cool

သရက်သီးအညာချက်လေး
သရက်သီးအနေတော်လေးတွေကိုအညှာဖြတ်ပြီးတချက်ထုပါ ပြီးရင်ရေစိမ်ထားပါတယ်
တချို့လူတွေတော့အကုန်ထည့်လုံးချက်တတ်ကြပါတယ် မျှင်ငပိနဲ့ပဲချက်ကြတာပါ
ကိုယ်ကတော့ ဆီထည့်ဆီကျက်ရင်ကြက်သွန်ဖြူနီဆီသတ်ဆနွင်းအနဲငယ်ထည့်
နွမ်းရင်ငြုပ်သီးလေးစိတ်ကွဲရယ်အရောင်တင်မှုန့်ရယ်အနဲငယ်စီထည့်ပါမျှင်ငပိထည့်ပါတယ်ပုစွန်ခြောက်ထောင်းထည့်ပါတယ် ငံပြာရည်နဲနဲထည့်ပါ ပြီးမှသရက်သီးထည့်ပါတယ်သရက်သီးနူးအောင်ရေမြှုပ်အောင်ထည့်ပြီးအဖုံးအုပ်ထားပါသရက်သီးလဲနူးအိဆီပြန်ရင်ငြုပ်သီးစိမ်းလေးထည့်ပြီးရပါပြီ ...
(စိုင်သီးနဲ့ပန်းတောင်းသရက်သီးနဲ့ချက်တာပါ)
ပထမဦးဆုံးစမ်းချက်ကြည့်တာပါ အိမ်ဦးနတ်ကတော့ကြိုက်ပါတယ်ကိုယ်လဲကြိုက်တယ်
သမီးငယ်ကတော့မကြိုက်ပါ ...

ခရမ်းချဉ်သီးထည့်ဖို့မေ့သွားပါတယ် ...အညာချက်ဆိုတော့ခရမ်းချဉ်သီးသုံးကြတယ်လေ
Credit Khaing Khaing myint

ပျော်ရွှင်မှုဆိုတာ ဘာလဲ
နွေးထွေးကြင်နာမှု ဆိုတာကရော ….
အချစ်မခံခဲ့ရတဲ့ ကလေးတစ်ယောက်ဟာ
လူတွေကို ဘယ်လိုချစ်ရမလဲ ကောင်းကောင်းမသိဘူး ။ သံသယတွေ စိုးရိမ်ပူပန်မှုတွေ ပြစ်တင်သံတွေ
ဝမ်းနည်းမှုတွေ ပြည့်တင်းနေတဲ့ ဆက်ဆံရေးတစ်ခုမှာ ချစ်ခြင်းမေတ္တာလို့ ခေါင်းစဉ်တပ်ပြီးတော့တောင် ပျော်ရွှင်မှုဆိုတဲ့ အပိုင်းအစ ကိုရှာမတွေ့ခဲ့ဘူး ။ သူလဲ မပျော်ရ ကိုယ်လဲ မပျော်ရ နဲ့ ရှေ့ဆက်နေရတဲ့နေ့တွေမှာ သူလဲ ကိုယ့်ရဲ့ချုပ်ထိန်းမှုတွေအောက်မှာမွန်းကြပ်ခဲ့ရတယ် ။ သူမပျော်တာလေးကြည့်ပြီးတော့လဲ ကိုယ့်မှာ အခါခါနာကျင်ရတယ် ။
“ ချစ်ခြင်းမေတ္တာဟာ ဘာလဲ “ လို့ မေးတုန်းက
အမေပြောဖူးခဲ့တာ တစ်ခုသတိရမိတယ် ။
“ ချစ်ခြင်းမေတ္တာဆိုတာ တကယ်မရှိပါဘူး
သားရယ် ။ လိုချင်တက်မက်မှုအရာအားလုံးကလဲတဏှာရာဂမီးတွေပါပဲ “ တဲ့
ဟုတ်ပါရဲ့
အမေ့သားက အဲ့ဒီမီးတွေကြားမှာပဲ လောင်မြိုက်နေတာ ။
အဲ့ဒီမီးတွေကြားမှာပဲ ပျော်မွေ့လိုက် ငိုကြွေးလိုက်နဲ့ သံသရာလည်နေတာ ။ အဲ့ဒီမီးတွေကြားမှာပဲ
အမှတ်မရှိတဲ့ ပိုးဖလံတစ်ကောင်ပမာ ….
#စာရယ်ကဗျာရယ်

လူတွေက " အသက်အရွယ်ကြောင့် "
ရင့်ကျက်လာကြတာ မဟုတ်ဘူး။
" အတွေ့အကြုံတွေကြောင့်" သာ
ရင့်ကျက်လာကြတာ။
အသက်အရွယ်က ပိုမိုမြင့်မားတဲ့
ဘဝကို ပို့ပေးတာ မဟုတ်ဘူး။
အတွေ့အကြုံတွေကပဲ
ပိုမိုမြင့်မားတဲ့ ဘဝကိုပို့ပေးတာ။
အဲဒီလို အတွေ့အကြုံတွေရဖို့
အလုပ်တွေ လုပ်နေဖို့ လိုတယ်။
ပတ်ဝန်းကျင် ကို လေ့လာနေဖို့
လိုတယ်။
ကိုယ့်အမှားတွေကနေ သင်ယူဖို့
လိုသလို ...
သူများတွေရဲ့ အမှားတွေကနေလည်း
သင်ခန်းစာ ယူတတ်ဖို့လိုတယ်။
အခုလုပ်နေတဲ့ အလုပ်က ဝင်ငွေနည်းလို့
ဘာမှအကျိုးမရှိဘူးမထင်နဲ့။
အတွေ့အကြုံတွေ ရတယ်။
မိတ်ဆွေကောင်းတွေ ရမယ်။
တန်ဖိုးရှိတဲ့ အတွေးအခေါ်တွေလည်း
ရလာမယ်။
အလုပ်လုပ်ရင်း ငွေမစုမိလို့
စိတ်မညစ်နဲ့ စိတ်မပျက်နဲ့။
အခုရလာတဲ့ အတွေ့အကြုံတွေက
နောက်ထပ် Level တစ်ခုရောက်ဖို့
အတွက် အရေးကြီးတဲ့ လောင်စာဆီပဲ။
Just keep going !
#စာတို

ငယ်ဘဝကလပ် ဆန်းတို့စ်ထံ နေမာ ပြန်လာဖို့နီးစပ်

ဇန်နဝါရီ ၂၁

ဘရာဇီးလ်တိုက်စစ်မှူး နေမာဟာ သူ့ရဲ့ငယ်ဘဝ ကလပ်ဖြစ်တဲ့ ဆန်းတို့စ်အသင်းထံ ပြန်လာဖို့ နီးစပ်နေပြီလို့ အပြောင်းအရွှေ့ကျွမ်းကျင်သူ ဖာဘရီဇီယိုရိုမာနိုက ဖော်ပြထားပါတယ်။

အယ်လ်ဟီလယ်အသင်းနည်းပြ ဂျော့ချ်ဂျီးဆပ်က နေမာဟာ ထိပ်တန်းအဆင့်မှာ ကစားနိုင်ခြင်း မရှိတော့ဘူးလို့ ပြောခဲ့တာကြောင့် ဘရာဇီးလ်ကစားသမားဟာ ဆော်ဒီကလပ်ကနေ ထွက်ခွာဖို့ရှိနေတာပါ။

အသက် ၃၂ နှစ်အရွယ်ရှိ နေမာဟာ ၂၀၂၃ ခုနှစ် နွေရာသီ အပြောင်းအရွှေ့က ပီအက်စ်ဂျီအသင်းကနေ ပေါင် ၇၈ သန်းနဲ့ အယ်လ်ဟီလယ်အသင်းထံ ပြောင်းရွှေ့လာခဲ့ပေမယ့် ဒဏ်ရာတွေနဲ့ ရုန်းကန်ခဲ့ပြီး ပြိုင်ပွဲစုံ ၇ ပွဲသာ ပါဝင် ကစားထားနိုင်ခဲ့တာ ဖြစ်ပါတယ်။

အယ်လ်ဟီလယ်အသင်းနည်းပြက နေမာကို ဒီရာသီ ဆော်ဒီပရိုလိဂ်ပြိုင်ပွဲ ဒုတိယရာသီဝက်အတွက် အသင်း လူစာရင်းထဲ စာရင်းသွင်းမှာ မဟုတ်ဘူးလို့ အတည်ပြုခဲ့ပြီးနောက် ဆန်းတို့စ်အသင်းက သူ့ကို ခေါ်ယူဖို့ ကမ်းလှမ်းမှု ပြုလုပ်ခဲ့တာပါ။

ဆန်းတို့စ်အသင်းဟာ နေမာကို အငှားနဲ့ခေါ်ယူဖို့ ကမ်းလှမ်းမှု ပြုလုပ်ထားတာကြောင့် နေမာဟာ အသင်းဟောင်း ထံ ပြန်လာနိုင်ဖို့ နီးစပ်နေပြီလို့ ဖာဘရီဇီယိုရိုမာနိုက သူ့ရဲ့ဆိုရှယ်မီဒီယာမှာ ရေးသားထားပါတယ်။

နေမာကို ခေါ်ယူဖို့ မေဂျာလိဂ်ကလပ် ချီကာဂိုအသင်းကလည်း စိတ်ဝင်စားနေတာကြောင့် ဆန်းတို့စ်အသင်းဟာ အမြန်ဆုံးအငှားနဲ့ခေါ်ယူနိုင်ဖို့ ကြိုးပမ်းနေပြီး အယ်လ်ဟီလယ်အသင်းက မီးစိမ်းပြတာကို စောင့်ဆိုင်းနေတာပါ။

ဆန်းတို့စ်အသင်းဟာ နေမာကို အသင်းထံပြန်လာရင် သူရဲကောင်းတစ်ဦးလို ကြိုဆိုဖို့အသင့်ရှိနေတာ ဖြစ်ပါတယ်။

ဆန်းတို့စ်အသင်း လူငယ်စီမံကိန်းကနေ ထွက်ပေါ်လာခဲ့တဲ့ နေမာဟာ ဆန်းတို့စ်အသင်းကြီးအတွက် ပွဲပေါင်း ၂၂၅ ပွဲ ပါဝင်ကစားခဲ့ပြီး ၁၃၆ ဂိုးသွင်းယူကာ ထိပ်တန်းအသင်းတိုင်း အလိုရှိတဲ့သူအဖြစ် ရှိခဲ့တာပါ။

နေမာဟာ ဆန်းတို့စ်အသင်းမှာ ၅ ရာသီကြာ ကစားပြီးနောက် ဘာစီလိုနာ၊ ပီအက်စ်ဂျီအသင်းတွေထံ ပြောင်းခဲ့ပြီး ဆုဖလားအောင်မြင်မှု အများအပြားရရှိခဲ့ကာ အယ်လ်ဟီလယ်အသင်းအတွက် ကစားခဲ့တဲ့ ၇ ပွဲမှာ ၁ ဂိုး သွင်းယူ နိုင်ခဲ့တာ ဖြစ်ပါတယ်။

Source: Dailymail

ပုံ - နေမာကို တွေ့ရစဉ်

#ဘောလုံးသတင်းစုံ

အလုပ်ရှင်ဟောင်းကို ကလဲ့စားချေရန် ရည်ရွယ်ချက်ဖြင့် ငါးနှစ်အရွယ်ကလေးကို သတ်ဖြတ်ရန်ကြိုးပမ်းမှု တောင်တွင်းကြီးတွင် ဖြစ်ပွား

ဇန်နဝါရီ ၂၁

မကွေးတိုင်းဒေသကြီး၊ တောင်တွင်းကြီးမြို့နယ်တွင် ယခင်အလုပ်ပိုင်ရှင်၏ ငါးနှစ်အရွယ်ကလေးငယ်ကို သတ်ဖြတ်ရန်ကြိုးစားခဲ့သည့် အမျိုးသားကို ဖမ်းမိထားကြောင်း မိသားစုဝင်နှင့်နီးစပ်သူတစ်ဦးက ပြောသည်။

ပြီးခဲ့သည့် ဇန်နဝါရီလ ၁၇ ရက်နေ့၊ ညနေ (၃)နာရီခန့်တွင် KG တန်းတက်နေသော မောင်စွမ်းပြည့်အောင်ကို အဆိုပါအမျိုးသားက အိမ်အထိလိုက်ပို့မည်ဆိုကာ ဆိုင်ကယ်ဖြင့် လိမ်လည်ခေါ်ဆောင်သွားခဲ့ပြီး တောနက်သို့ ရောက်သည့်အခါ ကလေးငယ်အား ၎င်း၏ အင်္ကျီဖြင့် လည်ပင်းကို စည်းညှစ်ခဲ့သဖြင့် ကလေးငယ် သတိမေ့ချိန်တွင် အသက်ရှိ/မရှိ ဆေးလိပ်မီးဖြင့် ထိုးခဲ့ကြောင်း သိရသည်။

ယမန်နေ့ ဇန်နဝါရီလ ၁၈ ရက်က တောထဲတွင် အော်ငိုသည့် ကလေးငယ်ကို ထင်းခုတ်သမားက တွေ့ရှိခဲ့ပြီး ကလေးငယ်က မိဘဖြစ်သူ ဦးမြင့်ဇော်ဌေးအိမ်ကို လိုက်ပို့ပေးရန်ပြောဆိုခဲ့သဖြင့် ၎င်း၏ ရင်ခွင်ထဲမှာထည့်ကာ မိဘအိမ်ကို လိုက်ပို့ပေးခဲ့ကြောင်း သိရသည်။

“လူသူကင်းမဲ့တဲ့တောကြီးထဲလည်းရောက်ကော သားငယ်ကို အဲဒီအင်္ကျီချွတ်ပြီးတော့ သူ့အင်္ကျီနဲ့လည်ပင်းကို သေအောင်စည်းပြစ်တာတဲ့ သားငယ်ကလည်း သေယောင်ဆောင်ရတာ။ ဒီကောင် သေလောက်ပြီဆိုတော့ သားငယ်ကို ပစ်ထားခဲ့တာ။ သားငယ်ကလည်း အဲဒါကိုဖြည်ရင်းနဲ့ မေ့သွားခဲ့တာ။ သားကတော့ မဖြည်နိုင်ဘူးတဲ့။ မဖြည်နိုင်လို့ အိပ်ပျော်သွားတာတဲ့ မေ့တယ်လို့မပြောတတ်ဘူး။ အဲဒါကိုမှ သူက ကလေး သေ/မသေဆိုပြီးတော့ ဆေးလိပ်မီးနဲ့ထိုးထားတဲ့ဒဏ်ရာတွေ တွေ့တယ်။ ရှိတယ်” ဟု ကလေးငယ်၏ မိခင်က ပြောသည်။

လက်ရှိတွင် အသက် ငါးနှစ်အရွယ် မောင်စွမ်းပြည့်အောင်ကို နေပြည်တော် ကုတင် ၁၀၀၀ ဆေးရုံတွင် (စိုးရိမ်ရ ဒဏ်ရာဖြင့်) ဆေးကုသမှုခံယူနေရပြီး ကလေးငယ်အခြေအနေမှာ သတိရတစ်ချက်၊ မရတစ်ချက်ဖြစ်နေကြောင်း သိရသည်။

“ကျွန်မတို့က အကြောင်းသိတယ်။ သူကို့ပြန်မလွှတ်မှ ရမှာ။ သူက ကလဲ့စားချေဖို့။ သူက ကျွန်မအိမ်မှာ ဝန်ထမ်းလုပ်ဖူးတယ်။ သူလွှတ်မှာကို ကျွန်မတို့က ကြောက်တယ်။ ဒီလိုလုပ်ထားရင် လွှတ်လာရင် သတ်တော့ မှာ”ဟု ၎င်းက ဆက်လက်ပြောသည်။

ကလေးငယ်အား သတ်ပြစ်ရန်ကြိုးစားခဲ့သူမှာ ရဲမင်းထက် ဆိုသူဖြစ်ကာ ၎င်းသည် ကလေးငယ်၏ မိဘလုပ်ငန်း ပွဲရုံ တွင် နှစ်နှစ်ခန့် အလုပ်လုပ်ကိုင်ခဲ့သူဖြစ်ပြီး လက်ရှိတွင် ဆတ်သွားနယ်မြေရဲစခန်းတွင် ဖမ်းဆီးထားကြောင်း သိရသည်။

#centralnewsnaypyitaw

ဖူး စာ ပါ ရင်
မျက် ရည် တစ် စက် ထဲ ကို တောင် မှ
နှစ် ယောက် ပေါင်း ကျ လို့ ရ တယ် ။ ။

-အောင်ခိုင်မြတ်
-crd

“တိမ်ပန်းချီ” ရုပ်ရှင်ဇာတ်ကားကြီးကို ကြည့်ရှုအားပေးခဲ့ကြတဲ့ချစ်ပရိသတ်များရဲ့ လျှပ်စစ်မီးအလှူအဖြစ် ကျပ်သိန်း ၁၁၁၀ ကို သစ်တံခါးကျောင်းမှာ လှူဒါန်းခဲ့

ဇန်နဝါရီ ၂၁

“တိမ်ပန်းချီ” ရုပ်ရှင်ဇာတ်ကားကြီးကို ကြည့်ရှုအားပေးခဲ့ကြတဲ့ ချစ်ပရိသတ်တွေရဲ့ အလှူအဖြစ် ယနေ့ ဇန်နဝါရီ ၂၀ ရက် နံနက်ပိုင်းက အောင်မြေဇေယျာမဏိဇောတာရာမကျောင်းတိုက် (သစ်တံခါးကျောင်း)မှာ လျှပ်စစ်မီး အလှူငွေကျပ်သိန်း (၁၁၁၀)ကို လှူဒါန်းခဲ့ပါတယ်။

“တိမ်ပန်းချီ ရုပ်ရှင်ဇာတ်ကားကို ကြည့်ရှုအားပေးခဲ့တဲ့ ချစ်ပရိသတ်တွေကို Brave Empire Entertainment & Production မိသားစုမှ ကျေးဇူးတုံ့ပြန်တဲ့အနေနဲ့ ပဲခူးမြို့ သစ်တံခါးကျောင်းတိုက်အသစ်ဆောက်လုပ်ရာတွင် တစ်ကျောင်းလုံးလိုအပ်တဲ့ လျှပ်စစ်မီးအတွက် အလှူငွေ ငွေကျပ်သိန်း (၁၁၁၀)တိတိကိုလှူဒါန်းတာပါ။ ရုပ်ရှင်ကြည့်ရှုသူ ပရိသတ်တွေလည်း ဒီအတွက် အားလုံး ကုသိုလ်ထပ်တူရရှိကြပါစေ ဆုတောင်းမေတ္တာပို့သပါတယ်။ ဒီညနေပိုင်းမှာ ကျွန်မတို့ထုတ်လုပ်ရေးက စတုဒိသာအလှူတွေ ထပ်လုပ်ဆောင်သွားမှာပါ “လို့ Brave Empire Entertainment & Production တာဝန်ရှိသူက MT Entertainment ကိုပြောပါတယ်။

အဆိုပါ အခမ်းအနားအလှူကိုတော့ တိမ်ပန်းချီ ရုပ်ရှင်ဇာတ်ကားမှာ ပါဝင်ထားတဲ့ အဖွဲ့သားတွေဖြစ်တဲ့ Brave Empire Entertainment & Production ထုတ်လုပ်သူ ဇနီးမောင်နှံ၊ ဇာတ်ညွှန်း အေးသီရိကို၊ သရုပ်ဆောင် အေးချမ်းမောင်၊ စည်ဖြိုးတို့ဇနီးမောင်နှံ စတဲ့သူတွေ တက်ရောက်ခဲ့ကြပါတယ်။

ယနေ့ ညနေ ၃ နာရီမှာလည်း လှိုင်သာယာမြို့ (အနောက်ပိုင်း) (၁၀)ရပ်ကွက် စစ်ကိုင်းလမ်းမှာ စတုဒိသာအလှူအနေနဲ့ ကျွေးမွေးလှူဒါန်းသွားမှာဖြစ်ပါတယ်။

“တိမ်ပန်းချီ” ရုပ်ရှင်ဇာတ်ကားက ပရိသတ်တွေ ကြည့်ရှုအားပေးမှူနဲ့ ရုပ်ရှင်ရုံတွေမှာ ၅ ပတ်အထိ ရုံတင်ပြသခွင့်ရရှိခဲ့တာလည်း ဖြစ်ပါတယ်။

#သတင်းဟင်းလေးအိုးကြီး

ဘာမှ မဖြတ်သန်းဖူးတဲ့ လူဆီမှာ ဘာမှတ်သားစရာမှ မရှိပါဘူး
.
အ​မေ မွေးတယ် ထမင်းစားတယ် အိမ်ထောင်ကျတယ် အ​ဖေ့ အလုပ်ဆက်လုပ်တယ် အိုသွားတယ် ... ဒါက ဘဝမှ မဟုတ်တာ ... ပြည့်ပြည့်စုံစုံ နဲ့ မိတ်ဆွေ ဘဝကို မုဒိတာ ပွားပေမယ့် ... အခန့်သင့် ရလို့လည်း အားမကျပါနဲ့ဗျာ ... မရလို့လည်း အားမငယ်ပါနဲ့ . . .
.
လောကဓံကို ဖြတ်သန်းရင်း ဆုံးရှုံးမှု၊ ရင်းနှီးပေးဆပ်မှု၊ ရိုင်းပင်းကူညီမှု၊ သစ္စာရှိမှု၊ လူသားစံနှုန်း၊ လူသား တစ်ယောက်ရဲ့ တန်ဖိုး ဒါတွေကသာ သင့်နံမည်ကို နှစ်ပေါင်း ရာထောင်ချီ တည့်တံ ကျန်ခဲ့စေနိုင်ပါတယ် ...
.
ထမင်းစားပြီး ကမ္ဘာမြေပေါ် အလေးစွန့်သွားရုံ လူတစ်ယောက်ကို
ကမ္ဘာပေါ်က ဘယ်သူမှ စာရွက် အကုန်ခံပြီး မှတ်တမ်းမတင်ဘူးဆိုတာ​တော့ ယုံကြည်ကြပါဗျာ ...
.
ဘာစွန့်စားမှု ဘာပေးဆပ်မှုမှ မရှိရင် ဘာသမိုင်းမှ မရှိပါဘူး၊
.
ကြိုးစားနေရတယ်ဆိုပြီး အားမငယ်ပါနဲ့ မသိမ်ငယ်ပါနဲ့ ...
​လောကဓံ လှိုင်းရိုက်ပြီး စာ​မေးပွဲ စစ်တဲ့အခါ ဘယ်သူကသန်မာတယ် ဆိုတာ အ​ဖြေ​ထွက်လာပါလိမ့်မယ် ...
.
ဂျိမ်း ( 20.1.2025 )
Ko James
#crd

ဘွဲ့ကြိုတန်း (Bachelor) အတွက် Child's Dream ကပေးအပ်တဲ့ ပညာသင်ဆုအပြည့်ပါ။ ကျောင်းကတော့ ထိုင်းနိုင်ငံမှာ တက်ရမှာပါ။ သူတို့ ရွေးချယ်ထားတဲ့ ကျောင်းတွေမှာပဲ တက်လို့ရပါတယ်။ ပညာသင်ဆုပေးအပ်တဲ့အဖွဲ့အစည်းက IELTS မလိုအပ်ပါဘူး၊ သို့သော် မိမိလျှောက်ချင်တဲ့ တက္ကသိုလ်မှာ ကျောင်းဝင်ခွင့်ရတဲ့သူပဲ ပညာသင်ဆုရရှိမှာဖြစ်ပါတယ်။ တစ်ချို့တက္ကသိုလ်တွေက IELTS မလိုအပ်ပါ တစ်ချို့ကတော့ လိုအပ်ပါတယ်။ ဒါကြောင့်ကိုယ့် English skills ပေါ်မူတည်ပြီး ကျောင်းကို လျှောက်ရမှာပါ။

ပညာင်ဆုရရှိပါက
-Tuition and other fees (e.g. university fees, visa fees, graduation, health insurance etc.)
- Supplies (e.g. uniforms, books, stationary)
- Living cost (e.g. rent, food, computer grant)
- Other / Emergency (case by case basis)

ဘယ်သူတွေလျှောက်လို့ရလဲ
လိုအပ်တဲ့အရည်အချင်းသတ်မှတ်ချက်များ
▪ ၁၀ တန်းအောင်သာမက ၁၂ တန်းအောင်ဖြစ်ရမည် (၁၂ တန်းမပြီးသေးတဲ့သူတွေအတွက် ဆယ်တန်းအောင်ပြီးရင် အခြား diploma သို့မဟုတ် certificate course တွေကို တက်ရောက်ပြီးသူဖြစ်ရမည်- ဥပမာ သူနာပြုသင်တန်း, ကျောင်းဆရာ/မသင်တန်/ နိုင်ငံရေးသင်တန်း စသဖြင့်ပေါ့)
▪ မိမိတက်မဲ့ ဘာသာရပ်နဲ့ကျောင်းပေါ်မူတည်ပြီး ထိုင်းစာ သို့ English ကျွမ်းကျင်ရမည်။
ဘာတွေလိုအပ်လဲ
• ခြောက်လအတွင်းရိုက်ထားတဲ့ Passport photo
• နိုင်ငံသားကဒ်ပြား
• နိုင်ငံကူးလက်မှတ်
• အိမ်ထောင်စုစာရင်း
• ဆယ်တန်းအောင်လက်မှတ် (အမှတ်စာရင်း)
• IELTS, TOEFL ရှိပါက လက်မှတ် Previous academic transcripts
• အခြားတက်ရောက်ဖူးတဲ့ သင်တန်း certificates
• ထောက်ခံစာ နှစ် စောင် (တစ်ခုက အထက်တန်းကျောင်းတုန်းက ဆရာတွေရဲံ ထောက်ခံစာ နောက်တစ်ခုက အလုပ်အကိုင်အတွေ့အကြုံရှိပါက အလုပ်ရှင်ထံ သို့ သင်တန်းတက်ဖူးပါ သင်တန်းက ဆရာ/မ တွေရဲ့‌ထောက်ခံစာ
• အက်ဆေး နှစ် ပုဒ် (တစ်ပုဒ်မှာ Character 3,000 ပဲ)
အက်ဆေး ပထမရေးမဲ့အကြောင်းအရာ
-လက်ရှိ မိမိနေထိိုင်တဲ့နေအိမ်ဓာတ်ပုံမှတ်တမ်း

.
100% Scholarship ဖြစ်တာကြောင့် ကန့်သတ်ချက် တစ်ချို့တော့ရှိပါတယ်။ ကျောင်းနဲ့မေဂျာ ရွေးချယ်ခဲ့တဲ့နေရာမှာ Child's Dream က သတ်မှတ်ထားတဲ့ တက္ကသိုလ်နဲ့ မေဂျာတွေ လျှောက်တဲ့သူတွေအတွက်သာ အကျုံးဝင်မှာပါ။

တက်ရောက်နိုင်တဲ့ တက္ကသိုလ် နဲ့ ဘာသာရပ်များ

Elementary Education - Asia-Pacific International University
Media and Communication - Bangkok University
Innovative Media Production - Bangkok University
Economics - Chiang Mai University
Environmental Science - Chiang Mai University
Social Science - Chiang Mai University
Software Engineering - King Mongkut's Institute of Technology Ladkrabang
Public Health - Mae Fah Luang University
Environmental Health - Mae Fah Luang University
International Relations and Development - Rangsit University
Civil Engineering - Thammasat University
Global Studies and Social Entrepreneurship - Thammasat University
Mechanical Engineering - Thammasat University
Social Policy and Development - Thammasat University

နောက်ဆုံးလျှောက်လွှာတင်မဲ့ရက် 28 February 2025
လျှောက်လွှာဖြည့်မဲ့ Form လင့်
https://docs.google.com/.../1F....AIpQLSePFCA.../formR

#crd
#education