MySPACE

1 y - Translate

နည်းပြအလွန်ဆိုကြောင့် အောင်မြင်မှုလမ်းကြောင်းပေါ် အချိန်တိုအတွင်းရောက်ခဲ့တဲ့ လေဗာကူဆင်

လေဗာကူဆင်အသင်းသည် ဂျာမန်ဘောလုံးချန်ပီယံရှစ်(ယခု ဘွန်ဒက်စ်လီဂါ)ပြိုင်ပွဲသမိုင်း၌ ပြည်ပကလပ် ရက်ပစ်ဝီးန်အသင်းလောက်ပင် အောင်မြင်မှုမရှိခဲ့သည့်အသင်းဖြစ်သည်။သြစတြီးယားကလပ် ရက်ပစ်ဝီးန်အသင်းကမှ (၁၉၄၁) ခုနှစ်တွင် ဂျာမန်ဘောလုံးချန်ပီယံရှစ်ပြိုင်ပွဲ ချန်ပီယံအဖြစ် အောင်ပွဲခံခဲ့ဖူးသည်။လေဗာကူဆင်အသင်းမှာမူ ဂျာမန်အမှတ်ပေးချန်ပီယံဆုကို အသင်းသမိုင်းတစ်လျှောက် တစ်ကြိမ်မှ မဆွတ်ခူးခဲ့ဖူးချေ။ယခု အသင်းသက်တမ်းနှစ်(၁၂၀)ပြည့်ချိန်မှ ဂျာမန်ချန်ပီယံအဖြစ် ပထမဆုံးအောင်ပွဲခံဖူးခြင်းဖြစ်သည်။ယင်းကဲ့သို့ အောင်ပွဲခံနိုင်စေရန် စပိန်လူမျိုးနည်းပြ ဇာဘီ အလွန်ဆိုက အချိန်တိုအတွင်း အသင်းကို အောင်မြင်မှုလမ်းကြောင်းပေါ်သို့ ဆွဲတင်ခဲ့ခြင်းဖြစ်သည်။(၂၀၂၂)အောက်တိုဘာလက လေဗာကူဆင်အသင်းကို အလွန်ဆို စတင်တာဝန်ယူစဉ်က အသင်းမှာ တန်းမဆင်းရရန်ရုန်းကန်ရဖွယ်ရှိနေသည့်အနေအထားဖြစ်သည်။ပွဲစဉ်(၈)ပွဲကစားအပြီး ဇယားအောက်ဆုံး ဒုတိယနေရာ(အဆင့် ၁၇)သို့ ရောက်နေသည်။ယင်းအသင်းအား အလွန်ဆိုက ရာသီကုန်တွင် အဆင့်(၆)ရစေခဲ့ပြီး ယူရိုပါလိဂ်ဝင်ခွင့်ရစေခဲ့သည်။ယခုရာသီတွင်တော့ တစ်ရာသီလုံး ပြိုင်ပွဲစုံ ရှုံးပွဲမရှိကစားထားပြီး ဘွန်ဒက်စ်လီဂါချန်ပီယံဆုကို ရယူဆွတ်ခူးနိုင်ရုံမက ယူရိုပါလိဂ်တွင်လည်း ဗိုလ်စွဲရန် ထိပ်ဆုံးမှ ရေပန်းစားနေသည်။လေဗာကူဆင်အသင်းအနေဖြင့် ဂျာမန် DFB ပိုကယ်လ်ဖလားတွင်လည်း ဗိုလ်လုပွဲသို့ရောက်ရှိနေရာ (လွန်ခဲ့သည့် တစ်နှစ်ခွဲက တန်းဆင်းဇုန်ထဲကျရောက်နေသည့်အသင်းက) ဖလား(၃)လုံးချန်ပီယံအဖြစ် အောင်ပွဲခံနိုင်ရန် တဖြည်းဖြည်းနီးစပ်လာပြီဟု ဆိုရမည်ဖြစ်သည်။

အလွန်ဆို တစ်ယောက် လေဗာကူဆင်အသင်းကို လက်ကျန်ဖလားပြိုင်ပွဲ(၂)ရပ်မှာ ချန်ပီယံဆုရယူနိုင်အောင် စွမ်းဆောင်ပေးနိုင်မှာလား❓