The co-founder of a music talent agency and two of his colleagues were among those killed after a small plane crashed in a San Diego neighborhood on Thursday morning, the agency said in a statement.
The small private jet, a Cessna 550, crashed seconds before landing, according to the Federal Aviation Administration. There were six people on board. The fiery crash spewed jet fuel and started a large fire that damaged several buildings and multiple cars, according to local officials.
Among those killed was Dave Shapiro, the co-founder of the Sound Talent Group, according to a statement from the music agency.
"We are devastated by the loss of our co-founder, colleagues and friends. Our hearts go out to their families and to everyone impacted by today's tragedy," the statement said. "Thank you so much for respecting their privacy at this time."
Read more: https://abcnews.visitlink.me/3Oz2rV

#နိုင်ငံတကာသတင်း
◼ ဟားဗတ်တက္ကသိုလ်၏ နိုင်ငံတကာကျောင်းသားများ လက်ခံခွင့် ထရန့်အစိုးရ ပိတ်ပင်
ဟားဗတ်တက္ကသိုလ်၏ နိုင်ငံတကာ ကျောင်းသားများလက်ခံပိုင်ခွင့်အား အမေရိကန်သမ္မတ ဒေါ်နယ် ထရန့်အစိုးရက ယမန်နေ့တွင် ရုပ်သိမ်းလိုက်ပြီး လက်ရှိတက်‌ရောက်နေသော နိုင်ငံတကာကျောင်းသားများအား အခြားကျောင်းများသို့ ပြောင်းရွှေ့ရန်နှင့် သို့မဟုတ်ပါက တရားဝင်နေထိုင်နိုင်မှု ဆုံးရှုံးမည်ဖြစ်ကြောင်း သတိပေးခဲ့ကာ ထိုသို့ နှိမ်နင်းမှုများအား အခြားကောလိပ်နှင့် တက္ကသိုလ်များသို့ပါ ချဲ့ထွင်သွားရန် ခြိမ်းခြောက်နေကြောင်း ရိုက်တာသတင်းအရသိရသည်။
၂၀၂၅-၂၀၂၆ ခုနှစ် ပညာသင်နှစ်မှစ၍ ဟားဗတ်တက္ကသိုလ်၏ ကျောင်းသားနှင့်ဧည့်သည်လဲလှယ်ရေးအစီအစဉ်ကို အဆုံးသတ်ရန် အမိမြေလုံခြုံရေးဝန်ကြီး ခရစ္စတီနိုအမ် က ညွှန်ကြားထားကြောင်း ယင်းဝန်ကြီးဌာနက ထုတ်ပြန်ပြောကြားသည်။
ဟားဗတ်တက္ကသိုလ်က အကြမ်းဖက်မှု ၊ ဂျူးဆန့်ကျင်ရေးဝါဒကို အားပေးအားမြှောက် လုပ်နေပြီး တရုတ်ကွန်မြူနစ်ပါတီ နှင့် ပူးပေါင်းဆောင်ရွက်နေသည်ဟု ဝန်ကြီးနိုအမ် က စွပ်စွဲပြောကြားသည်။
ထောင်ပေါင်းများစွာသော ကျောင်းသားများကို ထိခိုက်မည့် ထရန့်အစိုးရ၏ လုပ်ရပ်မှာ တရားမဝင်ကြောင်း နှင့် လက်စားချေမှု မြောက်ကြောင်း ဟားဗတ်တက္ကသိုလ်ဘက်က ပြောကြားသည်။
ယင်းဆုံးဖြတ်ချက်မှာ မက်ဆာချူးဆက်ပြည်နယ် အခြေစိုက် နာမည်ကျော်တက္ကသိုလ်ကြီးအပေါ် ထရန့် အစိုးရ၏ အရေးယူမှု သိသာထင်ရှားစွာ အရှိန်မြင့်တက်လာမှုဖြစ်ကာ ဟားဗတ်မှ နိုင်ငံခြား ကျောင်း သားဗီဇာကိုင်ဆောင်ထားသူ တချို့၏ အချက်အလက်များပေးအပ်ရန် ဝန်ကြီးနိုအမ်၏ တောင်းဆိုမှုကို ဟားဗက် က ငြင်းဆိုခဲ့ပြီးနောက် ထွက်ပေါ်လာကြောင်း ဌာနက ပြောကြားသည်။
ဟားဗတ်တက္ကသိုလ်က ၂၀၂၄-၂၀၂၅ ပညာသင်နှစ်တွင် နိုင်ငံတကာကျောင်းသား ၆၈၀၀ ဦးကို လက်ခံခဲ့ကာ စုစုပေါင်း ကျောင်းသားအရေအတွက်၏ ၂၇ ရာခိုင်နှုန်းရှိကြောင်း ယင်းတက္ကသိုလ်၏ အချက်အလက်များအရသိရသည်။
၂၀၂၂ ခုနှစ် က ယင်းတက္ကသိုလ်၌ တက်ရောက်နေသော ‌တရုတ်ကျောင်းသား ၁၀၁၆ ဉီးရှိပြီး နိုင်ငံ တကာကျောင်းသားများတွင် အများဆုံးအုပ်စုဖြစ်သည်။
ယင်းနောက်တွင် ကနေဒါ၊ အိန္ဒိယ၊ တောင်ကိုရီးယား၊ ဗြိတိန် ၊ ဂျာမနီ၊ ဩစတြေးလျ ၊ စင်ကာပူနှင့် ဂျပန် တို့ ရပ်တည်နေသည်။
အဆိုပါကိစ္စအပေါ် မှတ်ချက်ပေးရန် တောင်းဆိုမှုကို ဝါရှင်တန်မြို့ တရုတ်သံရုံးက ချက်ခြင်းမတုံ့ပြန်ခဲ့ကြောင်း ရိုက်တာသတင်းက ဖော်ပြသည်။
တက္ကသိုလ်များ၏ နိုင်ငံတကာကျောင်းသားလက်ခံခွင့်သည် ရပိုင်ခွင့်တစ်ခုမဟုတ်ဘဲ အထူးအခွင့် အရေး တစ်ရပ်သာ ဖြစ်ကြောင်း အမိမြေလုံခြုံရေးဝန်ကြီး နိုအမ် က ထုတ်ပြန်ချက်တစ်ရပ်၌ ပြောကြားသည်။
မကြာသေးမီသီတင်းပတ်အတွင်း ဟားဗတ်တက္ကသိုလ်အတွက် ဖက်ဒရယ်အစိုးရ ထောက်ပံ့ငွေ အမေရိကန်ဒေါ်လာ ၃ ဘီလီယံကို သမ္မတဒေါ်နယ်ထရန့် က ဆိုင်းငံ့ထားပြီး တက္ကသိုလ်က တရားစွဲထားသည်။
သတင်း-ရဲမင်း
ကိုးကား-Reuters

#ပြည်တွင်းသတင်း
◼တောင်ငူ၌ ကျောင်းသူတစ်ဦးကိုအဓမ္မပြုကျင့်သတ်ဖြတ်သူနှစ်ဦးအား သေဒဏ်ချမှတ်
ပဲခူးတိုင်း၊ တောင်ငူမြို့နယ်၌ အသက်(၁၆) နှစ်အရွယ်ရှိကျောင်းသူတစ်ဦးကို အဓမ္မပြုကျင့်သတ်ဖြတ်ခဲ့ သူနှစ်ဦးအား တောင်ငူခရိုင်တရားရုံးက ယမန်နေ့ (မေ ၂၂ ရက်)တွင် သေဒဏ်ချမှတ်လိုက်ကြောင်း တရားရုံးနှင့်နီးစပ်သူများထံမှသိရသည်။
ယခုမတ်လ ၁၉ ရက်၊ နံနက်ပိုင်းတွင်း တောင်ငူမြို့နယ်၊ ကျွန်းကုန်းကျေးရွာ အုပ်စု၌ မိခင်နှင့်အတူနေထိုင်သည့် အသက်(၁၆) နှစ်အရွယ်ရှိ‌ ကျောင်းသူတစ်ဦးသည် လည်ပင်းပြတ်ရှဒဏ်ရာများဖြင့် အိပ်ခန်းအတွင်းသေဆုံးနေသည်ကို မိခင်ဖြစ်သူမှတွေ့ရှိခဲ့ကြောင်း၊ အခင်းဖြစ်ပွားနေချိန်တွင် မိခင်ဖြစ်သူမှာအင်ဖက်ရွက်သွားကောက်နေချိန်ဖြစ်ကြောင်း သိရသည်။
သေဆုံးသူအနီးတွင်သွေးပေနေသည့် ဓားမတစ်လက်နှင့် နိုင်လွန်ကြိုးတစ်ချောင်းကိုတွေ့ရှိခဲ့ကြောင်း၊ သေဆုံးသူ၏ရုပ်အလောင်းအား တောင်ငူဆေးရုံ၌ စစ်ဆေးရာတွင်လည်း အဓမ္မပြုကျင့်ခံရပြီး သတ်ဖြတ်ခံရသည်ကိုတွေ့ရှိခဲ့ကြောင်း ဒေသတွင်းသတင်းများတွင်ဖော်ပြထားသည်။
ပြစ်မှုကျူးလွန်ခဲ့သူ စည်သူနိုင်(ခ)မှဲ့ကြီးနှင့် သိန်းထိုက်အောင် (ခ) သားပုတို့နှစ်ဦးမှာ အခင်းဖြစ်ပွားခဲ့သည့် နေအိမ်အနီးတွင်နေထိုင်သူများဖြစ်ကြကြောင်း၊ ၎င်းတို့ပြီးခဲ့သည့်မတ်လ ၂၃ ရက်၊ ညနေပိုင်းတွင်ဖမ်းဆီးရမိခဲ့ပြီး တောင်ငူခရိုင်တရားရုံးမှ ရာဇသတ်ကြီး ပုဒ်မ ၃၀၂(၁)(ဂ)/၃၄ ဖြင့် အမိန့်ချမှတ်ခဲ့ခြင်း ဖြစ်ကြောင်းသိရသည်။
ရာဇသတ်ကြီး ပုဒ်မ ၃၀၂(၁)(ဂ) သည် ထောင်ဒဏ်(၇) နှစ်အထိချမှတ်နိုင်သည့် ပြစ်မှုများဖြစ်သည့် အဓမ္မမှု၊ အိမ်ဖောက်ထွင်းမှု၊ လုယက်မှု၊ ဓားပြတိုက်မှု အစရှိသည့် ပြစ်မှုတစ်စုံတစ်ရာကိုကျူးလွန်စဉ် လူ့အသက်အားသတ်ဖြတ်ခဲ့လျှင် သေဒဏ်ပေး(ကြိုးပေး) နိုင်သည့်ပုဒ်မဖြစ်သည်။
သတင်း - အင်ကြင်း

#ယနေ့ထုတ်သတင်းစာ_သတင်း
◼ ထိုင်းနိုင်ငံ ဆိုင်ကယ်အပိုပစ္စည်းစက်ရုံတွင် မြန်မာလုပ်သား ၁၀၀ ကျော် အလုပ်ဖြုတ်ခံရ
ထိုင်းနိုင်ငံ စာမွတ်ပါကန်ခရိုင်ရှိ ဆိုင်ကယ်အပိုပစ္စည်းစက်ရုံတွင် လုပ်ကိုင်နေသည့် မြန်မာအလုပ်သမား ၁ဝဝ ကျော်မှာ မေ ၂၂ ရက် နံနက်ပိုင်းတွင် အလုပ်ဖြုတ်ခံလိုက်ရသည့်အတွက် လုပ်အားခ မရ၍အခက်အခဲဖြစ်နေကြောင်း Myanmar Humanitarian Action Centre မဟာမိတ်အဖွဲ့ထံမှ သိရသည်။
စက်ရုံဘက်မှ အလုပ်သမားများကိုကြိုတင်အကြောင်းကြားခဲ့ခြင်း မရှိဘဲအလုပ်သမားများ ရရှိမည့်လုပ်အားခ တစ်လစာကို အပြည့်အဝမပေးဘဲ ၁ဝ ရက်စာသာပေးမည်ဟု စက်ရုံတာဝန်ရှိသူ (ဖိုးကျကန်း) မန်နေဂျာက ပြောခဲ့ကြောင်းသိရသည်။
အလုပ်ဖြုတ်ခံလိုက်ရသည့်မြန်မာအလုပ်သမား ၁ဝဝ ကျော်က ဆက်သွယ်အကူအညီတောင်းခံခဲ့မှုကြောင့် ထိုင်းနိုင်ငံ၏ အလုပ်သမားဥပဒေအတိုင်း အလုပ်သမားများ၏ လုပ်ခလစာနှင့် နစ်နာမှုများ ပြန်လည်ရရှိရန် ထိုင်းနိုင်ငံအလုပ်သမားကူညီရေးရုံး (ဆဝါဒီကန်) သို့ အလုပ်သမားများနှင့်အတူသွားရောက်ပြီး အမှုဖွင့်တိုင်ကြားပေးမည်ဖြစ်ကြောင်း MHAC မဟာမိတ်အဖွဲ့မှ သိရသည်။

#ယနေ့ထုတ်သတင်းစာ_နိုင်ငံတကာသတင်း
◼ တရုတ်တွင် မိုးကြီးပြီးမြေပြို နှစ်ဦးသေ၊ ၁၉ ဦး ပျောက်ဆုံး
တရုတ်နိုင်ငံအနောက်တောင်ပိုင်း ကွေ့ကျိုးပြည်နယ်တွင် မေ ၂၂ ရက်က မိုးသည်းထန်စွာရွာသွန်းပြီးမြေပြိုမှုများကြောင့် လူနှစ်ဦးသေဆုံးပြီး ၁၉ ဦး ပျောက်ဆုံးနေကြောင်းတာဝန်ရှိသူများက ပြောသည်။
သေဆုံးသူနှစ်ဦး၏ရုပ်အလောင်းများကို ချန်ရှီဒေသတွင်တွေ့ရှိခဲ့သည်ဟု နိုင်ငံပိုင်သတင်းဌာနကဆိုသည်။ အနီးနားရှိကျေးရွာတစ်ရွာတွင်လည်း မြေပြိုမှုကြောင့် လူ ၁၉ ဦး ပိတ်မိနေကြောင်း ကနဦးသတင်းများက ဆိုသည်။
တောင်ထူထပ်သော ကွေ့ကျိုးနှင့်အနီးဝန်းကျင်ရှိဟူနန်၊ ကွမ်ရှီးပြည်နယ် တို့တွင်လည်း မိုးသည်းထန်စွာရွာသွန်းမှုများကြောင့် တတိယအဆင့် အရေးပေါ် တုံ့ပြန်မှုများ လုပ်ဆောင်နေပြီး ကယ်ဆယ်ရေးသမား ၄၀ဝ ဖြန့်ကြက်ထားသည်။
ကွမ်တုန်းပြည်နယ်နှင့် ကွမ်ရှီးဒေသတို့တွင် လွန်ခဲ့သည့် ရက်သတ္တပတ်အတွင်းက မိုးသည်းထန်စွာရွာသွန်းမှုများ ဖြစ်ပွားခဲ့သည်။ တရုတ်နိုင်ငံတွင် မကြာသေးမီနှစ်များအတွင်း ရာသီဥတုဖောက်ပြန်မှုနှင့်ကြာရှည်သော အပူလှိုင်းများကြောင့် ဆိုးရွားပြင်းထန်သည့် ရာသီဥတုအခြေအနေများနှင့် ရင်ဆိုင်နေရသည်။
တရုတ်မိုးလေဝသဌာန၏အဆိုအရ ၂ဝ၂၄ ခုနှစ်တွင် တရုတ်နိုင်ငံသည် လွန်ခဲ့သောနှစ်ပေါင်း ၆ဝ ကာလနှင့်နှိုင်းယှဉ်ပါက အပူဆုံးနှစ်ဖြစ်ခဲ့ပြီး အပူချိန်နှစ်နှစ်ဆက်တိုက် စံချိန်တင်ခဲ့သည့်ဒုတိယမြောက်နှစ်လည်းဖြစ်ကြောင်း ထုတ်ပြန်ထားသည်။
စီအင်န်အေ

Dဟူးမန်းနဲ့တော့ မြောင်စိတ်ညစ်တယ်

ဘာမဆိုဖြစ်သွားနိုင်တယ်

ဖြစ်တည်ခြင်း"...တဲ့...
ကျွန်မ ဒီစာအုပ်ကို အမျိုးသမီးအတော်များများကို ဖတ်ကြည့်စေချင်တယ်

အထူးသဖြင့် ပတ်ဝန်းကျင်ရဲ့ မတူညီမှု ကွဲပြားခြားနားမှုတွေထဲမှာ နေထိုင်နေရလို့ ကြော-က်ရွံ့အားနည်းတယ်လို့ ခံစားနေရတဲ့သူ ၊ ငါမလုပ်နိုင်ပါဘူးဆိုတဲ့အတွေးတွေ ဝင်လာတတ်တဲ့သူ ၊ စိတ်အားငယ်တတ်တဲ့သူ ၊ ခင်ပွန်းသည်ရဲ့စိတ်ခံစားမှုတွေနဲ့ မိမိအတွေးနဲ့ထပ်တူညီမှုမကျတဲ့အခါ .. ခင်ပွန်းသည်ရဲ့အချိန်ပေးမှုတွေ ကို မရရှိခဲ့လို့ ခံစားရတဲ့အခါ .. မိခင်ဖြစ်သူတာဝန်နှင့် အခြားသောအလုပ်တာဝန်များစွာ ဖြင့် အလုပ်များစွာလုပ်ကိုင်နေရင်း ဘဝကိုဖြတ်သန်းနေရင်း မိသားစုအရေးရောလုပ်ငန်းပိုင်းဆိုင်ရာမှာ( ငါ ) သည်းခံနိုင်ပါ့မလား ? အဆင်ပြေအောင် စီမံဆောင်ရွက်နိုင်ပါ့မလား? လို့ စတဲ့အတွေးများစွာ ဝင်လာခဲ့ဖူးရင် ဒီစာအုပ်ကို ဖတ်ဖြစ်အောင် ဖတ်ကြည့်စေချင်ပါတယ်
ကျွန်မ ညွှန်းဆိုနေပါသော စာအုပ်အမည်က ဘာလဲ ? ဘာကြောင့်ညွှန်းဆိုနေရပါသလဲ?
ယခု ကျွန်မ ညွှန်းဆိုချင်တဲ့ စာအုပ်အမည်ကတော့ "ဖြစ်တည်ခြင်း" လို့ အမည်ရပါတယ် ဆရာဝင်းငြိမ်းက ဘာသာပြန်ထားတဲ့စာအုပ်တစ်အုပ်ဖြစ်ပြီးတော့ မူရင်းစာအုပ်အမည်က "BECOMING" မူရင်းစာရေးသူ က "MICHELLE OBAMA"ပဲ ဖြစ်ပါတယ်
ဒီစာအုပ်ထဲမှာ အမေရိကန်သမ္မတဟောင်းကတော်တစ်ဦးဖြစ်တဲ့ မစ်ရှယ်လ်ရော်ဘင်ဆင်ဆိုသည့် အမျိုးသမီးတစ်ဦး ( ဝါ ) မစ်ရှယ်ရော်ဘင်ဆင်အိုဘားမား ၏ ဘဝတစ်စိတ်တစ်ဒေသ ဖြတ်သန်းမှု၊ သူမ၏အတွေး၊ ကြိုးစားခဲ့ရမှုများ၊ သူမ၏ခွန်အားနှင့် ဩဇာ တို့ကို စနစ်တကျ သုံးစွဲဆောင်ရွက်ခဲ့ပုံ များ၊သူမ၏ရဲရင့်မှုများ ၊ သမီးများအားပြုစုစောင့်ရှောက်မှုများ၊ ခင်ပွန်းသည်အား ဇနီးတစ်ဦးအနေဖြင့်လည်း ခင်ပွန်းသည်ဆောင်ရွက်လိုသော ကိစ္စရပ်များအား နားလည်ထောက်ပံ့ပေးပုံများ ၊အိမ်ဖြူတော်တွင် နေထိုင်ရသည့် အခြေအနေများ ၊ သမ္မတမိသားစုအနေဖြင့် လုံခြုံမှုအရ နေထိုင်ရသည့် စိတ်ခံစားမှုများ နှင့် နိုင်ငံရေးဆောင်ရွက်သူတို့၏ မိသားစုများ ၏ အခက်အခဲ၊ ဖြစ်တည်မှုများ စသည့် အကြောင်းအရာ မျိုးစုံကို အနိမ့်အမြင့် ၊အတက်အကျ ၊ပင်ပန်းခက်ခဲခဲ့မှု ၊အောင်မြင်ခဲ့မှု ၊ဝမ်းနည်းခဲ့ရမှု ၊ပျော်ရွှင်ခဲ့ရမှု စသည့် ခံစားမှု ဘဝအခြေအနေတို့နှင့်တွဲဖက်၍ အတုယူဖွယ် လေးစားအားကျရဖွယ် စိတ်ခွန်အားရရှိနိုင်ဖွယ် ဤစာအုပ်တွင် ရေးသားဖော်ပြထားပါတယ်
ထိုစာအုပ်လေးထဲတွင် ပထမပိုင်း အနေဖြင့် မစ်ရှယ်ရော်ဘင်ဆင်၏ ငယ်ဘဝဖြတ်သန်းမှု ၊ မိသားစု ပုံစံလေးများ ၊ သူငယ်ချင်းများ ဆွေမျိုးများနှင့် နေထိုင်ရသည့် ချီကာဂိုမြို့၏ အခြေအနေများကို ပြောပြပေးထားပါသည်၊ ထို့နောက် သူမ အနေဖြင့် ကျောင်းတက်ရသည့် အခြေအနေများ အားကစားတွင် ထူးချွန်သောအကို ၏ ချစ်ခင်မှုများ၊ အကို ကြောင့် ရောက်ရှိသည့်ကျောင်းများတွင် မျက်နှာရခဲ့မှုများကို ကလေးဘဝ လွတ်လပ်ပျော်ရွှင်မှုများနှင့်ပေါင်းစည်းပြောပြပေးထားသည်
ထို့နောက် တက္ကသိုလ်ကျောင်းပြီးနောက် ဥပဒေအကျိုးဆောင်လုပ်ငန်းတွင် လုပ်နေစဉ် အတွေးအခေါ်ကောင်းမွန်သော အများအကျိုးဆောင်ရွက်တတ်သော လူရည်မွန်တစ်ဦးဖြစ်သည့် ဘားရက်အိုဘားမား အမည်ရှိ အမျိုးသားတစ်ဦးရောက်ရှိလာခဲ့ပြီးသူမနှင့်လက်တွဲဖြစ်ပုံများကိုလည်း အသေးစိတ်ပြောပြပေးထားသည်
ဘားရက်နှင့်လက်တွဲပြီးနောက် ချစ်ခြင်းမေတ္တာ ဖြင့် ပျော်ရွှင်ရပုံများ ၊အိမ်ထောင်ရေးအခက်အခဲများ၊ ခင်ပွန်းဖြစ်သူအားကူညီပံ့ပိုးပေးပုံများနှင့် နိုင်ငံရေးအခြေအနေများထဲသို့ ဘားရက်ရောက်ရှိသွားပုံတို့ကို တစ်ဆင့်ချင်းတစ်ဆင့်ချင်း ဖော်ပြပေးသွားတာကလည်း အလွန်ကောင်းမွန်ပြည့်စုံလှပါတယ်
သမီးဖြစ်သူ "မလီယာနှင့်ဆာရှာ" တို့ မွေးဖွားခဲ့သည့်အချိန် တွင် ကြုံတွေ့ခံစားခဲ့ရမှုများကိုလည်း ထည့်သွင်းရေးဖွဲ့ထားပြီး ၊ နိုင်ငံရေးဆောင်ရွက်ရာတွင် ရွေးကောက်ပွဲ စည်းရုံးနေမှုအချိန်တွင် ၎င်းတို့မိသားစုအနေဖြင့် မည်မျှအခက်အခဲကြုံတွေ့ခဲ့ရကြောင်း ကို ပြောပြသွားသည်မှာလည်း ကျွန်မတို့ တွေးထားသည်ထက် ပိုမိုခက်ခဲသည့်အခြေအနေတစ်ခုဖြစ်ကြောင်းကို သိသာစေခဲ့ပါသည်။
ပါတီကြီးများနှင့် နိုင်ငံရေးကာလ အပြိုင်အဆို္င် မဲဆွယ်စည်းရုံးမှုများလုပ်နေစဉ် အတွင်း စကားတစ်ခွန်းသည်လည်း မည်မျှအရေးပါကြောင်းကို ဒီစာအုပ်မှာလေ့လာနိုင်မှာဖြစ်ပါတယ်...
ဘားရက်အိုဘားမား အနေဖြင့် လေးဆယ့်လေးယောက်မြောက် သမ္မတအဖြစ် ဆောင်ရွက်ရသောအခါတွင် သူမအနေဖြင့် သမ္မတကတော်တစ်ယောက်အနေဖြင့် မည်သို့နေထိုင်သင့်ကြောင်း တွေးတောဆင်ချင်သုံးသပ်ပုံများကိုလည်းသိရှိနိုင်သည်။ အိမ်ဖြူတော်သို့ ပြောင်းရွေ့သောအခါတွင်လည်း ယခင်သမ္မတကတော်ဟောင်း၏ ကူညီပေးပုံများ၊ အိမ်ဖြူတော်၏ တည်ဆောက်ထားပုံများ ၊ သမ္မတမိသားစုအနေဖြင့်နေထိုင်ရာတွင် လုံခြုံမှုအရ ဆောင်ရွက်သွားလာရပုံများကိုလည်း အသေးစိတ်ပြောပြထားခဲ့သည်
ထိုစာအုပ်ကိုဖတ်ပြီးနောက်တွင် တကယ့်ကို ရဲရင့်သော အမျိုးသမီး ၊ အမြဲကြိုးစားနေသောအမျိုးသမီး၊ ခင်ပွန်းသည်နှင့်အလုပ်ကြား ဗျာများခဲ့ပြီး နောက် မိမိအလုပ်အား စွန့်လွှတ်ကာ မိမိခင်ပွန်းသည်အား အပြည့်အဝ အင်အားဖြည့်ပေးသည့် လေးစားဖွယ်ရာအမျိုးသမီး တစ်ဦး၊ သမီးများအတွက် အရာရာစီမံဆောင်ရွက်ပေးသော မိခင်တစ်ဦး ၊ နိုင်ငံသားများအကျိုးကို ရှေးရှုဆောင်ရွက်ခဲ့သည့်အမျိုးသမီးတစ်ဦးအဖြစ် စံပြုစရာ ဖြစ်ခဲ့ရပါသည်
ထို့အပြင် ကျွန်မအနေနဲ့ နောက်တစ်ခု ခံစားသိရှိလိုက်မိတာက ကျွန်မသည် အရင်က မစ်ရှယ်လ်အိုဘားမားသည် ဘားရက်အိုဘားမား၏ ချစ်ခြင်းမေတ္တာကို ရရှိသူ ၊ သမ္မတကတော် တစ်ယောက်ဖြစ်သူ အဖြစ်သာ သိရှိခဲ့သော်လည်း "ဖြစ်တည်ခြင်း" စာအုပ်ကို ဖတ်ပြီးသည့်နောက်တွင် ထိုအကြောင်းအရာ များသည် သူမပေးဆပ်ခဲ့ရခြင်း၊ ကြိုးစားခဲ့ရခြင်းတို့၏ အသီးအပွင့်များဖြစ်ကြောင်း ထိုအသီးအပွင့်များမစားသုံးနိုင်ခင် အခက်အခဲများ များစွာဖြတ်ကျော်ခဲ့ရကြောင်း မည်သည့်အခါမှ လက်မလျော့ခြင်း စိတ်ဓါတ်ခိုင်မာခြင်းတို့သည် ရလဒ်တစ်ခုကို ဖြစ်လာစေကြောင်း သိရှိခဲ့ရသည်
စာကြွင်း : " ဖြစ်တည်ခြင်း" စာအုပ်ကို ဖတ်ပြီးနောက် သူမ ပြောပြသော ဘားရက်အိုဘားမားတို့၏ အတွေးကို သိရှိခဲ့ရပြီး နောက်ထွက်မယ့် ဘားရက်အိုဘားမား၏ အကြောင်း စာအုပ်ကိုလည်း ထွက်လျှင် ထပ်မံ ဖတ်ကြည့်ရန် ကျွန်မ အတွက် ဆုံးဖြတ်ချက်တစ်ခုလည်းရရှိခဲ့ပါသည်

Samsung ကနေ Galaxy Tab S10 FE နဲ့ Galaxy Tab S10 FE+ တွေကို မြန်မာနိုင်ငံစျေးကွက်အတွက် မိတ်ဆက်ပေးလိုက်ပြီ
.
Galaxy Tab S10 FE Series တက်ဘလက်အသစ်တွေဟာ Flagship မော်ဒယ်တွေမှာပါဝင်တဲ့ နောက်ဆုံးပေါ်စွမ်းဆောင်ရည်မြင့်လုပ်ဆောင်ချက်တွေကို ပိုမိုသက်သာတဲ့ စျေးနှုန်းနဲ့ ရရှိနိုင်မှာဖြစ်တဲ့အတွက် Galaxy ရဲ့ Ecosystem ကို စတင်သုံးစွဲချင်သူတွေအတွက် ရွေးချယ်စရာကောင်းတစ်ခုအနေနဲ့ ထွက်ရှိလာတာပဲဖြစ်ပါတယ်။
ပိုမိုကြီးမားပြီး တောက်ပတဲ့ မျက်နှာပြင်ပေါ်မှာ လှပပြတ်သားတဲ့ ရုပ်ထွက်
အသစ် မိတ်ဆက်လာတဲ့ Galaxy Tab S10 FE+ ဟာ မျက်နှာပြင် အကျယ် ၁၃.၁ လက်မ ရှိပြီး ယခင်ကထက် ၁၂% ပိုမို ပါးလွှာတဲ့ဘေးဘောင်နဲ့အတူ ထွက်ရှိလာပြီး Galaxy Tab S10 ဟာဆိုရင် ၁၀.၉ လက်မ ရှိတာကြောင့် နေ့စဥ်လုပ်ငန်းဆောင်တာတွေကိုသာမက ရုပ်ရှင်ကြည့်ခြင်း၊ ဂိမ်းကစားချင်းအစရှိတဲ့ ဖျော်ဖြေမှုဆိုင်ရာ လုပ်ငန်းတွေမှာပါ ကြီးမားကျယ်ပြန့်တဲ့ ကြည့်ရှုမှု အတွေ့အကြုံကိုပေးစွမ်းနိုင်မှာ ဖြစ်ပါတယ်။
ချောမွေ့သွက်လက်တဲ့ အသုံးပြုမှုအတွေ့အကြုံကိုရရှိနိုင်ရန်လည်း 90Hz Refresh Rate ကို ထည့်သွင်းထောက်ပံ့ပေးထားပြီး Vision Booster နဲ့ HBM ကို 800 Nits အထိထောက်ပံ့ပေးထားတာဖြစ်တဲ့အတွက် ပတ်ဝန်းကျင်အခြေအနေအပေါ်မူတည်ပြီး အလင်းကို အလိုအလျောက် ညှိပေးနိုင်တာကြောင့် ပိုမိုသေသပ်ကြည်လင်စွာ တွေ့မြင်နိုင်မှာဖြစ်ပါတယ်။ အပြာရောင်အလင်း ထုတ်လွှတ်မှုကိုလည်း လျှော့ချပေးနိုင်တာကြောင့် မျက်လုံးထိခိုက်မှုကိုလည်း ကာကွယ်ပေးနိုင်စေဦးမှာပါ။
မြင့်မားတဲ့စွမ်းဆောင်ရည်နဲ့ သယ်ဆောင်ရလွယ်ကူတဲ့ ဒီဇိုင်း
Galaxy Tab S10 FE Series တက်ဘလက်တွေဟာ အလုပ်လုပ်ချိန်မှာဖြစ်စေ၊ စာလေ့လာချိန်မှာဖြစ်စေ ပိုမိုကောင်းမွန်တဲ့ စွမ်းဆောင်ရည်ရရှိအောင် ပံ့ပိုးပေးနိုင်မှာပါ။ Performance ပိုင်းမှာ မြှင့်တင်ထားတာကြောင့် အပလီကေးရှင်းများစွာကို တပြိုင်နက်တည်း ချောချောမွေ့မွေ့ ပြောင်းလဲသုံးစွဲနိုင်ပြီး Multitasking ပိုမိုကောင်းမွန်လာစေပါတယ်။ 13MP High-resolution နောက်ကင်မရာလည်း ပါဝင်တဲ့အတွက် ပိုမိုရှင်းလင်းတောက်ပတဲ့ ဓာတ်ပုံတွေကို ရိုက်ကူးနိုင်စေမှာပါ။
Galaxy Tab S10 FE ဟာ ယခင်မော်ဒယ်ထက် ၄% ခန့် ပိုပေါ့လာတာကြောင့် ပေါ့ပေါ့ပါးပါး နေရာမရွေးသယ်ဆောင်သွားနိုင်မှာဖြစ်ပါတယ်။ Galaxy Tab S10 FE Series တက်ဘလက် နှစ်ခုစလုံးမှာ IP68 Rating ပါဝင်တာကြောင့် မိုးဒဏ်၊ ဖုန်ဒဏ်၊ ရေစိုမှုဒဏ်တွေအတွက် ခံနိုင်ရည်ရှိစေနိုင်ပြီး အချိန်နေရာမရွေး ရေရှည်အသုံးခံစေနိုင်ဦးမှာပါ။
စွမ်းဆောင်ရည်အကောင်းဆုံးဖြစ်အောင် ပံ့ပိုးပေးမယ့် အဆင့်မြင့်လုပ်ဆောင်ချက်တွေ
Samsung ရဲ့ Galaxy ecosystem ထဲ ဝင်ရောက်လာတဲ့ Galaxy Tab S10 FE+ နဲ့ Galaxy Tab S10 FE အသစ်တွေဟာ စွမ်းဆောင်ရည်မြင့် AI လုပ်ဆောင်ချက်တွေ တစ်ပါတည်း ပါဝင်လာတဲ့ ပထမဆုံး FE Series တက်ဘလက်တွေပဲဖြစ်ပြီး အောက်ပါ Galaxy AI လုပ်ဆောင်ချက်တွေ အသုံးပြုနိုင်စေမှာဖြစ်ပါတယ်။
• လူကြိုက်များတဲ့ လုပ်ဆောင်ချက်တစ်ခုဖြစ်တဲ့ Circle To Search with Google နဲ့ သိလိုသမျှကို ချက်ချင်း လွယ်ကူလျင်မြန်စွာ ရှာနိုင်မယ့်အပြင် ဘာသာပြန်ခြင်းနဲ့ လက်ရေးနဲ့ရေးသားထားတဲ့ သင်္ချာပုစ္ဆာတွေကိုပါ အလိုအလျောက်သိရှိပြီး ဖြေရှင်းနည်းများကိုလည်း ရှင်းပြပေးနိုင်မှာပါ။
• ပိုမိုအဆင့်မြှင့်တင်ထားတဲ့ Object Eraser လုပ်ဆောင်ချက်ဟာဆိုရင်လည်း မိမိရိုက်ကူးထားတဲ့ ဓာတ်ပုံတွေထဲက ဖယ်ရှားလိုသည်များကို အလွယ်တကူ သေရပ်လှပစွာ ဖယ်ထုတ်ပေးနိုင်ဦးမှာပါ။
• Best Face လုပ်ဆောင်ချက်ကလည်း လူ (၅) ဦးအထိဝင်တဲ့ အဖွဲ့ဓာတ်ပုံတွေမှာ တစ်ဦးချင်းစီရဲ့ အကောင်းဆုံး ရိုက်ချက်နဲ့ပုံတွေကို ပေါင်းစပ်ပြီး ပြီးပြည့်စုံစွာလှပမှုအရှိဆုံးပုံကို ထုတ်ပေးနိုင်မှာဖြစ်ပါတယ်။
• Galaxy AI လုပ်ဆောင်ချက်ကို လွယ်ကူမြန်ဆန်စွာနဲ့ ရယူနိုင်စေဖို့အတွက် Book Cover နဲ့တူတူတွဲလျက်ပါဝင်တဲ့ Keyboard မှာ Galaxy AI ခလုတ်ကို အသစ်ထည့်သွင်းပေးထားပါတယ်။ Galaxy AI အကူအညီနဲ့ Tablet မျက်နှာပြင်ကျယ်ပေါ်မှာ သုံးစွဲသူတွေစိတ်ကြိုက် AI ကို မေးမြန်းနိုင်ခြင်း၊ Summary ပြုလုပ်ခြင်း ၊ Text, Video နဲ့ Image များကို ပြုလုပ်ခိုင်းနိုင်မှာပါ။
• Galaxy Tab S10 FE Series မှာ လူကြိုက်များပြီး စွမ်းဆောင်ရည်မြင့်တဲ့ Application တွေဖြစ်တဲ့ Goodnotes, LumaFusion, Noteshelf, Clip Studio Paint, Picsart နှင့် Sketchbook တို့ကိုလည်း တစ်ပါတည်းထည့်သွင်းပေးထားတာဖြစ်တဲ့အတွက် ဒီဇိုင်းများ၊ ပုံများ ဖန်တီးရာတွင်ဖြစ်စေ၊ ဗီဒီယိုများ တည်းဖြတ်ရာတွင်ဖြစ်စေ တီထွင်ဖန်တီးလုပ်ဆောင်နိုင်မှုကို မြှင့်တင်ပေးနိုင်ပါတယ်။
Galaxy Tab S10 FE Seriesကို အခြားသော Galaxy ထုတ်ကုန်တွေနဲ့ပါ ချိတ်ဆက်အသုံးပြုနိုင်မှာဖြစ်ပြီး Home Insight Widget Dashboard နဲ့ 3D Map View လုပ်ဆောင်ချက်များကို အသုံးပြုပြီး မိမိအိမ်အခြေအနေကို တစ်နေရာထဲမှာ အချိန်နဲ့တပြေးညီ ကြည့်ရှုနိုင်ပါတယ်။
SmartThings-enabled device များရဲ့ အခြေအနေများကိုလည်းအချက်အလက်ပြည့်စုံစွာ ပြသပေးတဲ့အတွက် အပြင်မှာရှိတဲ့အချိန်တွင်တောင် စိတ်ချနေနိုင်စေမှာဖြစ်ပါတယ်။
ပြီးပြည့်စုံတဲ့ လုံခြုံရေးစနစ်
အခြားသော Galaxy Devices များမှာလိုပဲ Galaxy Tab S10 FE Series မှာလည်းး Samsung Knox ပါဝင်တာကြောင့် Software ပိုင်း နဲ့ Hardware ပိုင်း ၂ မျိုးလုံးကို ကာကွယ်ပေးနိုင်မှာဖြစ်ပြီး End-to-end data encryption ပြုလုပ်ပေးထားတာဖြစ်လို့ မည်သည့်အခြေအနေမှာမဆို မိမိရဲ့ ဒေတာတွေကို အခြားတစ်စုံတစ်ယောက်က ခိုးယူဝင်ရောက်ခြင်းမပြုနိုင်အောင် တားဆီးပေးထားနိုင်မှာ ဖြစ်ပါတယ်။
ရရှိနိုင်သောဈေးနှုန်းများနှင့် အရောင်များ
Galaxy Tab S10 FE Series တက်ဘလက် အသစ်တွေကို Samsung Showroom နဲ့ နီးစပ်ရာအရောင်းကိုယ်စားလှယ်ဆိုင်ကြီးတွေမှာ အောက်ပါအတိုင်း အတန်ဆုံးစျေးနှုန်း၊ ရွေးချယ်စရာအရောင်တွေနဲ့ ဝယ်ယူနိုင်မှာဖြစ်ပါတယ်။

#knowledge #ဗဟုသုတ