Your Name (2016)
===============================
(Kimono Na wa)
ဒီကားကတော့ မသိတဲ့သူမရှိသလောက်ကို ရှားပါလိမ့်မယ်…
ကမ္ဘာအနှံအောင်မြင်မှုတွေရခဲ့ပြီး
Your Name ကြောင့် Anime ပရိသတ် ဖြစ်လာကြတဲ့သူတွေဒုနဲ့ဒေးပါပဲ…
ဒါပေမဲ့ အခုထိမကြည့်ရသေးတဲ့သူတွေ ရှိနေနိုင်သေးတာကြောင့် နည်းနည်းလောက် ပြန်ညွှန်းပါရစေ…
ဇာတ်လမ်းအစမှာ သဘာဝလွန်ဖြစ်ရပ်ဆန်းနဲ့ စတယ်…တိုကျိုမှာနေတဲ့ အထက်တန်းကျောင်းသားလေး
တာချီဘာနာ တကိ နဲ့ အိတိုမိုရိ ဆိုတဲ့ နယ်မြိုလေးက မိယမိဇု မိဆုဟ ဆိုတဲ့ ကောင်မလေးတိုဟာ ခန္ဓာကိုယ်ချင်းလဲသွားကြသတဲ့…
အမှန်က ခန္ဓာကိုယ်လဲတယ်ဆိုတာထက် စိတ်ချင်းလဲသွားတယ်ဆို ပိုမှန်ပါတယ်…
ဒါကို သူတိုတွေက အိပ်မက်လို ထင်နေကြပေမယ့် တကယ်ဖြစ်နေမှန်းသိတဲ့အခါမှာတော့
သူတိုနှစ်ယောက်လုံး ဒီအဖြစ်ဆန်းကြီးကို အဖြေရှာဖို ကြိုးစားကြပါတော့တယ်..
ဒါပေမဲ့ ပြသနာက ခန္ဓာကိုယ်ချင်း(စိတ်ချင်း)လဲတာတင် မဟုတ်ပဲ
သူတိုနှစ်ယောက်ရဲ့အချိန်တွေပါ လွဲနေတယ်ဆိုတာကို သိလိုက်ရတဲ့ အခါမှာတော့….
ဒီအချိန်လွဲတယ်ဆိုတဲ့ကိစ္စကြီးက ကြည့်ရတာနည်းနည်းတော့ ရှုပ်နိုင်တယ်…
မြင်အောင်ပြောပြရရင် အခုလက်ရှိ ပစ္စုပန်အချိန်နဲ့
ဟိုးအရင်အတိတ်အချိန် နှစ်ခု ထိပ်တိုက်တွေ့တဲ့သဘောပါပဲ…
ဒါကို ဇာတ်ကားထဲမှာ ပြန်ပြီးရှင်းပြထားတာကို တွေ့ရမှာပါ…
ဒီလို ထူးဆန်းမှုတွေနဲ့ ဆွဲဆောင်ထားတဲ့ ဒီဇာတ်ကားလေးက
ကျွန်တော်တိုကို တစ်ခုပြောသွားသေးတယ်ခင်ဗျ
“မှတ်ဉာဏ်တွေဟာ မေ့ပျောက်ဖိုလွယ်ပေမယ့်
နှလုံးသားကတော့ အမြဲအမှတ်ရနေမှာပါ”
ကျွန်တော်တို ဘဝမှာလည်း နှလုံးသားထောင့်တစ်နေရာက
တစ်ယောက်သောသူဆိုတာမျိုး ရှိနေတုန်း ရှိနေနိုင်သေးတယ်မဟုတ်လား??
ဦးနှောက်က မေ့သွား/မေ့ထား ပေမယ့် အဖြစ်အပျက်လေးတစ်ခုလောက်က
ရင်ကိုလှိက်ခနဲဖြစ်စေခဲ့တာမျိုးပေါ့…
ဒီကားရဲ့ဇာတ်ဝင်တေးတွေကလည်း ကောင်းမွန်ပြီး လှပတဲ့
အန်နီမေးရှင်း ပြကွက်တွေနဲ့ ဆွဲဆောင်ထားတာကို ခံစားရမှာပါ..
ကဲ အညွှန်းကလည်း နည်းနည်းရှည်သွားပြီမို
ဒီဇာတ်ကားလေးကို ကြည့်ရှုခံစားရင်း တစ်နေ့တာကို အရသာရှိရှိဖြတ်သန်းလိုက်ကြရအောင်
(ဒါနဲ့ ဒီဇာတ်ကားထဲမှာ The Garden Of Words (2013) ဇာတ်ကားထဲက
ဆရာမ ယူကာရီ က cameo အနေနဲ့ ပြန်လည်ပါဝင်ပါသေးတယ်..
ဒါ့အပြင် အခု Your Name ထဲက ဇာတ်ကောင်တွေဖြစ်တဲ့
တကိ..မိဆုဟ..ယော့ဆုဟ..တက်ရှီ..ဆယက တိုတတွေလည်း
Weathering With You (2019) မှာ cameo အဖြစ်
ပြန်လည်ပါဝင်ကြပါသေးတယ်..
သေချာလေးကြည့်ကြနော် 😉…ကဲ ခံစားကြည့်ရှုလိုက်ကြပါဦး)

ဇာတ်ကားလင့်
https://t.me/c/2186686827/360

Channel Join ရန်လင့်
https://t.me/+snaCVmemMMBhNDRl

Naseem Hamed အကြီးစား - Ben Whittaker
ဟိုးအရင်တုန်းက Naseem Hamed ဆိုတဲ့ ဘောက်ဆင်သမားရှိခဲ့ဖူးတယ်။ ဖယ်သာဝိတ်ကမ္ဘာ့ချန်ပီယံဟောင်းပါ။ အကွက်ဆန်းတွေသုံးပြီး ကစားတတ်လို့ ပရိသတ်ကြိုက်ကြတယ်။ ပြိုင်ဘက်ရဲ့ လက်သီးချက်တွေကို ဂတ်မတင်ဘဲ အနီးကပ်ရှောင်ပြတာမျိုးပါ။ ပြိုင်ဘက်ကို ပြောင်ပြဖြဲပြတယ်။ အငယ်တန်းဆိုပေမယ့် ပါဝါကြီးတာမို့ အလဲထိုးနိုင်ပွဲများတယ်။ စိတ်ဝင်စားရင် ဒီမှာ bit.ly/3S9R2kk ကြည့်ပါ။ အသက်ငယ်ငယ်မှာတင် အနားယူသွားတာမို့ နောက်လူငယ်တွေက သိပ်သိကြမယ်မထင်ဘူး။
အခုလည်း ဘောက်ဆင်လောကမှာ Naseem Hamed အကြီးစားပေါ်နေပြီ။ Ben Whittaker က လိုက်ဟဲဗီးဝိတ်တန်းမှာ ကစားတာမို့လို့ Naseem Hamed အကြီးစားလို့ ပြောရတာပါ။ Ben Whittaker ရဲ့ မိဘတွေကို ပြန်ကြည့်လိုက်ရင် အဖေက ဂျမေကာနိုင်ငံသား။ အမေက အင်္ဂလိပ် - သြဇီကပြား။ အဲဒါကြောင့်မို့ Ben Whittaker ရဲ့ မျက်နှာပေါက်က ကပ္ပလီပုံစံဖြစ်ပြီး အသားအရောင်က လူဖြူဖြစ်နေတာပါ။
ဗြိတိန်နိုင်ငံမှာ Ben Whittaker က နာမည်ကြီးပါ။ တိုကျိုအိုလံပစ်မှာ ငွေတံဆိပ်ရဖူးတယ်။ ဗိုလ်လုပွဲက အငြင်းပွားဖွယ်ပါပဲ။ Ben Whittaker က ကျူးဘားဖိုက်တာ Arlen Lopez ကို မနိမ့်ပါဘူး။ ဒါပေမယ့် ငွေတံဆိပ်ဆုပဲ ကျေနပ်လိုက်ရတယ်။ ဒါကလည်း Ben Whittaker က သိပ်မကျေနပ်ပါဘူး။ ရွှေတံဆိပ်ရသင့်တယ်လို့ ခံစားနေရတယ်။ စိတ်ဝင်စားရင် ဒီမှာ bit.ly/45esoGQ ကြည့်ပါ။
အဲဒီနောက်မှာ Ben Whittaker က ကြေးစားပြောင်းထိုးတယ်။ ပွဲတိုင်းမှာလိုလို အသာစီးထိုးနိုင်ခဲ့တာပဲ။ အပေါ်မှာရေးထားသလို ပရိသတ်အကြိုက် လိုက်ကစားတာပါ။ Head Movement ကောင်းတာမို့ ပြိုင်ဘက်တွေက ထိအောင်ထိုးနိုင်ဖို့ မလွယ်ပါဘူး။ ကစားဟန်က တော်တော်ကြည့်လှပါတယ်။ ပါဝါကြီးတာမို့ အလဲထိုးနိုင်ပွဲများတယ်။ စိတ်ဝင်စားရင် ဒီမှာ bit.ly/4kjfGeV ကြည့်ပါ။
ဟိုတလောက Artur Beterbiev နဲ့ Dmitry Bivol (ပထမပွဲ) ကို စောင့်ကြည့်မိတယ်။ ရှေ့ထွက်တွဲဆိုင်းမှာ Ben Whittaker နဲ့ Liam Cameron တို့ ကစားကြတာပါ။ Liam Cameron က Ben Whittaker ထက် နည်းနည်းသာတယ်။ Ben Whittaker ရုန်းကန်လိုက်ရတယ်။ ဖြစ်ချင်တော့ (၅) ချီမြောက်မှာ ကစားသမားတွေက အားလွန်ပြီး ကြိုးဝိုင်းပေါ်က ပြုတ်ကျတယ်။ အတွဲလိုက်ပြီး ပြုတ်ကျသွားတာပါ။ ကြိုးဝိုင်းဒိုင်က လှမ်းဆွဲတာ မမီလိုက်ဘူး။ အောက်ကကျတဲ့ Ben Whittaker လည်း တော်တော်နာသွားရတယ်။ ဆက်မထိုးနိုင်တော့ ပွဲရပ်ရုံပဲ ရှိတော့တယ်။
ဘောက်ဆင်မှာ (၄) ချီကျော်ရင် တွဲဆိုင်းက တရားဝင်ဖြစ်ပြီ။ အဲဒီတော့ ရောက်တဲ့နေရာမှာရပ်ပြီး အမှတ်ပေါင်းရုံပဲ ကျန်တော့တယ်။ ရလဒ်ကို Technical Decision လို့ခေါ်ပါတယ်။ ပထမအမှတ်ပေးဒိုင်က Liam Cameron ကို အနိုင်ပေးပြီး ဒုတိယအမှတ်ပေးဒိုင်က Ben Whittaker ကို အနိုင်ပေးတယ်။ တတိယအမှတ်ပေးဒိုင်က သရေပေးတာမို့ Split Draw ဖြစ်သွားပါတယ်။ စိတ်ဝင်စားရင် ဒီမှာ bit.ly/3GTtTAm ကြည့်ပါ။
ပထမပွဲမှာ မရှင်းမရှင်းဖြစ်ထားလို့ Liam Cameron နဲ့ Ben Whittaker တို့ကို မကျေပွဲတည်ပေးရတယ်။ မကျေပွဲမှာ Ben Whittaker က ကျောက်ထပြီး ပိုကောင်းလာတယ်။ Liam Cameron ကို ဒုတိယအချီမှာ အလဲထိုးနိုင်သွားတယ်။ ပထမပွဲမှာ စွမ်းဆောင်ရည်သိပ်မကောင်းပေမယ့် ဒုတိယပွဲမှာ တဟုန်ထိုးတက်လာတယ်။ စိတ်ဝင်စားရင် ဒီမှာ https://bit.ly/43A1B6A ကြည့်ပါ။
Ben Whittaker က ကြေးစား (၁၀) ပွဲထိုးထားပြီး (၉) ပွဲနိုင်လို့ (၁) ပွဲသရေကျထားတယ်။ (၆) ပေ (၃) လက်မဆိုတဲ့ အရပ်အမြင့်က လိုက်ဟဲဗီးဝိတ်တန်းမှာ လောရှည်ဖြစ်ပါတယ်။ ဒါပေမယ့် လက်တံ (၇၅) လက်မပဲရှိတာမို့ ခရူဇာဝိတ်အထိ တက်လို့လည်း မသင့်တော်ဘူး။ အခုဆိုရင် ဆရာသမားက ကမ္ဘာ့ထိပ်တန်းဖြစ်လာပြီ။ မကြာခင်မှာ ကမ္ဘာ့ချန်ပီယံဆုကို စိန်ခေါ်တော့မယ်ထင်ရဲ့။

အမုန်းဟာ ပိုပြီးမုန်းတီးခြင်းကို ဖြစ်ပေါ်စေတယ် ။ အခြားတစ်ဘက်မှာ အချစ်ဟာ အကြွေးဆပ်ပေးပါတယ် ။အသက်ရှင်သန်ခြင်း ၊ မျှော်လင့်ခြင်း နဲ့ ချစ်ခြင်းမေတ္တာအကြောင်း ရေးဖွဲ့ထားတဲ့ ကြေကွဲဖွယ် ဖြစ်ရပ်မှန် ဇာတ်လမ်းတစ်ပုဒ်
နိုင်ငံတကာ အရောင်းရဆုံးစာအုပ်စာရင်းမှာ နံပါတ်(၁) ဖြစ်ခဲ့သလို မကြာခင်က ပျံလွန်တော်မူသွားခဲ့တဲ့ ပုပ်ရဟန်းမင်းကြီး ဖရန်စစ်ကိုယ်တိုင် အမှာစာရေးပေးထားခဲ့တဲ့ စာအုပ်ပါ ။ ၂၀၂၁ ခုနှစ်တုန်းက လီဒီယာရဲ့ လက်ဖျံမှာ နာဇီတွေက တက်တူးထိုးခဲ့တဲ့ အကျဉ်းသားနံပါတ် ၇၀၀၇၂ ကို ပုပ်ရဟန်းမင်းကြီးကိုယ်တိုင် နမ်းခဲ့လို့ ကမ္ဘာ့သတင်းတွေမှာ ခေါင်းကြီးပိုင်း နေရာယူခဲ့ပါတယ် ။
နာဇီအကျဉ်းစခန်းတွေထဲမှာ အရက်စက်ဆုံး ၊ အကြမ်းကြုတ်ဆုံးလို့ နာမည်ကြီးတဲ့ အော့စ်ဝစ်ချ်အကျဉ်းစခန်းရဲ့ "သေမင်းတမန်" လို့ လူသိများတဲ့ ဒေါက်တာ ဂျိုးဇက်မင်းဂလေးရဲ့ လက်က လွတ်မြောက်ခဲ့တဲ့ ကလေးမလေးရဲ့ မမေ့နိုင်စရာ ၊ စိတ်ထိခိုက်စရာ အဖြစ်မှန် ဇာတ်လမ်းပါ ။
လီဒီယာရဲ့ မိခင်က ဘယ်လာရု့စ်က ခုခံတော်လှန်ရေးအဖွဲ့ဝင် တစ်ယောက် ဖြစ်တယ် ။ ဘယ်လာရု့စ်တောထဲမှာ ပုန်းနေတဲ့ သူတို့သားအမိကို နာဇီတွေက ဖမ်းပြီး ပိုလန်နိုင်ငံက အော့စ်ဝစ်ချ်စခန်းကို ရထားနဲ့ ပို့လိုက်တယ် ။
လူ့လောကကြီးအကြောင်း ကောင်းကောင်း မသိရှာသေးတဲ့ ကောင်မလေး လီဒီယာကို ဒေါက်တာ မင်းဂလေးက သူ့ရဲ့ ရက်စက်တဲ့ စမ်းသပ်မှုတွေအတွက် ရွေးချယ်ပြီး နာမည်ဆိုး နဲ့ ကျော်ကြားတဲ့ ကလေးတွေရဲ့ အဆောင်ကို ပို့ထားလိုက်တယ် ။ အဲဒီမှာ နေ့တိုင်းဟာ ကလေးတွေဟာ အသက်ရှင်ဖို့အတွက် ရုန်းကန်ရခဲ့တဲ့ နေ့ရက်တွေပါပဲ ။
ဆယ့်ရှစ်လကြာ ငရဲပြည်လို နေရာမှာ သူမဟာ အကြိမ်ပေါင်းများစွာ သေမင်းနဲ့ နီးကပ်ခဲ့ပါတယ် ။ သူမကို လာတွေ့ဖို့ သူ့အသက်ကိုတောင် စွန့်စားခဲ့တဲ့ သူမရဲ့ မိခင်က သူမကို ခွန်အားတွေ ပေးခဲ့ပါတယ် ။ ဒါပေမဲ့ စခန်းလွတ်မြောက်သွားတဲ့အခါ သူမရဲ့ မိခင်က မရှိတော့ပါဘူး ။ သေပြီလို့ ယူဆထားပါတယ် ။ အဲဒီအချိန်မှာ စိတ်ဒဏ်ရာတွေ အကြီးအကျယ်ရထားတဲ့ လီဒီယာကို ပိုလန်အမျိုးသမီးတစ်ယောက်က မွေးစားခဲ့တယ် ။
၁၉၆၂ ခုနှစ် သူ အသက် ၂၀ ကျော်အရွယ်ကျမှ မိဘအရင်းတွေဟာ ဆိုဗီယက်ယူနီယံမှာ အသက်ရှင်နေသေးတယ်ဆိုတာကို သိလိုက်ရလို့ လီဒီယာဟာ ခါးသီးတဲ့ ရွေးချယ်မှုတစ်ခုကို ရင်ဆိုင်ရပါတော့တယ် ။
လီဒီယာရဲ့ ထူးခြားတဲ့ ဇာတ်လမ်းဟာ ကမ္ဘာတစ်ဝှမ်းက လူတွေရဲ့ နှလုံးသားတွေကို ထိခိုက်စေခဲ့တယ် ။ သူဟာ အရွယ်ရောက်လာတဲ့အခါမှာ ဒုတိယကမ္ဘာစစ်အတွင်းက နာဇီတွေရဲ့ ရက်စက်ကြမ်းကြုတ်မှုတွေကို သက်သေခံဖို့ သူ့ရဲ့ ရည်မှန်းချက်အဖြစ် ထားရှိခဲ့တယ် ။ ဒါမှသာ အမှန်တရားဟာ ဘယ်တော့မှ မေ့ပျောက်မသွားမှာပါ ။
ဒါဟာ သူ့ကို နာကျင်အောင် လုပ်ခဲ့တဲ့သူတွေကို မုန်းတီးဖို့ ငြင်းဆန်တဲ့ ထူးချွန်သော အမျိုးသမီးတစ်ယောက်ရဲ့ ခွန်အားအပြည့်ရှိတဲ့ မျှော်လင့်ချက် မှတ်တမ်းတစ်ခုပါ ။ သူက "အမုန်းတရားဟာ အမုန်းကို ပိုပြီး အားကောင်းလာစေတယ် ။ ချစ်ခြင်းမေတ္တာကတော့ အမုန်းကို ကုစားနိုင်တဲ့ စွမ်းအားရှိပါတယ် " လို့ ပြောပါတယ်။
#အော့စ်ဝစ်ချ်အကျဉ်းစခန်းကကောင်မလေးတစ်ယောက်
#ဗန်းမော်သိန်းဖေ

ဘင်တန်ဝိတ်တန်းက လောရှည်လေး Patchy Mix
PFL အဖွဲ့အစည်းက Bellator အဖွဲ့အစည်းကို ဝယ်လိုက်တော့ MMA Wave ဖြစ်လာပြီ အောက်မေ့တာ အရင်ထက်တောင် ပိုဆိုးသွားတယ်။ PFL အဖွဲ့အစည်းက ကစားသမားတွေကို အလျဉ်မီအောင် ပွဲမပေးနိုင်ပါဘူး။ Bellator ကစားသမားတွေက ပွဲထိုးချင်လို့ ထအော်နေကြတယ်။ တချို့လည်း ထွက်ကုန်ကြရဲ့။ အခုဆိုရင် PFL အဖွဲ့အစည်းက Bellator အဖွဲ့အစည်းကိုတောင် ဖျက်သိမ်းလိုက်ပါပြီ။
Patricio Pitbull နဲ့ Aaron Pico တို့လည်း UFC အဖွဲ့အစည်းကို ရောက်လာပြီ။ ရောက်ရောက်ချင်းမှာပဲ Patricio Pitbull က ပွဲတောင်ထိုးပြီးပြီ။ အရင်လို အော်စရာမလိုတော့ဘူး။ Aaron Pico လည်း ပွဲရတော့မှာပါ။ အခုနောက်ဆုံးရောက်လာတာ Patchy Mix ပါတဲ့။ Bellator အဖွဲ့အစည်းမှာ ဘင်တန်ဝိတ်ချန်ပီယံပဲ။
UFC 316 ပြိုင်ပွဲမှာ Marlon Vera နဲ့ Mario Bautista တို့ကို တည်ပေးထားတာပါ။ Marlon Vera နှုတ်ထွက်တာမို့ Patchy Mix နဲ့ Mario Bautista တွဲဆိုင်းဖြစ်လာပါမယ်။ ဘယ်လောက်မိုက်သလဲ။ ရောက်ရောက်ချင်း ပွဲရသွားတာပါ။ Patchy Mix က ဘင်တန်ဝိတ်ချန်ပီယံမို့လို့ တခြားဖိုက်တာတွေလို အောက်ခြေက စစရာမလိုပါဘူး။
Patchy Mix က ဘင်တန်ဝိတ်တန်းမှာ အရပ်လည်းရှည်၊ လက်တံလည်းရှည်တဲ့ ကစားသမားပါ။ အရပ် (၅) ပေ (၁၁) လက်မဆိုတာ နည်းတာမှ မဟုတ်တာလေ။ Submission Skill လည်း တော်တော်ကောင်းပါတယ်။ ဘင်တန်ဝိတ်တန်းက အရင်ထက် ပိုလူစည်ပါပြီ။

Ilia Topuria ရဲ့ အိပ်မက်က လိုက်ဝိတ်ချန်ပီယံဖြစ်ဖို့ပါ။ Islam Makhachev က လိုက်ဝိတ်ချန်ပီယံဖြစ်နေလို့သာ Ilia Topuria က လေတိုက်နေတာဖြစ်ပြီး ငြိုးနေတာ မဟုတ်ဘူး။
အခုချိန်မှာလည်း ဝယ်ဝာာဝိတ်ချန်ပီယံတက်လုဦးမယ့် Islam Makhachev ကို Ilia Topuria က သိပ်စိတ်မဝင်စားဘူး။ လိုက်ဝိတ်ချန်ပီယံအိပ်မက်ကို အကောင်အထည်ဖော်လိမ့်မယ်။

ပျော်ရွှင်တဲ့ဘဝတစ်ခုကို တည်ဆောက်ဖို့ဆိုတာ ကိုယ်ကိုယ်တိုင်မှာပဲ တာဝန်ရှိပါတယ် ။ တခြားသူတွေမှာ တာဝန် မရှိသလို ကိုယ်ပျော်ရွှင်ဖို့ သူများဆီမှာ မှီခိုဖို့လည်း မလိုပါဘူး ။ ကိုယ့်ရဲ့ပျော်ရွှင်မှုကို တခြားသူတစ်ယောက်ရဲ့ ထင်မြင်ချက်တွေ ဝေဖန်ချက်တွေနဲ့လည်း ဖျက်ဆီးခွင့်မပေးပါနဲ့ ။
ဒါကြောင့် ပျော်ရွှင်ချင်တယ်ဆိုရင် ပျော်ရွှင်စေမယ့် အ ကောင်းမြင်စိတ် အတွေးအာရုံပေါ်မှာပဲ အာရုံစိုက်ပေးပါ။ ကိုယ့်ရဲ့ ပျော်ရွှင်မှုကို ထိပါးနှောင့်ယှက်နိုင်တဲ့ အဆိုးမြင်တဲ့အတွေးတွေ ၊ ဖြစ်ပါ့မလား မဖြစ်နိုင်ပါဘူးဆိုတဲ့ သံသယအတွေးတွေ ၊ ကိုယ့်ကိုယ်ကိုယ် မလေးစားတဲ့စိတ်တွေ...အထင်သေးမိတဲ့စိတ်တွေကို ဖျောက်ပစ်လိုက်ပါ။ ကိုယ့်ကိုယ်ကိုယ်ချစ်ပါ ၊ လေးစားပါ ၊ အထင်ကြီးပါ ၊ ဂရုစိုက်ပါ ၊ ကိုယ့်ရဲ့ပျော်ရွှင်ခြင်းဆီမှာသာ အာရုံစိုက်ထား ပါ ။ သင် ပျော်ရွှင်လာရပါလိမ့်မယ် ။
#လွန်းထားထား

Charles Oliveira ရဲ့ Training Video ကိုကြည့်ပြီး သဘောကျမိတာ အမှန်ပဲ။ Sparring Partner က Ilia Topuria ဟန်အတိုင်း လိုက်ကစားပေးတာပါ။ ဘောက်ဆင်ပုံစံကစားတာကအစ လက်သီးရွယ်တာကအလယ် ခေါင်းရွှေ့သွားတာကအဆုံးပါ။ ဟုတ်တာ၊ မဟုတ်တာ နောက်ထား။ အခုလိုပြင်ဆင်နေတာ ပရိသတ်အတွက် အားရစရာပဲ။
ဝုတ်ဝုတ် Jean Silva ပြောထားတာလည်း ရှိတယ်။ Jean Silva နဲ့ Ilia Topuria တို့ဆိုတာ ဆိုဒ်တူဂိုက်တူပါတဲ့။ Ilia Topuria ဟန်အတိုင်းလည်း ကစားပေးပါမယ်တဲ့။ လိုအပ်ရင် ကူညီဖို့ အဆင်သင့်ပါဆိုပြီး Charles Oliveira ကို ပြောထားသေးတယ်။ ဝုတ်ဝုတ် Jean Silva ရဲ့ လေ့ကျင့်ဖော် Mauricio Ruffy က Charles Oliveira ရဲ့ပြိုင်ဘက်ဖြစ်လာနိုင်တာမို့ လက်မခံလောက်ဘူး။ အထာလေးတွေက ရှိသေးတယ်။
တစ်ခါတုန်းက မှတ်မိသေးတယ်။ UFC 311 ပြိုင်ပွဲမှာ Arman Tsarukyan က Islam Makhachev အတွက် သုံးထားတာ ဒေါ်လာ (၅) သောင်းကုန်တယ်တဲ့။ ကြံ့ခိုင်ရည်မကောင်းလို့ နှုတ်ထွက်သွားလိုက်တာ ထရိမ်နင်စရိတ်က သဲထဲရေသွန်ဖြစ်သွားရတယ်။ ကလပ်မှာ နည်းပြဆရာတွေ လေ့ကျင့်ဖော်တွေ စုံလင်ပါတယ်။ Sparring Partner ထပ်ငှားတာက ကိုယ့်ကိစ္စဖြစ်သွားပြီ။ အိတ်စိုက်ရမှာပဲ။
Oleksandr Usyk ဆိုရင် ထရိမ်နင်စရိတ် တအားသုံးစွဲတယ်။ Sparring Partner အတွက် တစ်ပတ်မှာတင် ဒေါ်လာထောင်ချီကုန်တယ်တဲ့။ အဲလို Sparring Partner တွေက (၃/၄) ယောက်ရှိတယ်။ တစ်ပတ်စာ တွက်သာကြည့်ပေတော့။ တစ်ပတ်တည်းတင် မဟုတ်သေးဘူး။ ပွဲမထိုးမချင်း ငှားထားရတာပါ။ သူတို့ကိုလည်း ကျွေးထားရတယ်။ ဒေါ်လာ (၅) သိန်းကနေ (၇) သိန်းကြားကုန်တယ်တဲ့။ ထိုးကြေးဒေါ်လာသန်းရာချီ ရတာမို့ သုံးနိုင်တာပါ။ ကျားကြီးခြေရာကြီးပေါ့လေ။
UFC အဖွဲ့အစည်းမှာ ကမ္ဘာ့ချန်ပီယံလုမယ့် ကစားသမားတွေက Oleksandr Usyk လို ဒေါ်လာသိန်းချီမသုံးနိုင်ဘူးဆိုရင်တောင် ဒေါ်လာသောင်းဂဏန်းသုံးကြရတာပါပဲ။ ချွေးထွက်များမှ သွေးထွက်နည်းမယ်လေ။ အိမ်စာကျေညက်မှသာ မျက်နှာပန်းလှပါမယ်။ ဘာရယ်မဟုတ်ပါဘူး။ Charles Oliveira ရဲ့ Training Video ကိုကြည့်ပြီး ဆက်စပ်ရေးမိတာပါ။

Meta-morphosis (2019)

နတ်ဆိုးနှင်တဲ့ကားလေးဖြစ်ပါတယ်။ ဒါပေမယ့် ရိုက်တာပီပြင်လွန်းလို ကိုယ်ပါအဲ့နား ရောက်နေသလိုပါပဲ။ ထမင်းစားနေတုန်းတော့ မကြည့်ပါနဲ့။ သွေးအလိမ်းလိမ်းနဲ့ တကယ်ဖြစ်နေသလိုကြီးကို ပီပီပြင်ပြင် ရိုက်ထားတာမိုလိုပါ။ ခရစ်ယာန်နတ်ဆိုးနှင်တဲ့ ဘုန်းကြီး တစ်ယောက်ရဲ့ အလုပ်ဟာ ဘဝတစ်ခုလုံးပေးပြီးတော့ လုပ်ရတဲ့အလုပ်ပါ။ ဒီလိုမျိုးမှာကိုမှ ကိုယ့်မိသားစုထဲကိုပါ နတ်ဆိုးတစ်ကောင်က ရောက်လာရင်တော့ ဘယ်လိုစိတ်အခြေအနေနဲ့ နှင်ရမှာပါလဲ။ ပြီးတော့ နာမည်နဲ့လိုက်အောင် ဒီကားထဲက နတ်ဆိုးက ရုပ်ပြောင်းရုပ်လွှနဲ့ ဝင်တာပါ။ ရင်တစ်ထိတ်ထိတ်နဲ့ ကြည့်ရမယ့် ဇာတ်ကားကောင်းလေးမို ကြည့်ရှုခံစားကြည့်ကြပါ။

Ha-rd Can-dy (2005)

ဇာတ်ကားသည် ၁၄ နှစ်အရွယ်ကလေးမလေး Hayley သည် အွန်လိုင်းမှတဆင့် လူကြီးဓာတ်ပုံဆရာ Jeff ကိုတွေ့ပြီး သူ့အိမ်သိုသွားရာမှ စတင်သည်။ Jeff သည် ကလေးငယ်များကို ဆွဲဆောင်လေ့ရှိသူဖြစ်နိုင်သည်ဟု သံသယရှိသောကြောင့် Hayley သည် အကြံအစည်ဖြင့် သူ့ကို မူးဝေစေကာ စမ်းသပ်မှုများပြုလုပ်သည်။ ဇာတ်လမ်းတွင် စိတ်ပိုင်းဆိုင်ရာဖိစီးမှုများ၊ တရားမျှတမှုအပေါ် စူးစမ်းမှုများနှင့် လူမှုရေးအကြောင်းအရာများပါဝင်သည်။ Hayley သည် သံသယဖြစ်စေသူကို တရားစီရင်လိုစိတ်ဖြင့် ကြံစည်သော်လည်း မည်သူကတကယ်အရေးပါသနည်းဆိုသည်ကို ဇာတ်လမ်းသည် မေးခွန်းထုတ်ထားသည်။

သရက်သီး ကျောက်ကျော
**************************
ရေ 👉 ၂ လီတာ
သကြား 👉 ၂၀ သား(ချိုပေါ့)/
ကျောက်ကျော👉 25 g
သရက်သီး 👉 ၅ လုံးကြိတ်ထား( ပိုထည့်လဲရပါ၏ )

အားလုံးကို ကျိုမယ့်အိုးထဲထည့်မွှေပီး စ ကျိုပါမယ်။
ဗွမ်းဗွမ်းဆူလာရင် မီးအားလျှော့ပါမယ်။
မီးအေးအေးနဲ့ ၁၀ မိနစ်ခန့် ဆက်ကျိုပီးရင်
ဗန်းထဲလောင်းထည့်ပီး အအေးခံထားပေးပါ။

သရက်ကျောက်ကျော ဖြစ်သွားပါလိမ့်မယ်။

_______________________________________________

ချိုပေါ့ ဆိုရင် သကြား ၂၀ ကျပ်သားထည့်ပါ။
ချိုလေး ဆိုရင် သကြား ၂၅ ကျပ်သား ထည့်ပါ။

မိမိနှစ်သက်ရာ
မည်သည့်အသီးအနှံမဆို ဤအချိုးအစားနဲ့ ထိုးပါ။