အမှန်တရားမသိတဲ့ ပုထုဇဥ်တွေက ငြင်းကြ
ခုံကြတာတဲ့။
လူတွေ ဒီလို ပုထုဇဉ် တွေ၊အသိဉာဏ်ကင်းမဲ့တဲ့ လူတွေ ငြင်းခုံနေတာကို
တကယ်အသိဉာဏ်ရှိပြီး အမှန်တရားကို သိတဲ့ ပုဂ္ဂိုလ်တွေကတော့ အဲ့ထဲမပါဘူး။
မငြင်းတော့ဘူး။
ငြင်းတယ်ဆိုတာ အမှန်တရားမသိတဲ့ သူတွေ ငြင်းတာ။
မပြည့်ဝတဲ့ သူတွေက ငြင်းတာ၊ပြည့်ဝတဲ့ သူတွေက မငြင်းဘူး။
ဒါကိုမြတ်စွာဘုရားက သုတ္တန်တစ်ခုမှာ ဟောတာ။
ငြင်းတယ်ဆိုတာ တဲ့ အကုန်မမြင်လို့ တစ်
စိတ် တစ်ပိုင်းပဲ မြင်လို့ ငြင်းတာတဲ့။
တခြမ်းပဲ့ သမားတွေ ငြင်းတာတဲ့။
အဲ့ဒီလိုငြင်းတယ်ဆိုတဲ့ နေရာမှာ ကိုယ့်အမြင်၊ကိုယ့်အကြားပေါ်မှာ လူတွေဟာ သဘောကျ နှစ်ခြိုက်ပြီးတော့
အမြင်နဲ့အကြား၊ မြင်တဲ့ အရာအပေါ်မှာ၊ကြားတဲ့အရာအပေါ်မှာ၊သဘောကျနှစ်ခြိုက်လက်ခံပြီးတဲ့ အခါမှာ အဲ့ဒါကို အမှန်လို့ ယူဆပြီးတော့ ငြင်းနေကြတာ။
ဟုတ်တယ်။ကိုယ်မြင်တာကို အမှန် လို့ယူဆပြီးငြင်းတာ။
ကိုယ်ကြားတာကို လည်း အမှန်လို့ ယူဆပြီးတော့ သူများပြောတာကို လက်မခံနိုင်ဘူး။
တခြမ်းပဲ အငြင်းဆိုတာ ၊ငြင်းကြတယ်ဆိုတာ ဘယ်လို ဟာတုန်း ။
ကိုယ်အ့အမြင်ကို ဆုပ်ကိုင်ထားပြီးတော့ အမှန်လုပ်နေကြတာလေ။
အဲ့ဒီလိုပဲ မြတ်စွာဘုရားက ဟောတာ။
တခြမ်းပဲ့ မြင်နေတဲ့ ပုဂ္ဂိုလ်တွေဟာ အမြဲတမ်း ရန်ဖြစ်နေကြတယ်။အငြင်းပွါးနေကြတယ်။
အခုလည်း မိစ္ဆာအယူဝါဒတွေမှာ ကိုယ်မြင်တာကို သဘောကျ လက်ခံတယ်။
ကိုယ်ကြားတဲ့ အရာကို အမှန်လို့ လက်ခံထားပြီးတော့ ဒီ ခွင့်မလွှတ်နိုင်တဲ့ စိတ်တွေ ငြင်းနေကြလို့ ဖြစ်နေတာ
ဘာကြောင့်အဲ့ဒီလို ငြင်းနေကြမှာလဲတဲ့။
အမှန်မြင်တဲ့ အခါ လောကကြီးမှာ ငြင်းစရာ မရှိတော့ပါဘူး။
မြတ်စွာဘုရားက အဲ့ဒီလို ဖြေလိုက်တယ်။
ငြင်းခြင်း၊ခုံခြင်း၊ကဲ့ရဲ့ခြင်း၊ချီးမွမ်းခြင်း နဲ့ပက်သက်ပြီးတော့ လောကရဲ့ သဘာဝတွေကို ရှင်းလင်းပြီးတော့ ဖြေကြားခြင်းဖြစ်တယ်။
ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ နန္ဒမာလာဘိဝံသ
မဟာဗျူဟသုတ် အနှစ်ချုပ်တရားတော်မှ ထုတ်နုတ်ဖော်ပြ ပါသည်။
ကျေးဇူးတော်ရှင် ပါမောက္ခချုပ်ဆရာတော် ဒေါက်တာ အရှင်နန္ဒမာလာဘိဝံသ
🙏🙏🙏
