ငါးပိ၊ ငါးပိရည်ကြိုက်တတ်ရင် ဒီရောဂါတွေ သတိထားပါ
မြန်မာလူမျိုးတော်တော်များများ ငါးပိရည်ကြိုက်ကြပါတယ်၊ ငါးပိရည်မပါရင် ထမင်းမစားတတ်တဲ့သူတွေလည်း များစွာရှိပါတယ်၊ ငါးပိရည်စားရင် ထမင်းမြိန်စေတာမှန်ပေမယ့် တန်ဆေး၊ လွန်ဘေးဆိုတဲ့အတိုင်း များများစားမိရင်တော့ နောက်ဆက်တွဲကျန်းမာရေးပြဿနာတွေ ဖြစ်လာနိုင်ပါတယ်
ငါးပိရည်ကြောင့် ဖြစ်လာနိုင်တဲ့ကျန်းမာရေးပြဿနာတွေမှာဆိုရင် အဓိကကတော့ ငါးပိမှာပါဝင်တဲ့ ဆားဓာတ် (တနည်းအားဖြင့်) ဆိုဒီယမ်ဓာတ်ကြောင့် ဖြစ်ပါတယ်၊ ငါးပိ၊ ငါးပိရည်စားခြင်းကြောင့် ဖြစ်လာနိုင်တဲ့ ရောဂါတွေကတော့
(၁) သွေးတိုးရောဂါ
(၂) ခြေ၊ လက်၊ မျက်နှာ ဖောရောင်ခြင်း
(၃) နှလုံးရောဂါ
(၄) လေဖြတ်ခြင်း
(၅) အစာအိမ်ကင်ဆာ
(၆) ကျောက်ကပ်ရောဂါ
(၇) ဆီးကျောက်တည်ခြင်း
(၈) အရိုးပွခြင်း
စတဲ့ရောဂါတွေ ဖြစ်ပါတယ်
ဒီရောဂါတွေဟာ ငါးပိရည်စားပြီး ချက်ချင်းဖြစ်လာတတ်တဲ့ရောဂါတွေမဟုတ်ပါဘူး၊ ကိုယ်တွင်းပျက်စီးမှုဖြစ်စဥ်လေးတွေ ဖြေးဖြေးချင်းဖြစ်လာပြီး အချိန်ကြာလာမှ စုပြုံပြီးရောဂါဖြစ်စေတာဖြစ်ပါတယ်၊ ဒါကြောင့် လတ်တလောမှာ လူတော်တော်များများက သတိမထားမိကြတာဖြစ်ပါတယ်၊ ဒါကြောင့် ငါးပိရည်ကို လျှော့စားဖို့၊ မိမိမှာ ရောဂါအခံတွေရှိရင် မစားကြဖို့ အကြံပြုပါတယ်
ဒီရောဂါတစ်ခုချင်းစီအကြောင်း ရှင်းပြထားတဲ့ ဗွီဒီယိုကိုလည်း DR. AUNG ယူကျုချန်နယ်မှာ တင်ပေးထားပါတယ်၊ အသေးစိတ်သိချင်သူများ သွားရောက်ကြည့်ရှုနိုင်ပါတယ်
အားလုံးကို ကျေးဇူးတင်ပါတယ်၊ နေကောင်းကျန်းမာကြပါစေ
DR. AUNG
