆိုပေမယ့် Paperman ဆိုတဲ့ အန်နမေးရှင်းရုပ်ရှင်ကားတိုလေးဟာ သိပ်ဆန်းကြယ်လှတယ်။
ဒီရုပ်ရှင်ကို ပထမအကြိမ်ကြည့်တဲ့အချိန်မှာ သာမန်ရိုးရှင်းတဲ့အချစ်ဇာတ်လမ်းလို့ထင်ကောင်းထင်လိမ့်မယ်။ ဒုတိယအကြိမ်မှာတော့ Paperman ဇာတ်ဝင်ခန်းတွေမှာ မြှုပ်ထားတဲ့ အထီးကျန်ဆန်မှုတွေကို စမြင်လာရတယ်။ ဒီရုပ်ရှင်ဟာ အဖြူအမည်းကိုအသုံးပြုပြီး လူတစ်ယောက်ချင်းစီရဲ့ ဘဝတွင်းက အထီးကျန်ဆန်မှုတွေကို ပြသတယ်။ ကမ္ဘာပေါ်မှာ လူသူအထူထပ်ဆုံးနေရာတွေထဲကတစ်ခုဖြစ်တဲ့ နယူးယောက်မြို့ကြီးမှာ လူတွေစုပြုံတိုးကြိတ်နေပေမယ့် သူတို့တွေမှာ ရင်းနှီးလွယ်တဲ့မျက်နှာမရှိကြဘူး။ အထီးကျန်မှုတွေကိုယ်စီပိုက်ပြီး နိစ္စဓူဝကိစ္စတွေကို လုပ်ကိုင်နေကြရတယ်။ ယောကျ်ားလေးဇာတ်ကောင်ဟာလည်း ဖောင်ဖြည့်စာရွက်ကြီးတွေ တစ်လှေကြီးနဲ့ ပျင်းရိငေးငိုင်နေတယ်။ ဒီအလုပ်အပေါ် စိတ်ပြင်းပြဟန်လည်းမပေါ်။ သူ့ရှေ့မှာ စက်ရုပ်တွေလို အလုပ်လုပ်နေတဲ့ အခြားလူတွကိုလည်း စိတ်ကုန်နေဟန်ပေါ်တယ်။ ဒီလို အဖြူအမည်းတွေ ပြည့်နှက်နေတဲ့ ဖန်သားပြင်ကို လှုပ်ခါသွားတာကတော့ အနီရောင်နှုတ်ခမ်းပိုင်ရှင် မိန်းကလေးနဲ့ သူ့နှုတ်ခမ်းနီရာထင်သွားတဲ့ ဖောင်ဖြည့်စက္ကူတစ်ရွက်။
ဒီမိန်းကလေးဇာတ်ကောင်ကို ဖန်သားပြင်ပေါ်စမြင်ရချိန်မှာတော့ အများနဲ့မတူပဲ သူ့နှုတ်ခမ်းနီရာလေးက အနီရောင်ကလေးထင်းနေပါရော။ ဒီအနီရောင်ဟာ အရောင်ကင်းမဲ့ပြီး ပျင်းရိခြောက်သွေ့ဖွယ်ကောင်းတဲ့ ဇာတ်ကောင်တွေရဲ့စိတ်တွင်းက လွမ်းဆွတ်မှုနဲ့ ချစ်စိတ်ကို ဖော်ကြူးပြနေတယ်။ သူ့ရဲ့နှုတ်ခမ်းနီအရောင်လေးဟာ ယောကျ်ားလေးဇာတ်ကောင်အတွက် အထီးကျန်ပြီး အရောင်မဲ့တဲ့ စက်ရုပ်ဆန်ဆန်နေ့ရက်တွေကြားမှာ ထွက်ပေါ်လာတဲ့ နေရောင်ခြည်လိုပဲ။ သံပတ်လိုလည်နေရတဲ့ဘဝမှာ ယောကျ်ားလေးဇာတ်ကောင်အဖို့ ဒီမိန်းကလေးဟာ အစီအစဥ်တကျမဟုတ်တဲ့ လှုပ်ခါမှုတစ်ခုဖြစ်လာခဲ့တယ်။ ဒီလှုပ်ခါမှုဆီရောက်အောင်ပို့ပေးတဲ့ အောင်သွယ်တော်ကတော့ ဖောင်ဖြည့်စာရွက်ကနေ အသွင်ပြောင်းသွားတဲ့ စက္ကူလေယာဥ်ပျံကလေးတွေ။ စက္ကူလေယာဥ်လေးတွေက ချီတုံချတုံဖြစ်နေတဲ့ ယောကျ်ားလေးကို နာရီသံပတ်လို လည်ပတ်နေရတဲ့ လုပ်ငန်းခွင်ကနေ ဆွဲထုတ်လာပြီး မိန်းကလေးရှိရာဆီ ခေါ်ဆောင်လာခဲ့တယ်။ မိန်းကလေးကိုလည်း ထိုနည်းလည်းကောင်းပဲ။​ အဆုံးမှာတော့ ယောကျ်ားလေးဟာ မိန်းကလေးကို ငေးကြည့်ရင်း၊ မိန်းကလေးက သူ့လက်ထဲမှာ မတော်တဆ အရာထင်သွားတဲ့ နှုတ်ခမ်းနီရာလေးနဲ့ စက္ကူလေယာဥ်ကိုကိုင်ထားရင်း။
Paperman ရုပ်ရှင်ကားတိုလေးဟာ အချစ်ဇာတ်လမ်းတစ်ခုမကပါဘူး။ လူမှန်ရင် အထီးကျန်စိတ်ဆိုတာရှိစမြဲဖြစ်သလို ဒီအထီးကျန်စိတ်ကို ကျော်လွှားနိုင်ဖို့လည်း ကြိုးစားရုန်းကန်ရစမြဲပါ။ Paperman ဟာ ကြည့်ရှုသူပရိသတ်တွေအနေနဲ့ ကိုယ့်ရဲ့အထီးကျန်အရောင်မဲ့ဘဝထဲမှာ နှုတ်ခမ်းနီရာခပ်ရဲရဲကလေးကို ရှာဖွေတွေ့ရှိနိုင်ဖို့ အားပေးတဲ့ရုပ်ရှင်ဖြစ်ပါတယ်။ ကိုယ့်ရဲ့အရောင်မဲ့နေတဲ့ဘဝကို လင်းလက်စေမယ့် နှုတ်ခမ်းနီရာဟာ သက်ရှိလူသားတစ်ယောက်ဖြစ်ချင်ဖြစ်မယ်၊ တိရစ္ဆာန်လေးတစ်ကောင်ဖြစ်ချင်ဖြစ်မယ်၊ ရှုခင်းတစ်ခုဖြစ်ကောင်းဖြစ်မယ်။ ကိုယ့်ဘဝကို လင်းလက်စေမယ့်နှုတ်ခမ်းနီရာကို ရှာတွေ့ပြီလို့ခံစားရတဲ့အခါ ဘာဆက်လုပ်ကြမလဲ။ စက္ကူလေယာဥ်ခေါက်ပြီး ကြိုးစားဆက်သွယ်ကြည့်မလား၊ ဒီတိုင်းလက်ပိုက်ကြည့်နေပြီး အရောင်မဲ့တဲ့ဘဝထဲ ပြန်တိုးဝင်ကြမလား။

Online ရေကူးသင်တန်းတက်ပြီး မိမိ

"Deskto ရဲ့ Graphic Card တွေက Laptop ရဲ့ Graphic Card ထက် ဘာလို့ performance ပိုကောင်းနေရတာလဲ? ဘာကွာလို့လဲ"

အရင်ဆုံးသမရိုးကျ စဉ်းစားကြည့်လိုက်ကြရအောင်။Desktop မှာ Monitor,UPS,Keyboard,Mouse,System ပုံး,powersupply,Graphic card,Motherboard,Ram, ပြောရင်မကုန်သေးပေမယ့် ဒါတွေအကုန်လုံးပါတဲ့ desktop နဲ့ Laptop ထဲက ချုံပြီးထည့်ထားရတဲ့ဟာတွေက performance ပိုကောင်းမလား No ပါအဖြေက
ပိုကောင်းရင်လည်းကောင်းမှာပါ Gaming Laptop တစ်ချို့ဆိုဒီထက်တောင်ပိုကောင်းနိုင်ပါတယ်။
စလိုက်ကြရအောင်..

Graphic Card ထဲမှာနောက်ဆုံးထွက် RTX 4050 သုံးထားတဲ့ desk top နဲ့ Laptop တို့ရဲ့ graphic card နှစ်ခုက မတူညီပဲနဲ့ ဘာကြောင့် Laptop မှာထက် Desktop မှာ Performance ပိုထွက်နေရတာလဲ။
အဖြေရှာကြည့်ရအောင်။

ပါဝါသုံးစွဲမှု
(Power Differences)
Thermal Management (အပူထိန်းချုပ်မှု)
• Desktop Graphic Card:
Desktop graphic card တွေမှာ အကြီးစား heatsink, fan,တွေ water cooling system တွေသုံးပြီးတော့ ထွက်လာတဲ့အပူကိုထိန်းချုပ်ထားလို့၊ performance drop မဖြစ်စေပါဘူး။
• Laptop Graphic Card:
Laptop တွေမှာ space ကန့်သတ်မှုတွေကြောင့် cooling system ကနေရာသိပ်မရပဲနဲ့တခြားဟာတွေကို ဖဲ့ပေးထားရတာကြောင့် သုံးတာြကာပြီးတော့ အပူများလာတာနဲ့ ရင် performance ကျတာတွေ(thermal throttling) ဖြစ်နိုင်ပါတယ်။

ပါဝါစီမံခန့်ခွဲမှု (Power Management):
မြင်ဖူးကြမှာပါ။Laptop တွေမှာ Power Saving Mode နဲ့ Perfomance Mode ဆိုပြီးပါတတ်ကြတာကို။Laptop တွေမှာ ပါတဲ့ဘက်ထရီသက်တမ်းနဲ့ ကြာကြာသုံးတာနဲ့တက်လာတဲ့ Heat ကို ထိန်းချုပ်ဖို့အတွက် Power Management System ကို အသုံးပြုထားပါတယ်။အဲ့ဒါကြောင့် ဂရပ်ဖစ်ကတ်ကို ပါဝါအပြည့် မပေးနိုင်ဘဲ စွမ်းဆောင်ရည်ကို လျှော့ချထားရပါတယ်။
Desktop တွေမှာတော့ဒီလိုပြသနာတွေသိပ်မရှိတဲ့အတွက် ကိုယ်ထည့်ထားတဲ့ Graphic Card စွမ်းဆောင်ရည်ကို အပြည့်အဝခံစားလို့ရမယ်။ မီးတော့မှန်ရမှာပေါ့။

ဒီဇိုင်းနဲ့ အစိတ်အပိုင်းများ (Design and Components)

• Laptop Graphic Card
o Laptop များတွင် အရွယ်အစားသေးငယ်ပြီး ပါဝါသုံးစွဲမှု နည်းပါးသော GPU တွေကို အသုံးပြုပါတယ်။
o ဒီဇိုင်းက ပါဝါချွေတာပြီး အပူထိန်းချုပ်မှုကို ဦးစားပေးထားပါတယ်။
• Desktop Graphic Card
o Desktop GPU တွေက အရွယ်အစားကြီးမားပြီး စွမ်းဆောင်ရည်မြင့်မားပါတယ်။
o ပါဝါသုံးစွဲမှုများပြီး အပူထုတ်လွှတ်မှုလည်း များပါတယ်။
CPU နှင့် Memory (CPU and Memory)
Desktop Graphic Card
Desktop GPU တွေက စွမ်းဆောင်ရည်ပိုမြင့်ပါတယ်။ ဘာလို့လဲဆိုတော့ သူတို့မှာ Power Consumption ပိုများပြီး၊ Cooling System ပိုကောင်းတာကြောင့် ပိုပြီးတော့ High Performance ရပါတယ်။ Gaming, Video Editing, 3D Rendering လိုမျိုး Heavy Tasks တွေအတွက် Desktop GPU တွေက ပိုအဆင်ပြေပါတယ်။
Laptop Graphic Card
Laptop GPU တွေက Power Consumption နည်းပြီး၊ အရွယ်အစားသေးငယ်အောင် ဒီဇိုင်းလုပ်ထားတာကြောင့် စွမ်းဆောင်ရည်က Desktop GPU တွေလောက် မမြင့်ပါဘူး။ ဒါပေမယ့် နောက်ပိုင်း Laptop GPU တွေက တော်တော်လေးကောင်းလာပြီး၊ Mid-Range Gaming နဲ့ Light Creative Work တွေအတွက် လုံလောက်ပါတယ်။

Memory Speed: Desktop တွေမှာ RAM speed ပိုမြန်တာကြောင့် ဂိမ်း performance ကို အထောက်အကူပြုပါတယ်။
ဥပမာ: RTX 4090 ဂရပ်ဖစ်ကတ်ကို နှိုင်းယှဉ်ကြည့်မယ်ဆိုရင် desktop ဗားရှင်းက laptop ဗားရှင်းထက် CUDA cores အရေအတွက် ပိုများပြီး clock speed, memory bandwidth တွေလည်း ပိုမြင့်ပါတယ်။ ဒါကြောင့် performance သိသိသာသာ ကွာခြားပါတယ်။
အချုပ်ပြောရရင် desktop ဂရပ်ဖစ်ကတ်တွေမှာ ပါဝါပိုများများ သုံးနိုင်ခြင်း၊ အအေးပေးစနစ် ပိုကောင်းခြင်း၊ အရွယ်အစားနဲ့ ဒီဇိုင်းပိုင်းဆိုင်ရာ အားသာချက်တွေကြောင့် laptop ဂရပ်ဖစ်ကတ်တွေထက် performance ပိုကောင်းတာ ဖြစ်ပါတယ်။