MySPACE

32 w - Translate

မင်္ဂလာအပေါင်းနှင့်ပြည့်စုံသောနံနက်ခင်းလေးဖြစ်ကြပါစေ

Comment

32 w - Translate

ပင်လယ်စာ မာမားသုပ် ပြုလုပ်နည်း
ချဉ်ချဉ်စပ်စပ် ပြီးပြည့်စုံတဲ့အရဝသာ ခံစားနိုင်မယ့် အသုပ် 😋

ပါဝင်ပစ္စည်းများ.......
* မားမား ခေါက်ဆွဲခြောက် - ၂ ထုပ်
* ငါးငံပြာရည် - စားပွဲတင်ဇွန်း ၂ ဇွန်း
* သံပရာရည် - စားပွဲတင်ဇွန်း ၃ ဇွန်း
* ငရုတ်ဆီ - စားပွဲတင်ဇွန်း ၂ ဇွန်း
* သကြား - စားပွဲတင်ဇွန်း ၂ ဇွန်း
* ငရုတ်သီးမှုန့် (ကြိုက်နှစ်သက်သလောက်)
* မာမားအနှစ်ထုပ် - ၂ ထုပ် (မားမားထုတ်ထဲပါလာတဲ့မှုန့်)
* ပုစွန် (ကြိုက်နှစ်သက်သလောက်)
* ပြည်ကြီးငါး (ကြိုက်နှစ်သက်သလောက်)
* ကြက်သားလုံး (ကြိုက်နှစ်သက်သလောက်)
* မုန်လာဥနီ (ကြိုက်နှစ်သက်သလောက်)
* ခရမ်းချဉ်သီး (ကြိုက်နှစ်သက်သလောက်)
* ကြက်သွန်နီ (ကြိုက်နှစ်သက်သလောက်)
* ဂေါ်ဖီထုပ် (ကြိုက်နှစ်သက်သလောက်)

ပင်လယ်စာ မာမားသုပ် ပြုလုပ်နည်း.........
ပြုလုပ်နည်းက အရမ်းလွယ်ပါတယ်.......။
ဇလုံတစ်လုံးယူပြီး ငံပြာရည်နှင့် ပါဝင်ပစ္စည်း အရသာမှုန့်တွေအားလုံးကို ထည့်ပြီး ဆော့စ်ရည်အရင်ဖျော်ပါ။
ပြီးရင် ရေနွေးဖျော်ထားတဲ့ မားမားခေါက်ဆွဲထည့်။
ပင်လယ်စာအားလုံးကို ကိုယ်လိုချင်တဲ့အနေအထားလောက်ပြုတ်ပြီး ဇလုံးထဲထည့်။
အသီးအရွက်တွေ အကုန်ထည့်ပြီး သမအောင်နယ်ပေး နောက်ဆုံးမှာ နံနံပင်ထည့်နယ်ပြီးရင် စားလို့ရပါပြီး...။😋

ချဥ်ချဥ်စပ်စပ်လေးနဲ့ စားလို့အရမ်းကောင်းပါတယ်။
ပြောရင်းနဲ့ သရေယိုလာပြီး.... 🤤😁
(ပင်လယ်စာ အစုံမပါလဲ စားလို့ကောင်းတယ်)

Comment

32 w - Translate

အပြောအဆိုမှာ ကိုယ်တိုင် စည်းကမ်းရှိပါ
🙏🙏🙏🙏🙏🙏🙏🙏🙏🙏🙏
မေတ္တာနှလုံး ပျက်သွားတာ
ကိုယ့်ရဲ့အပြောကြောင့် ပဲ။
မပြောသင့်တာကို ပြောမိလို့
ကြမ်းကြမ်းတမ်းတမ်း ပြောမိလို့
မဟုတ်တာ သွားပြောမိရင်လည်း
ပြဿနာ တက် တတ်တယ်။
ဒါကြောင့်မို့လို့ ...
အပြောအဆိုနဲ့ ပတ်သက်ပြီးတော့
ကိုယ်ကိုယ်တိုင်က စည်းကမ်းရှိဖို့
ဗုဒ္ဓမြတ်စွာက ဟောကြားပေးထားတယ်။
ဗုဒ္ဓမြတ်စွာ ဟောကြားခဲ့တဲ့ တရားတွေက
လက်တွေ့လိုက်နာ ကျင့်သုံးဖို့
ဟောထားတဲ့ တရားတွေ ချည်းပါပဲ။
တကယ် လိုက်နာကျင့်သုံး
ကြည့်လိုက်မယ် ဆိုရင်လည်း
ထိရောက်တဲ့ အကျိုးတွေ ရပါတယ်။
ဒါ ဗုဒ္ဓရဲ့တရားတွေပဲ။
လူလူချင်း ဆက်ဆံတဲ့အခါ မှာ
စကားများပြီး ရန်ဖြစ်ကြတာ များပါတယ်။
တစ်ဦးနဲ့တစ်ဦး စကားများရာက
စပြီးတော့ ရန်ဖြစ်ကြတာပါပဲ။
ပြီးတော့ လောကမှာ
မကျေမနပ်ဖြစ်တာတွေကလည်း
စကားတွေ ကြောင့် ပဲ၊
ကွယ်ရာမှာ အတင်း ပြောကြတာ ကြောင့်ပဲ။
ငါ့ကို ဘယ်သူက ဘယ်လို
ပြောလိုက်တာ ဆိုပြီးတော့
ပြဿနာ ဖြစ်တော့တာပါပဲ။
တစ်ဆင့် ပြန်ကြားတာတွေက နေပြီးတော့
အပြော အဆိုကနေ စ ပြီးတော့
ပြသနာ ဖြစ်ကြတာပါ။
လူတွေ ဆိုတာ “ လောကီ အစုတ်၊
လူတို့ နှုတ်က မဟုတ် လည်း ပြော၊
ဟုတ် လည်း ပြော ”
လူတွေရဲ့ပါးစပ်က စားဖို့နဲ့
ပြောဖို့ပဲ ရှိတဲ့အတွက် ကြောင့်
အပြောအဆို မှာ စည်းကမ်း မရှိ
လျှောက် ပြောနေကြတာပါပဲ။
ဒါကြောင့်မို့ .....
အပြောအဆိုနဲ့ ပတ်သက်ပြီး တော့
ကိုယ်ကိုယ်တိုင် လိုက်နာပြီးတော့
စည်းကမ်းချ ထားမယ် ဆိုရင်
ပြသနာ တက်စရာ မရှိနိုင်ပါဘူး။
ဒါပေမယ့် ကိုယ်နေနေရတဲ့ ပတ်ဝန်းကျင်မှာ က
နှုတ် စည်းကမ်းရှိတဲ့ သူတွေ ရှိသလို
နှုတ် စည်းကမ်းမရှိတဲ့ သူတွေလည်း ရှိနိုင်တယ်။
ပြောချင်ရာပြောတဲ့ ပုဂ္ဂိုလ်တွေ ရဲ့စကားတွေကို
လိုက်ပြီးတော့ ပြသနာဖြစ်နေရင်တော့
ဆုံးနိုင်မှာ မဟုတ်တော့ဘူး တဲ့။
အဲဒါကိုတော့ မြတ်စွာဘုရားက
မေတ္တာနှလုံး အစဉ်သုံး တဲ့။
ဒီလို ဟော ခဲ့ပါတယ်။
ဘာပဲပြောပြော ....
မေတ္တာနဲ့သာ တုန့်ပြန် ပါ တဲ့။
#ပါမောက္ခချုပ်ဆရာတော်ဘုရားကြီး

Comment

32 w - Translate

⭐ ❝ သီလကတော့ ဇာတ်လိုက်ပဲ ❞ ⭐
💜💜💜💜💜💜💜💜💜💜💜💜💜
⭐🙏 👉"ဘုရားသာသနာ
ကြုံတွေ့ပါလည်း
ကောင်းစွာသီလ
မတည်ကြလျှင်
ဘဝတွက်တာ
လူဖြစ်နာ၏"။
🌍 ဗုဒ္ဓက "သီလတောသုခီတာ=
သီလရှိမှ
ကိုယ်ကျန်းမာ၍ စိတ်ချမ်းသာမည်ဟု
ဟောထားပါသည်"
သီလဆိုတာ ...
သူ့အသက်သတ်ခြင်း၊
သူတစ်ပါးပစ္စည်းကိုခိုးယူခြင်း စတဲ့
တရားများကို ရှောင်ကြဉ်တဲ့
ပုဂ္ဂိုလ်ရဲ့ စေတနာတရားနဲ့
ကျင့်ဝတ်ပဋိပတ်တို့ ဖြည့်ကျင့်တဲ့
ပုဂ္ဂိုလ်ရဲ့စေတနာတရားများကို
သီလရယ်လို့ ခေါ်ပါတယ်။
လိုရင်းကတော့ ...
အကုသိုလ်မဖြစ်အောင်
ကိုယ်မှု၊နှုတ်မှုတို့ကို
ကောင်းစွာထားတဲ့ စေတနာကို
သီလလို့ ခေါ်ပါတယ်၊
သီလတွေ အများကြီး ရှိပါတယ်။
🍎 လူတစ်ယောက်ဟာ
"ဒါန"မရှိပေမယ့် "သီလ"ရှိနေရင်
အပါယ် မရောက်နိင်ဘူး။
"ဒါန"မရှိတာက ဒါနအကျိုး မရတာပဲ
ရှိမယ်။ "သီလ မပါရင်တော့
အပါယ်လေးပါးကို စိတ် မချရဘူး။
🎓 တခါ "ဒါန"ပြုတဲ့အခါမှာလည်း
"သီလ မပါဘဲ ပြုရင်
အကျိုးပေး မသန်နိင်ဘူး။
"သီလလုံခြုံပြီးပြုတဲ့"ဒါန"မှ ပိုပြီး
အကျိုးပေးသန်နိင်ပါတယ်။
🔘 ဒါကြောင့် "သီလ"ကတော့
အခြေခံပါပဲ၊ သီလကတော့
ဇာတ်လိုက်ပဲ။
"သီလ"ကို လက်လွှတ်လို့ မဖြစ်ဘူး။
(မဟာဂန္ဓာရုံဆရာတော်ဘုရားကြီး)
➡ဒါန သီလ ဘာဝနာတွင်
အရေးကြီးဆုံးတရားသည်
သီလဖြစ်သည်။
➡ဒါန မပြုရင်
အပါယ်ကိုကျစေနိင်တဲ့
သတ်မှတ်ချက်(သဘော)
မရှိပါဘူး။
➡ဘာဝနာ မပြုလို့
အပါယ်ကိုကျစေနိင်တဲ့
သတ်မှတ်ချက်(သဘော)
မရှိပါဘူး။
📸 ဒါပေမဲ့ သီလ မလုံခြုံခဲ့ရင်တော့
အပါယ်သို့ကျစေနိင်တဲ့
သတ်မှတ်ချက်(သဘော)များ
ရှိပါသည်။
➖➖➖➖➖➖➖➖➖➖➖➖
♥ ❝ လူယဉ်ကျေး ❞ ♥
★★★★★★★★★★★
👉"သီလဆိုတာ ကိုယ်နှုတ်များကို၊
ကောင်းစွာထားဖို့စောင့်ရသလေ၊
ကိုယ်နှုတ်လုံလျှင် လူယဉ်ကျေးကွဲ့၊ကောင်းကျိုး ပေးမြဲ အမှန်ပေ၊
စိတ်ပါလုံလျှင် ပိုလို့ကောင်းသကွဲ့၊
ကောင်းသထက်ကောင်းအောင်
ကြိုးစားလေ၊
စိတ်ပါလုံအောင် ဘာဝနာပွားဖို့၊
မြတ်ဘုရားက မိန့်ခဲ့ပေ၊
ကိုယ်နှုတ်စိတ်ထား၊ ဤ သုံးပါး၊
လုံငြားချမ်းသာပေ။"
🔴 သို့သော် သီလသည်
ကိုယ်နှင့်နှုတ်ကိုသာ
စောင့်ရှောက်နိင်၏၊
စိတ်ကို မစောင့်နိင်။
စိတ်ကို ဘာဝနာကသာ
ကိလေသာ မဝင်အောင်
စောင့်ရှောက်နိင်သည်။
ဘာဝနာမရှိသောသူ၏ စိတ်သည်
အမိုး မရှိသောအိမ်နှင့် တူ၏။
အမိုး မရှိသောအိမ်သည်
နှင်း၊မိုးရေ၊ နေပူတို့ ကျရောက်၍
ခဏနဲ့ ပျက်စီးရသလို
ဘာဝနာ မပွားသူတို့၏
စိတ်သည်လည်း
လောဘ၊ဒေါသ၊မောဟ စသော
ကိလေသာတို့၏နှိပ်စက်မှုကြောင့်
ညစ်နွမ်းပျက်စီးရသည်။
➖➖➖➖➖➖➖➖➖➖➖➖
♥ ❝ ဒါနနှင့်သီလ
မတွဲမိလေသောကြောင့် ❞ ♥
★★★★★★★★★★★★★★★★★
🎓 ရုပ်ချောပြီး ဆင်းရဲနေသူများ
ရှိသလို
➡ ရုပ်ဆိုးပြီး ချမ်းသာနေသူများလည်း
ရှိကြပါတယ်။
➡ အသက်ရှည်ပြီး ဆင်းရဲနေသူများ
ရှိသလို
➡ အသက်တိုပြီး ချမ်းသာနေသူများ
ရှိကြ၏။
➡ ကျန်းမာပြီး ဆင်းရဲနေသူများရှိသလို
➡ မကျန်းမမာနဲ့ ချမ်းသာနေကြသူများ
ရှိကြ၏။
📸 မှတ်ချက်➡
စိတ်ချမ်းသာရေးကို
သီလကတာဝန်ယူပြီး
ကိုယ်ကောင်းစားရေးကို
ဒါနက ဖြည့်စွမ်းပေးလေသည်။
🔘 ဒါနနှင့်သီလတို့သည်
သံသရာခရီး
ဆက်နေသူများအတွက်
မရှိမဖြစ် ဆောင်ထားရမည့်
ဖိနပ်တစ်ရံ၏
ဘယ်တစ်ဖက်၊ ညာတစ်ဖက်
ဖြစ်ပေသည်။
➡ သီလနဲ့ပြည့်စုံသူရဲ့ဒါနဟာ
လွန်လွန်ကျူးကျူး ထူးထူးကဲကဲ
အကျိုးပေးတယ်။
➡ ဒါနဟာ သီလနဲ့တွဲဖက်လိုက်လို့ရှိရင်
သီလရဲ့အရှိန်အဝါကြောင့်
အများကြီး ခရီးရောက်
နိဗ္ဗာန်ပေါက်အဆင့်အထိ
ရောက်သွားနိင်တယ်။
➖➖➖➖➖➖➖➖➖➖➖➖
♥ ❝ မှတ်ချက် ❞ ♥
★★★★★★★★★★★
🔴 ဘာဝနာတက်ရာတွင်လည်း
သီလမလုံခြုံရင်
သမာဓိရဖို့မလွယ်ဘူး။
အခြေခံဖြစ်တဲ့သီလကို
လုံခြုံအောင်စောင့်ထိန်းရမယ်။
သီလက သမာဓိကို အကျိုးပြုတယ်။
သမာဓိကလည်း
ပညာဖြစ်ဖို့အကျိုးပြုတယ်။
👤 ဒါနက➡ ပံ့ပိုးခြင်းဖြစ်၏၊
သီလက➡ စိတ်ယုတ်မာများ
ဝင်မလာနိင်အောင်
တားဆီးခြင်းဖြစ်၏၊
ဘာဝနာက➡ ဖြူ စင်သောစိတ်ကို
မွေးမြူ ခြင်းဖြစ်၏။
🔶 အထူးခြားဆုံး၊ အထင်ရှားဆုံး၊
အမွန်မြတ်ဆုံးအချက်ကတော့
မဂ်ဖိုလ်နိဗ္ဗာန်ရဖို့အရေးမှာ
သီလဟာ အခြေခံ အရင်းမူလ
ပဓာန ဖြစ်ပါသည်။
♦ ဒါကြောင့်သီလဆောက်တည်ပြီး
မြတ်စွာဘုရားကို
မိမိဆောက်တည်ထားတဲ့သီလနဲ့
ပူဇော်ကြပါစို့။
👉သောတာပန်များ
ငါးပါးသီလလုံတာက
ဓမ္မကစောင့်တာ၊
ဓမ္မကစောင့်တဲ့သီလက
သံသရာတစ်လျှောက်လုံး
လုံပါတယ်။
👉ပုထုဇဉ်တစ်ယောက်
ငါးပါးသီလလုံတာက
ပုဂ္ဂိုလ်ကစောင့်တာ၊
ပုဂ္ဂိုလ်ကစောင့်တဲ့ သီလကတော့
မသေချာဘူး၊
ဖောက်ဖျက်နိင်သေးတယ်။
🔵 ပင်လယ်ကူးလိုလျှင်
သင်္ဘောလုံအောင်ဖာ။
သံသရာကူးလိုလျှင်
သီလလုံအောင်ဖာ။
(ပထမရွှေကျင်ဆရာတော်ကြီး)
➖➖➖➖➖➖➖➖➖➖➖➖

Comment

32 w - Translate

သင်စိတ်ဆိုးအောင် တစ်ခုခုလုပ်မိထားရင် ခွေးလေးတွေဟာ ဘယ်လိုပုံစံပြုမူတတ်ကြသလဲ✨

➡️ အကွယ်တစ်ခုခုကနေ သင့်ကိုမဝံ့မရဲ အမြဲခိုးကြည့်တတ်တယ်။

➡️ သင့်နားကို လာချင်ပေမယ့် မလာဘဲ ဝေ့လည်ကြောင်ပတ် လုပ်ပြီး သင်ခါတိုင်းလိုခေါ်ဖို့ကို မျှော်လင့်တတ်ကြတယ်။

➡️ အစားကျွေးတဲ့အခါ မစားဘဲ သင့်ကိုကြည့်နေတတ်တယ်။

➡️ ဒါမှမဟုတ် သင့်အပေါ်ကို အတင်းတိုးဝှေ့ပြီးနမ်းရှုံ့တာမျိုး လုပ်တတ်ကြတယ်။

➡️ သူပြန်ချော့တာကို သင်ကလက်မခံဘဲ ရုတ်တရက်အော်ဟစ်လိုက်တာ၊ ရိုက်လိုက်တာမျိုးဆိုရင်တော့ မျက်နှာငယ်နဲ့ ချောင်တစ်ခုခုနား ခွေပြီး သင့်ကို ပြန်စိတ်ကောက်သွားကြမှာ ဖြစ်ပါတယ် 😆

အဲ့တာကြောင့် ကိုယ်က ပြန်ချော့ရမဲ့အဖြစ်မျိုးမကြုံရအောင် သူတို့လာချော့ကတည်းက စိတ်ဆိုးပြေလိုက်ကြပါနော် 😂🩵

သင့်‌ခွေးလေးနဲ့ အတွေ့အကြုံတွေကိုလည်း ပြန်လည်ရင်ဖွင့်သွားနိုင်ပါတယ် ✨

Comment

32 w - Translate

လာမည့် (၅) ရက်စာ မိုးလေဝသ အစီရင်ခံစာ
================================
၁၃၈၇ ခု၊ ဝါဆိုလပြည့်ကျော် ၁ ရက်
==========================
၂၀၂၅ ခုနှစ်၊ ဇူလိုင်လ ၁၀ ရက်
======================
၁။ တိုင်းနှင့်ပြည်နယ်တို့၏ မိုးလေဝသအခြေအနေ
===================================
၁၁-၀၇-၂၀၂၅ ရက်နေ့အတွက် ခန့်မှန်းချက်
===============================
မန္တလေးတိုင်းဒေသကြီးနှင့် မကွေးတိုင်းဒေသကြီးတို့တွင် နေရာကွက်ကျား၊ စစ်ကိုင်းတိုင်းဒေသကြီး အောက်ပိုင်း၊ ပဲခူးတိုင်းဒေသကြီး အနောက်ပိုင်းနှင့် ကချင်ပြည်နယ်တို့တွင် နေရာကျဲကျဲ၊ ကျန်တစ်ပြည်လုံးတွင် နေရာစိပ်စိပ် မိုးထစ်ချုန်းရွာပြီး ပဲခူးတိုင်းဒေသကြီး တောင်ပိုင်း၊ ရှမ်းပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်သည်။

၁၂-၀၇-၂၀၂၅ ရက်နေ့အတွက် ခန့်မှန်းချက်
===============================
နေပြည်တော်၊ စစ်ကိုင်းတိုင်းဒေသကြီး အောက်ပိုင်း၊ မန္တလေးတိုင်းဒေသကြီးနှင့် ကယားပြည်နယ်တို့တွင် နေရာကွက်ကျား၊ မကွေးတိုင်းဒေသကြီးတွင် နေရာကျဲကျဲ၊ ကျန်တစ်ပြည်လုံးတွင် နေရာစိပ်စိပ် မိုးထစ်ချုန်းရွာပြီး ပဲခူးတိုင်းဒေသကြီး တောင်ပိုင်း၊ ရှမ်းပြည်နယ်၊ ရခိုင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်သည်။

၁၃-၀၇-၂၀၂၅ ရက်နေ့အတွက် ခန့်မှန်းချက်
===============================
စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး တောင်ပိုင်း၊ ရန်ကုန်တိုင်းဒေသကြီးနှင့် ချင်းပြည်နယ်တို့တွင် နေရာကျဲကျဲ၊ ကျန်တစ်ပြည်လုံးတွင် နေရာစိပ်စိပ် မိုးထစ်ချုန်းရွာပြီး ရှမ်းပြည်နယ်နှင့် ရခိုင်ပြည်နယ်တို့တွင် နေရာကွက်၍ မိုးကြီးနိုင်သည်။

၁၄-၀၇-၂၀၂၅ ရက်နေ့အတွက် ခန့်မှန်းချက်
===============================
စစ်ကိုင်းတိုင်းဒေသကြီး အောက်ပိုင်း၊ မန္တလေးတိုင်းဒေသကြီးနှင့် တနင်္သာရီတိုင်းဒေသကြီးတို့တွင် နေရာကွက်ကျား၊ မကွေးတိုင်းဒေသကြီးတွင် နေရာကျဲကျဲ၊ ကျန်တစ်ပြည်လုံးတွင် နေရာစိပ်စိပ် မိုးထစ်ချုန်းရွာပြီး ရှမ်းပြည်နယ်တွင် နေရာကွက်၍ မိုးကြီးနိုင်သည်။

၁၅-၀၇-၂၀၂၅ ရက်နေ့အတွက် ခန့်မှန်းချက်
===============================
နေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီးအနောက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီးနှင့် ရှမ်းပြည်နယ် တောင်ပိုင်းတို့တွင် နေရာကွက်ကျား၊ ကယားပြည်နယ်နှင့် ရခိုင်ပြည်နယ်တို့တွင် နေရာကျဲကျဲ၊ ကျန်တစ်ပြည်လုံးတွင် နေရာစိပ်စိပ် မိုးထစ်ချုန်းရွာပြီး စစ်ကိုင်းတိုင်းဒေသကြီး အထက်ပိုင်းနှင့် ရှမ်းပြည်နယ်တို့တွင် နေရာကွက်၍ မိုးကြီးနိုင်သည်။

၂။ မြန်မာ့ပင်လယ်ပြင်အခြေအနေ
=========================
ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေ အားအသင့်အတင့် ရှိမည်။ ဘင်္ဂလားပင်လယ်အော်မြောက်ပိုင်းတွင် လေဖိအားနည်းရပ်ဝန်း တစ်ကြိမ် ဖြစ်ပေါ်နိုင်သည်။

မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများ ကျရောက်ပြီး လှိုင်းအသင့်အတင့်မှ လှိုင်းကြီးနိုင်သည်။ မိုးသက်လေပြင်းကျစဉ် ရေပြင်မြေပြင်လေသည် တစ်နာရီလျှင် မိုင် (၃၀) မှ (၃၅) မိုင်အထိ ရှိနိုင်ပြီး လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် (၅) ပေမှ (၁၀) ပေခန့် ရှိနိုင်ပါသည်။

၃။ မေးမြန်းဖြေကြား မိုးလေဝသအခြေအနေများ
===================================
ယခင် (၅) ရက်တာအတွင်း မေးမြန်းထားသော မေးခွန်းများ မရှိခဲ့ပါ။

ကိုယ်စိတ်နှစ်ဖြာ ကျန်းမာရွှင်လန်းကြပါစေ...

ထူးခြားမိုးလေဝသသတင်းများ အချိန်နှင့်တပြေးညီ သိရှိနိုင်ရန် မိုးလေဝသမြန်မာ ရန်ကုန်ဌာနခွဲ Page အား Follow ပြုလုပ်ထားနိုင်ပါသည်။

တာဝန်ခံ
ဒေါက်တာ အောင်ဇော်ဦး (တာဝန်ခံဋ္ဌာနမှူး)
မိုးလေဝသနှင့်ဇလဗေဒညွှန်ကြားမှုဗဟိုဋ္ဌာန

တွဲဖက်တာဝန်ခံ
ဒေါက်တာ စိုင်းခွန်အာကာ (စီမံညွှန်ကြားရေးမှူး)
မြန်မာနိုင်ငံကိုယ်စားပြုဋ္ဌာန
credit....