တရုတ်နှစ်ကူးရောက်တော့မယ်ဆိုတော့ အီကွေ့လေးလုပ်စားရအောင်
ကောက်ညှင်းဆန်တစ်ပြည်ကိုဆန်ကြမ်းနို့ဆီတစ်ဘူးထည့်၊ ရေစင်အောင်ဆေးပြီးတစ်ညရေစိမ်ထားပါ။
ထို့နောက်ကြိတ်ဆုံတွင်ကြိတ်ကာအိတ်ဖြင့် မုန့်သား ရေကုန်လုနီးပါးဖြစ်အောင်စစ်ရပါမည်။
ကြံသကာကျိုရန် အနီရောင်ကြံသကါ ရလျှင်ပိုကောင်းပါသည်။အဝါရောင်ကြံသကာသုံးလျှင် နီရောင်ရသည်အထိကျိုရန်လိုအပ်ပါသည်။ အနီရောင်မရခင်အသုံးပြုပါက မုန့်သားအရောင်မှာပြာနှမ်းနှမ်းဖြစ်တတ်ပါသည်။
ကြံသကာတစ်ပိဿာကိုရေဖလားတစ်ခွက်၊ ပါဝါအနည်းငယ်၊မုန့်မျက်နှာပြင်တင်းစေရန်အတွက် လက်ချား အနည်းငယ်၊ ဆား အနည်းငယ် ထည့်ပြီး အမှိုက်၊ သဲတို့သန့်စင်အောင်စစ်၍ ညောင်စေးမကျတကျဖြစ်သည်အထိကျိုပါ။
ကောက်ညှင်းမုန့်ညက်ကို နှဲမည့် အိုး(သို့မဟုတ်)အင်တုံကြီးကြီးထဲသို့ ချေပြီးထည့်ကာ ကျိုထားသော ကြံသကာရည်အနည်းငယ် စီထည့်၍ မုန့်နှစ်အခဲများမဖြစ်အောင် စိတ်ရှည်လက်ရှည်နှဲပါ။
ထို့သို့ ကြံသကာရည်ကုန်သည်အထိ သုံးလေးကြိမ်မျှခွဲထည့်ပြီး မုန့်အခဲမကျန်အောင် နှဲပါ။
နှဲသားကောင်းလျှင်မုန့်ပိုကောင်းပါသည်။
နောက်ဆုံးကြံသကာရည်ကုန်လျှင် ပေါင်းရန်အသင့်အနေအထား မုန့်နှစ်ခပ်ပျစ်ပျစ်ဖြစ်လာပါမည်။
ပေါင်းမည့်အိုးကိုရေနွေးဆူအောင်အရင်တည်ထားပါ။
ပေါင်းမည့်ခွက်ကို ဆီဖတ်နှင့်ဆီသုတ်ကာ မုန့်နှစ်ကို ခွက်သုံးပုံတစ်ပုံထည့်ပါ။
တစ်ဝက်အနေအထားထည့်လျှင်ပေါင်းနေ့စဉ် မုန့်သားပွတက်လာသဖြင့် ခွက်ပြည့်လျှံထွက်တတ်သည်။
ပေါင်းချိန် တစ်နာရီကျော်ကျော်ကြာပါသည်။
ပေါင်းနေစဉ် ရေနွေးငွေ့များ အပြင်မထွက်စေရန် ပေါင်းချောင်ဖတ်ဖြင့်လုံအောင်လုပ်ပါ။
ထင်းမီးအသုံးပြုပါက မီးအဆက်မပြတ်စေရန်လည်း ဂရုစိုက်ရပါမည်။
ပေါင်းချိန်တစ်နာရီကျော်လျှင် ပေါင်းအိုးမှချကာ နှမ်း၊ မြေပဲလှော် မညက်တညက်ထောင်းတို့ကို မျက်နှာပြင်ပေါ် နှံ့အောင်ဖြူးပေးပါ။
ပေါင်းခွက်မှမုန့်ခွာလျှင် ပူနေစဉ်အချိန်မခွာပါနှင့်၊ မုန့်ပုံစံပျက်၍မလှမပဖြစ်သွားပါမည်။
လုံးဝအေးသွားသည်အထိ အအေးခံထားပါ။
ဖြစ်နိုင်လျှင် တရက်လောက်အအေးခံပြီးခွာလျှင် မုန့်ပုံစံလှပစွာထွက်ပါသည်။
#မြိန်မြိန်
