ယိုးဒယား သင်္ဘောသီးထောင်း စပ်စပ်လေး ပြုလုပ်နည်း
ပါ၀င်ပစ္စည်းများ
သင်္ဘောသီးစိမ်း - အနေတော် တလုံး
ပုဇွန်ခြောက် - အကောင် ၂၀ခန့်
မြေပဲလှော် - အစေ့၂၀ခန့်
ငရုတ်သီးစိမ်း - ၇တောင့်ခန့် အစပ်ကြိုက်လျှင် ပိုထည့်ပါ
ထန်းလျှက်ခဲ - ကွမ်းသီးဆံအလုံးလောက် ၃ခဲ
ကြက်သွန်ဖြူ- အမွှာကြီးကြီး ၄မွှာ
ဆား - လက်ဖက်ရည်ဇွန်း တ၀က်သာသာ
ပဲတောင့်ရှည် - ၃တောင့် မရှိလို့မထည့်ထားပါ
ခရမ်းချဉ်သီး - ခပ်ကြီးကြီး တလုံး
သံပုရာသီး - တခြမ်း
ပြင်ဆင်ပုံ
သင်္ဘောသီးကို အခွံခွာပြီး အမြှောင်းရှည်ရှည်လေးတွေ ရအောင်ခြစ်ထားပါ။
ခြစ်ပြီးသော သင်္ဘောသီးများကို သင်္ဘောသီး အစိမ်းနံ့မနံအောင် ရေများများနဲ့ ဆေးပြီးရေစစ်ထားပါ။
ခရမ်းချဉ်သီးကို ၈ စိတ်စိတ်ထားပါ။
မြေပဲလှော်ကို မညက်တညက်ထောင်းပြီး ဖယ်ထားပါ။
ငရုတ်ဆုံ ခပ်ကြီးကြီးထဲမှာ ပုဇွန်ခြောက်ကို မညက်တညက် ထည့်ထောင်းပါ။
ငရုတ်သီးစိမ်းကို မညက်တညက် ရောထောင်းပါ။
ကြက်သွန်ဖြူကို မညက်တညက် ရောထောင်းပါ။
ထန်းလျှက်ခဲကို ညက်နေအောင်ထောင်းပြီးမှ သင်္ဘောသီးကို ထည့်ထောင်းပါ။
ထောင်းသော ကျည်ပွေ့ပေါ် မူတည်ပြီး သင်္ဘောသီးကို ကြည့်ထောင်းပါ။
ကျောက်ကျည်ပွေ့ဆိုပါက ၁၅ချက် အချက်၂၀လောက် ထောင်းရင်ရပါပြီ။
သစ်သားကျည်ပွေ့ဆိုပါက အချက် ၁၀၀ လောက်ထောင်းပေးမှ အရသာ၀င်ပါတယ်။
ထောင်းနေစဉ် သံပုရာရည် ညှစ်ထည့်ပြီး ဆားပါ နည်းနည်းခြင်းဆီ ထည့်ပေးပါ။
သင်္ဘောသီးထောင်းပြီးပါက ပဲတောင့်ရှည်ရှိရင် ချိုးထည့်ပြီး ၅ချက်လောက် ထောင်းပေးပါ။
ခရမ်းချဉ်သီးကိုလဲ ထည့်ပြီး၅ချက်လောက် ထောင်းပေးပြီးရင် ရပါပြီ။
စားပွဲပြင်တဲ့အခါ ပန်းကန်ထဲသို့ ငရုတ်ဆုံကိုမပြီး အရည်များရော အဖတ်များပါ သွန်ချပြီး မြေပဲထောင်း ဖြူးပေးကာ ပြင်ဆင်ရပါမယ်။
စပ်စပ်မွှေးမွှေး ယိုးဒယားသင်္ဘောသီး
ထောင်းလေးလုပ်စားကြရအောင်နော်..။
…………………………..
မုန့်တီထောင်း
ပဲသီး ခရမ်းကြွပ်သီး သဘောၤသီး ခရမ်းချဉ်သီး (နှစ်သက်ရာ) လှီးထားပါ ကြက်သွန်ဖြူ+မြေပဲ ( ကြိုက်ရင်ထည့်ပါ ) ငရုတ်နီထောင့် ထန်းလျက် ကိုထောင်းထား ပြီးတော့ အရည်ပုံစံရစေရန် ထောင်းထားတာထဲရေနွေးအနည်းငယ်ထည့် ( ထိုင်းငပိရည်သုံးတာမကြိုက်သူများအတွက်ပါ ) ငံပြာရည် ပုဇွန်ခြောက်မှုန့် အချိုမှုန့် သံပုရာရည် ထည့်ပြီးအရည်ဖျော်ပါ။ ပြီးမှ မုန့်ဖတ်ထည့်ပြီး အသာလေးသုပ်ပေးပါ။ နှစ်သက်ရာနဲ့တွဲဖက်စားလို့ရပါတယ်။
……………
ကြက်ခြေထောက်ထောင်းနည်း
********************************
ကြက်ခြေထောက်ကို ဂျင်းထုထောင်းပြီး ရေထည့် ရှာလကာရည်နည်းနည်းထည့်ပြီး နူးတဲ့ထိပြုတ်ထားပါ ကြက်သွန်ဖြူ ငရုတ်သီး ထန်းလျက် ပုဇွန်ခြောက်တွေကို ထောင်း ထားပါ။ ငံပြာရည် နဲ့ အချိုမှုန့်ထည့်ပါ။ ခရမ်းချဉ်သီး ကိုလှီးပြီးထည့်ပါ။ နောက်ဆုံး ရှမ်းနံနံ သို့ တရုတ်နံနံ ထည့်လိုက်ပါ။ မြေပဲလှော် နှစ်သက်ရင်ထည့်ပါ။ သံပရာသီး ညှစ်ပါ။ ဒါဆို ထိုင်းstyle ကြက်ခြေထောက်ထောင်းလေးရပါပြီ။
