Hubble telescope ဟာ လွှတ်တင်ခဲ့ချိန် ၁၉၉၀ ခုနှစ်မှ ၂၀၂၅ ခုနှစ်အထိ ၃၅ နှစ်တိုင်တိုင် အံအားသင့်ဖွယ် စကြာဝဠာကြီးရဲ့ အတွင်းပိုင်း လှပတဲ့ Galaxy တွေ ရဲ့အကြောင်းကို ခေတ်သစ်အာကာသသိပ္ပံအတွက် မိတ်ဆက်မျိူးစေ့ချပေးခဲ့ပြီးတော့ လပေါ်ကို လူတွေ ခြေချပြီးတဲ့နောက်ပိုင်းမှာ လူသားတွေအတွက် အကြီးမားဆုံးအောင်မြင်မှုဖြစ်လာခဲ့ပါတယ်။
ကမ္ဘာ့နိုင်ငံအရပ် ဒေသအသီးသီးသိပ္ပံပညာရှင် ၁၂၀၀၀ / အာကာသလေ့လာသူ astronomer ၈၀၀၀ ခန့်အတွက် Hubble ဟာ အတွေးအမြင် အချက်အလက်အသစ်ပေါင်းများစွာ တွေကို ယူဆောင်လာပေးခဲ့ပါတယ်။
ဒီကရတဲ့ အချက်အလက်တွေနဲ့ အရင်က မသိခဲ့ရတဲ့ စကြာဝဠာကြီးရဲ့ မသိခြင်းပဟေဠိတွေကို အဖြေရှာနိုင်ပြီး Galaxy များ၊ စကြာဝဠာကြီးရဲ့သက်တမ်း ၊ ကြယ်စင်တွေနဲ့ သူတို့ရဲ့ Supernovaပေါက်ကွဲမှုဖြစ်စဉ်တွေအပြင် နောက်ထပ်မေးခွန်းသစ်တွေကိုပါ စဉ်းစားစေတတ်ဖို့ သင်ပေးနိုင်ခဲ့ပါတယ်။
စိတ်ဝင်စားတဲ့ အများပြည်သူ နိုင်ငံမရွေးဘယ်သူမဆို Hubble telescope ကို့လေ့လာခွင့် proposal တင်ပြီး ကိုယ်တိုင်ကြည့်ခွင့်တောင်းခံလို့ရပါတယ်။ ခွင့်ပြုချက် ကတော့ ကိုယ်တင်တဲ့ proposal အရေးပါမှု ပေါ်မှာ မူတည်ပြီး ကြည့်ခွင့်ရလေ့ရှိပါတယ်။
Hubble Telescope ကြီးလွှတ်တင်တာ ၃၅ နှစ်ပြည့်သွားပြီဖြစ်တာကြောင့် NASA က ဒီအတောအတွင်းမှာ ရိုက်ယူထားခဲ့တဲ့ စိတ်ဝင်စားဖွယ်ရာ ပုံတွေကို ထုတ်ဖော်လာပါတယ်။အခုလက်ရှိမှာ Hubble ဟာ သူ့သက်တမ်းကုန်ဆုံးခါနီးဖြစ်နေပြီး telescope ပေါ်မှာပါတဲ့ နောက်ဆုံးသော Gyro နဲ့ ထိန်းညှိလုပ်ဆောင်နေရတာဖြစ်ပါတယ်။ ဒါပေမယ့် Hubble telescope ကို အစားထိုးဖို့ NASA က Jwst telescope ကြီးကို ၂၀၂၁ ခုနှစ်က ထပ်မံလွှတ်တင်နိုင်ခဲ့တာမို့ အနာဂတ်အာကာသသိပ္ပံအတွက်လောလောဆယ် စိတ်ပူစရာမရှိသေးပါဘူး။ JWST ကကော Hubble တယ်လီစကုတ်လိုမျိူး နှစ်ဘယ်လောက်များများ လူသားတွေကို အကျိူးပြုမလည်းဆိုတာတော့ စိတ်ဝင်စားဖွယ်ရာဖြစ်ပါတယ်။
စိတ်ကူး တစ်ခု ကနေ အစပြုခဲ့ပြီးကြားကအခက်အခဲ အကြတ်အတည်းတွေကြားမှာ လူသားတွေရဲ့ ကြံခိုင်တဲ့ မဆုတ်မနစ်ကြိုးစားမှု၊ သိပ္ပံပညာရဲ့အောင်မြင်မှုတွေရဲ့ ပြယုဒ်တစ်ခုအဖြစ် Hubble Space Telescope ဟာ အာကာသသိပ္ပံသမိုင်းမှတ်တမ်းဝင်ခဲ့ပြီဖြစ်ပါတယ်။
Hubble Telescope ကြီး ဆီက ရရှိခဲ့တဲ့ အာကာသ ပုံတွေထဲက တစ်ချို့ပုံရိပ်တွေကို လာမယ့် ရက်ပိုင်းတွေအတွင်းမှာ MASES စာဖတ်သူ တွေအတွက် ရှင်းပြတင်ဆက်ပေးဦးမှာမလို့ လေ့လာလို့ရအောင်ကြိုတင်ဖိတ်ခေါ်ထားချင်ပါတယ်။
#end
