Discover postsExplore captivating content and diverse perspectives on our Discover page. Uncover fresh ideas and engage in meaningful conversations
ဘရူနိုဖာနန်ဒက်စ်ရဲ့အေးဂျင့်နဲ့ ဘိုင်ယန်မြူးနစ်တို့ စကားပြောနေပြီ
----------------
ဘိုင်ယန်မြူးနစ်ဟာ ဘရူနိုဖာနန်ဒက်စ်ရဲ့အေးဂျင့်နဲ့ စကားပြောနေပြီလို့ သိရှိရပါတယ်။ မန်ယူအသင်းခေါင်းဆောင် ဘရူနိုဖာနန်ဒက်စ်က မန်ယူဆီမှာပဲ ဆက်ရှိနေမယ့်သဘောမျိုး ထုတ်ဖော်ပြောကြားထားပေမယ့် ဘိုင်ယန်မြူးနစ်က အခုလို ဆက်သွယ်လာတာကြောင့် အခြေအနေတွေဟာ အပြောင်းအလဲဖြစ်သွားမလားဆိုတာကို စောင့်ကြည့်ကြရတော့မှာပဲဖြစ်ပါတယ်။
ဘိုင်ယန်မြူးနစ်ဟာ ဘရူနိုဖာနန်ဒက်စ်ရဲ့အေးဂျင့်ဖြစ်သူ မီဂွယ်လ် ပင်ညို ကို ချဉ်းကပ်ပြီး ဘရူနိုဖာနန်ဒက်စ်ရဲ့အနာဂတ်ကို စုံစမ်းမေးမြန်းနေတယ်လို့ သတင်းတွေထွက်ပေါ်နေပါတယ်။ ဘရူနိုဖာနန်ဒက်စ်ကို ခေါ်ယူဖို့အတွက် ဘာစီလိုနာကလည်း ချိတ်ဆက်နေလို့ ဘိုင်ယန်မြူးနစ်ဟာ ဘာစီလိုနာနဲ့ အဓိက အားပြိုင်ရဖွယ် ရှိနေပါတယ်။
မန်ယူနဲ့ ဘရူနိုဖာနန်ဒက်စ်တို့ရဲ့အကြားမှာ ၂၀၂၆ ခုနှစ် ဇွန်လအထိ စာချုပ်သက်တမ်း ကျန်ရှိနေဆဲဖြစ်ပြီး အဲ့ဒီစာချုပ်ကို မန်ယူဘက်က တစ်နှစ်သက်တမ်း စာချုပ်သက်တမ်းတိုးခွင့် ရှိနေသေးတဲ့အတွက် ဘာတွေဖြစ်လာမလဲဆိုတာကို စောင့်ကြည့်ကြရတော့မှာပဲဖြစ်ပါတယ်။ မန်ယူဟာ ဘရူနိုဖာနန်ဒက်စ်ကို ရောင်းချဖြစ်ခဲ့ရင်တောင် ပြောင်းရွှေ့ကြေးပမာဏကို မြင့်မြင့်မားမား တောင်းဆိုဖို့ ရှိနေလို့ ဘဏ္ဍာရေးပြဿနာတွေ ရင်ဆိုင်နေရတဲ့ ဘာစီလိုနာဟာ လက်ရှောင်ရဖွယ်ရှိနေပါတယ်။
ဘိုင်ယန်မြူးနစ်ဟာ ဘရူနိုဖာနန်ဒက်စ်ကို ချန်ပီယံလိဂ်ပြိုင်ပွဲ ကစားခွင့် အာမခံချက်နဲ့ မက်လုံးပေးစည်းရုံးဖွယ်ရှိနေပြီး အဲ့ဒီအချက်က ဘရူနိုဖာနန်ဒက်စ်ရဲ့စိတ်ကို အပြောင်းအလဲဖြစ်အောင် ဆွဲဆောင်နိုင်လိမ့်မယ်လို့ ဘိုင်ယန်မြူးနစ်ဘက်က ယုံကြည်ချက်ထားရှိနေပါတယ်။ ဒါပေမဲ့ ဘိုင်ယန်မြူးနစ်ကို ဦးဆောင်နေတဲ့နည်းပြသစ်က ကွမ်ပနီ ဖြစ်နေတဲ့အချက်ဟာ နာမည်ကြီးကစားသမားတွေကို ဆွဲဆောင်နိုင်ဖို့ အနည်းငယ်
ခက်ခဲလို့နေပါတယ်။
