All i want please 🥹🧸

တရုတ်နှင့်ဗီယက်နမ်တို့ လုံခြုံရေးပူးပေါင်းဆောင်ရွက်မှုမြှင့်တင်မည်

ပေကျင်း၊နိုဝင်ဘာ ၁၃

တရုတ်ကွန်မြူနစ်ပါတီ၏ အကြီးတန်းအရာရှိ Chen Wenqing သည် ဗီယက်နမ်နိုင်ငံရေးဗျူရိုနှင့်ကွန်မြူနစ်ပါတီဗဟိုကော်မတီ၏ ပြည်ထဲရေး‌ကော်မရှင်ဥက္ကဌနှင့် ပေကျင်း၌ အင်္ဂါနေ့ကတွေ့ဆုံခဲ့ကြကြောင်းသိရသည်။

မစ္စတာ Chen က နှစ်နိုင်ငံထိပ်ပိုင်းခေါင်းဆောင်များ၏ မဟာဗျူဟာမြောက်လမ်းညွှန်မှုဖြင့် နှစ်နိုင်ငံဆက်ဆံရေးသည် ပိုမိုအားကောင်းခဲ့ပြီး စဉ်ဆက်မပြန်ဖွံ့ဖြိုးတိုးတက်ရေးနှင့် တရုတ် - ဗီယက်နမ်အသိုက်အဝန်းအားတည်ဆောက်ရာ၌ ခိုင်မာသည့်တိုးတက်မှုရရှိစေခဲ့သည်ဟုလည်းဆိုခဲ့သည်။

ယင်းနောက် နှစ်နိုင်ငံထိပ်သီးခေါင်းဆောင်များရရှိခဲ့သည့် အရေးကြီးသဘောတူညီမှုကို အကောင်အထည်ဖော်ရန်၊လက်မှတ်ရေးထိုးထားပြီးဖြစ်သည့် ပူးပေါင်းဆောင်ရွက်မှုများကို အတူလက်တွဲအကောင်အထည်ဖော်ရန်၊နိုင်ငံရေးနှင့်ဥပဒေများတွင် နှီးနှောဖလှယ်ရေးပူးပေါင်းဆောင်ရွက်မှု ခိုင်မာစေရန်ဆောင်ရွက်သွားမည်ဖြစ်သည်ဟုလည်းဆိုခဲ့သည်။

ထို့အပြင် ဒေသတွင်းနှင့်နိုင်ငံစုံပူးပေါင်းဆောင်ရွက်မှုကိုမြှင့်တင်ရန်နှင့် နှစ်နိုင်ငံလုံခြုံရေးကို တွန်းအားပေးဆောင်ရွက်သွားနိုင်ရန် မျှော်လင့်ပါကြောင်းလည်းဆက်လက်ပြောကြားခဲ့သည်။

ဗီယက်နမ်ဘက်ကလည်း နှစ်နိုင်ငံဖွံ့ဖြိုးတိုးတက်ရေးအပါအဝင် ဒေသတွင်းနှင့်နိုင်ငံတကာ တည်ငြိမ်ရေးပူးပေါင်းဆောင်ရွက်မှုများတွင် တရုတ်နှင့်လက်တွဲဆောင်ရွက်သွားရန်ဆန္ဒရှိကြောင်း ထုတ်ဖော်ပြောကြားခဲ့သည်။

"စည်ကားလှတဲ့ မြန်မာ့ရိုးရာပွဲတော်များစွာရှိနေတဲ့ မြိုင်မြိုင်ဆိုင်ဆိုင် လတန်ဆောင်တိုင်"

လမြတ်တန်ဆောင်တိုင်ရယ်လို့ ဆိုလိုက်တာနဲ့ အနယ်နယ်အရပ်ရပ်မှာ တန်ဆောင်တိုင် မီးထွန်းပွဲတော်၊ကထိန်သင်္ကန်း ကပ်လှူပွဲတော်၊ မသိုးသင်္ကန်းရက်လုပ်ပူဇော်ပွဲတော်၊မဲဇလီဖူးသုပ် ဝေငှတဲ့ပွဲတော်၊ကျီးမနိုးပွဲတော်၊သာမညဖလအခါတော်နေ့အထိမ်းအမှတ်ပွဲတော်၊တောင်ကြီး တန်ဆောင်တိုင်မီးပုံးပျံပွဲတော်များနဲ့ အတူ မြန်မာနိုင်ငံ တစ်ဝန်း စည်ကားသာယာလှတဲ့ ပွဲတော်တွေကို ကျင်းပလေ့ရှိပါတယ်။

🌕သာမညဖလအခါတော်နေ့

မြန်မာ့ရိုးရာ ၁၂-လရာသီပွဲတော်များအနက် တန်ဆောင်မုန်း လပြည့်နေ့မှာ မြတ်စွာဘုရားရှင်က အဇာတသတ်မင်းနဲ့ ပရိသတ်ကို သာမညဖလသုတ်တော် ခေါ် ရဟန်းပြုရတဲ့ အကျိုး တရားတော်ကို ဟောကြားတော်မူသော နေ့ထူးနေ့မြတ် ဖြစ်တယ်လို့ သိရပါတယ်။

🌕ကထိန်ပွဲ၊မီးပုံးပျံ/မီးထွန်းပွဲတော်

တန်ဆောင်မုန်းလပြည့်နေ့ဆိုတာ ဗုဒ္ဓဘာသာနွယ်ဝင်တို့ရဲ့နေ့ထူးနေ့မြတ် တစ်နေ့ပင် ဖြစ်ပြီးတန်ဆောင်တိုင်ပွဲတော်သည်လဲ ဘုရားရှင်ကို ရည်မှန်းကာ ဆီမီးထွန်းညှိပူဇော်သည့် ပွဲတော် ဖြစ်သလို တောင်ကြီးမြို့တွင်လဲ တန်ဆောင်တိုင် မီးပုံးပျံပွဲတော်ကို ထင်ရှားစွာနဲ့ ပြုလုပ်ကြပါတယ်။

ဒါ့အပြင် ကထိန်သင်္ကန်း ကပ်လှူခွင့်ရတဲ့ နောက်ဆုံးနေ့ လဲဖြစ်ပြီး "ကထိန"ဆိုတဲ့ ပါဠိဝေါဟာရက ဆင်းသက်လာခဲ့တဲ့ ကထိန်ရဲ့ အဓိပ္ပာယ်မှာ 'မြဲမြံခြင်း၊ ခိုင်ခံ့ခြင်း' ဖြစ်ကာ ရဟန်းတော်များက မြဲမြံ ခိုင်ခံ့တဲ့ အကျိုးထူးငါးပါးကို ရရှိတဲ့အတွက် 'ကထိန်' လို့ ခေါ်ဆိုရတယ်လို့ လဲ ဆိုကြပါတယ်။

🌕မသိုးသင်္ကန်း ရက်လုပ်ပူဇော်ပွဲ

လှူဒါန်းပူဇော်တဲ့ ပွဲတော်များကိုကျင်းပကြတဲ့ အထဲမှာမှ တန်ဆောင်တိုင်လရဲ့ မသိုးသင်္ကန်း ပွဲ ကလဲ မပါမဖြစ် ပြုလုပ်ကြရတာပါ။နေ့မကူး၊ ရက်မကူးစေဘဲ တစ်ရက်အတွင်း အပြီးရက်လုပ် လှူဒါန်းရတဲ့ သင်္ကန်းဖြစ်လို့ "မသိုးသင်္ကန်း"လို့ ခေါ်ဆိုရပြီး ကထိန်ကာလရဲ့ နောက်ဆုံးနေ့ဖြစ်တဲ့ တန်ဆောင်မုန်းလပြည့်နေ့ မတိုင်မီ လဆန်း ၁၄ ရက်နေ့ ညနေပိုင်းတွင်မှ စတင်ရက်လုပ်ကြရပါတယ်။

လပြည့်နေ့ အရုဏ်မတက်မီ အပြီး ချုပ်လုပ်ကာ ကပ်လှူကြသည်ကို တွေ့ရပြီး ရွှေတိဂုံစေတီတော်၊ ဗိုလ်တထောင်စေတီတော် အစရှိတဲ့ ရန်ကုန်မြို့ရဲ့ ထင်ရှားလှတဲ့ ဘုရားတွေမှာ မသိုးသင်္ကန်း ရက်လုပ်ဆက်ကပ် လှူဒါန်းပွဲတော်များကို နှစ်စဉ်နှစ်တိုင်း စည်ကားသိုက်မြိုက်စွာ ကျင်းပလေ့ ရှိကြပါတယ်။

🌕မဲဇလီဖူးသုပ် ဝေငှတဲ့ပွဲတော် နဲ့ ကျီးမနိုး/သူခိုးနက္ခတ် ပွဲတော်

လမြတ်တန်ဆောင်တိုင်ရဲ့ ဆေးပေါင်းခတဲ့လပြည့်ညမှာ မဲဇလီဖူးသုပ် ၊ မဲဇလီဖူးပြုတ်များ စားသောက်ကြသည့် ဓလေ့ဟာ ရှေးအစဉ်အလာတစ်ခုဖြစ်ပါတယ်။
လပြည့်ကျော်တစ်ရက်နေ့ညမှာတော့ ပျော်ရွှင်မှုကိုနှစ်သက် အလေးထားတဲ့ မြန်မာလူမျိုးများက ကျီးမနိုးပွဲပြုလုပ်ခြင်းကို သူခိုးနက္ခတ်ထွန်းလင်းသည်ဟု ယူဆကာ ကျင်းပကြပါတယ်။
အပြောင်၊အပြက်သဘောနဲ့ လူနေအိမ် အဆောက်အအုံများက အလွယ်တကူ ရွှေ့ပြောင်းသယ်ယူနိုင်တဲ့ ပစ္စည်းတွေနဲ့ ဆိုင်းဘုတ်တွေကိုညအချိန်တိတ်တဆိတ်သယ်ယူကာ ရွှေ့ပြောင်းနေရာချထားတာတွေကို ရယ်မောပျော်ရွှင်ဖွယ်ရာအဖြစ် နောက်ပြောင် ကျီစယ်တဲ့ ပွဲတော်ကိုလဲ ကျင်းပကြပါတယ်။

အခုလိုမျိုး ဘုရားဟောတရားနဲ့အညီ တည်ရှိခဲ့ပြီး ဗုဒ္ဓဘာသာမြန်မာလူမျိုးများရဲ့ ရိုးရာဓလေ့ယဉ်ကျေးမှုများစုဝေးနေကာ စည်ကားလှတဲ့ "မြိုင်မြိုင်ဆိုင်ဆိုင် လတန်ဆောင်တိုင်"ဆိုတဲ့ တန်ဆောင်တိုင်လရဲ့ ပွဲတော်တွေအကြောင်းကို သိရှိနားလည်ကာ အစဉ်အလာမပျက် ပျော်ရွှင်စွာ ကျင်းပနိုင်ကြစေဖို့အရေး အကျိုးမျှော်ကာ ဓမ္မဒါနPage မှတစ်ဆင့် တင်ဆက်လိုက်ရပါတယ် ခင်ဗျာ။

"ပျော်ရွှင်စရာ လ တန်ဆောင်တိုင်လေးကို ဖြတ်သန်းနိုင်ကြပါစေ။"

#ဓမ္မဒါန
#frankiestories

တရားမဝင်သွယ်တန်းထားသည့် ဝိုင်ဖိုင်ကြိုးများနှင့်ဆက်သွယ်ရေးကြိုးများကိုရှင်းလင်း

ရန်ကုန်မြို့တွင်း၌ တရားမဝင်သွယ်တန်းထားသည့် ဝိုင်ဖိုင်ကြိုးများနှင့် ဆက်သွယ်ရေးကြိုးများကို သက်ဆိုင်ရာခရိုင်လျှပ်စစ်ဝန်ထမ်းများ၊ ကုမ္ပဏီဝန်ထမ်းများမှ ယမန်နေ့ နိုဝင်ဘာ ၁၃ ရက်က ဖယ်ရှားရှင်းလင်းပေးခဲ့ကြကြောင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်း(YESC)ထံ မှ သိရသည်။

YESC အနောက်ပိုင်းခရိုင်ရှိ လှိုင်မြို့နယ်၊ အင်းစိန်လမ်းနှင့် ရွာမကျောင်းလမ်းထောင့်၊ ပါရမီလမ်းတစ်လျှောက်တို့တွင် လျှပ်စစ်စွမ်းအားဝန်ကြီးဌာန၏ YESC ပိုင်လျှပ်စစ်ဓာတ်တိုင်များပေါ်တွင် တရားမဝင်သွယ်တန်းထားသော ဖိုင်ဘာကေဘယ်ကြိုးများ၊ ဝိုင်ဖိုင်ကြိုးများနှင့်လျှပ်စစ်အန္တရာယ်ဖြစ်စေနိုင်သည့်ဆက်သွယ်ရေးကြိုးများအား စစ်ဆေးမှုများပြုလုပ်ကာ ဖယ်ရှားရှင်းလင်းခဲ့ကြကြောင်း သိရသည်။

ထိုသို့ ဖယ်ရှားရှင်းလင်းမှုများအား YESC အနောက်ပိုင်းခရိုင်၊ လှိုင်မြို့နယ်လျှပ်စစ်မန်နေဂျာ၊ မြို့နယ်လျှပ်စစ်အင်ဂျင်နီယာနှင့်ဝန်ထမ်းများ၊ တရားဝင်ခွင့်ပြုထားသောဆက်သွယ်ရေးကုမ္ပဏီများမှဝန်ထမ်းများက ပူးပေါင်းဆောင်ရွက်ခဲ့ကြကြောင်း သိရသည်။

စစ်ဆေးမှုများပြုလုပ်ချိန်၌ တရားဝင်ခွင့်ပြုထားသည့် ဆက်သွယ်ရေးကုမ္ပဏီများအနေဖြင့် မြို့တော်အင်္ဂါရပ်များနှင့် အညီစနစ်တကျသွယ်တန်းထားခြင်းရှိ/မရှိ၊ လျှပ်စစ်အန္တရာယ်ကင်းရှင်းမှုရှိ/မရှိတို့ကိုလည်း စစ်ဆေးခြင်းတို့ကိုလည်းပြုလုပ်ခဲ့ကြကြောင်း သိရသည်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ

နိုဝင်ဘာ - ၁၄

#ရွှေဈေး

-ကမ္ဘာ့ရွှေဈေး
တအောင်စ ၂၅၆၂ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၅၂၉၈၃၁၃ ကျပ်

ပြင်ပရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၆၁၀၅၀၀၀ ကျပ်
ဝယ်ဈေး ၆၀၆၅၀၀၀ ကျပ်

-၁၅ ပဲရည် တကျပ်သား
ရောင်းဈေး ၅၉၀၅၀၀၀ ကျပ်
ဝယ်ဈေး ၅၈၆၅၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၂၁၀၀ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၅၃၀ ကျပ်
ဝယ်ဈေး - ၄၄၃၀ ကျပ်

-စင်္ကာပူဒေါ်လာ
ရောင်းဈေး - ၃၃၇၀ ကျပ်
ဝယ်ဈေး - ၃၃၀၀ ကျပ်

-ယူရို
ရောင်းဈေး - ၄၈၀၀ ကျပ်
ဝယ်ဈေး - ၄၆၇၅ ကျပ်

-ထိုင်းဘတ်
ရောင်းဈေး - ၁၂၉.၈၇ ကျပ်
ဝယ်ဈေး - ၁၂၆.၅၈ ကျပ်

-မလေးရှားရင်းဂစ်
ရောင်းဈေး - ၁၀၂၀ ကျပ်
ဝယ်ဈေး - ၉၉၀ ကျပ်

-တရုတ်ယွမ်
ရောင်းဈေး - ၆၃၀ ကျပ်
ဝယ်ဈေး - ၆၁၀ ကျပ်

-ဂျပန်ယန်း
ရောင်းဈေး - ၂၉.၁၀ ကျပ်
ဝယ်ဈေး - ၂၈.၃၅ ကျပ်

-အိန္ဒိယရူပီး
ရောင်းဈေး - ၅၃.၂၅ ကျပ်
ဝယ်ဈေး - ၅၁.၉၀ ကျပ်

-ကိုရီးယားဝမ်
ရောင်းဈေး - ၃.၂၂ ကျပ်
ဝယ်ဈေး - ၃.၁၄ ကျပ်

-စတာလင်ပေါင်
ရောင်းဈေး - ၅၇၇၀ ကျပ်
ဝယ်ဈေး - ၅၆၂၀ ကျပ်

-ဩစတြေးလျဒေါ်လာ
ရောင်းဈေး - ၂၉၄၅ ကျပ်
ဝယ်ဈေး - ၂၈၇၀ ကျပ်

-ကနေဒါဒေါ်လာ
ရောင်းဈေး - ၃၂၄၅ ကျပ်
ဝယ်ဈေး - ၃၁၆၀ ကျပ်

-ဟောင်ကောင်ဒေါ်လာ
ရောင်းဈေး - ၅၈၅ ကျပ်
ဝယ်ဈေး - ၅၇၀ ကျပ်

-ယူအေအီး
ရောင်းဈေး - ၁၂၄၀ ကျပ်
ဝယ်ဈေး - ၁၂၀၅ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။


#centralnewsnaypyitaw

အိမ်ဖြူ‌တော်မှာ ရွေးကောက်ခံသမ္မတ ထရမ့်နဲ့ သမ္မတဘိုင်ဒန်တို့ နိုဝင်ဘာ ၁၃ ရက်မှာ တွေ့ဆုံပြီး အာဏာလွှဲပြောင်းရေးကိစ္စ ဆွေးနွေးခဲ့ကြသလို ဒီတွေ့ဆုံမှုအပြီး ထရမ့်က ကြေညာချက်ကြီးကြီးမားမားတွေလည်းပြုလုပ်လာပါတယ်။

အဲဒီထဲမှာ -
• ဒေါ်နယ်ထရမ့်က ကွန်ဂရက်အမတ် မတ်ဂိတ်ကို ရှေ့နေချုပ်ရာထူးအတွက် အဆိုပြုထား၊

• ဖလော်ရီဒါပြည်နယ် အထက်လွှတ်‌တော်အမတ် မာကို ရူဘီယိုကို နိုင်ငံခြားရေးဝန်ကြီးနေရာ အဆိုပြု၊

• အမျိုးသားထောက်လှမ်းရေးညွှန်ချုပ်နေရာအတွက် တူလ်ဆီ ဂတ်ဘတ်ကို အဆိုပြုထား၊

• ဒီရာထူးတွေကို အထက်လွှတ်တော်က အတည်ပြုပေးဖို့လိုပြီး အထက်လွှတ်တော်မှာ ထရမ့်ရဲ့ ရီဘတ်ဘလီကန်ပါတီက အမတ်အများစု ရှိနေ၊

• တောင် ဒါကိုဒါပြည်နယ် အထက်လွှတ်တော်အမတ် ဂျွန်သူးက ဆီးနိတ်လွှတ်တော် အမတ်ခေါင်းဆောင်နေရာကို ရွေးချယ်ခံရပြီး မြန်မာ့အရေးမပြတ်ပြောလေ့ရှိတဲ့ ကန်တတ်ကီပြည်နယ် အမတ် မစ်ချ် မက်ကော်နယ်ရဲ့နေရာမှာ အစားထိုးရယူပြီဖြစ်ပါတယ်၊

• အောက်လွှတ်တော်မှာတော့ ရီပတ်ဘလီကန်ပါတီအမတ်တွေကပဲ အမတ်နေရာအများစုရရှိထားပါတယ်၊

Credit - BBC

#သတင်းဟင်းလေးအိုးကြီး

တရားမဝင်သစ် ၁၅၇ ဒသမ ၄၁၄၈ တန်နှင့်အတူ တရားခံ ၁၃ ဦး ဖမ်းဆီးရမိ

နိုဝင်ဘာ ၁၄

နေပြည်တော်၊ ပြည်နယ်နှင့် တိုင်းဒေသကြီးများမှ တရားမဝင် ကျွန်း၊ သစ်မာနှင့် အခြားသစ် စုစုပေါင်း ၁၅၇ ဒသမ ၄၁၄၈ တန်နှင့်အတူ တရားခံ ၁၃ ဦးတို့ကို ဖမ်းဆီးရမိခဲ့ကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန သစ်တောဦးစီးဌာနမှ သိရသည်။

နိုဝင်ဘာ ၄ ရက်မှ ၁၀ ရက်အထိ နေပြည်တော်၊ ပြည်နယ်နှင့် တိုင်းဒေသကြီး သစ်တောဦးစီးဌာနများမှ ပေးပို့လာသော စာရင်းများအရ တရားမဝင်ကျွန်း ၃၅ ဒသမ ၃၀၉၄ တန်၊ သစ်မာ ၈ ဒသမ ၄၄၃၀ တန်၊ အခြားသစ် ၁၁၃ ဒသမ ၆၆၂၄ တန် စုစုပေါင်း ၁၅၇ ဒသမ ၄၁၄၈ တန်၊ ယာဉ်/ယန္တရားခြောက်စီး၊ တရားခံ ၁၃ ဦးတို့ကို ဖမ်းဆီးရမိခဲ့ကြောင်း သစ်တောဦးစီးဌာနမှ သိရသည်။

Credit - New Vision Media

#သတင်းဟင်းလေးအိုးကြီး

ဖိလစ်ပိုင်းမှာ စူပါတိုင်ဖွန်း ယူဆာဂီကြောင့် သတိပေးချက် အမြင့်ဆုံးထုတ်ပြန်

နိုဝင်ဘာ၁၄

အင်အားပြင်း မုန်တိုင်းများကြောင့် ထိခိုက်ပျက်စီးမှုများစွာ ဖြစ်ပေါ်ခဲ့သည့် ဖိလစ်ပိုင်မြောက်ပိုင်းကို စူပါတိုင်ဖွန်း ယူဆာဂီ ချဉ်းကပ်တိုက်ခိုက်လာပြီဖြစ်တာကြောင့် မိုးလေဝသဌာနက မု်နတိုင်းသတိပေးချက်ကို အမြင့်ဆုံး ထုတ်ပြန်သတိပေးလိုက်ပါတယ်။

ယူဆာဂီဟာ ဒေသစံတော်ချိန် ဒီကနေ့မွန်းလွဲပိုင်းမှာ လူဇွန်ကျွန်းပေါ်ကို တနာရီလေတိုက်နှုန်း ၁၈၀ ကီလိုမီတာနဲ့ တိုက်ခတ်သွားမှာဖြစ်ပြီး ဒါဟာ သီတင်းသုံးပတ်အတွင်း ဖိလစ်ပိုင်ကို ဝင်ရောက်တိုက်ခတ်တဲ့ ငါးကြိမ်မြောက် မုန်တိုင်းလည်းဖြစ်ပါတယ်။

မုန်တိုင်းကြောင့် ကမ်းရိုးတန်းဒေသတွေမှာ အထူးသဖြင့် ထိခိုက်ပျက်စီးမှုများ ဖြစ်ပေါ်နိုင်ကြောင်း မိုးလေဝသဌာနက သတိပေးထားပါတယ်။ ကာဂါယန်ပြည်နယ် ကမ်းရိုးတန်းနဲ့ မြေနိမ့်ပိုင်း ဒေသတွေမှာ ဘေးလွတ်ရာ ပြောင်းရွှေ့မှုတွေ လုပ်နေပြီလိုပ အရပ်ဘက်ကာကွယ်ရေး အေဂျင်စီအကြီးအကဲက ဆိုပါတယ်။

ယခုလအစောပိုင်းမှာ ကာဂါယန်မြောက်ဘက်ကမ်းရိုးတန်းကို ဝင်ရောက်တိုက်ခတ်ခဲ့တဲ့တိုင်ဖွန်းမုန်တိုင်း ရင်ရှင်းမတိုင်မီ ကြိုတင်ပြောင်းရွှေ့ခဲ့တဲ့ လူဦးရေးအတိုင်း လူ လေးသောင်းကို ယာယီစခန်းတွေမှာ ခှိုလှုံရဖို့ရှိတယ်လို့ ပြောပါတယ်။

မကြာသေးမီက တိုက်ခတ်ခဲ့တဲ့ မုန်တိုင်းတွေကြောင့် လူ ၁၅၉ ယောက်သေဆုံးပြီး အဆိုးရွားဆုံး ထိခိုက်ခဲ့တဲ့ဒေသတွေမှာ ကူညီကယ်ဆယ်ရေးတွေအတွက် ကုလသမဂ္ဂက ဒေါ်လာ၃၂ ဒသမ ၉ သန်း အကူအညီတောင်းခံထားပါတယ်။

Ref:CNA
Photo:AP/Getty Images

#centralnewsnaypyitaw

ထရမ့်က ကာကွယ်ရေးဝန်ကြီးအဖြစ် အမည်စာရင်းတင်သွင်းထားတဲ့ ပိဟဂ်ဆက်ဟာ တက်တူးထိုးထားတဲ့ အတွက် ဘိုင်ဒန်ကျမ်းကျိန်ပွဲမှာ လုံခြုံရေးတာဝန်ထမ်းဆောင်ခွင့် ရုပ်သိမ်းခံရဖူး

နိုဝင်ဘာ ၁၄

အကြိုသမ္မတဒေါ်နယ်ထရမ့်က ကာကွယ်ရေးဝန်ကြီးခန့်အပ်မယ်လို့ ကြေညာထားတဲ့ Fox News အစီအစဉ် တင်ဆက်သူ ပိဟဂ်ဆက်ဟာ ၂၀၂၁ ခုနှစ် သမ္မတဂျိုးဘိုင်ဒန် ကျန်းသစ္စာကျိန်ဆိုပွဲမှာ လုံခြုံရေးတာဝန်ဆောင် ရွက်ဖို့ ငြင်းပယ်ခံခဲ့ရတယ်လို့ Yahoo News Singapore မှာရေးသားဖော်ပြထားပါတယ်။

ပိဟဂ်ဆက်ကို တက်တူးထိုးထားတဲ့အတွက် ငြင်းပယ်ခဲ့တာဖြစ်ပြီး တက်တူးထိုးတာဟာ အစွန်းရောက်တွေရဲ့ သင်္ကေတတစ်ခုအဖြစ် စစ်ဖက်ထိပ်တန်းအရာရှိကြီးတွေက ယုံကြည်ထားကြလို့ဖြစ်တယ်လို့ဆိုပါတယ်။

ကာကွယ်ရေးဝန်ကြီး ဖြစ်လာနိုင်ဖွယ်ရှိတဲ့ ပိဟဂ်ဆက်ကတော့ ၎င်းရဲ့ရင်ဘတ်မှာ ဂျေရုဆလမ်လက်ဝါးကပ် တိုင်ပုံစံ တက်တူးထိုးထားကြောင်း ပြောပါတယ်။

ဂျေရုဆလမ်လက်ဝါးကပ်တိုင်ဟာ လွန်ခဲ့တဲ့နှစ်ပေါင်း ၁၀၀၀ နီးပါးက ခရစ်ယာန်ခရူးဆိတ်စစ်ပွဲကနေ ဆင်း သက်လာတဲ့ လက်ဝါးကပ်တိုင်ပုံဖြစ်ပါတယ်။

ဒီကနေ့ခေတ်မှာတော့ အဲဒီဂျေရုဆလမ်လက်ဝါးကပ်တိုင်ပုံဟာ ခရစ်ယာန်ဘာသာဝင်တွေရဲ့ အထိမ်းအမှတ် တစ်ခုအဖြစ်ရှိနေပြီး တချို့နေရာတွေမှာတော့ အဲဒီအမှတ်တံဆိပ်ဟာ မူဆလင်တွေနဲ့ လူဖြူမဟုတ်တဲ့သူတွေ အပေါ် အောင်နိုင်ခြင်းနဲ့ လွှမ်းမိုးခြင်း အမှတ်တံဆိပ်အဖြစ် သုံးကြတယ်လို့ ဆိုပါတယ်။

“ကျွန်တော့်မှာ တက်တူးရှိလို့ဆိုပြီး ဝါရှင်တန်ဒီစီမှာရှိတဲ့ အမျိုးသားအစောင့်တပ်က ကျွန်တော့်ကို အစွန်းရောက် တစ်ဦးအဖြစ် မှတ်ယူခဲ့ပါတယ်။” လု့ိ အခုနှစ် နွေရာသီမှာထုတ်လွှင့်ခဲ့တဲ့ The Shawn Ryan Show အစီအစဉ် မှာ ပိဟဂ်ဆက်က ပြောခဲ့ပါတယ်။

“သမ္မတဂျိုင်းဘိုင်ဒန် ကျမ်းသစ္စာကျိန်ဆိုပွဲမှာ လုံခြုံရေးတာဝန်ယူရမယ့် ကျွန်တော့်ကို တာဝန်ကနေ ပြန်လည် ရုပ်သိမ်းခဲ့ပါတယ်။ ကျွန်တော့်ကို တာဝန်ကနေ ပြန်လည်ရုပ်သိမ်းခဲ့တဲ့ အရာက ဂျေရုဆလမ်လက်ဝါးကပ်တိုင်ပုံ ပဲဖြစ်ပါတယ်။ တကယ်တော့ ဒီပုံဟာ ခရစ်ယာန်ဘာသာဝင်ရဲ့ အမှတ်သင်္ကေတသာဖြစ်ပါတယ်။” လို့ ၎င်းက ပြောပါတယ်။

ပိဟဂ်ဆက်ကို အမေရိကန်ကြည်းတပ်၊ အမျိုးသားတပ်ဖွဲ့အရာရှိအဖြစ် ၂၀၀၃ ခုနှစ်မှာ ခန့်အပ်ခဲ့ပါတယ်။ ဟဂ် ဆက်ဟာ အာဖဂန်နစ္စတန်၊ အီရတ်၊ ကျူးဘားက ဂွာတာနာမိုပင်လယ်အော်တို့မှာ ဗိုလ်မှူးအဆင့်အထိ တာဝန် ထမ်းဆောင်ခဲ့သူဖြစ်ပါတယ်။

“တိုင်းပြည်တာဝန်ထမ်းဆောင်ချင်လို့ ကျွန်တော် တပ်မတော်ထဲဝင်ရောက်ခဲ့တာဖြစ်ပါတယ်။ အစွန်းရောက်ဝါဒ ဟာ ၉/၁၁ မှာ ကျွန်တော်တို့ကို တိုက်ခိုက်ခဲ့တဲ့အတွက် ကျွန်တော်တို့ အကြမ်းဖက်တိုက်ဖျက်ရေးစစ်ကို ဆင်နွှဲ ခဲ့ရတယ်။ ၂၀၂၁ ခုနှစ်လည်းကျရော ဒီတပ်မတော်ကပဲ ကျွန်တော့်ကို အစွန်းရောက်ဝါဒီတစ်ယောက်အဖြစ် မှတ်ယူခဲ့ကြတယ်။” လို့ ၂၀၂၄ ခုနှစ်မှာ ထုတ်ဝေခဲ့တဲ့ “စစ်သူရဲတွေအပေါ် ဆင်နွှဲတဲ့စစ်ပွဲ” ဆိုတဲ့ ၎င်းရဲ့စာအုပ် မှာ ဖော်ပြခဲ့ပါတယ်။

“နောက်ဆုံးတော့ ကျွန်တော့်ခန္ဓာကိုယ်မှာ ဘာသာရေးအရ ထိုးထားတဲ့တက်တူးကြောင့် ကျွန်တော့်တပ်က အရာရှိတွေက ကျွန်တော်ဟာ အစွန်းရောက်တစ်ဦး ဒါမှမဟုတ် လူဖြူအမျိုးသားရေးဝါဒီတစ်ဦးလို့ မှတ်ယူကြ တယ်။ ဒါဟာ ခရစ်ယာန်အမှတ်သင်္ကေတသာဖြစ်ပြီး ဘာမှ အစွန်းရောက်သင်္ကေတ မဟုတ်ပါဘူးဗျာ။” လို့ ပိဟဂ်ဆက်က ပြောပါတယ်။

Ref: Trump’s Defense Secretary Pick Was Removed From Biden’s Inauguration For A Truly Wild Reason: Yahoo News Singapore

#သတင်းဟင်းလေးအိုးကြီး