ရပ်ထားသည့် ကျောက်မီးသွေးယာဉ်ကို ကုန်စိမ်းယာဉ်မှ အရှိန်လွန်၍ တိုက်မိရာ (၄) ဦး ဒဏ်ရာရရှိ
နေပြည်တော်၊ ဒီဇင်ဘာ ၅
ရှမ်းပြည်နယ်၊ ကလောမြို့၊ လွယ်အံကျေးရွာအုပ်စု၊ ပြည်ထောင်စုလမ်းမကြီး၊ အောင်ပန်း-ကလောလမ်းခွဲရှိ ဝေဝေလွင်ကွမ်းယာဆိုင်ရှေ့အနီးတွင် ရပ်ထားသည့် ကျောက်မီးသွေးတင်ဆောင်ထားသောယာဉ်ကို ကုန်စိမ်းတင်ဆောင်လာသည့် ယာဉ်မှအရှိန်လွန်၍ တိုက်မိရာ (၄) ဦးဒဏ်ရာရရှိကြောင်း သိရသည်။
ဒီဇင်ဘာလ ၄ ရက် ညနေ ၅ နာရီအချိန်ခန့်တွင် ယင်းဖြစ်စဉ်နေရာ၌ ရပ်ထားသည့် ကျောက်မီးသွေး တင်ဆောင်လာသည့် Nissan Diesel မော်တော်ယာဉ်ကို အောင်ပန်းမှကုန်စိမ်းများ တင်ဆောင်ပြီး မောင်းနှင်လာသည့် Isuzu ELF ယာဉ်က အနောက်မှအရှိန်လွန်၍ ဝင်တိုက်မိခဲ့ကြောင်း သိရသည်။
“ကားခေါင်းထဲမှာ အမျိုးသား ၂ ယောက်နဲ့ အမျိုးသမီး ၂ယောက်ပါတယ်။ ကားမောင်းတဲ့သူက ညာဘက်ခြေ ထောက်ကျိုးတယ်။ ကျန် ၃ ယောက်ကတော့ ပွန်းပဲဒဏ်ရာရတယ်။ သူတို့က ကုန်စိမ်းတွေတင်ပြီး လာတာ။ အကွေ့လေးမှာဖြစ်တာ။ အကွေ့ဆိုတာကလည်း ရပ်ထားတဲ့ကားကို မြင်ရတဲ့အခြေနေရှိတယ်။ ကျောက်မီး ကားတော့ဘာမှမဖြစ်ဘူး။ ကုန်စိမ်းတင်လာတဲ့ကားတော့ ခေါင်းပိုင်း ပျက်စီးသွားတယ်” လို့ နာရေးကူညီမှု အသင်း(အောင်ပန်း)မှ တာဝန်ရှိသူတစ်ဦးမှ ဖြေကြားသည်။
ထိုကုန်စိမ်းတင်ဆောင်လာသည့် ယာဉ်၏ခေါင်းထဲ၌ ညှပ်နေသူများကို အောင်ပန်း-ကလောမီး သတ်တပ်ဖွဲ့များ၊ အနီးအနားရှိပြည်သူများနှင့် နာရေးကူညီမှုအသင်း(အောင်ပန်း) တို့မှ ကူညီကယ်ဆယ်ထုတ်ပေးခဲ့ပြီး ဒဏ်ရာ ရရှိသူများကို ထိုအသင်းမှ အသင်းယာဉ် (၂) စီးဖြင့် ကလောဆေးရုံသို့ ပို့ဆောင်လိုက်ကြောင်း သိရသည်။
Photo - Credit
#centralnewsnaypyitaw
