ဘဝမှာ ကိုယ်လိုချင်တာတွေရဖို့ ဒီ(၅)ချက်ကို လုပ်ဆောင်ပါ။
ဘဝမှာ ကိုယ်လိုချင်တာတွေ ရဖို့ဆိုတာ စိတ်ကူးယဉ်ပြီး စောင့်နေရုံနဲ့ မရနိုင်ပါဘူး။ ဒါကို ရဖို့ဆိုရင် မှန်ကန်တဲ့ ခြေလှမ်းတွေ၊ စဉ်ဆက်မပြတ်လုပ်ဆောင်မှုတွေ လိုအပ်ပါတယ်။ ဒါကြောင့် ကိုယ့်ဘဝမှာ ကိုယ်လိုချင်တာကို ရဖို့ လိုက်နာရမယ့် အချက် (၅) ချက်ကို အသေးစိတ် ဖော်ပြပေးသွားပါမယ်။
၁။ လိုချင်တာကို တိတိကျကျ သတ်မှတ်ပါ။
- ပထမဆုံး အရေးကြီးဆုံးအချက်က ကိုယ်ဘာကို တကယ်လိုချင်တာလဲဆိုတာ ရှင်းရှင်းလင်းလင်း သိရပါမယ်။ ကိုယ်လိုချင်တဲ့အရာက လက်တွေ့ကျ၊တိကျပြီး တိုင်းတာလို့ရတဲ့ ရည်မှန်းချက်မျိုးဖြစ်ရမဲ့အပြင် တိကျတဲ့အချိန်သတ်မှတ်ချက်လဲပါရပါမယ်။ ရည်မှန်းချက်က ရှင်းလင်းနေမှသာ လမ်းကြောင်းကို မှန်ကန်စွာ ရွေးချယ်နိုင်မှာဖြစ်ပါတယ်။
၂။ ရအောင်ယူဖို့ နည်းလမ်းတွေကို သိရမယ်။
- ကိုယ်လိုချင်တာကို ရဖို့ ဘယ်လိုနည်းလမ်းတွေ ရှိလဲဆိုတာ သိဖို့လိုပါတယ်။ နည်းလမ်းတွေသိဖို့ လမ်းညွှန်ချက်တွေ ရယူခြင်း၊ အတွေ့အကြုံရှိသူတွေနဲ့ တိုင်ပင်ခြင်း၊ ကိုယ်တိုင်စူးစမ်းလေ့လာရှာဖွေခြင်းတွေ ပါဝင်ပါတယ်။ နည်းလမ်းသိမှသာ ကိုယ့်ရဲ့ ရည်မှန်းချက်ဆီကို ထိထိရောက်ရောက် ချဉ်းကပ်နိုင်မှာပါ။ ဥပမာ၊ ကိုယ်က စီးပွားရေးလုပ်ချင်တယ်ဆိုရင် ဘယ်လိုနည်းလမ်းတွေနဲ့ စတင်ရမလဲဆိုတာ သိဖို့လိုပါတယ်။
၃။ နည်းလမ်းသိတာနဲ့ စတင်လုပ်ဆောင်ပါ။
- နည်းလမ်းသိပြီဆိုရင် အချိန်ဆွဲမနေဘဲ စတင်လုပ်ဆောင်ပါ။ စတင်ခြင်းဟာ အခက်ခဲဆုံးအပိုင်းဖြစ်နိုင်ပေမယ့်၊ ပထမခြေလှမ်းကို စတင်လိုက်ပြီဆိုရင် ကျန်တဲ့လမ်းကြောင်းက ပိုမိုလွယ်ကူလာပါလိမ့်မယ်။ ဥပမာ၊ ကိုယ်က စာရေးဆရာဖြစ်ချင်တယ်ဆိုရင် ပထမဆုံး စာတစ်ပုဒ် စရေးဖို့ လိုပါတယ်။ ကြောက်နေရင်တောင် ကြောက်ကြောက်နဲ့ပဲ စတင်လုပ်ဆောင်လိုက်ပါ။
၄။ ဆက်လက်လုပ်ဆောင်ပါ။
- စတင်လုပ်ဆောင်ပြီးရင် ဆက်လက်လုပ်ဆောင်ဖို့ လိုပါတယ်။ ဘဝမှာ အခက်အခဲတွေ၊ စိန်ခေါ်မှုတွေ ကြုံလာနိုင်ပေမယ့်၊ ဇွဲရှိပြီး ဆက်လက်လုပ်ဆောင်သွားမယ်ဆိုရင် အောင်မြင်မှုဆီကို ရောက်ရှိနိုင်ပါတယ်။ ဥပမာ၊ ကိုယ်က ကိုယ်အလေးချိန် လျှော့ချင်တယ်ဆိုရင် နေ့တိုင်း လေ့ကျင့်ခန်း လုပ်ဖို့ လိုပါတယ်။
၅။ အဆုံးထိ ဇွဲရှိရှိနဲ့ လုပ်ဆောင်ပါ။
- နောက်ဆုံးအချက်က ကိုယ့်ရဲ့ ရည်မှန်းချက်ကို အဆုံးထိ လုပ် ဆောင်ဖို့ပါ။ တစ်ခါတလေမှာ လမ်းခရီးက ရှည်လျားနိုင်ပေမယ့်၊ ကိုယ်လိုချင်တာကို ရဖို့ ဇွဲရှိပြီး အဆုံးထိ လုပ်ဆောင်သွားမယ်ဆိုရင် အောင်မြင်မှုက ကိုယ့်အတွက် စောင့်နေပါလိမ့်မယ်။
လူအုပ်ကြီးနဲ့ ကိုယ့်ကို ကွဲသွားစေတဲ့ အဓိကအကြောင်းအရင်းက Persistence ဆိုတဲ့ မဆုတ်မနစ် ဇွဲရှိရှိလုပ်ဆောင်ခြင်းပါပဲ။
ကိုယ့်ဘဝမှာ ကိုယ်လိုချင်တာကို ရဖို့ဆိုတာ စနစ်တကျ လုပ်ဆောင်ဖို့ လိုပါတယ်။ ဒီအချက် (၅) ချက်ကို လိုက်နာပြီး လုပ်ဆောင်သွားမယ်ဆိုရင် ကိုယ်လိုချင်တာတွေ ရရှိဖို့ အခွင့်အလမ်းတွေ ပိုများလာပါလိမ့်မယ်။ ဘဝမှာ အောင်မြင်မှုဆိုတာ လွယ်ကူတဲ့အရာ မဟုတ်ပေမယ့်၊ မှန်ကန်တဲ့ ခြေလှမ်းတွေနဲ့ လုပ်ဆောင်သွားမယ်ဆိုရင် အောင်မြင်နိုင်မှာ အသေအချာပါပဲ။
#myspaceadmin-m
