ဂျိုးဘိုင်ဒင်နှင့်ထရမ့်ပ်တို့ လာမည့်သီတင်းပတ်၌တွေ့ဆုံကြမည်
ဝါရှင်တန်၊နိုဝင်ဘာ ၁၀
အမေရိကန်သမ္မတဂျိုးဘိုင်ဒင်နှင့် ရွေးကောက်ခံသမ္မတဒေါ်နယ်ထရမ့်ပ်တို့သည် သမ္မတ၏ ဘဲဥပုံရုံးခန်း ၌ လာမည့် သီတင်းပတ်၌တွေ့ဆုံကြမည်ဖြစ်ကြောင်း အိမ်ဖြူတော်၏ သတင်းထုတ်ပြန်ကြေငြာချက်အရသိရသည်။
အဆိုပါအလေ့အထ သည် အာဏာလွှဲပြောင်းရာ၌ အဆင်ပြေချောမွေ့စေရန်ရည်ရွယ်လျက် လက်ရှိသမ္မတနှင့်ရွေးကောက်ခံသမ္မတတို့ တွေ့ဆုံဆွေးနွေးကြသည့် အမေရိက၏အလေ့အထ ဖြစ်သည်။
သို့သော် ပြီးခဲ့သည့် ၂၀၂၀ ပြည့်နှစ် ရွေးကောက်ပွဲ၌ ရွေးကောက်ခံဒီမိုကရက်တစ်ပါတီသမ္မတဂျိုးဘိုင်ဒင်ကို ရီပတ်ဘလစ်ကန်သမ္မတ ဒေါ်နယ်ထရမ့်ပ်က လက်ခံတွေ့ဆုံခဲ့ခြင်းမရှိခဲ့သော်လည်း ၎င်းတစ်ကျော့ပြန်သမ္မတဖြစ်လာသည့်အခါ၌မူ သမ္မတဘိုင်ဒင်က တွေ့ဆုံဆွေးနွေးမည်ဟုဆိုခဲ့ခြင်းလည်းဖြစ်သည်။
ထရမ့်ပ်သည် ဒီမိုကရက်တစ်ပါတီသမ္မတလောင်း လက်ရှိဒုတိယသမ္မတကင်မ်မလာ ဟဲရစ်အား အနိုင်ရကာ တစ်ကျော့ပြန်သမ္မတဖြစ်လာခဲ့ခြင်းဖြစ်ပြီး ၁၈၉၂ ခုနှစ်က အလားတူဖြစ်ရပ်မျိုးဖြစ်ပေါ်ခဲ့သည့် အမေရိကန်သမ္မတဂရိုဗာဆလီဗီလန်ပြီးပါက ပထမဆုံးတစ်ကျော့ပြန်အာဏာရသမ္မတလည်းဖြစ်သည်။
သမ္မတဘိုင်ဒင်က ထရမ့်ပ်နှင့်တွေ့ဆုံကာ ရွေးကောက်ပွဲအနိုင်ရမှုအတွက် ဂုဏ်ယူဝမ်းမြောက်စကားပြောကြားမည်ဖြစ်ကြောင်းဆိုခဲ့ပြီး ထရမ့်ပ်ကလည်း သမ္မတဘိုင်ဒင်နှင့်တွေ့ဆုံမည်ဖြစ်ကြောင်းပြန်လည်ပြောကြားခဲ့သည်။
