Discover postsExplore captivating content and diverse perspectives on our Discover page. Uncover fresh ideas and engage in meaningful conversations
snow white horror version \
ချီကာဂိုမြို့ရဲ့ လပြည့်ညတစ်ည...
အဆောက်အဦးပျက်ကြီးတစ်ခုထဲမှာ အမျိုးသမီးတစ်ယောက် မော်ဖင်းဆေးထိုးအပ်တွေတန်းလန်းနဲ့ နာကျင်မှုကိုအံတုရင်း မိန်းမောနေလေရဲ့....ခနမှာတော့ သူမဟာ မတူညီတဲ့ နေရာတွေက လူ၈ယောက် ဆီရဲ့အိပ်မက်ထဲမှာ ရောက်နေတော့တယ် ထိုသူတွေကတော့ သူမနောက်ဆုံး ဖန်တီးခဲ့တဲ့ Sensate အစုအဝေး ၊ Cluster တစ်ခုပါပဲ...အဲ့ဒီ့သူတွေကိုမြင်ပြီးနောက်မှာ သူမ စိတ်အေးသွားခဲ့ပါပြီ...
ဒါကတော့ နက်ဖလစ်(စ်) ကနေ Streaming လုပ်ခဲ့တဲ့ Sense8 ဆိုတဲ့ show ရဲ့ အဖွင့်ပေါ့...ဒီ စီးရီးက ပေးချင်တဲ့ ရိုးရှင်းအတွေးအခေါ်လေးတစ်ခုကို တင်ဆက်ပုံတွေ ဇာတ်လမ်းဇာတ်ကွက်တွေ ရသမြောက်မှုတွေပါတာကြောင့်၊ လူသိနည်း ပညာသားပါတဲ့ Underrated series ဖြစ်တဲ့အတွက်ကြောင့်၊ ပြီးတော့ အခုက Pride Month ရောက်တော့မှာဖြစ်တဲ့အတွက်ရော ဝေမျှပေးချင်ပါတယ်...
Sense8 ဆိုတဲ့အတိုင်း အဓိက ဇာတ်ဆောင် ရှစ်ယောက်၊ အမေရိကန်၊ အင်္ဂလန်၊ ကိုရီးယား၊ အိန္ဒိယ၊ ဂျာမဏီ၊ စပိန်၊ အိုက်စ်လန်း ဆိုတဲ့ နေရာ ရှစ်ခု။ သူတို့တွေက Psychic Energy ကို လက်ခံရရှိတဲ့ Sensate ဆိုတဲ့ စိတ်ချင်းဆက်သွယ်ကူးလူးနိုင်တဲ့ လူမျိုးတွေ... ရှစ်ယောက်ပါတဲ့ အစုတစ်ခုကို Cluster တစ်ခုလို့ ခေါ်ပါတယ်.... သူတို့တွေက အချင်းချင်းရဲ့ စိတ်တွေထဲ ဝင်ထွက်သွားလာနိုင်တယ်. လက်ခံသူက ခွင့်ပြုရင် ခန္ဓာကိုယ်ကိုတောင်ထိန်းချုပ်နိုင်ပါတယ်...
Mind swapping နဲ့ Skill Sharing လည်းလုပ်နိုင်သလို ဘာသာစကားမတူတဲ့ ပြဿနာလည်း သင်ယူစရာမလိုပါဘူး....
ဒါ့အပြင် စိတ်ခံစားချက်တွေ တူနေပြန်ရင်လည်း တစ်ယောက်ရဲ့ စိတ်ထဲတစ်ယောက် အလိုလိုရောက်သွားတတ်တဲ့ Condition လည်းရှိပါတယ်...သူတို့လိုလူတွေက လူကောင်းတွေချည်းပဲ မဟုတ်ပြန်ဘူးပေါ့...ဒီ စွမ်းအားကို အသုံးချချယ်လှယ်ချင်တဲ့ Antagonists တွေနဲ့ အားပြိုင်မှုတွေကို အမိုက်စား Editing တွေ ၊ လှပတဲ့ Scenery တွေ၊ အထင်ကရမြို့ကြီးတွေရဲ့ နာမည်ကြီးနေရာတွေကိုပါ အသေးစိတ်တင်ဆက်ထားတာပါ... ကျွန်တော့်ရဲ့ ကိုယ်ပိုင်အမြင်အရပြောရရင် ဒီလိုမျိုး ဘာသာစကားတွေ၊ နေရာဒေသတွေ၊ ယဥ်ကျေးမှုတွေ၊ စရိုက်လက္ခဏာတွေ မတူညီကြတဲ့ လူတွေကို ယောက်ယတ်ခတ်ပွစိတက်မသွားစေဘဲ Tempo မှန်မှန်နဲ့ Main plot ဆီကို သယ်သွားနိုင်တာကို သဘောကျမိပါတယ်...ဇာတ်ကောင်တွေတစ်ယောက်ချင်းဆီမှာ ကိုယ်ပိုင် Sub-plot တွေရှိတယ် အဲ့ကမှတစ်ဆင့် သူတို့ရဲ့ Psychic Ability နဲ့ အချင်းချင်း ကောင်းတာ ဆိုးတာတွေ လျို့ဝှက်ချက်တွေ ချစ်ခြင်း မုန်းခြင်းတွေ သံသယတွေ...စတာတွေနဲ့ ဒရာမဆန်ဆန် ချိတ်ဆက်ပေးသွားတယ်...
ပြောခဲ့တဲ့ အတွေးအခေါ်လေးဆိုတာက စည်းလုံးမှုပါ နောက်ပိုင်းမှာ ဇာတ်ကောင်တွေရဲ့ Main swapping လုပ်ပြီး ၈ ယောက်က တယောက်တလှည့်ဆီဝင်ကူညီတာတွေက အားရဖို့ကောင်းပါတယ် ...သူတို့တောင်သေချာ နားမလည်တဲ့ အန္တရာယ်တွေကို 'ငါတို့မှာ တယောက်နဲ့တယောက် ကူညီဖေးမနေသရွေ့ ဘာမဆို ရင်ဆိုင်နိုင်တယ်၊ ရင်ဆိုင်ရဲတယ်' ဆိုတဲ့ Concept ကို စိတ်ခွန်အားလည်း ရအောင် Entertained လည်းဖြစ်အောင် တင်ဆက်သွားပါတယ်....ဒီလို ရှုပ်ထွေးလှတဲ့ ဇာတ်လမ်းရဲ့ Lore နဲ့ World-Building ကိုလည်း တပိုင်းချင်းစီမှာ သေသေ ချာချာရှင်းပြပေးထားပါသေးတယ်။ Family Problem တွေ၊ Love Triangle တွေ၊ Gangstersတွေ၊ Sexual Orientation၊ Political စတဲ့ Topic အကြီးစားတွေကိုမှ Sci-fi/ Action / Drama / Thriller / Romance ဆိုတဲ့ Genre အစုံကို အချိုးချိုးကျကျ ပေါင်းစပ်ပြထားပါတယ်....
Pride Month အတွက်လည်း ညွှန်းပေးရခြင်းကတော့....ဇာတ်ဆောင်တွေထဲက 'Lito' ဆိုတဲ့ စပိန်နိုင်ငံက နာမည်ကြီးသရုပ်ဆောင်တစ်ယောက်၊ သူက Closeted Gay၊ ဆိုတော့ သူ့ရဲ့ Double-life ပြဿနာ တွေ၊ Relationship ကိစ္စတွေကို Development ကောင်းကောင်းနဲ့ Represent လုပ်သွားနိုင်တယ်၊ နောက်တစ်ယောက် ဆန်ဖရန်စစ္စကိုက လိင်ပြောင်းအမျိုးသမီး 'Nomi'၊ သူမက IT ကျွမ်းကျင်ပညာရှင်၊ သူမဆိုရင် ကိုယ့်ရဲ့ Transition ကြောင့် ကိုယ့်မိသားစုအရင်းကနေ အသက်အန္တရာယ်ရန်ရှာတာခံရတဲ့ထိပါပဲ...သူတို့တွေရဲ့ Plot တွေကလည်း LGBTQ+ Community မှာ လူပြောများပြီး Icon ဖြစ်တဲ့အထိ ကောင်းမွန်တာမို့ Pride Month မှာ ကြည့်ဖို့ ကြိုတင်ညွှန်းပေးပါရစေ...ဇာတ်လမ်းကို နာမည်ကျော် Matrix Trilogy၊ Babylon 5 ကို ဖန်တီးသူတွေက ဇာတ်ညွှန်းဇာတ်လမ်း၊ Directing ၊ Editing တွေကို ကြီးကြပ်ထားတာပါ...
စီစန် ၂ ခု ထွက်ရှိထားပါတယ်။ Season 1 နဲ့ 2 ကြားမှာ Pride Month၊ Chrismas၊ New Year Event တွေအတွက် Special Episode ပါထွက်ထားပါတယ်...ဘတ်ဂျက်အခက်အခဲကြောင့်
Season 2 ရိုက်နေတုန်းမှာ စီးရီးကို အဆုံးသတ်တော့မယ်လို့ ကြေငြာခဲ့ပါတယ်...သို့ပေမဲ့ နာမည်ကျော် Matrix ဖန်တီးသူတွေကတော့ သူတို့ရဲ့ ဖန်တီးမှုကို ခေတ်သစ်မော်ဒန် ပန်းချီကားတစ်ချပ်လို ရှုပ်ထွေးပေမဲ့ အကောင်းဆုံးနဲ့ လှလှသေသေသပ်သပ် အဆုံးသတ်ပေးခဲ့ပါတယ်....
ပရိသတ်တွေ ဘရူနိုအကြောင်း ပြောကြဖို့ ဖြစ်နိုင်ခြေများလာပါပြီ။ နာမည်ကျော် Disney အန်နမေးရှင်းရုပ်ရှင်တစ်ကားဖြစ်တဲ့ Encanto က sequel ထွက်လာဖို့အတွက် အကြံဉာဏ်တွေရှာဖွေနေတဲ့အကြောင်း Bruno အသံသရုပ်ဆောင် John Leguizamo က အရိပ်အမြွက်ပြောလာခဲ့တာပါ။
Encanto 2 အတွက် Disney ဖက်က တရားဝင်ကြေညာထားခြင်းမရှိသေးပေမယ့် John က ရှေ့ကားမှာ “ဘရူနိုအကြောင်း မပြောပဲနေခဲ့ကြတော့” ဒီတစ်ခေါက်မှာ “ဘရူနိုအကြောင်းပဲပြောကြရအောင်” လို့ ဟာသအနေနဲ့ပြောဆိုခဲ့ပြီး Disney ဖက်က Encanto 2 အတွက် သင့်တော်မယ့်ဇာတ်လမ်းကို ရှာဖွေဖန်တီးနေကြောင်း သိရပါတယ်။
၂၀၂၁ ခုနှစ်မှာ ထွက်ရှိခဲ့တဲ့ Encanto ရုပ်ရှင်ဟာ အော်စကာအကောင်းဆုံးအန်နမေးရှင်းဆုကို ရရှိခဲ့သလို ပရိသတ်တွေကြားမှာလည်း အကြိုက်တွေ့ခဲ့ကြပါတယ်။ လက်ရှိမှာ Inside Out 2, Moana 2 တို့လို အောင်မြင်ပြီးသားရုပ်ရှင်တွေကို အဆက်ထပ်မံထွက်ရှိထားပြီးတဲ့အပြင် လာမယ့်နှစ်တွေအတွင်းမှာ Zootopia 2 နဲ့ Toy Story 5 တို့ကို ထုတ်လုပ်သွားဖို့ရှိနေတဲ့ Disney အနေနဲ့ Encanto 2 ကို ဖန်တီးသွားဖို့လည်း အလားအလာများနေတာဖြစ်ပါတယ်။
တရုတ်က စက်ဘီးစီးနိုင်တဲ့ လူတူစက်ရုပ်ကို ပြသ
============================
တရုတ်မှ AgiBot စက်ရုပ် ကုမ္ပဏီက လူသားတွေနီးပါး လျှင်မြန်ဖြတ်လတ်တဲ့ Lingxi X2 လူတူစက်ရုပ်ကို ပြသလိုက်ပါတယ်။ စက်ရုပ်က လမ်းလျှောက်နိုင်၊ ပြေးနိုင်၊ ကနိုင်၊ စက်ဘီးစီးနိုင်ပြီး Hoverboard ပေါ်မှာတောင် ဟန်ချက်ညီစွာ စီးနိုင်ပါတယ်။
အရပ်အမြင့် ၁.၃ မီတာ (၄.၃ ပေ) ရှိပြီး အလေးချိန်က ၃၃.၈ ကီလိုဂရမ် (၇၄.၆ ပေါင်) ရှိပါတယ်။ အဆင့်မြင့် AI နည်းပညာ ထည့်သွင်းထားပါတယ်။
စက်ရုပ်က လူတွေရဲ့ မျက်နှာ အမူအယာနဲ့ အသံ Tone ကို ခွဲခြမ်းစိတ်ဖြာနိုင်ပြီး စိတ်ခံစားချက်တွေကို သိနိုင်ပါတယ်။ လူတွေနဲ့ ကောင်းမွန်စွာ ဆက်ဆံနိုင်ပါတယ်။
စက်ရုပ်က လူသားတွေကို နေ့စဉ်ဘဝတွေမှာ ကူညီပေးနိုင်ပြီး ဆေးစာဖတ်ပြတာကနေ အကြံဉာဏ်ပေးတာအထိ ပြုလုပ်နိုင်ပါတယ်။ ကိုယ်နေဟန်ထားနဲ့ လူသားတွေကို ဆက်သွယ်နိုင်ပါတယ်။
နေအိမ်မှာ သုံးနိုင်တဲ့အပြင် ကျန်းမာရေး၊ ပညာရေး၊ လုံခြုံရေးလို အလုပ်တွေမှာ တခြား စက်ရုပ်တွေနဲ့ ပူးပေါင်း အလုပ်လုပ်နိုင်ပါတယ်။
" စိတ်မကောင်း ဖြစ်မနေနဲ့ လောကမှာ လူလုပ်ရင် အကြောင်းအမျိုးမျိုး ကြုံရမှာပဲ ကြုံလာရင် ကြံရမှာပဲ "
ဒီစာအုပ်လေးဟာ အမျိုးသမီးတွေအတွက် အဓိကလမ်းပြပေးတဲ့ ဝတ္ထုလို့ နာမည်ကြီးတဲ့ စာအုပ်ပေါ့ ။ အခက်ခဲဆုံး အခြေအနေမှာလည်း အမျိုးသမီးတွေဟာ ဒူးနဲ့ မျက်ရည်သုတ်မနေဘဲ ကြုံလာတဲ့ အခက်အခဲကို ရင်ဆိုင်ဖြေရှင်းနိုင်တဲ့ အစွမ်းရှိကြောင်း ပြောပြခဲ့တဲ့ စာအုပ် ။
တစ်ချိန်တည်းမှာ အမျိုးသမီးတွေရဲ့ အားငယ်စိတ်ကို ဖော်ပြထားပြီး အဲဒီတစ်ချိန်တည်းမှာပဲ ရင်ဆိုင်နိုင်စွမ်းရှိတဲ့ အစွမ်းအစရှိကြောင်း ပြသခဲ့တာမို့ တော်တော်လေး သဘောကျမိရတယ် ။
ဇာတ်လမ်းကတော့ သက်သက် နဲ့ လှဆိုတဲ့ ကိုယ့်အားကိုယ်ကိုးပြီး နေထိုင်နေကြတဲ့ မိန်းကလေးငယ် နှစ်ယောက် ။ တချိန်က ချမ်းသာကြွယ်ဝတဲ့ မိဘတွေနဲ့ နေခဲ့ရပေမဲ့ ဂျပန်ခေတ် ဗုံးဒဏ်ကြောင့် မိဘရော စည်းစိမ်ပါ ဆုံးရှုံးခဲ့လို့ ဆင်းရဲသွားကြတဲ့ သူငယ်ချင်းနှစ်ယောက်ပေါ့ ။
ဘာမှမရှိတဲ့ကြားထဲက တစ်နေ့တော့ ကားအရောင်းအဝယ်အတွက် ပွဲစားသဘောလုပ်ပေးရင်း ငွေ နှစ်ထောင့်ငါးရာ ကျပျောက်ခဲ့တယ် ။
တနေ့တနေ့ စားဖို့တောင် အနိုင်နိုင်ရုန်းကန်နေရတဲ့ ဂျပန်ခေတ်အောက်မှာ တစ်လမှ လခ တစ်ရာကျော် ရတဲ့ မိန်းကလေးနှစ်ယောက်အတွက် ငွေ နှစ်ထောင်ကျော်ဆိုတာ ဘယ်လိုမှအလွယ်တကူ ပြန်ရှာလို့ မလွယ်တဲ့ ပိုက်ဆံဖြစ်နေခဲ့တယ် ။
သမာရိုးကျဇာတ်လမ်းဆို ငိုယိုဒူးထောက်တောင်းပန်ပြီး ငွေနှစ်ထောင်ကျော်အတွက် ဖြေရှင်းလိုက်လို့ ရနိုင်ပေမဲ့ ဆရာမကြီးဟာ အမျိုးသမီးတွေရဲ့ အကျပ်အတည်းက လွတ်မြောက်အောင် စွမ်းဆောင်နိုင်ပုံကို သက်သက် ဆိုတဲ့ ဇာတ်ကောင်ကနေ ရေးပြခဲ့တယ်။
သက်သက်ဟာ ရန်ကုန်မြို့က ပညာရေးဝန်ကြီး အိမ်မှာ အိမ်ဖော် တစ်နည်း အိမ်ဖော်တွေကို စေခိုင်းရတဲ့ အိမ်ဖော်အကြီးပုံစံပေါ့ ။
ယောကျ်ားသားချည်း ငါးယောက်ရှိတဲ့ အိမ်မှာအလုပ်သွားလုပ်ခဲ့တဲ့ သက်သက် ။ သူ့ရဲ့ အိန္ဒြေ သိက္ခာကို စောင့်စည်းရင်း အိမ်ကြီးမှာ အလုပ်လုပ်ခဲ့ပုံဟာ စံပြလေးစားစရာ ။
အိမ်မပီသတဲ့ အိမ်ကြီးကို မိန်းကလေးတွေရဲ့ အိမ်ထောင်စီမံပုံနဲ့ ပြင်ဆင်ပေးခဲ့နိုင်တဲ့ အမျိုးသမီးတစ်ယောက်ရဲ့ အရေးပါပုံတွေ ။
သူ့အိမ်မှာ အလုပ်လာလုပ်တဲ့ မိန်းကလေးမှ ချစ်မိသွားတဲ့ ဝန်ကြီး ဦးမင်းဟန် ။ လှပလွန်းတဲ့ ယမင်းရုပ်ကလေးကို သူ့ရဲ့ အိမ်ဧည့်ခန်းထဲမှာ ရာသက်ပန်ထားချင်တဲ့ ပုံရိပ်လေးကလည်း ခပ်ဝါးဝါး ပါနေခဲ့တယ် ။
သက်သက် တစ်ယောက် ပိုက်ဆံတွေ ပြန်ဆပ်သွားနိုင်မှာလား ။ အမျိုးသမီးတစ်ယောက်ရဲ့ စွမ်းဆောင်နိုင်ပုံတွေကို
ပြသထားရင်း ဦးမင်းဟန်ရဲ့ အချစ်ဇာတ်လမ်းဟာလည်း ရင်ကို နွမ်းလျစေပါတယ် ။
(စာညွန်းရေးသားသူအားcrdပေးပါသည်)
#သူမ #ဂျာနယ်ကျော်မမလေး
