Discover postsExplore captivating content and diverse perspectives on our Discover page. Uncover fresh ideas and engage in meaningful conversations
July လထဲမှာ ထုတ်လွှင့်ပြသသွားမယ့် SAKAMOTO DAYS Part 2
ကင်မရာမန်းအသစ်လေး ရနေပြီဆိုတဲ့ ဖေဖေနေတိုးတို့ မိသားစု 🥰🥰🥰
ဂုဏ်ရှိန်တိုးလေးရဲ့ တိုးတက်လာတဲ့ ပုံစံလေးတွေကို ပြောပြလာတာပါ။ ဂုဏ်ရှိန်တိုးလေးက ကိုယ်တိုင်ဖုန်းကိုကိုင်ပြီး ဓာတ်ပုံရိုက်ချင်နေတဲ့ ကင်မရာမန်းအသစ်လေးဖြစ်တယ်လို့ ဆိုပါတယ်။ ဖေဖေ၊ မေမေတို့နဲ့အတူ နယ်မြို့လေးတစ်မြို့မှာ စတိုင်ထုတ်နေတဲ့ ဂုဏ်ရှိန်တိုးရဲ့ ပုံလေးတွေကိုလည်း ဖော်ပြထားပါသေးတယ်
နိုင်ငံတော်၏ဘဏ္ဍာရန်ပုံငွေကို နိုင်ငံတော်ဖွံ့ဖြိုးတိုးတက်ရေးအတွက် တိုက်ရိုက်အထောက်အကူပြုနိုင်သည့် အသုံးစရိတ်များကို ဦးစားပေးသုံးစွဲရမည်
နိုင်ငံတော်၏ဘဏ္ဍာရန်ပုံငွေကို နိုင်ငံတော်ဖွံ့ဖြိုးတိုးတက်ရေးအတွက် တိုက်ရိုက်အထောက်အကူပြုနိုင်သည့် အသုံးစရိတ်များကို ဦးစားပေးသုံးစွဲရမည်ဟု နစက ဥက္ကဋ္ဌ၊ ဘဏ္ဍာရေးဆိုင်ရာကော်မရှင်ဥက္ကဋ္ဌ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်မှ မတ် ၂၄ ရက်မွန်းလွဲပိုင်းကကျင်းပသည့် ဘဏ္ဍာရေးဆိုင်ရာကော်မရှင် အစည်းအဝေးတွင် အမှာစကားပြောကြားရာ၌ထည့်သွင်းပြောကြားခဲ့ခြင်းဖြစ်သည်။
ဌာန၊ အဖွဲ့အစည်းများအနေဖြင့် နိုင်ငံတော်၏ ဘဏ္ဍာရန်ပုံငွေအား နိုင်ငံတော်ဖွံ့ဖြိုးတိုးတက်ရေးအတွက် တိုက်ရိုက်အထောက်အကူပြုနိုင်သည့် အသုံးစရိတ်များဖြစ်သော အခြေခံအဆောက်အအုံဆိုင်ရာ လမ်းတံတား၊ လျှပ်စစ်ဓာတ်အားရရှိရေး၊ ပို့ဆောင်ဆက်သွယ်ရေးနှင့် ပို့ကုန်မြှင့်တင်ရေး၊ သွင်းကုန်အစားထိုးရေး၊ အလုပ်အကိုင်အခွင့်အလမ်းဖန်တီးရေးတို့၌ ဦးစားပေးသုံးစွဲရမည်ဟု မှာကြားသည်။
" နိုင်ငံတော်ရဲ့မူဝါဒအရ သုံးစွဲရမယ့်အသုံးစရိတ်တွေ၊ ပြည်သူအတွက် အရေးတကြီးဆောင်ရွက်ပေးဖို့လိုအပ်တဲ့ အသုံးစရိတ်တွေ၊ နိုင်ငံ့စီးပွားမြှင့်တင်နိုင်ရေး၊ အလုပ်အကိုင်အခွင့်အလမ်းပေါများစေရေးနဲ့ လူမှုစီးပွားဘဝဖွံ့ဖြိုးတိုးတက်စေရေးတွေကိုအထောက်အကူပြုတဲ့ အသုံးစရိတ်တွေ၊ စိုက်ပျိုးမွေးမြူရေးလုပ်ငန်းတွေနဲ့ MSME လုပ်ငန်းတွေ ဖွံ့ဖြိုးတိုးတက်အောင်အားပေးမြှင့်တင်နိုင်မယ့် အသုံးစရိတ်တွေကို လိုအပ်ချက်နဲ့အညီ နိုင်ငံတော်က နှစ်စဉ်ခွင့်ပြုပေးနေပါတယ်"ဟု နစက ဥက္ကဋ္ဌက ပြောသည်။
ထို့ပြင် ဌာန၊ အဖွဲ့အစည်းများအနေဖြင့် ဘဏ္ဍာရေး နှစ်အတွင်း ရငွေလျာထားချက်ကိုပြည့်မီကျော်လွန်အောင် ကြိုးစားဆောင်ရွက်ကြရမည်ဖြစ်ကာ အသုံးစရိတ်ခွဲဝေလျာထားပေးသည့် ရန်ပုံငွေများကိုလည်း သတ်မှတ်ကာလအတွင်း နိုင်ငံတော်အတွက် အကျိုးအရှိဆုံးနှင့် အထိရောက်ဆုံးဖြစ်စေရန်စိစစ်၍ စီမံခန့်ခွဲသုံးစွဲရေးသည် သက်ဆိုင်ရာဌာန၊ အဖွဲ့အစည်းများ၏တာဝန်ဖြစ်သည်ဟု ပြောသည်။
" ပြည်သူတွေကို တိုက်ရိုက်အကျိုးဖြစ်ထွန်းစေမယ့် လုပ်ငန်းတွေကို သတ်မှတ်ထားတဲ့အချိန်ကာလအ တွင်း အပြည့်အဝအကောင်အထည်ဖော်ဆောင်ရွက်ပေးနိုင်မှသာ နိုင်ငံတော်ရဲ့ လူမှုစီးပွားဖွံ့ဖြိုးတိုး တက်မှုကိုအထောက်အကူပြုနိုင်မှာဖြစ်ပါတယ်။ ၂၀၂၅-၂၀၂၆ ဘဏ္ဍာရေးနှစ်မှာ တစ်မျိုးသားလုံးရဲ့ ပြည်တွင်းအသားတင်ထုတ်လုပ်မှုနဲ့ဝန်ဆောင်မှုတန်ဖိုး(GDP)ကို ကျပ်(၁၇၁၄၉၈)ဘီလီယံရရှိဖို့မျှော်မှန်းထားပြီး စီးပွားရေးဖွံ့ဖြိုးတိုးတက်မှုနှုန်းကိုလည်း (၃)ရာခိုင်နှုန်းရရှိဖို့မျှော်မှန်းထားပါတယ်"ဟု နစက ဥက္ကဋ္ဌက ပြောသည်။
ထို့ကြောင့် ဌာန၊ အဖွဲ့အစည်းများအနေဖြင့် ပြည်သူ့ဘဏ္ဍာစီမံခန့်ခွဲမှုကို တည်ဆဲဥပဒေများနှင့်အညီ လိုက်နာဆောင်ရွက်ရန်လိုအပ်သည်ဟုလည်း နစက ဥက္ကဋ္ဌက ပြောကြားခဲ့သည်။
စီးပွားရေးတိုးတက်မှုနှုန်း ၃ ရာခိုင်နှုန်း ရရှိရန် မျှော်မှန်းထားဟု နစကဥက္ကဋ္ဌပြော
ရန်ကုန်၊ မတ် ၂၅
၂၀၂၅-၂၀၂၆ ဘဏ္ဍာနှစ်မှာ စီးပွားရေးဖွံ့ဖြိုးတိုးတက်မှုနှုန်း ၃ ရာခိုင်နှုန်း ရရှိဖို့ မျှော်မှန်းထားကြောင်း နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ပြောလာပါတယ်။
မတ်လ ၂၄ ရက်နေ့က ပြုလုပ်ခဲ့တဲ့ ဘဏ္ဍာရေးဆိုင်ရာကော်မရှင်အစည်းအဝေးမှာ ဥက္ကဋ္ဌအဖြစ် တာဝန်ယူထားတဲ့ ၎င်းက အထက်ပါအတိုင်း ပြောကြားခဲ့တာပါ။
တစ်မျိုးသားလုံးရဲ့ ပြည်တွင်းအသားတင်ထုတ်လုပ်မှုနှင့် ဝန်ဆောင်မှုတန်ဖိုး (ဂျီဒီပီ) ကိုလည်း ကျပ် ၁၇၁,၄၉၈ ဘီလီယံ ရရှိဖို့ မျှော်မှန်းထားတယ်လို့ ဆိုပါတယ်။
နိုင်ငံတော်ရဲ့ မက်ခရိုစီးပွားရေးအခြေအနေ တည်ငြိမ်ဖို့နဲ့ ရေရှည်စီးပွားရေးတိုးတက်မှု ရရှိစေရေး လိုငွေနဲ့ ဂျီဒီပီအချိုးကို တင့်သင့်တဲ့ ပမာဏအတွင်း ထိန်းသိမ်းဆောင်ရွက်ရမယ်လို့လည်း နစကဥက္ကဋ္ဌက ပြောကြားထားပါတယ်။
လက်ရှိမှာ နိုင်ငံ့ဘဏ္ဍာငွေတွေကို ပြည်ထဲရေး၊ ကာကွယ်ရေး၊ ကျန်းမာရေးနဲ့ ပညာရေးကဏ္ဍတွေမှာ အသုံးစရိတ်တွေ တိုးမြှင့်ပေးလျက်ရှိပြီး ဒီလို တိုးမြှင့်ပေးရခြင်းဟာ နိုင်ငံတော်တည်ဆောက်ရေးအတွက် ဆောင်ရွက်ပေးခြင်းဖြစ်တယ်လို့ ဆိုပါတယ်။
လျှပ်စစ်ဓာတ်အားထုတ်လုပ်ရေးနဲ့ ပတ်သက်ရင်လည်း နိုင်ငံအတွက် လိုအပ်တဲ့ ဓာတ်အားထုတ်လုပ်ရေးစီမံကိန်းတွေ ရေးဆွဲအကောင်အထည်ဖော်နေပြီး အကြောင်းအမျိုးမျိုးကြောင့် ရပ်တန့်ထားရတဲ့ တည်ဆောက်ဆဲ စီမံကိန်းတွေကို ပြန်လည်စတင်နိုင်ရေး ကြိုးပမ်းဆောင်ရွက်နေတယ်လို့ ပြောကြားထားပါတယ်။
သတင်း - BETV Business
