POL 🌳 nature

ပူတင်နှင့်တွေ့ဆုံရန် ဆန္ဒရှိကြောင်း ထရမ့် ပြော

ဝါရှင်တန်၊ ဇန်နဝါရီ ၂၅

ရုရှားသမ္မတ ဗလာဒီမာပူတင် (Vladimir Putin) နှင့် တွေ့ဆုံရန် ဆန္ဒရှိကြောင်းနှင့် ယူကရိန်း-ရုရှားစစ်ပွဲကို အမြန်ဆုံး ရပ်တန့်စေလိုကြောင်း အမေရိကန်သမ္မတ ဒေါ်နယ်ထရမ့် (Donald Trump) က ပြောကြားခဲ့ကြောင်း ရိုက်တာမှ ဖော်ပြခဲ့သည်။

ထရမ့်သည် ပြီးခဲ့သည့်နှစ် နိုဝင်ဘာ ၅ ရက်က ပြုလုပ်သည့် သမ္မတရွေးကောက်ပွဲမတိုင်မီ ကတည်းက သူသမ္မတ အဖြစ် စတင်တာဝန်ထမ်းဆောင်သည့် နေ့မှာပင် ရုရှား-ယူကရိန်းစစ်ပွဲကို အဆုံးသတ်ရန် ကြားဝင်ဆောင်ရွက် ပေးမည်ဟု ပြောကြားခဲ့သည်။

သို့သော် ယခုတွင်မူ ရုရှား-ယူကရိန်းစစ်ပွဲကို လနှင့်ချီ အချိန်ယူပြီး အဆုံးသတ်ရနိုင်ကြောင်း ထရမ့်၏ အကြံပေး များက ပြောကြားခဲ့သည်။

“သမ္မတပူတင်နဲ့ တွေ့ဆုံပြီး စစ်ပွဲကို အမြန်ဆုံး ရပ်တန့်စေချင်ပါတယ်”ဟု ထရမ့်က ဆွစ်ဇာလန်နိုင်ငံ၊ ဒါးဗို့စ် (Davos) မြို့တွင် ပြုလုပ်သည့် ကမ္ဘာ့စီးပွားရေးဖိုရမ်၌ ဗွီဒီယိုဆက်သွယ်မှုမှတဆင့် ပြောကြားခဲ့သည်။

“စစ်ပွဲကို အဆုံးသတ်ဖို့အတွက် စီးပွားရေး ရှုထောင့်ကနေကြည့်တာ မဟုတ်ပါဘူး။ သန်းနဲ့ချီတဲ့ လူ့အသက်တွေ ဆုံးရှုံးရနိုင်တယ်ဆိုတဲ့ ရှုထောင့်က ကြည့်ရမှာဖြစ်ပါတယ်။ အဲဒါကြောင့် စစ်ပွဲကို အဆုံးသတ်ဖို့ လိုအပ်ပါတယ်”ဟု ထရမ့်က ပြောကြားခဲ့သည်။

“ကျနော် ကြားရတာကတော့ ပူတင်ကလည်း ကျနော်တို့ကို တွေ့ချင်နေတယ်တဲ့။ အဲဒါကြောင့် ကျနော်တို့ အမြန်ဆုံးတွေ့နိုင်မှာပါ။ ကျနော်ကတော့ ချက်ချင်းတောင် တွေ့ချင်ပါသေးတယ်။ ကျနော်တို့နှစ်ယောက် မတွေ့မချင်း စစ်မြေပြင်မှာ စစ်သားတွေ နေ့စဉ်သေဆုံးနေကြမှာပါ” ဟု ထရမ့်က ပြောကြားခဲ့သည်။
ယူကရိန်းသမ္မတ ဇာလန်းစကီးကလည်း စစ်ပွဲကို အဆုံးသတ်ရန် သဘောတူညီချက်ရရှိရန် အသင့်ဖြစ်နေသည်ဟု မိမိအားပြောခဲ့ကြောင်း ထရမ့်က ပြောသည်။

အမေရိကန်သည် ရုရှားနှင့် ယူကရိန်းအကြား ငြိမ်းချမ်းရေး ဆွေးနွေးညှိနှိုင်းမှုများ ဖြစ်မြောက်စေရန် လုပ်ဆောင် နေကြောင်း ဒါ့ဗို့စ် အစည်းအဝေးတွင် ပြောကြားခဲ့သော်လည်း အသေးစိတ် ထုတ်ပြန်ခဲ့ခြင်းမရှိပေ။

ယခုသီတင်းပတ် အစောပိုင်းတွင်မူ ထရမ့်က ရုရှားအနေဖြင့် ယူကရိန်းနှင့် ငြိမ်းချမ်းရေး သဘောတူညီချက် မပြုလုပ်ပါက ရုရှားအပေါ် ပိတ်ဆို့မှုများ ချမှတ်မည်ဖြစ်ပြီး ရုရှား၏ ပို့ကုန်များအပေါ် အခွန်တိုးမြှင့် ကောက်ခံသွား မည်ဟု ခြိမ်းခြောက်ခဲ့သည်။

Source: ရိုက်တာ

ပုံ - ဒေါ်နယ်ထရမ့်နဲ့ ပူတင်ကို တွေ့ရစဉ်

#centralnewsnaypyitaw

နိုင်ငံတည်ငြိမ်ရေး လုပ်သင့်သောကိစ္စများ နိုင်ငံရေးပါတီနှင့် NSPNC ဆွေးနွေး

ဇန်နဝါရီ ၂၅

နိုင်ငံတော်တည်ငြိမ် အေးချမ်းသာယာမှုရှိအောင် လုပ်ဆောင်သင့်သော အစီအမံများအား နိုင်ငံရေးပါတီများ အစုအဖွဲ့၏ အလုပ်အဖွဲ့နှင့် အမျိုးသားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်မှုညှိနှိုင်းရေးကော်မတီ (NSPNC)တို့ တွေ့ဆုံဆွေးနွေးကြသည်။

၂၀၂၅ ခုနှစ်၊ ဇန်နဝါရီ ၂၄ ရက်က နေပြည်တော်မှာ တွေ့ဆုံ ဆွေးနွေးခဲ့ကြခြင်း ဖြစ်သည်။

အဆိုပါ တွေ့ဆုံပွဲတွင် နိုင်ငံရေးပါတီ အစုအဖွဲ့၏ အလုပ်အဖွဲ့ ပြင်ဆင်ဖွဲ့စည်းမည့် အခြေအနေများ၊ ၂၀၂၅ ခုနှစ်မှာ ရွေးကောက်ပွဲဆိုင်ရာကိစ္စရပ်များ ပြင်ဆင်နိုင်ရေး ဆွေးနွေးခဲ့ကြသည်။

အလားတူ နိုင်ငံတော်တည်ငြိမ် အေးချမ်းသာယာမှုရှိအောင် လုပ်ဆောင်သင့်သော အစီအမံများအား အကြံပြု ဆွေးနွေးကြခြင်း၊ ပြည်သူများ၏ လိုအပ်ချက်များကို ဥပဒေကြောင်းအရ ဖြည့်ဆည်းပေးနိုင်ရေးကိစ္စရပ်များ၊ လက်ရှိ နိုင်ငံရေး အခင်းအကျင်းနှင့်အစိုးရ-တပ်မတော်-ပြည်သူလက်တွဲပြီး ကျော်လွှားနိုင်ရေးကိစ္စများကိုလည်း ဆွေးနွေးခဲ့ကြသည်။

ထို့နောက် နိုင်ငံရေးဝါဒမှိုင်းများကြောင့် ဖြစ်ပေါ်လာသည့် PDF များကို နိုင်ငံတော်ရင်ခွင်သို့ ပြန်လည်ဝင်ရောက်မှု များပြားလာရေး အကြံပြုတင်ပြခြင်းကိစ္စရပ်များ၊ ပြည်သူ့စစ်မှုထမ်းဥပဒေအရ အရေအတွက် တိုးမြှင့်ခေါ်ယူရေး အကြံပြုချက်များအား ဆွေးနွေးခဲ့ကြသည်။

လက်ရှိ မြန်မာနိုင်ငံတစ်ဝှမ်းတွင် လက်နက်ကိုင်အင်အားစုများနှင့် မြန်မာ့တပ်မတော်ကြား တိုက်ပွဲများ ပြင်းထန် စွာဖြစ်ပွားနေပြီး မြန်မာ့တပ်မတော်က ရမခနှင့် နပခ စစ်တိုင်းဌာနချုပ် ၂ ခုအပါအဝင် စစ်စခန်းပေါင်း ရာချီနှင့် မြို့နယ် ၉၀ ကျော်ကို လက်လွတ်ထားရသည်။

အလားတူ ရန်ကုန်၊မန္တလေး၊ နေပြည်တော်များတွင်လည်း ခိုးဆိုးလုနှိုက်မှုများနှင့် ဓားပြတိုက်မှုများ ဖြစ်ပေါ်နေ သလို လူငယ်များ ပျောက်ဆုံးမှုများဖြစ်ပေါ်ကာ တရားဥပဒေစိုးမိုးရေး အားနည်းလျက်ရှိနေသည်။

#သတင်းဟင်းလေးအိုးကြီး

အဆိုတော် မာရဇ္ဇရဲ့ နောက်ဆုံးခရီးမြင်ကွင်း.....
အဆိုတော် မာရဇ္ဇကတော့ သူချစ်တဲ့ ဂီတလောကကြီးနဲ့ သီချင်းချစ်သူတွေကို ထာဝရနှုတ်ဆက် ထွက်ခွာသွားပြီဖြစ်ပါတယ်။ အဆိုတော် မာရဇ္ဇရဲ့ နောက်ဆုံးခရီးကို ဇန်နဝါရီ (၂၅) ရက်နေ့ နေ့လည် (၂)နာရီက ရေဝေးသုသာန်မှာ ပြုလုပ်ခဲ့ပြီး ဂီတလောက က အနုပညာရှင်များ၊ မိတ်ဆွေများ၊ သီချင်းချစ်သူ ပရိသတ်များက လိုက်ပါပို့ဆောင်ပေးခဲ့ကြပါတယ်။

Hello

Football Update News

မန်ချက်စတာစီးတီးအသင်းက ဖရန့်ဖတ်အသင်းတိုက်စစ်ကစားသမား အိုမာလ်မာမွတ်ချ်ကိုအသင်းဆီ ၄ နှစ်သက်တမ်းရှိစာချုပ်နဲ့အတူခေါ်ယူနိုင်ခဲ့ကြောင်း တရားဝင်ထုတ်ပြန်ကြေငြာလိုက်ပါတယ်။

အသက် ၂၅ နှစ်အရွယ်တိုက်စစ်ကစားသမားဟာ အကောင်းမွန်ဆုံးခြေစွမ်းတွေပြသထားနိုင်ခဲ့တာကြောင့်ဒီရာသီကာလမှာ ပြိုင်ပွဲစုံ ၂၆ ပွဲပါဝင်ကစားထားခဲ့ရာမှာ ၂၀ ဂိုးသွင်းပြီး ၁၄ ဂိုးဖန်တီးထားနိုင်ခဲ့ပါတယ်။

မန်စီးတီးအသင်းဆီပြောင်းရွှေ့လာဖို့အတွက်တော့ ကျောနံပါတ် ၇ ဝတ်ဆင်ကစားရမှာဖြစ်တာနဲ့အတူ အပိုထောင်ဆောင်းငွေ ယူရို ၅ သန်းအပါအဝင် ပြောင်းရွှေ့ကြေး ယူရို ၇၅ သန်းအထိရှိခဲ့တာဖြစ်ပါတယ်။ဒါ့အပြင်ကစားသမားအနေနဲ့ ဗီတော်လ်အက်စ်နဲ့ကူဆာနော့ဖ်တို့ပြီးနောက် ဇန်နဝါရီကာလမှာစျေးကွက်မှာအသင်းဆီရောက်လာတဲ့ ၃ ယောက်မြောက်ကစားသမားလည်းဖြစ်ပါတယ်။

ဒီဟာက ကျနော်မေ့လို့မရတဲ့နေ့ပါပဲ့။
ကမ္ဘာ့အကောင်းဆုံးအသင်းတသင်းဖြစ်တဲ့မန်ချက်စတာစီးတီးအသင်းနဲ့စာချုပ်လက်မှတ်ထိုးရတာကောင်းမွန်တဲ့ခံစားမှုပါပဲ့။ကျနော်အရမ်းဝမ်းသာပြီး ကျနော့်မိသားစုကလည်းဂုဏ်ယူနေပါတယ်။ငါတို့အားလုံးမန်စီးတီးအသင်းဆီလာရတာအရမ်းပျော်ရွှင်ပါတယ်။

အဂ်လန်မှာအောင်မြင်မှုကိုနှစ်ပေါင်းများစွာရယူထားနိုင်ဆုံးအသင်းဖြစ်တဲ့မန်ချက်စတာစီးတီးအသင်းနဲ့ချန်ပီယံဆုရယူချင်တယ်ဆိုတာကျနော်မငြင်းပါဘူး။ဒါကြောင့် ကျနော့်အနေနဲ့ အနိုင်ရသူတွေရဲ့ပတ်ဝန်းကျင်ကိုဝင်ရောက်နေပြီဆိုတာကျနော်သိပါတယ်။အသင်းဖော်တွေနဲ့အသင်းအဖွဲ့ဝင်တွေဆီကနေကျနော်သင်ယူချင်ပြီး ကျနော်ဒီအသင်းရဲ့အစိတ်အပိုင်းတခုဖြစ်ချင်ပါတယ်။

ကျနော်ပွဲထွက်ကစားဖို့အာရုံစိုက်ထားပြီးတော့ အသင်းပရိသတ်တွေနဲ့တခြားသူတွေကိုမြင်အောင်ပြသဖို့ရည်မှန်းထားပါတယ်။မန်စီးတီးအသင်းအနေနဲ့ကျနော်ဘာလုပ်ဆောင်နိုင်သလဲဆိုတာမြင်ခဲ့ပါတယ်လို့ ကစားသမားအနေနဲ့ထုတ်ဖော်ဖွင့်ဟပြောဆိုလာခဲ့ပါတယ်။
 
#ဘောလုံးသတင်းစုံ

မြ၀တီ နယ်စပ်ဒေသတွေကို အင်တာနက်လိုင်းတွေ ဖြတ်တောက်ဖို့ ထိုင်းအစိုးရ စီစဉ်

ဘန်ကောက်၊ ဇန်နဝါရီ ၂၅

ထိုင်းနိုင်ငံဟာ ဆိုက်ဘာရာဇဝတ်မှုတွေကို ဖြိုခွင်းဖို့ အားထုတ်မှုအဖြစ် ထိုင်း-မြန်မာနယ်စပ်ရှိ မြန်မာနယ်စပ်မြို့ ဒေသတွေကို လျှပ်စစ်ဓါတ်အားပေးတာတွေကို ပြီးခဲ့တဲ့နှစ် ဇွန်လကတည်းက ဖြတ်တောက်ထားတယ်လို့ ထိုင်းကာကွယ်ရေးဝန်ကြီး ဖွမ်သမ်ဝီချာရာချိုင်းက မနေ့က ထုတ်ဖော်ပြောကြားလိုက်ပါတယ်။

ကရင်ပြည်နယ် မြ၀တီ ရွှေကုက္ကိုလ်နဲ့ KK Park တို့လို ကာစီနိုနဲ့အွန်လိုင်း လောင်းကစားတွေနဲ့ ရာဇဝတ်မှုထူပြောရာနေရာတွေမှာ ဒီလုပ်ငန်းတွေအဆင်ပြေစေဖို့ အိမ်နီးချင်းနိုင်ငံက လျှပ်စစ်နဲ့ အင်တာနက်တွေ ရရှိနေတယ်လို့ မြန်မာဘက်က ပြောဆိုပြီးနောက် ဒီကိစ္စအပေါ် ထိုင်းကာကွယ်ရေးဝန်ကြီးက ငြင်းဆိုထားပါတယ်။

ထိုင်းနိုင်ငံဟာ အမှတ် ၂ ချစ်ကြည်ရေးတံတား၊ မြ၀တီနယ်စပ် မဲရမက်နဲ့ မဲဆောက်ခရိုင်တို့ကို အရင်က လျှပ်စစ်မီးပေးခဲ့ပေမယ့် တရုတ်သရုပ်ဆောင်တယောက် လူကုန်ကူး အဖမ်းခံရမှုအပါအဝင် အွန်လိုင်း ကျားဖြန့်လုပ်ငန်းတွေရဲ့ ခြိမ်းခြောက်မှုတွေ တိုးပွားလာပြီးနောက် ဒီလုပ်ငန်းတွေကို ပစ်မှတ်ထား ဖြတ်တောက်လိုက်တာလို့ ထိုင်းကာကွယ်ရေး ဝန်ကြီးကပြောပါတယ်။

ဒါအပြင် နှစ်နိုင်ငံနယ်စပ်မှာ တရားမဝင်အင်တာနက် ဆက်သွယ်ရေးကြိုးတွေနဲ့ ကိရိယာတွေကိုလည်း ဖျက်သိမ်းခဲ့ပြီး အင်တာနက်ကုမ္ပဏီတွေနဲ့ ပူးပေါင်းကာ မြန်မာနယ်စပ်မြို့တွေကို အင်တာနက်ဆက်သွယ်ရေးတွေ မကြခင်ဖြတ်တောက်ဖို့ စီစဉ်နေတယ်လို့ ထိုင်းကာကွယ်ရေးဝန်ကြီးက အတည်ပြု ပြောဆိုပါတယ်။

ချစ်ကြည်ရေးတံတားနဲ့ မြ၀တီနယ်စပ်မှာ ဒေသသုံးအတွက် လျှပ်စစ်ဓါတ်အား ခွင့်ပြုထားပေမယ့် မဲရမက်နဲ့ မဲဆောက်ခရိုင်ကနေ ဖြတ်ကျော်ပေးတဲ့ နယ်စပ်ဒေသတွေကို ပြီးခဲ့တဲ့နှစ် ဇွန် ၅ ရက်ကတည်းက ဓါတ်အားဖြတ်တောက်ထားတယ်လို့ သူကဆိုပါတယ်။

ပြသနာကို ဖြေရှင်းဖို့အတွက် တရုတ်၊ မြန်မာ၊ ထိုင်းတို့ပူးပေါင်းပြီး ရွှေကုက္ကိုလ်သို့ သွားရောက်မယ့်သူတွေကို လူဝင်မှုကြီးကြပ်ရေး လုပ်ထုံးလုပ်နည်းတွေ တင်းကြပ်ဖို့ လိုအပ်တယ်လို့လည်း သူက ထောက်ပြပြောဆိုထားပါတယ်။

Ref:The The Nation
Photo:The Nation

#centralnewsnaypyitaw

ပန်ဝါဘက်မှာ ကေအိုင်အေက စစ်သားစုဆောင်းမှုတွေကြောင့် ခရီးသွားနဲ့ ကားသမားတွေပါ အခက်ကြုံ

ဇန်နဝါရီ ၂၅

ကချင်ပြည်နယ်၊ ပန်ဝါဘက် ဒီရက်ပိုင်း‌ေတွမှာ ကေအိုင်အေက စစ်သား စုဆောင်း လူခေါ် နေတာကြောင့် ခရီးသွားနဲ့ ကားသမားတွေပါ အခက်ကြုံနေရကြောင်း ကားသမားတွေနဲ့ ခရီးသွား တွေဆီက သိရပါတယ်။

"စစ်သား ခေါ်တာပေါ့။ ခရီးသည်တွေ၊ ဆိုင်ကယ်သမားတွေလည်း ဆိုင်ကယ်နဲ့ တယောက်ထဲ သွားရင် ဆိုင်ကယ်ရော မှတ်ပုံတင်ရော ဖုန်းရော သိမ်းတယ်။ လိုင်းကားနဲ့ ဆိုရင်လည်း လိုင်းကားပေါ် ယောက်ျားတွေ စစ်ဆေး ဖမ်းဆီးတာတွေရှိတယ်။" လို့ ကားကြီးသမား တယောက်က ပြောပါတယ်။

ကားကြီးနဲ့ ကတော့ ‌ယောက်ျားလေး နှစ်ယောက် သွားလို့ ရတယ်လို့ သူက ပြောပါတယ်။
ပန်ဝါဘက် တပ်သား စုဆောင်းတာ ရှိပေမယ့် ကံပိုင်တည်ဘက်ကတော့ တပ်သားစုဆောင်းတာ မရှိပဲ အေးအေးဆေးဆေး သွားလာလို့ရတယ်လို့ သူက ထပ်ပြောပြပါတယ်။

"ပန်ဝါလည်း အခြေအနေ မကောင်းဘူး။ ပန်ဝါလည်း။ တအားဆွဲတယ်။ ကျနော်တို့ မနေ့က လိုင်းကားနဲ့ တက်လာတာ ကံကောင်းတော့ ပန်ဝါ မရောက်ခင်မှာ သူငယ်ချင်းကို ဖုန်းဆက်လိုက်တော့ သူလည်း ဖမ်းခံရတာတဲ့။ အဆင်မပြေဘူးတဲ့။" လို့ ခရီးသွား တယောက်က ပြောပါတယ်။

ပန်ဝါ အဝင်ဂိတ်မှာ ၂ နေရာမှာ အရင်ရက် တက်လာတဲ့လူတွေကို ကေအိုင်အေဘက်ကအယောက် ၆၀ လောက်ဆွဲသွားပြီး ဆိုဒ် တွေထဲလည်း လိုက်ဆွဲတယ်လို့ သူက ပြောပါတယ်။

ကချင်အထူးဒေသ (၁) ဌာနချုပ်ရှိရာ ပန်ဝါမြို့ကို ၂၀၂၄ အောက်တိုဘာ ၁၈ ရက် နေ့ညက ကေအိုင်အေနဲ့ ပူးပေါင်း တပ်ဖွဲ့တွေက သိမ်းပိုက် ထိန်းခိုက်လိုက်တာ ဖြစ်ပါတယ်။

Photo Crd#ဒေသခံ

Credit - VOM News Agecy

#သတင်းဟင်းလေးအိုးကြီး

မိခင်ဖြစ်သူနဲ့အတူ ကုသိုလ်အလှူပြုခဲ့တဲ့ ခိုင်သင်းကြည် 🙏🙏🙏

ဆွမ်းခံကြွ သံဃာတော်တွေကို ဆွမ်း၊ အချိုရည် ၊ ဝတ္ထုငွေတို့ကို ကပ်လှူခဲ့တာပါ။ ခိုင်သင်းကြည်ဟာ လွန်ခဲ့တဲ့နှစ်ပိုင်းကမှ ဖခင်ဖြစ်သူကို ဆုံးရှုံးထားရပြီး မိခင်၊ သမီးတို့နဲ့အတူ ကျန်ရှိနေထိုင်နေတာပါ။ မိခင်ဖြစ်သူနဲ့အတူ အလှူအတန်းတွေကို ပြုလုပ်လျက်ရှိကာ ပရိသတ်များ မုဒိတာပွားနိုင်အောင် မျှဝေပေးထားတာလည်း ဖြစ်ပါတယ်။

အိုစာသွားလိုက်တာ ရုပ်ပျက်နေပြီလို့ ပြောနေကြသူတွေကို သူ့ရဲ့ စိတ်ဒဏ်ရာတွေအကြောင်းကြောင့် ပြောပြလိုက်တဲ့ ဗညားဘုန်းပြည့် 😢

သူ့ရဲ့ဘေးနားက လူတွေကလည်း အဖိုးကြီးနဲ့တူနေပြီလို့ပါ ပြောကြတယ်လို့ ဆိုပါတယ်။ ယခုအချိန်ဟာ သူ့အတွက် ဘာမှမစဉ်းစားမိအောင် ဖြတ်သန်းနေရတဲ့အချိန်တွေဖြစ်ပြီး သူ့စိတ်ကိုသူပျော်အောင် ရှာကြံနေရတဲ့အချိန်ဖြစ်တယ်လို့ဆိုပါတယ်။ အကျဉ်းထောင်ထဲကနေ လွတ်မြောက်လာခဲ့တဲ့သူ့အတွက်တော့ စိတ်ဒဏ်ရာတွေဟာ အချိန်တစ်ခုထိကျန်ရှိနေဦးမှာပါ။ သူ့အနေနဲ့ အနုပညာအလုပ်တွေပြန်လုပ်ဖို့တောင် ယုံကြည်မှုမရှိသေးလို့ စိတ်ရော ရုပ်ပါပြန်လည်တည်ဆောက်နေရတဲ့အချိန်လို့ဆိုပါတယ်။ သူ့ကိုသူလည်း အကောင်းဆုံးပြန်လည်တည်ဆောက်ပြီး အမြန်ဆုံးပြန်လာမယ့်အကြောင်း အသိပေးထားပါတယ်။

#celecele