လေထုညစ်ညမ်းမှုဖြစ်စဥ်၌ ကရင်ပြည်နယ်နှင့် မွန်ပြည်နယ်တို့ပါဝင်လာနိုင်

မြန်မာနိုင်ငံနှင့် အိမ်နီးချင်း ထိုင်းနိုင်ငံ၌ဖြစ်ပေါ်နေသည့် လေထုညစ်ညမ်းမှုများကြောင့် လာမည့် ဖေဖော်ဝါရီ ၁ ရက်မှစတင်၍ ယင်း လေထုညစ်ညမ်းမှုဖြစ်စဥ်၌ ကရင်ပြည်နယ်နှင့် မွန်ပြည်နယ်တို့ပါဝင်လာနိုင်ကြောင်း သိရသည်။

ထိုသို့ ပါဝင်လာနိုင်ကြောင်းကို မွန်ပြည်နယ် က ရင်ပြည်နယ် မိုးလေဝသသတိပေးထုတ်ပြန်ချက်မှ ဇန်နဝါရီ ၂၈ ရက်က အသိပေးထုတ်ပြန်ခဲ့ခြင်းဖြစ်သည်။

အဆိုပါ ပြည်နယ်(၂)ခုအတွင်း လေထုညစ်ညမ်းမှုဖြစ်စဥ်အား အထူးသတိပြုရမည့်ဒေသများမှာ မော်လမြိုင်၊ ဇာသပြင်၊ ဂျိုင်းမြစ်ဝှမ်းဒေသများ၊ ကျိုက်မရော၊ မုဒုံ၊ ကတိုး၊ ပေါင်၊ သထုံ၊ ဘားအံ၊ ဘီးလင်း၊ ကျိုက်ထိုတို့ဖြစ်ကာ ယင်း ဒေသများတစ်ဝိုက်တွင် နံနက်ပိုင်းနှင့်ညနေပိုင်းတို့၌ လေထုညစ်ညမ်းမှုအန္တာရာယ် ကြုံတွေ့လာနိုင်သည်ဟု အသိပေးထုတ်ပြန်ခဲ့သည်။

ထို့ပြင် ထိုင်းနိုင်ငံတွင်လည်း လေထုညစ်ညမ်းမှုမှာ နေရာအနှံအပြားဖြစ်ပေါ်လာနိုင်ပြီး အထူးသဖြင့် ဘန်ကောက်မြို့တစ်ဝိုက်နှင့် အယုဒ္ဓယ၊ ချိုင်နက်၊ နခွန်ဆဝမ်၊ ပိကျစ်၊ ဟစ်ဆနူလော့၊ ခွန်ကန်၊ ကာလာဆင်၊ ပထုန်ဌာနီ၊ နခွန်နရတ်၊ ဆမွတ်ပရာကန်ဒေသများတစ်ဝိုက်၌ လေထုညစ်ညမ်းမှုအန္တ ရာယ်ပြင်းပြင်းထန်ထန်ကြုံတွေ့လာနိုင်မည်ဟုလည်း အသိပေးထုတ်ပြန်ခဲ့သည်။

ထို့ကြောင့် လေထုညစ်ညမ်းမှုအန္တရာယ်ကြုံတွေ့လာနိုင်မည့် ဒေသများတွင်နေထိုင်သူများအနေဖြင့် နှာခေါင်းစည်း(Mask)တပ်ဆင်၍ ဂရုစိုက်နေထိုင်ကြရန် တိုက်တွန်းနှိုးဆော်ထားသည်။

#လက်ပံပွင့် ဆေးဖက်ဝင်ပုံ
( ၁ ) ဆီးချိုရောဂါသမားအတွက် လက်ပံပွင့်ကိုပြုတ်စားပါ။လက်ပံပွင်ကိုဟင်းချိုချက်စားပါ။
( ၂ ) သွေးတိုးရောဂါသမားအတွက် ဇီသီးနဲလက်ပံပွင်ရောပြီးဟင်းချိုချက်စားပါ။
( ၃ ) မီးယပ ်ရောဂါသမားအတွက် လက်ပံအခေါက်ပြုတ်ပြီးသောက်ပါ။
( ၄ ) လေးဖက်နားသမားအတွက် လက်ပံပင်အမြစ်ကိုသွေးပြီးသောက်ပါ။ပြီးလျှင်ခြေဆစ် လက်ဆစ်ကို လိမ်းပေးပါ။
#ကျန်းမာရေးဗဟုသုတ

၂၄နာရီအတွင်း
ရှမ်းပြည်နယ်တောင်ပိုင်း ရှမ်းပြည်နယ်မြောက်ပိုင်းဒေသတွေမှာ မိုးနှင်းမိုးတွေအနည်းငယ်ရွာနိုင်ပြီး
နေပြည်တော်ဧရိယာ ပဲခူးတိုင်း ဧရာဝတီတိုင်း ဒေသတွေမှာ နေရာကျဲကျဲ မိုးအနည်းငယ်ရွာနိုင်ပါတယ်
ISSUED TIME
30/01/2025 8:23am(MMT)

ဝါရှင်တန်တွင် ခရီးသည်လေယာဉ်နှင့် စစ်ရဟတ်ယာဉ် တိုက်မိ
------------------------
အမေရိကန်ပြည်ထောင်စု ဝါရှင်တန်မှာရှိတဲ့ ရီဂင် အမျိုးသားလေဆိပ်အနီးမှာ ဗုဒ္ဓဟူးနေ့က အမေရိကန် ဘလက် ဟော့ခ် စစ်ရဟတ်ယာဉ်နဲ့ ခရီးသည်တင် လေယာဉ်တစ်စင်း ဝေဟင်မှာ တိုက်မိမှုဖြစ်ပွားခဲ့တယ်လို့ ဖယ်ဒရယ် လေကြောင်း အုပ်ချုပ်ရေးနဲ့ ကာကွယ်ရေးတာဝန်ရှိတွေက ပြောပါတယ်။

ခရီးသည်တင်လေယာဉ်ဟာ လေဆိပ်ရဲ့ လေယာဉ်ပြေးလမ်းကို ဆင်းသက်ဖို့ ချဉ်းကပ်လာချိန်မှာ အခုလို စစ်ရ ဟတ်ယာဉ်နဲ့ တိုက်မိခဲ့တာပါ။ လတ်တလောမှာ ထိခိုက်သေဆုံးမှုကို မသိရသေးပါဘူး။ အဲဒီခရီးသည်တင် လေ ယာဉ်ဟာ လေကြောင်းအမှတ် ၅၃၄၂ ဖြစ်ပြီး ကန်ဆပ်စ် ပြည်နယ် ဝီချစ်တာ ကနေ ထွက်ခွာလာခဲ့တဲ့ လေယာဉ် ဖြစ်တယ်လို့ လေကြောင်း အာဏာပိုင်တွေက ပြောပါတယ်။ အိမ်ဖြူတော်ကလည်း အဲဒီမတော်တဆဖြစ်စဉ်မှာ စစ်ရဟတ်ယာဉ်တစ်စင်းလည်း ပါဝင်ခဲ့တယ်လို့ အတည်ပြုထားပါတယ်။

ဒီဖြစ်စဉ်ကြောင့် ရီဂင် အမျိုးသားလေဆိပ်မှာ လေယာဉ် အတက်အဆင်း အားလုံးကို ရပ်နားထားလိုက်ရပြီး အရေး ပေါ်ကယ်ဆယ်ရေးသမားတွေက လေယဉ်မတော်တဆဖြစ်စဉ်ကိုသွားရောက်ပြီး ကယ်ဆယ်တုံ့ပြန်ရေးလုပ်ငန်း တွေ ဆောင်ရွက်နေပါတယ်။ လေဆိပ် ပင်မအဆောက်အဦကိုတော့ ဆက်လက် ဖွင့်ထားဆဲဖြစ်တယ်လို့ ရီဂင် အမျိုးသားလေဆိပ်က ထုတ်ပြန်ထားပါတယ်။

ChatGPT ထက် လူသုံးပိုများလာတဲ့ တရုတ်ထုတ် DeepSeek
====================================
အမေရိကန် ကုမ္ပဏီတွေ ကြီးစိုးနေတဲ့ AI လောကကို တရုတ်က အမှီလိုက်လာပါတယ်။ ပြီးခဲ့တဲ့ ၂ ပတ်ကမှ ထွက်ထားတဲ့ တရုတ် ကုမ္ပဏီထုတ် DeepSeek ဟာ Apple App Store မှာ ChatGPT ထက် လူသုံးပိုများလာပါတယ်။ အကောင်းဆုံး အခမဲ့ App စာရင်းမှာ ထိပ်ဆုံးနေရာကို ရောက်လာပါတယ်။
AI ကို Train လုပ်ရတာ ဒေါ်လာ ဘီလီယမ်နဲ့ချီပြီး ကုန်ကျပါတယ်။ DeepSeek ကို ဒေါ်လာ ၆ သန်းနဲ့ Train ခဲ့တာလို့ တီထွင်ထားသူတွေက ပြောတဲ့အတွက် ကုန်ကျစားရိတ်တော်တော်သက်သာပါတယ်။ တီထွင်သူတွေက DeepSeek ကို DeepSeek V3 Model က မောင်းနှင်ထားတာဖြစ်တယ်လို့ ပြောပါတယ်။ အဲဒီ Model ကို လေ့ကျင့်သင်ကြားဖို့ Nvidia H800 Chip ကို အသုံးပြုထားတယ်လို့ ပြောပါတယ်။
အမေရိကန် အစိုးရဟာ အဆင့်မြင့် AI Chip တွေကို တရုတ်ကို မရောင်းချဖို့ ပိတ်ပင်မှုတွေ ပြုလုပ်နေပါတယ်။ အဲဒီကြားထဲကပဲ တရုတ် AI တွေဟာ ခေါင်းထောင်ထလာကြပါတယ်။ AI ပြိုင်ပွဲမှာ အမေရိကန်နဲ့ တရုတ်တို့ ဘယ်သူ သာသွားမလဲ ဆိုတာ စိတ်ဝင်တစား စောင့်ကြည့်ရမှာ ဖြစ်ပါတယ်။

၃၀ နှစ်အောက် ဘွဲ့ရများအတွက်
ဘေး/စီမံ ဌာနက အငယ်တန်းစာရေး
၃၃ နေရာ အလုပ်ခေါ်စာ

#govjob

*အရည်အသွေး ပြည့်ဝသော နိုင်ငံသားများ
တန်ဖိုးရှိသော လွတ်လပ်စွာ ပြောဆိုခြင်း ဖြစ်ဖို့ ပြောသူတွေမှာ အသိဉာဏ် အမြင် ပြည့်ဝဖို့ လိုသည်။
ထို့ကြောင့်လည်း ဒီမိုကရေစီ အခြေခိုင်လိုလျှင် တိုင်းပြည်၌ စာတတ်သူ၊ စာဖတ်သူ၊ ပညာအရည်အချင်းရှိသူတွေ များပြားဖို့လိုကြောင်း နိုင်ငံရေး ပညာရှင်တို့ အလေးအနက် ပြောကြခြင်း ဖြစ်သည်။
ဉာဏ်ပညာ ဗဟုသုတရှိသူ၊ ကြောင်းကျိုး ဆက်စပ် စဉ်းစားတတ်သူ၊ ပြဿနာရပ်တို့နှင့် စပ်လျဉ်း၍ အချက်အလက် စုံလင်စွာ သိရအောင် စူးစမ်း မေးမြန်း တတ်သူ၊ ..အဲသည်လို နားလည် ပါးလည်လူတွေ များပြားနေမှသာလျှင် တိုင်းပြည်အရေးကိစ္စများနှင့် စပ်လျဉ်း၍ လုပ်ဆောင်ခွင့် ရကြသူတို့ ချမှတ်သည့် ပေါ်လစီမူဝါဒများသည် သင့်တော်ကောင်းမွန်မှု ရှိမရှိ၊ ယင်းမူဝါဒများကို အကောင်အထည်ဖော်ရာ၌ ဖြောင့်မတ်မှန်ကန်မှု ရှိမရှိနှင့်၊ ထိရောက်စွာ ဆောင်ရွက်နိုင်စွမ်း ရှိမရှိတို့ကို စောင့်ကြည့်ကာ ထောက်ပြဝေဖန်ခြင်း၊ မိမိ အထောက်အကူပြုနိုင်သော နေရာများတွင် ပံ့ပိုးကူညီခြင်းများ ပြုလုပ်နိုင်ကြမည်ဖြစ်သည်။
ချုပ်ပြောသော် ဒီမိုကရေစီနိုင်ငံတို့၏ စွမ်းအားဟူသည် အများပြည်သူ တို့၏ လွတ်လပ်ပွင့်လင်းသော စကားများထဲတွင် ပါရှိလာသည့် များပြား စုံလင်သော အတွေးအမြင် အယူအဆများ၊ ကိန်းဂဏန်း အချက်အလက်များ၊ စိတ်ကူးစိတ်သန်းများ၊ အကြံဉာဏ် အမြော်အမြင်များကို အပြည့်ဝဆုံးရယူ သုံးစွဲနိုင်မှုပေါ်တွင် မူတည်သည်ဟု ဆိုနိုင်သည်။

ပေါက်လိုက်မှာနော်

ငယ်ဘဝကလပ်ထံ နေမာပြန်လာမယ်လို့ ဆန်းတို့စ်ဥက္ကဋ္ဌကြေညာ

ဇန်နဝါရီ ၃၀

ဆော်ဒီပရိုလိဂ်ကလပ် အယ်လ်ဟီလယ်အသင်းနဲ့ စာချုပ်ဖျက်သိမ်းခဲ့တဲ့ နေမာဟာ သူ့ရဲ့ငယ်ဘဝ ကလပ်ဖြစ်တဲ့ ဆန်းတို့စ်အသင်းထံ ပြန်လာမယ်လို့ ဘရာဇီးလ်ကလပ်ဥက္ကဋ္ဌက ဆိုရှယ်မီဒီယာကနေ ကြေညာခဲ့ပါတယ်။

မာဆယ်လိုတိုင်ဇီရာက “နေမာပြန်လာဖို့ အချိန်ရောက်ရှိလာပါပြီ။ မင်းရဲ့လူတွေဆီ မင်းပြန်လာဖို့ အချိန်ရောက်ရှိ လာပါပြီ။ ကျနော်တို့ရဲ့အိမ်၊ ကျနော်တို့ရဲ့ နှလုံးသားရှိတဲ့ ကလပ်ထံကိုပါ။ နေမာကို ကျနော်တို့ ကြိုဆိုပါတယ်။ အင်္ကျီအဖြူနဲ့အနက်ရောင်ကို ထပ်ပြီးဝတ်ဆင်ကာ ပျော်ပျော်ရွှင်ရွှင်နဲ့ ပြန်လာခဲ့ပါ။ ဆန်းတို့စ်တွေဟာ မင်းကို လက်နှစ်ဖက်နဲ့ ပွေ့ဖက်ပြီး ကြိုဆိုဖို့ စောင့်နေပါတယ်”လို့ ရေးသားခဲ့တာပါ။

နေမာဟာ အယ်လ်ဟီလယ်အသင်းမှာ ၁၇ လကြာရှိခဲ့ပေမယ့် ဒဏ်ရာတွေနဲ့ ရုန်းကန်ခဲ့ရပြီး ပြိုင်ပွဲစုံ ၇ ပွဲသာ ပါဝင်ကစားနိုင်ခဲ့ကာ ၁ ဂိုးသွင်းယူခဲ့ပါတယ်။

အယ်လ်ဟီလယ်အသင်းဟာ နေမာကို ဒီရာသီ ဆော်ဒီပရိုလိဂ်ပြိုင်ပွဲရဲ့ ဒုတိယရာသီဝက်မှာ အသင်းလူစာရင်းထဲ မထည့်သွင်းဖို့ ဆုံးဖြတ်ခဲ့ပြီးနောက် နှစ်ဦးနှစ်ဖက် ဆွေးနွေးမှုပြုလုပ်ကာ စာချုပ်ဖျက်သိမ်းခဲ့တာပါ။

နေမာဟာ အပြောင်းအရွှေ့အတွက် မေဂျာလိဂ်ကလပ် ချီကာဂိုအသင်းရဲ့ ချိတ်ဆက်မှုတွေကို ရရှိခဲ့ပေမယ့် ငယ်ဘဝကလပ် ဆန်းတို့စ်အသင်းထံ ပြန်လာဖို့ ဆုံးဖြတ်ခဲ့တာဖြစ်ပါတယ်။

ဆန်းတို့စ်အသင်းဟာ နေမာကို မကြာခင် ရက်ပိုင်းအတွင်းမှာ ကစားသမားသစ်အဖြစ် တရားဝင် မိတ်ဆက်သွားဖို့ ရှိနေပြီး နေမာဟာ ဘရာဇီးလ်ကလပ်မှာ ကျောနံပါတ် ၁၀ ဝတ်ဆင်မယ်လို့ သိရပါတယ်။

ဆန်းတို့စ်အသင်းမှာ ပရော်ဖက်ရှင်နယ် ကစားသမားဘဝကို စတင်ခဲ့တဲ့ နေမာဟာ ၂၀၀၉ ကနေ ၂၀၁၃ ခုနှစ်အထိ ပွဲပေါင်း ၂၂၅ ပွဲ ကစားခဲ့ပြီး ၁၃၆ ဂိုးသွင်းယူကာ ကိုပါလီဘာတေးဒိုးစ်ဆုဖလား အပါအဝင် ဆုဖလား ၆ လုံး ရယူနိုင် ခဲ့တာပါ။

နေမာဟာ ဆန်းတို့စ်အသင်းကနေ ထွက်ခွာပြီးနောက်မှာ ဘာစီလိုနာ၊ ပီအက်စ်ဂျီအသင်းတွေထံ ပြောင်းရွှေ့ခဲ့ပြီး ဆုဖလားအောင်မြင်မှု အများအပြား ရယူနိုင်ခဲ့ပေမယ့် အယ်ဟီလယ်အသင်းမှာတော့ ဒဏ်ရာတွေနဲ့ ရုန်းကန်ခဲ့ရပြီး စာချုပ်ဖျက်သိမ်းခဲ့ရတာ ဖြစ်ပါတယ်။

Source: ESPN

#ဘောလုံးသတင်းစုံ