MySPACE

50 ပတ် - ဘာသာပြန်ပါ။

Spring Days at Izzali ~

ကြိုက်တယ်။

မှတ်ချက်

မျှဝေပါ။

50 ပတ် - ဘာသာပြန်ပါ။

လိုသုံးမဖြစ်အောင် ကြိုးစားရဦးမယ်
***************************
တစ်ခါတလေလည်း
မအားဘူး မအားဘူး ဆိုတဲ့လူတွေက
တခြားလူတွေနဲ့
အားနေတာ မြင်ရတော့
သူတို့အတွက် အမြဲတမ်း အားခဲ့မိတဲ့
ကိုယ်ကိုယ်ကို ပြန်ရှက်မိတယ်။
တစ်ရက်တွေ့ဦးမယ် ဆိုတဲ့
စကားဟာ
ဖုန်းချခါနီး ဝတ်ကျေတမ်းကျေပြောတဲ့
စကားတစ်ခွန်းဖြစ်မှန်း
ဘယ်တော့မှ မတွေ့ဖြစ်ကြတော့တဲ့
အခါမှ
နားလည်လာတယ်။
ကိုယ်က အားပါတယ်ဆိုတဲ့ စကားဟာ
သိပ်အရေးမကြီးတဲ့ ကိစ္စလေးတွေကို
ရွှေ့လိုက်ပြီး
သူတို့အတွက် အချိန်ပေးလိုက်တာ
ဖြစ်ပေမဲ့
သူတို့အားပါတယ်ဆိုတဲ့ စကားဟာ
ကိုယ့်ဆီက
တစ်ခုခု အကူအညီယူချင်လို့့ပဲဆိုတာ
သိလာတယ်။
အပေါ်ယံသက်သက် လာပေါင်းတဲ့
လူတွေအတွက်
ကိုယ်က ဦးနှောက်ထဲ ထည့်ထားပေမဲ့
သူတို့စိတ်ကူးထဲက VIP တွေထဲ
ကိုယ်မပါဘူးဆိုတာ သိလိုက်ရတဲ့အချိန်မှာ
တကယ့်ကို
ကျေကျေနပ်နပ်နဲ့ ပြုံးမိတယ်။
လူတွေအကြောင်းကို
လူတွေကပဲ သင်ပေးတယ်
လိုသုံး လာလာလုပ်တဲ့ လူတွေကို
လိုအပ်လာရင်တောင်
နောက်နောင်မသုံးတော့ဖို့ ကြိုးစားရဦးမယ်။
Credit- #
မူရင်းရေးသားသူအားလေးစားလျှက်

ကြိုက်တယ်။

မှတ်ချက်

မျှဝေပါ။

50 ပတ် - ဘာသာပြန်ပါ။

ထောင်…ထောင်သား…ထောင်ထွက်
ပြစ်မှုပြစ်ဒဏ်ကြောင့် ထောင်ကျနေသူ ဘယ်သူပဲဖြစ်ဖြစ် ထောင်က အမြန်ဆုံး ထွက်ချင်ကြပါတယ်။ ထောင်ကလွတ်လာသူကိုပဲ “ထောင်ထွက်” လို့ ခေါ်ကြပါတယ်။ ထောင်ထွက်ရယ်လို့ သူ့အလိုလို သီးခြားဖြစ်တည်နေတာ လောကမှာမရှိပါဘူး။ ဆိုလိုတာက ထောင်ကိုအကြောင်းပြုပြီး ထောင်ကထွက်လာတာကိုပဲ ထောင်ထွက် ခေါ်ရသလို လောကုတ္တရာဆိုတာလည်း လောကကို အကြောင်းပြုပြီး ဖြစ်ပေါ်လာတာပါ။ ဒီလောကထဲက ထွက်မြောက်လာတာကိုပဲ “လောကုတ္တရာ” လို့ ခေါ်ရပါတယ်။
ထောင်သားတွေမှန်သမျှတော့ ထောင်ကထွက်ချင်ကြတာချည်းပဲဗျ၊ အဲ…၃၁ဘုံထောင် သံသရာထောင်မှာ လည်နေကြတဲ့ လောက အကျဉ်းသားတွေရော လွတ်ချင်ကြရဲ့လား။ လွတ်ရက်ရှိရဲ့လား။ ထောင်သားက ထောင်ထွက်ဘွဲ့ခံသလို လောကသားတွေက လောကုတ္တရာဘွဲ့ ခံနိုင်ပါမလား။ ပြစ်ဒဏ်ကျခံနေရတဲ့ ထောင်သားတွေမှာ ထောင်လွတ်ရက်ဆိုတာ ရှိပါသေးတယ်။ ပြီးတော့ သူတို့ထွက်မပြေးသာအောင် ကာရံထားတဲ့ ထောင်တံတိုင်း အုတ်နံရံဆိုတာလည်း အမြင့်ပေ ဘယ်ရွေ့ဘယ်မျှဆိုတာ တိုင်းတာလို့ ရနိုင်ပါတယ်။
လောကအကျဉ်းသားတွေ သံသရာထောင်က ဘယ်တော့ ထွက်မှာလဲ၊ အစွဲတွေတစ်ထပ်ပြီးတစ်ထပ် ကိုယ့်ဟာကိုယ်ကာရံ ထားလိုက်တာ သံသရာရဲ့ ထောင်နံရံကြီးတွေက မြင့်သထက် မြင့်လာနေပါပေါ့လား။ အရက်စွဲနေသူကလည်း အရက်ထောင်ကြီးထဲမှာ၊ ကြက်သားကြိုက် ဝက်သားကြိုက်သူတွေကလည်း ကြက်ထောင် ဝက်ထောင်ကြီးတွေထဲမှာ၊ ကိုယ့်အစွဲကကိုယ့်ကို ထောင်ပြန်ချထားတာ၊ ထောင်နံရံတွေဘယ်လောက်မြင့်နေပြီလဲ၊ ဒီထောင်တွေက ဘယ်တော့ထွက်မှာလဲ။
【၁.၆.၉၉၊ ဝါးသုံးရုံသစ်တောစခန်း သြဝါဒ】
🖋️ မဟာဗောဓိမြိုင်ဆရာတော်ဘုရားကြီး
📖 မောင်သွေးချွန် – လက်မိလက်ရဩဝါဒများ
#ဓမ္မအသိဖြင့်အကျိုးရှိရှိနေမည်