အေစီမီလန်နဲ့ ချန်ပီယံလိဂ်ဖလား ရယူချင်တယ်လို့ ဝေါ်လ်ကာပြော

ဇန်နဝါရီ ၂၈

မန်စီးတီးအသင်းကနေ အငှားနဲ့ပြောင်းရွှေ့လာခဲ့တဲ့ ညာနောက်ခံလူ ဝေါ်လ်ကာက အေစီမီလန်အသင်းနဲ့ ချန်ပီယံလိဂ်ဖလား ရယူချင်တဲ့ သူ့ရဲ့ရည်မှန်းချက်ကို ပြောခဲ့ပါတယ်။

ဝေါ်လ်ကာက “ကျနော် ဇလာတန်နဲ့ စကားပြောခဲ့ပြီး သူဟာ ကျနော့်ကို မတူညီတဲ့ အရာတွေအများကြီးကို ရှင်းပြခဲ့သလို ဒီမှာအောင်မြင်မှု ရယူနိုင်ဖို့ ကြိုးစားနေတဲ့ ကြီးကျယ်တဲ့ အရာတွေ အကြောင်းကိုလည်း ပြောခဲ့ ပါတယ်။ ကျနော်တို့ စူပါဖလား အကြောင်းပြောခဲ့ပြီး ဒါဟာကောင်းမွန်တဲ့စတင်မှုပါ။ လိဂ်မှာပြီးပြည့်စုံမှု မရှိပေမယ့် ချန်ပီယံလိဂ်မှာ အခွင့်အရေး ရှိပါသေးတယ်။ ကျနော့်ရဲ့ အတွေ့အကြုံ၊ ခေါင်းဆောင်မှုနဲ့ အေစီမီလန် ဖြစ်ချင်တဲ့နေရာကို ပြန်ရောက်အောင် ကူညီပေးနိုင်ဖို့ မျှော်လင့်ပါတယ်။ ချန်ပီယံလိဂ်ဖလား ရယူနိုင်ဖို့က အိပ်မက် တစ်ခုဖြစ်လာမှာပါ”လို့ သတင်းထောက်တွေကို ပြောခဲ့တာပါ။

ဝေါ်လ်ကာဟာ အေစီမီလန်အသင်းကို ရာသီအကုန်ထိ အငှားစာချုပ်နဲ့ ပြောင်းရွှေ့ခဲ့ပြီး အီတလီကလပ်ဟာ သူ့ကို ရာသီကုန်ချိန်မှာ အပြီးသတ် ဝယ်ယူဖို့အတွက် ရွေးချယ်ခွင့်ရှိနေတာ ဖြစ်ပါတယ်။

အင်္ဂလန်ကစားသမားဟာ ပြီးခဲ့တဲ့ အေစီမီလန်အသင်းက ပါးမားအသင်းကို အနိုင်ရခဲ့တဲ့ စီးရီးအေပွဲစဉ်ကို တက်ရောက်ကြည့်ရှုခဲ့တာပါ။

ဝေါ်လ်ကာဟာ အေစီမီလန်အသင်းမှာ အင်္ဂလန်ဂန္ထဝင် ဒေးဗစ်ဘက်ခမ်း ဝတ်ဆင်ခဲ့တဲ့ ကျောနံပါတ် ၃၂ ကို ဝတ်ဆင်ဖို့ ရွေးချယ်ခဲ့တာဖြစ်ပါတယ်။

ဝေါ်လ်ကာဟာ မန်စီးတီးအသင်းကနေ မထွက်ခွာခင် နည်းပြဂွာဒီယိုလာနဲ့ စကားပြောခဲ့တာမှာ အဆင်မပြေမှုတွေ ရှိခဲ့တယ်လို့လည်း ဝန်ခံခဲ့ပါတယ်။

ဝေါ်လ်ကာဟာ သူ့ရဲ့ အပြောင်းအရွှေ့နဲ့ ပတ်သက်တဲ့ စာရွက်စာတမ်းတွေ အားလုံးပြီးမြောက်ဖို့ စောင့်ဆိုင်းနေပြီး ဖေဖော်ဝါရီမှာ အေစီမီလန်အသင်းအတွက် စတင်ပွဲဦးထွက် ပါဝင်နိုင်ဖို့ မျှော်လင့်နေတာပါ။

အေစီမီလန်အသင်းဟာ ဒီရာသီ စီးရီးအေပြိုင်ပွဲမှာ အမှတ်ပေးဇယား အဆင့် ၇ နေရာ ရပ်တည်နေပြီး အဆင့် ၄ နေရာက လာဇီယိုအသင်းနဲ့ ၅ မှတ်ကွာဟနေပါတယ်။

အေစီမီလန်အသင်းဟာ ကြားရက်ထဲမှာ ချန်ပီယံလိဂ် အုပ်စုအဆင့် နောက်ဆုံးပွဲစဉ်အဖြစ် ဒိုင်နမိုဇာဂရက် အသင်းနဲ့ ယှဉ်ပြိုင်ရမှာဖြစ်ပြီး ရလဒ်ကောင်း ရယူနိုင်တာနဲ့ ၁၆ သင်းအဆင့်ကို တိုက်ရိုက်တက်နိုင်မှာ ဖြစ်ပါတယ်။

Source: Goal

ပုံ - ဝေါ်လ်ကာကိုတွေ့ရစဉ်

#ဘောလုံးသတင်းစုံ

ကျွန်းစုနဲ့ တနင်္သာရီအစပ်မှာ စစ်ရေးအခြေအနေ တင်းမာလာတဲ့အတွက် ဒေသခံထောင်ချီ တိမ်းရှောင်

ဇန်နဝါရီ ၂၈

တနင်္သာရီတိုင်း၊ ကျွန်းစုမြို့နယ်နဲ့ တနင်္သာရီမြို့နယ်အစပ်မှာ စစ်ရေးအခြေအနေ တင်းမာလာတဲ့အတွက် ဒေသခံ ထောင်နဲ့ချီ စစ်ဘေး တိမ်းရှောင်နေရတယ်လို့ ဒေသခံတွေနဲ့ ကူညီပေးနေသူတွေဆီက သိရပါတယ်။

မနေ့ ဇန်နဝါရီ ၂၇ ရက်၊ မနက်ပိုင်းမှစတင်ကာ နစက က ကျွန်းစုနဲ့ တနင်္သာရီမြို့နယ်အစပ်ရှိ ကျေးရွာတွေမှာ နယ်မြေရှင်းလင်းရေးတွေ လုပ်ဆောင်နေပြီး တိုက်ပွဲဖြစ်ပွားမှာ စိုးရိမ်တဲ့အတွက် အောက်ပြင်ဝန်းရွာ၊ ပြင်ဝန်းအနောက်ရွာ၊ ဝါရစ်ရွာ၊ မွေးရှောင်ရွာနဲ့ သက္ကယ်ကျင်းကျေးရွာတွေက ပြည်သူတွေ တိမ်းရှောင်နေတာဖြစ်ပါတယ်။

“နစက က မနေ့ မနက်ကစပြီး ပြင်ဝန်း အနောက်ကျေးရွာကနေမှ နယ်မြေရှင်းလင်းရေးလုပ်ရင်း ရောက်လာတာ။ လက်ရှိကတော့ ရွာအနီးဝန်းကျင်တွေမှာ တပ်စွဲထားကြတယ်။ ဒေသခံတွေကတော့ တိုက်ပွဲ ဖြစ်လာမှာကို စိုးရိမ်ပြီး အကုန်လုံးနီးပါး ရှောင်နေကြရတယ်” လို့ ဒေသခံတယောက်က ပြောပါတယ်။

လက်ရှိမှာ ဒေသခံတွေဟာ မြိတ်မြို့နဲ့ ကျွန်းစုမြို့ပေါ်၊ တနင်္သာရီမြို့ပေါ်အပါအဝင် ကျေးရွာတွေကို ရေလမ်းကြောင်း အသုံးပြုပြီး တိမ်းရှောင်လျက် ရှိကြသလို တောတောင်တွေထဲ တိမ်းရှောင်နေကြတဲ့သူတွေလည်း ရှိတယ်လို့ သူက ပြောပါတယ်။

တိမ်းရှောင်လာတဲ့ ဒေသခံတွေဟာ လက်ရှိမှာ နေရေးထိုင်ရေး အခက်တွေ့နေပြီး စားနပ်ရိက္ခာ အကူအညီတွေလည်း အရေးပေါ် လိုအပ်နေတယ်လို့ အဲဒီ စစ်ရှောင်တွေကို ကူညီပေးနေသူတွေက ပြောပါတယ်။

“တောတောင်တွေထဲ နေထိုင်နေကြရတဲ့ သူတွေအတွက်လည်း နေရာထိုင်ခင်း လိုအပ်ချက် အများကြီးရှိတယ်။ ရှောင်ရင်းတိမ်းရင်း ရာသီဥတုဒဏ်ကြောင့် ဖျားနာနေကြတဲ့သူတွေလည်း ရှိတယ်။ အဲဒါကြောင့် ဆေးဝါးအကူအညီတွေလည်း အများကြီး လိုနေတယ်” လို့ သူက ပြောပါတယ်။

လက်ရှိ တနင်္သာရီတိုင်းအတွင်းက မြို့နယ်တွေမှာ နယ်မြေရှင်းလင်းရေး လုပ်ဆောင်မှု၊ နှစ်ဖက် ထိတွေ့တိုက်ပွဲတွေ ဖြစ်ပွားမှုနဲ့ လက်နက်ကြီး ပစ်ခတ်မှုတွေကြောင့် နေရပ်စွန့်ခွာ တိမ်းရှောင်နေရသူဦးရေ ခြောက်သောင်း ငါးထောင်ရှစ်ရာကျော်အထိ ရှိနေပြီဖြစ်တယ်လို့ ဒေသတွင်းသုတေသန အဖွဲ့ဖြစ်တဲ့ FE5 Thanintharyi က ထုတ်ပြန်ထားပါတယ်။

Photo:CJ

#သတင်းဟင်းလေးအိုးကြီး

အဲ့လောက်ကြီးကျ

Gong Xi Fa Chai

🧧🌸 2025 ခုနှစ်မှာ ကျရောက်တဲ့ မြွေနှစ်ကို ကြိုဆိုတဲ့အနေနဲ့ တရုတ်နှစ်သစ်ကူးကို အားလုံးအတူတကွ စည်းစည်းလုံးလုံးပျော်ပျော်ရွှင်ရွှင်ဆင်နွှဲကြပါစို့။ 🐍
အခုလိုမင်္ဂလာအခါသမယမှာ သတ္တဝါအားလုံး ငြိမ်းချမ်းသာယာစေဖို့ ဆုတောင်းရန် အခွင့်အရေးတစ်ခုဖြစ်တာမို့ နှစ်သစ်မှာ စိတ်၏ချမ်းသာခြင်း ကိုယ်၏ကျန်းမာခြင်းနဲ့ ပြည့်စုံကြပါစေလို့ MySpace Team မှ ဆုမွန်ကောင်း တောင်းလိုက်ပါရစေ။

🧧🌸 Let’s come in unity and devotion to celebrate Chinese New Year together as we welcome the Year of Snake in 2025. 🐍

This auspicious occasion is an opportunity to cultivate blessings and pray for peace and harmony for all beings. We invite you to join us in celebrating the New Year with blessings for prosperity and health from Myspace Team!🌸🧧

🌸🧧 🧧🌸 即将迎接2025蛇年之际，让我们怀著虔恭之心，为新的一年开启崭新的篇章! 同心同愿，祈求世界和平、国运昌隆、幸福美滿、健康平安။ 诚邀您与我们共庆新春佳节，共同迎接美好未来！🌸🧧

#myspaceadmin