ယူကရိန်းစစ်ပွဲ အဆုံးသတ်ရေး ရုရှားအပေါ် အရေးယူပိတ်ဆို့မှုသစ်တွေချမှတ်ပြီး ဥရောပသမဂ္ဂ ဖိအားပေး
ပါရီ၊ မေ-၂၁-၂၀၂၅
ရတီ(VOM)
ဥရောပသမဂ္ဂဟာ ရုရှားအပေါ် အရေးယူပိတ်ဆို့မှုအသစ်တွေ ထပ်မံချမှတ်ဖို့ ဆုံးဖြတ်လိုက်ကြောင်း အီးယူနိုင်ငံခြားရေးဝန်ကြီးတွေ ဘရပ်ဆဲလ်မှာ တွေ့ဆုံဆွေးနွေးပြီးနောက် ကြေညာချက်ထုတ်ပြန်လိုက်ပါတယ်။
ယူကရိန်းစစ်ပွဲ အပစ်အခတ်ရပ်စဲရေးနဲ့ ငြိမ်းချမ်းရေးသဘောတူညီချက်အတွက် ရုရှားသမ္မတ ပူတင်နဲ့ အမေရိကန်သမ္မတ ဒေါ်နယ်ထရန့်တို့ တယ်လီဖုန်းဆက်သွယ်ဆွေးနွေးခဲ့ပေမယ့် ထူးခြားတဲ့ တိုးတက်မှု ထွက်ပေါ်လာခြင်းမရှိခဲ့ပါဘူး။
ဥရောပသမဂ္ဂရဲ့ အရေးယူပိတ်ဆို့မှုတွေထဲမှာ ပိတ်ဆို့မှုတွေကို ရှောင်ရှားပြီး ရေနံသယ်ယူရောင်းချနေတဲ့ သင်္ဘေ‌ြ ၁၈၉ စင်း၊ ရုရှားစစ်တပ်ကို ထောက်ပံ့ပေးနေတဲ့ အဖွဲ့စည်းနဲ့ လုပ်ငန်း ၃၁ ခုရဲ့ ပို့ကုန်ထိန်းချုပ်မှုတွေကိုလည်း တင်းကြပ်မယ်လို့ ဆိုပါတယ်။
တချို့သော ကုမ္ပဏီတွေကတော့ တူရကီနဲ့ ဗီယက်နမ်တို့လို တတိယနိုင်ငံတွေမှာ ရှိပါတယ်။ ယူကရိန်းက ငြိမ်းချမ်းရေးလိုချင်ပေမယ့် ရုရှားက စစ်ကိုလိုချင်နေတာဖြစ်တဲ့အတွက် ဖိအားပိုမိုပေးဖို့လိုအပ်တယ်လို့ အီးယူနိုင်ငံခြားရေးမူဝါဒ အကြီးအကဲ ကာဂျာကာလက်စ်က ပြောပါတယ်။
ဒီအတောအတွင်း ယူကရိန်းနဲ့ အပစ်အခတ်ရပ်စဲရေးအတွက် နားလည်မှုစာချွှန်လွှာ ရေးဆွဲရေးဟာ ရှုပ်ထွေးလိမ့်မယ်လို့ ရုရှားအစိုးရ ပြောရေးဆိုခွင့်ရှိသူ ဒီမီထရီပက်စကော့က ပြောပါတယ်။ ယူကရိန်းသမ္မတ ဇီလန်စကီးကတော့ ရုရှားဟာ စစ်ပွဲဆက်လက်ဆင်နွှဲလိုတာကြောင့် အချိန်ဆွဲဖို့ ကြိုးစားနေတာလို့ စွပ်စွဲထားပါတယ်။
အမေရိကန်သမ္မတ ဒေါ်နယ်ထရန့်ကတော့ ရုရှားသမ္မတပူတင်၊ ယူကရိန်းသမ္မတ ဇီလန်စကီးတို့နဲ့ ပြီးခဲ့တဲ့တနင်္လာနေ့မှာ တယ်လီဖုန်းဆက်သွယ်ဆွေးနွေးခဲ့ပြီး ဆွေးနွေးမှုရလဒ်တွေ အပြုသဘောဆောင်ကြောင်းပြောဆိုထားပေမယ့် အပစ်အခတ်ရပ်စဲရေးအတွက် တိကျတဲ့ သဘောတူညီချက် နီးစပ်ခဲ့ပုံမရကြောင်း စောင့်ကြည့်လေ့လာသူတွေက ပြောပါတယ်။
Ref:NHK

#ပြည်တွင်းသတင်း
◼ ထမ်ဆန်းဂူ–လွယ်ဝိုးတုတ်ကြားလမ်းပိုင်း၌မြေပြိုခြင်းများပြုပြင်ရန် ညပိုင်းဖြတ်သန်းခွင့်ယာယီပိတ်မည်ဟုဆို

ရှမ်းပြည်နယ်(တောင်ပိုင်း)၊ တောင်ကြီး-လွိုင်လင်ပြည်ထောင်စုလမ်းရှိ နောင်ခါးကျေးရွာ–ထမ်ဆန်းဂူ–လွယ်ဝိုးတုတ်ကြားလမ်းပိုင်း၌ မြေပြိုခြင်းများဖြစ်ပေါ်နေသောကြောင့်လမ်းပြုပြင်ရန် ယနေ့(မေ ၂၀ ရက်မှ ဇွန် ၃ ရက်) အထိ၊ ည ၁၀ နာရီမှ နံနက် ၄ နာရီအတွင်း လမ်းဖြတ်သန်းခွင့်ယာယီပိတ်ထားမည် ဖြစ်ကြောင်း ဒေသခံများထံမှသိရသည်။

ပြီးခဲ့သည့်ရက်ပိုင်းအတွင်း မိုးအဆက်မပြတ်ရွာသွန်းခြင်းကြောင့် တောင်ကြီး−လွိုင်လင်လမ်းပိုင်း၊ ဟိုပုံးနှင့် မိုင်းပွန်ကြား ထမ်းဆမ်းဂူအကျော်တွင် တောင်ပြိုမှုများဖြစ်ပေါ်ခဲ့ကြောင်း၊ ယင်းတောင်ပြိုမြေ​များအားရှင်းလင်းရန် တောင်ကြီး-လွိုင်လင်လမ်းပိုင်းကို ညပိုင်းဖြတ်သန်းသွားလာခွင့်ပိတ်ထားမည် ဖြစ်ကြောင်းသိရသည်။

"လမ်းကအခုလည်းသွားလို့မရပါဘူး။ ညပိုင်းမှာအလုပ်တွင်ကျယ်အောင်လို့ နေ့လယ်ပိုင်းမှာသွားခွင့် ပြုထားပြီး ညပိုင်းကိုပိတ်ထားပါတယ်။ ဒီလမ်းကဘယ်ချိန်ပဲသွားသွား လမ်းပိတ်မှုတွေကများတယ်။ မိုးတွင်းဆိုတောင်ပြိုတာတွေဖြစ်တော့ပိုဆိုးတာပေါ့။ ဒါကြောင့်အခုကတည်းကပြင်တော့ ပိုကောင်းပါတယ်" ဟု ဒေသခံယာဉ်မောင်းတစ်ဦးက​ပြောသည်။

လွိုင်လင်−တောင်ကြီးလမ်းပိုင်း၌ ကားပိတ်မှုဖြစ်ပေါ်လျှင် အခြားမြို့ရှောင်ကွင်းလမ်းဖြစ်သည့် ကျောက်တန်း-ပင်လုံဖြတ်လမ်းမှ ယာဉ်ငယ်​များအသုံးပြုသွားလာလျက်ရှိကြောင်း၊ ယာဉ်ကြီးများအနေဖြင့် ယင်းလမ်းအားအသုံးပြုမည်ဆိုပါက အတက်အဆင်းကြမ်းသောကြောင့် သတိပြုသွားလာသင့်ကြောင်း ဒေသခံများက အသိပေးပြောဆိုထားသည်။

သတင်း - ပိုင်လေး

#ယနေ့ထုတ်သတင်းစာ_သတင်း
◼ ကို​ဗစ်(၁၉) အတည်ပြုလူနာသစ်တစ်ဦး တွေ့ရှိ
ကျန်းမာရေးဝန်ကြီးဌာနသည် ကိုဗစ်(၁၉)ရောဂါ စောင့်ကြပ်ကြည့်ရှုခြင်းလုပ်ငန်းများကို စဉ်ဆက်မပြတ် ဆောင်ရွက်လျက်ရှိရာ မေ ၁၈ ရက်ကကိုဗစ် (၁၉) ရောဂါ ဓာတ်ခွဲအတည်ပြုလူနာသစ်တစ်ဦး တွေ့ရှိခဲ့ကြောင်း မေ ၂ဝ ရက်က ကျန်းမာရေးဝန်ကြီးဌာနမှ ထုတ်ပြန်ထားသည်။
ကျန်းမာရေးဝန်ကြီးဌာနသည် ကိုဗစ်(၁၉) ရောဂါစောင့်ကြပ်ကြည့်ရှုခြင်းလုပ်ငန်းများကို စဉ်ဆက်မပြတ် ဆောင်ရွက်လျက်ရှိရာ မေ ၁၁ ရက် ည ၈ နာရီမှ မေ ၁၈ ရက် ည ၈ နာရီအထိ ရက်သတ္တပတ်အတွင်း ဓာတ်ခွဲနမူနာစုစုပေါင်း ၂၄၆၁ ခုအား စစ် ဆေးပြီးစီးခဲ့ရာကိုဗစ်(၁၉) ရောဂါဓာတ်ခွဲအတည်ပြု လူနာသစ်တစ်ဦး တွေ့ရှိခဲ့ကြောင်းသိရသည်။
ထို့ကြောင့် ရောဂါပိုးတွေ့ရှိမှုရာခိုင်နှုန်းမှာ သုည ဒသမ ဝ၄ ရာခိုင် နှုန်းဖြစ်ပြီး အစီရင်ခံကာလအတွင်းကိုဗစ်(၁၉) ရောဂါဖြင့် သေဆုံးသူမရှိကြောင်း သိရသည်။
အများပြည်သူများအနေဖြင့် ကိုဗစ်(၁၉) ရောဂါဆိုင်ရာ သတင်း အချက်အလက်များကို ကျန်းမာရေးဝန်ကြီးဌာန၏ အင်တာနက် စာမျက်နှာ moh.gov.mm တွင် ဝင်ရောက်ကြည့်ရှုနိုင်ကြောင်း သိရသည်။

#ယနေ့ထုတ်သတင်းစာ_နိုင်ငံတကာသတင်း
◼ ပါကစ္စတန်အတွက် သူလျှိုလုပ်သည့်သံသယဖြင့် အိန္ဒိယယူကျူဘာတစ်ဦး အဖမ်းခံရ
ပါကစ္စတန်အတွက် သူလျှိုလုပ်သည့်သံသယဖြင့် အိန္ဒိယယူကျုဘာတစ်ဦးကို ဖမ်းဆီးထိန်းသိမ်းလိုက်ကြောင်း အိန္ဒိယရဲတပ်ဖွဲ့က မေ ၁၉ ရက်တွင်ပြောသည်။
အိန္ဒိယမြောက်ပိုင်း ဟာယာနာပြည်နယ်၏ ခရီးသွားဒေသများကြောင့် လူသိများသော ယူကျုသမားတစ်ဦးဖြစ်သူ ဂျေယိုတီမယ်ဟိုထရာသည် ပါကစ္စတန်သို့အကြိမ်ပေါင်းများစွာ သွားရောက်ခဲ့ပြီး နောက်ဆုံးအကြိမ်မှာ ၂ဝ၂၅ ခုနှစ်မတ်လတွင် နောက်ဆုံးအကြိမ် သွားရောက်ခဲ့သည်။
၎င်းသည် အိန္ဒိယမှနှင်ထုတ်ခံခဲ့ရသော ပါကစ္စတန်ထိပ်တန်းတာဝန်ရှိသူတစ်ဦးနှင့် ဆက်သွယ်ခဲ့သည်ဟုရဲတပ်ဖွဲ့က စွပ်စွဲထားသည်။ စွပ်စွဲချက်များကို၎င်း၏ဖခင်က ငြင်းဆိုထားပြီး လိုအပ်သောခွင့်ပြုချက်များ ရယူပြီးမှသာပါကစ္စတန်သို့ သွားရောက်ခဲ့သည်ဟုဆို၏။
သို့သော်ရဲတပ်ဖွဲ့ကမူ မစ္စမယ်ဟိုထရာသည် ပါကစ္စတန်ထောက်လှမ်းရေးအရာရှိများနှင့် အဆက်အသွယ်ရှိပြီး ပါကစ္စတန်နိုင်ငံသားတစ်ဦးနှင့်လည်း စဉ်ဆက်မပြတ် အဆက်အဆံရှိခဲ့သည်ဟုပြောသည်။ မကြာသေးမီကဖြစ်ပွားခဲ့သော ပါဟယ်ဂမ်တိုက်ခိုက်မှုနှင့် မယ်ဟိုထရာတို့အကြား ဆက်နွှယ်မှုရှိ၊ မရှိ စစ်ဆေးနေကြောင်း ရဲတပ်ဖွဲ့ တာဝန်ရှိသူတစ်ဦးက ပြောသည်။
၎င်းသည် တရုတ်၊ ထိုင်း၊ ဘင်္ဂလားဒေ့ရှ်၊ယူအေအီးနှင့် အင်ဒိုနီးရှားနိုင်ငံများသို့ သွားရောက် ရိုက်ကူးတင်ဆက်မှုများမှုများ ပြုလုပ်ခဲ့ပြီး ယင်းခရီးစဉ်များအတွက် ငွေကြေးမည်သို့ရရှိခဲ့သည်ကိုလည်း တာဝန်ရှိသူများက မေးခွန်းထုတ်ခဲ့ကြသည်။ ထောက်ပံ့မှုများနှင့်အတူ ပါကစ္စတန်ကိုလည်း သွားရောက်ခဲ့ကြောင်း ရဲတပ်ဖွဲ့က စွပ်စွဲထားသည်။
ဘီဘီစီ

🎡(တရား)▪︎▪︎▪︎လဲ မထိုင်နဲ့
(ရိပ်သာ)▪︎▪︎▪︎လဲ မသွားနဲ့၊
စျေးရောင်းတဲ့သူ က
စျေးရောင်းရင်း
မှတ်နေပါ၊
《မှတ်》▪︎▪︎▪︎ရင်
အတွေး မဝင်ပါဘူး
အဲဒါ 《သတိ》ပဲ
《သတိ》▪︎▪︎▪︎ရှိနေရင်
(အတွေး)မဝင်တာမို့
ကိလေသာ▪︎▪︎▪︎တွေ
ငြိမ်းနေပါလိမ့်မယ်၊
အဲဒါ▪︎▪︎▪︎ကြောင့်
《သတိ》▪︎▪︎▪︎ဟာ
(သမထ)▪︎▪︎▪︎ပါပဲ
《သတိ》က▪︎▪︎▪︎ နေပဲ
(ဝိပဿနာ)▪︎▪︎▪︎ဆီကို
ပို့ဆောင်
ပေးပါလိမ့်မယ်၊
ဖြစ်/ပျက်▪︎▪︎▪︎တွေ
နားမလည်ရင်
မစဉ်းစားပါနဲ့
သူ့▪︎▪︎▪︎ အလိုလို
သိလာလိမ့်မယ်
မသိချင်တောင်
မရပါဘူး
အဲ▪︎▪︎▪︎တော့
ဘုရား▪︎▪︎▪︎ဟောတဲ့
《ဒုက္ခ》
ဟုတ်/မဟုတ်
မြင်ပါလိမ့်မယ်၊
🏮ဒီတော့
ဖြစ်/ပျက် ▪︎▪︎▪︎မြင်
ဖြစ်/ပျက်▪︎▪︎▪︎ မုန်း
ဖြစ်/ပျက်▪︎▪︎▪︎ ဆုံးလို့
《နိဗ္ဗာန်》
မြင်ပါလိမ့်မယ်၊
《အဓိက》▪︎▪︎▪︎က
အတွင်း(လမ်း)က
သွားဖို့▪︎▪︎▪︎ပဲ၊
《သတိ》▪︎▪︎▪︎က
အမြဲ ကပ်ထားတော့
အတွေး ကလေးက
《သတိ》▪︎▪︎▪︎မရှိရင်
ခံစားလို့
မကောင်းတာမို့
《သတိ》▪︎▪︎▪︎နား
ကပ်လာပါလိမ့်မယ်
《ကာမ》▪︎▪︎▪︎အရသာ
မခံစားတော့ပဲ
《ဓမ္မ》အရသာ▪︎▪︎▪︎ကိုပဲ
《သူ》▪︎▪︎▪︎က
ဖော်စားတော့မှာပါ၊
🙏ကျေးဇူးတော်ရှင်
🛎《မဟာဗောဓိမြိုင်》
ဆရာတော်▪︎▪︎▪︎ဘုရားကြီး၊

အနေတတ်မှ အေးချမ်းမယ်
🙏🙏🙏🙏🙏🙏🙏
တရားချစ်ခင် သူတော်စင်အပေါင်းတို့ ....
ပုထုဇနော ဥမ္မတ္တကော တဲ့။
လူ့လောက ပုထုဇဉ်လူသား မှန်သမျှဟာ
အရူးတွေချည်းပဲ တဲ့။
အာရုံဟူသမျှကို လိုချင်တပ်မက်နေတဲ့
လောဘစိတ်နဲ့ ရူးသွပ်နေကြတယ်။
ရတာမလို လိုတာလည်း မရတဲ့အခါမှာ
ဒေါသစိတ်နဲ့ ရူးသွပ်နေကြတယ်။
အကောင်းနဲ့အဆိုး၊ အကြောင်းနဲ့အကျိုးကို
ဝေဖန်နိုင်စွမ်းမရှိတော့ အမှားကို အမှန်ထင်ပြီး
အမှန်ကိုကျတော့ အမှားတွေပဲလို့ ယူဆ
မောဟစိတ်နဲ့ ရူးသွပ်နေကြတယ်ပေါ့။
ပုထုဇဉ်ဘဝတွေဆိုတာ
လောဘအပူ၊ ဒေါသအပူ၊
မောဟအပူတွေထဲမှာ
နေရပါများလာတော့
ပူရကောင်းမှန်း မသိနိုင်ကြဘူး။
ဘာဖြစ်လို့လည်း ဆိုရင်
တစ်သံသရာလုံး ကျင့်သားရနေကြလို့ပါပဲ။
ဒါပေမယ့် .…
အချို့သော ပုထုဇဉ်ပုဂ္ဂိုလ်တွေကျတော့
ကိလေသာအာရုံတွေကို အပူတွေပဲလို့
အနည်းငယ် အသိလေးဝင်လာတဲ့အခါ...
ဘုရားဂုဏ်တော်, တရားဂုဏ်တော်,
သံဃာဂုဏ်တော်တွေကို အာရုံပြုပြီး
စိတ်ကလေး ငြိမ်းအေးနေအောင်
နေထိုင်လာကြတယ်။
အာရုံတစ်ခုအပေါ်မှာ
ဖြစ်လိုက်တဲ့ လောဘစိတ်ကလေးကို
သိသိချင်း ထိန်းလိုက်တယ်။
ဒေါသ စိတ်ကလေးဖြစ်မှုကိုလည်း
သိသိချင်း ထိန်းလိုက်နိုင်တယ်။
မောဟစိတ်နဲ့ တွေဝေနေမှု အပေါ်မှာလည်း
အာရုံရဲ့သဘောအမှန်ကို သိအောင်
ရှုမြင်လာနိုင်ပါတယ်။
ဒီလို လောဘ, ဒေါသ, မောဟ ဆိုတဲ့
အပူတရားတွေပေါ်မှာ
စိတ်နှလုံးအေးချမ်းနေအောင်
ဆင်ခြင်သုံးသပ်နေခြင်းဟာ
သောတာပန် အငယ်စားလေး ဖြစ်မှန်းမသိ
ဖြစ်လာပြီပေါ့ ...။
သာမန် ပုထုဇဉ်ပုဂ္ဂိုလ်တွေဆိုတာက
လင်နဲ့မယား, သမီးနဲ့သားတွေမှာ
အချင်းချင်း ပူပင်နေကြတယ်။
စီးပွားဥစ္စာ၊ အာဏာရာထူးတွေမှာ
ပူပင်နေကြတယ်။
မနေ့က မလုပ်လိုက်ရတဲ့
အလုပ်အပေါ်မှာ
နောင်တအပူတွေ ဖြစ်ကြတယ်။
မနက်ဖြန်အတွက်
ဘာဖြစ်လာမလဲလို့ မျှော်တွေးပူကြတယ်။
ပစ္စုပ္ပန်တည့်တည့်ကျတော့
သောက, ပဋိဒေဝ, ဒုက္ခ, ဒေါမနဿ,
ဥပါယာသ စတဲ့ မီးတွေကြားထဲမှာ
ပူလောင်နေကြပါတယ်။
မြတ်စွာဘုရားက
သောတာပန်ပုဂ္ဂိုလ်ဖြစ်သွားသူတွေဟာ...
တစ်လောကလုံး
အေးချမ်းမှုတွေ ကင်းနေတဲ့
သတ္တဝါတွေထဲမှာ...
အေးအေးချမ်းချမ်း နေထိုင်နိုင်တဲ့
အနေအထားကို ရောက်သွားပြီတဲ့။
ဆင်းရဲဒုက္ခတွေ ရောက်နေကြပြီး
စိတ်ဓါတ်တွေ ဖောက်ပြန်နေကြတဲ့
သတ္တဝါတွေရဲ့ အကြားမှာ…
သောတာပန်ပုဂ္ဂိုလ်တွေဟာ
စိတ်နှလုံးအေးချမ်းစွာ နေနိုင်သွားပြီ။
ဘုရားရဲ့ ဂုဏ်ကိုအာရုံပြု ပြီး
စိတ်အလျဉ်ကြောထဲမှာပဲ မျောနေကာ
အေးချမ်းတဲ့ အရသာကို တွေ့ရှိ
ခံစားနေနိုင်သူဟာ
သောတာပန်ပုဂ္ဂိုလ်တွေပါပဲ။
ဒါ့ကြောင့် …
မိမိတို့တတွေဟာ
လောကကြီးထဲမှာ နေထိုင်ရသမျှ
ကိလေသာအပူတွေ ဆိုတာ
လူတိုင်း ကြုံနေကြရမှာပါ။
ကြုံတွေ့ကြရတဲ့ အပူတွေထဲမှာမှ
အေးချမ်းတဲ့ ဘဝတစ်ခုဖြစ်အောင်
ကိုယ်တိုင်ဆင်ခြင်သုံးသပ်ဖန်တီးပြီး…
အပူတွေထဲမှာ အေးချမ်းအောင်
နေနိုင်ကြပါစေကုန် သတည်း...။
#ပါမောက္ခချုပ်ဆရာတော်ဘုရားကြီး
ဒေါက်တာ အရှင်နန္ဒမာလာဘိဝံသ
🙏🙏🙏🙏🙏🙏🙏🙏🙏🙏
#မူရင်းရေးသားပူဇော်သူကိုလည်းဂါရဝပြုပါသည်။?
#ကုသိုလ်ကောင်းမှုများကို
မမေ့မလျော့ ပြု နိုင်ကြပါစေ။
🙏🙏🙏🙏🙏🙏🙏

ဂါဇာမှာ စစ်ဆင်ရေးမရပ်ရင် အရေးယူမှုတွေလုပ်မယ်လို့ အစ္စရေးကို ဥရောပခေါင်းဆောင်တွေ သတိပေး
ပါရီ၊ မေ-၂၀-၂၀၂၅
မျိုးဆက်(VOM)
အစ္စရေးအနေနဲ့ ဂါဇာကမ်းမြှောင်ဒေသမှာ စစ်ဆင်ရေးတွေ ဆက်လက်လုပ်ဆောင်နေမယ်ဆိုရင် တိကျသေချာတဲ့ အရေးယူမှုတွေလုပ်ဆောင်သွားမယ်လို့ ဗြိတိန်၊ ပြင်သစ်နဲ့ကနေဒါ ခေါင်းဆောင်တွေက သတိပေးလိုက်ပါတယ်။
ဂါဇာမှာ အစ္စရေးရဲ့စစ်ဆင်ရေးတွေ ရပ်တန့်ဖို့နဲ့ လူသားချင်းစာနာထောက်ထားမှု အကူအညီတွေ အကဲ့အသတ်မဲ့ ချက်ချင်းဝင်ရောက်ခွင့်ပြုဖို့ ပြင်သစ်၊ ကနေဒါနဲ့ ဗြိတိန်တို့က တောင်းဆိုထားကြပါတယ်။ အစ္စရေးဟာ မတ် ၂ ရက်ကတည်းက ဂါဇာကို အစားအစာ၊ ဆေးဝါးနဲ့ လောင်စာဆီဝင်ရောက်မှုတွေကို ပိတ်ပင်ထားခဲ့ပါတယ်။
ဒါကြောင့် ဒေသရှိ လူနှစ်သန်းကျော်ဟာ ငတ်မွတ်ခေါင်းပါးမှုနဲ့ ရင်ဆိုင်နေရတယ်လို့ ကုလသမဂ္ဂက သတိပေးထားပါတယ်။ ဒါပေမယ့်လည်း သီတင်းပတ် ၁၁ ပတ်ကြာ ပိတ်ဆို့ထားပြီးနောက် အကူအညီတွေကို အကန့်အသတ်နဲ့ ဝင်ခွင့်ပြုမယ်လို့ အစ္စရေးက အသိပေးလာပါတယ်။
အကူအညီတွေ ဝင်ရောက်ခွင့် ငြင်းပယ်တာဟာ လက်ခံနိုင်ဖွယ်မရှိတဲ့အပြင် နိုင်ငံတကာ လူသားချင်းစာနာမှုဆိုင်ရာ ဥပဒေတွေကို ချိုးဖောက်တာဖြစ်ကြောင်း ပြင်သစ်၊ ဗြိတိန်နဲ့ ကနေဒါခေါင်းဆောင်တွေက ဝေဖန်ပါတယ်။
အစ္စရေးဝန်ကြီးချုပ် နေတန်ယာဟုကတော့ ဂါဇာကမ်းမြှောင်တခုလုံးကို ထိန်းချုပ်ဖို့ စီစဉ်ထားကြောင်း အခိုင်အမာပြောဆိုထားပါတယ်။ အတောအတွင်း ခန်းယွန်နစ်တဝိုက်ရှိ ပါလက်စတိုင်းတွေကို ဘေးလွတ်ရာပြောင်းကြဖို့ သတိပေးချက်ထုတ်ထားပါတယ်။
အနောက်ဘက်ကမ်းအပါအဝင် အခြေချနေထိုင်မှုတွေ ချဲ့ထွင်တာကို လက်မခံကြောင်းနဲ့ ပစ်မှတ်ထားအရေးယူပိတ်ဆို့တာတွေအပါအဝင် အရေးယူမှုတွေအတွက် တွန့်ဆုတ်နေမှာမဟုတ်ဘူးလို့ ဥရောပခေါင်းဆောင်တွေက သတိပေးထားပါတယ်။
ဒီကနေ့မှာတော့ လူသားချင်းစာနာမှုအကူအညီတွေ တင်ဆောင်လာတဲ့ ကုလသမဂ္ဂ ကုန်တင်ယာဉ်ငါးစီးဟာ ဂါဇာကို ဝင်ရောက်လာပြီဖြစ်ပါတယ်။

ပြီးခဲ့တဲ့နွေရာသီက စတင်တည်ထောင်ခဲ့ပြီး Colossus လိုနာမည်ပေးထားတဲ့ အီလွန်မက်စ်ရဲ့ စက်ရုံကိုပိတ်ပစ်ဖိုအတွက် ပြည်သူတွေက တောင်းဆိုနေ
*********************
(နိုင်ငံတကာ) မေလ ၂၀
အီလွန်မက်စ်ရဲ့ xAl ဆိုတဲ့ Al ကုမ္ပဏီဟာ Memphis အနောက်တောင်ပိုင်းက စွန့်ပစ်ထားတဲ့ စက်ရုံတခုမှာ ပြီးခဲ့တဲ့နွေရာသီက စတင်တည်ထောင်ထားခဲ့တယ်လို့ သိရပါတယ်။အဆိုပါ အဆောက်အအုံကို အီလွန်မက်စ်က ကမ္ဘာ့အကြီးဆုံးစူပါကွန်ပျူတာအဖြစ် ဖန်တီးဖို့အတွက် ရည်ရွယ်ခဲ့လည်း ဖြစ်ပါတယ်။

Colossus လို့ အီလွန်မက်စ်က နာမည်ပေးထားပြီး ကမ္ဘာပေါ်မှာ အစွမ်းထက်ဆုံး Al လေ့ကျင့်ရေးစနစ်လို့လည်း ပြောဆိုခဲ့ပါသေးတယ်။

ဒါပေမယ့်လည်း Boxtown အနီးမှာ နေထိုင်တဲ့ ပြည်သူတွေကတော့ အဆိုပါစက်ရုံကြောင့်‌ လေထုညစ်ညမ်းမှုဖြစ်ပေါ်နေပြီး ကျန်းမာရေးတွေ ထိခိုက်နေတယ်လို့ ဝေဖန်လာကြပါတယ်။

အီလွန်မက်စ်ဟာ စက်ရုံမှာ အဆိပ်သင့်ညစ်ညမ်းစေတဲ့ ဓါတ်ငွေ့သုံးတာဘိုင်တွေကို ဒါဇင်နဲ့ချီကာ တပ်ဆင်ခဲ့တယ်လို့လဲ ဆိုထားပါသေးတယ်။

အခုအခါမှာ အဆုတ်ရောဂါခံစားနေရတဲ့သူတွေက သူတို့ကျန်းမာရေးအတွက် ဘယ်တုန်းကမှ မစဉ်းစားခဲ့ဘူးလို့ ပြစ်တင်ပြောဆိုပြီး စက်ရုံကိုပိတ်ပစ်ဖို့အတွက် တောင်းဆိုနေကြပါတယ်။

ပြီးခဲ့တဲ့နွေရာသီက စတင်တည်ထောင်ခဲ့ပြီး Colossus လိုနာမည်ပေးထားတဲ့ အီလွန်မက်စ်ရဲ့ စက်ရုံကိုပိတ်ပစ်ဖိုအတွက် ပြည်သူတွေက တောင်းဆိုနေ
*********************
(နိုင်ငံတကာ) မေလ ၂၀
အီလွန်မက်စ်ရဲ့ xAl ဆိုတဲ့ Al ကုမ္ပဏီဟာ Memphis အနောက်တောင်ပိုင်းက စွန့်ပစ်ထားတဲ့ စက်ရုံတခုမှာ ပြီးခဲ့တဲ့နွေရာသီက စတင်တည်ထောင်ထားခဲ့တယ်လို့ သိရပါတယ်။အဆိုပါ အဆောက်အအုံကို အီလွန်မက်စ်က ကမ္ဘာ့အကြီးဆုံးစူပါကွန်ပျူတာအဖြစ် ဖန်တီးဖို့အတွက် ရည်ရွယ်ခဲ့လည်း ဖြစ်ပါတယ်။

Colossus လို့ အီလွန်မက်စ်က နာမည်ပေးထားပြီး ကမ္ဘာပေါ်မှာ အစွမ်းထက်ဆုံး Al လေ့ကျင့်ရေးစနစ်လို့လည်း ပြောဆိုခဲ့ပါသေးတယ်။

ဒါပေမယ့်လည်း Boxtown အနီးမှာ နေထိုင်တဲ့ ပြည်သူတွေကတော့ အဆိုပါစက်ရုံကြောင့်‌ လေထုညစ်ညမ်းမှုဖြစ်ပေါ်နေပြီး ကျန်းမာရေးတွေ ထိခိုက်နေတယ်လို့ ဝေဖန်လာကြပါတယ်။

အီလွန်မက်စ်ဟာ စက်ရုံမှာ အဆိပ်သင့်ညစ်ညမ်းစေတဲ့ ဓါတ်ငွေ့သုံးတာဘိုင်တွေကို ဒါဇင်နဲ့ချီကာ တပ်ဆင်ခဲ့တယ်လို့လဲ ဆိုထားပါသေးတယ်။

အခုအခါမှာ အဆုတ်ရောဂါခံစားနေရတဲ့သူတွေက သူတို့ကျန်းမာရေးအတွက် ဘယ်တုန်းကမှ မစဉ်းစားခဲ့ဘူးလို့ ပြစ်တင်ပြောဆိုပြီး စက်ရုံကိုပိတ်ပစ်ဖို့အတွက် တောင်းဆိုနေကြပါတယ်။