TATTOO INSPO ☠️☠️☠️

HARRY POTTER EDITION (PART -1)🔥🔥🔥

ခွဲခွာရခြင်း အခိုက်အတန့်များ

သေခြင်းတရားကို တစ်နေ့မှာ မလွဲမသွေ ရင်ဆိုင်ကြရမယ်ဆိုတာ ကျွန်တော်တို့အားလုံးသိထားနှင့်ကြပြီးသား ဖြစ်ကြမှာပါ။ဆုံတွေ့တဲ့ အခိုက်အတန့်မတူကြပဲ ဘဝထဲက ထွက်ခွာသွားကြတဲ့သူတွေ၊ သေခြင်းတရားနဲ့ ခွဲခွာရခြင်းမဟုတ်ပဲ ရုတ်တရက်ခွဲခွာသွားကြသူတွေကို ဘဝမှာအများကြီးကြုံခဲ့ရမှာပါ။

မရှိတော့တဲ့ မိဘတွေ၊ဆုံးပါးသွားတဲ့သူတွေကိုသာ ခွဲခွာသွားကြသူတွေလို့ သတ်မှတ်ထားကြပေမယ့် ခွဲခွာကြရတဲ့ မတူညီကြတဲ့ အခြေခံအကြောင်းအရင်းကိုကျပြန်တော့ စိတ်ထဲမှာ အမှတ်မထင်မတွေးထားမိကြတာမျိုးရယ်ပါ။(တကယ်တော့အကြောင်းပြချက်အမျိုးမျိုးနဲ့ ခွဲခွာသွားကြသူတွေချည်းပါပဲ။)

ငယ်ငယ်က သူငယ်ချင်းတွေ၊ လက်ရှိမိတ်ဆွေသူငယ်ချင်းတွေ၊လုပ်ဖော်ကိုင်ဖက်တွေ၊ဆွေမျိုးသင်္ဂဟတွေ၊ချစ်သူရည်းစားဟောင်းတွေ ဒီလိုလူတွေကလဲ မိမိရဲ့ ဘဝထဲကိုဝင်လာပြီး သေခြင်းတရားမှ မဟုတ်ပဲ ရှင်လျှက်နဲ့ ရုတ်တရက် ဘယ်တော့မှ မတွေ့ကြရတော့မယ့်အခြေအနေနဲ့ (ဝေးသထက်ဝေးကာ ဝေးဝေးမှာနေလိုက်ကြတာ) ဖြစ်သွားတတ်ကြပါတယ်။

ဗုဒ္ဓဘာသာ အရဆိုရင်လဲ ကျွန်တော်တို့ဟာ ဒီသံသရာမှာ ခဏတာ လူလာဖြစ်ပြီး ခေတ္တခဏ ဒီအမိ၊ဒီအဖ၊ဒီလင်ဒီမယား၊ဆွေမျိုးညီအကိုမောင်နှမသားချင်းတွေရယ်လို့ ဖြစ်လာကြတာမဟုတ်ပါလား။ငယ်ငယ်ကသူငယ်ချင်းတွေ၊ကျောင်း၊အလုပ်တွေမှာ တွေ့ဆုံကြသူတွေနဲ့လဲ ခဏတာဆုံတွေ့နေကြတာပါပဲ။

ဒါကြောင့် မနက်ဖြန်ဆိုတာဘာမှန်းမသိကြတဲ့အတွက် အသက်ရှိနေစဉ်အချိန်နဲ့ ဝေးမသွားရသေးမယ့် အတူတူရှိနေစဉ်အချိန်တွေမှာ မိမိတို့ စိတ်နှလုံးသားကို ကောင်းမွန်စွာထားတတ်ဖို့နဲ့ အငြိုးအတေး အာဃာတနည်းပါးစွာနဲ့ အနားမှာရှိနေမယ့်သူတွေနဲ့အတူ ဘဝခရီးလမ်းကို ချောမွေ့စွာ လျှောက်လှမ်းနိုင်ကြဖို့ ရည်ရွယ်ဆန္ဒပြုရင်း ...

(၉.၁၀.၂၀၂၄)

#myspaceadmin
#frankiestories