ရှာဖွေပါ။ ပို့စ်များExplore captivating content and diverse perspectives on our Discover page. Uncover fresh ideas and engage in meaningful conversations
တူလေးသတိုးသီဟကို သွားထိန်းပြီး လက်ကမချနိုင်အောင် ချစ်နေတဲ့ စိုးပြည့်သဇင် 🥰
ခေတ်လေးနဲ့အတူ သွားကြည့်ခဲ့ကြတာပါ။ တူလေး သတိုးသီဟရဲ့ နှာတံစင်းစင်းလေးကြောင့် အချစ်တွေပိုနေခဲ့ရတယ်လို့ဆိုပါတယ်။ တူ၊ တူမတွေအများကြီးပိုင်ဆိုင်ထားပြီးပြီဖြစ်တဲ့ သူမကတော့ ယခုအချိန်ထိ အိမ်ထောင်မပြုသေးတာကိုတွေ့ရပါတယ်။ တူမလေး ထရက်ရှာအတွက်လည်း လက်ဆောင်တွေဝယ်လာပေးခဲ့ကြောင်း သူမက မျှဝေပြောပြထားတာပါ။
#crd
#celenews
ပါတီတည်ထောင်ခွင့်လျှောက်ထားလာသည့်အဖွဲ့ ၁၈ ဖွဲ့ရှိပြီး ယင်းအဖွဲ့များအနက် နိုင်ငံရေးပါတီ ၁၅ ပါတီကို တည်ထောင်ခွင့်ပြုပြီးဖြစ်ကြောင်း UEC ထုတ်ပြန်
ဇန်နဝါရီ ၂၃
နိုင်ငံရေးပါတီ တည်ထောင်လိုသူများက ယင်းတို့တည်ထောင်လိုသော ပါတီအမည်ကိုဖော်ပြ၍ လျှောက်ထားလျက်ရှိကြရာ ယမန်နေ့အထိ ပါတီတည်ထောင်ခွင့် လျှောက်ထားလာသည့်အဖွဲ့ ၁၈ ဖွဲ့ရှိပြီး လျှောက်ထားသည့်အဖွဲ့များအနက် နိုင်ငံရေးပါတီ ၁၅ ပါတီကို တည်ထောင်ခွင့်ပြုပြီးဖြစ်ကြောင်း ပြည်ထောင်စုရွေးကောက်ပွဲကော်မရှင်မှ သတင်းထုတ်ပြန်ထားသည်။
အဆိုပါ တည်ထောင်ခွင့်ပြုပြီး နိုင်ငံရေးပါတီ ၁၅ ပါတီအနက် ဦးဇော်မင်းဦး ခေါင်းဆောင်သည့် ကယားပြည်နယ် ပြည်သူ့ပါတီ (KySPP) က ပါတီတည်ထောင်ခွင့်ပြုသည့် နေ့ရက်မှစ၍ ရက်ပေါင်း ၃၀ အတွင်း နိုင်ငံရေးပါတီများ မှတ်ပုံတင်ခြင်း နည်းဥပဒေ ၇ နှင့်အညီ ကော်မရှင်သို့ ယမန်နေ့တွင် နိုင်ငံရေးပါတီအဖြစ် မှတ်ပုံတင်ပေးပါရန် လျှောက်ထားလာခြင်းဖြစ်၍ ယင်းပါတီကို မှတ်ပုံတင်ခွင့်ပြုနိုင်ရေး ပြည်ထောင်စုရွေးကောက်ပွဲကော်မရှင်က ဆက်လက်စိစစ်ဆောင်ရွက်လျက်ရှိကြောင်း ထုတ်ပြန်ထားသည်။
#centralnewsnaypyitaw
အပူတွေ မရှိတာရယ်လို့တော့
ဘယ်ဟုတ်ပါ့မလဲ ။
ထွေထွေထူးထူးခေါင်းစဉ်တပ်မရတဲ့
အဆင်မပြေမူတွေထဲ ကိုယ်က
အရာရာကို အေးချမ်းချင်လို့ ခွင့်လွှတ်ခဲ့တာ ။
အပူကို အပူလို့ မသတ်မှတ်ခဲ့တာ ။
ကြုံလာသမျှ ဝင်လာသမျှ အခက်ခဲတွေကို
ပြုံးပြုံးကြီး ရင်ကော့ ခေါင်းမော့ ဖြတ်ကျော်ခဲ့တာ ။
ဘယ်လောက်တောင်
အေးချမ်း သန်မာလိုက်တဲ့ သက်ရှိလေးလဲ
ကြည့်ပါဦး
ခုထိ ခပ်ပြုံးပြုံးလေးပဲ …
#စာတို
အုပ်စုဖွဲ့ လုယက်မှုတွေ ခပ်စိပ်စိပ်ဖြစ်နေတဲ့ မန္တလေးမှာ လူသတ်မှုအထိ ကျူးလွန်သူတချို့ကို သေဒဏ်ချမှတ်
ဇန်နဝါရီ ၂၃
မန္တလေးမြို့အတွင်းက လူသွားလူလာပြတ်တဲ့ နေရာတွေနဲ့ မြို့ပတ်လမ်းလို နေရာတချို့မှာ မကြာခနဆိုသလို မီနီအိုးဝေနဲ့ ဆိုင်ကယ်လုယက်မှုဖြစ်စဥ်တွေ ခပ်စိတ်စိတ်ဖြစ်ပွားနေပြီး မနေ့ ဇန်နဝါရီလ ၂၂ ရက်နေ့ နေ့လယ်ပိုင်း 69A လမ်း -115 116 ကြားမှာ အမျိုးသားတဦးစီးနှင်းလာတဲ့ 2020 Model Click 79w-42542 ဖြူ/လိမ္မော် တစီးကို အုပ်စုဖွဲ့လုယက်သူ ၆ ဦးက လုယူသွားတဲ့ ဖြစ်စဥ် ဖြစ်ပွားခဲ့ပါတယ်။
လုယက်ခံရသူတွေထဲကမှ လုယက်ခံရချိန် လက်ဗလာနဲ့ ထွက်ပြေး လွတ်မြောက်လာသူတချို့ ရှိသလို အသက်သေဆုံးသည်အထိ ဓားနဲ့ထိုးခံရကာ လုယက်ခံရမှုဖြစ်စဥ်တွေလည်း မန္တလေးမြို့မှာ မကြာခဏဖြစ်ပွားနေပါတယ်။
၂၀၂၄ ခုနှစ် နိုဝင်ဘာ ၂၃ ရက်နေ့မှာလည်း အမရပူရမြို့နယ်၊ အိုးထုပ်တန်းတိုးဂိတ်အနီး အလယ်တန်းပြကျောင်းဆရာမတဦး စီးနှင်းလာတဲ့ဆိုင်ကယ်ကို လုယက်ပြီး လူကိုသေဆုံးအောင်အထိ ဓားနဲ့ထိုးသတ်ခဲ့ရာမှာ ဖမ်းဆီးရမိတဲ့ တရားခံနှစ်ဦးကို ၂၀၂၅ ၊ ဇန်နဝါရီ ၂၀ ရက်နေ့မှာ အမရပူရခရိုင်တရားရုံးကနေ သေဒဏ်ချမှတ်ခဲ့တယ်လို့ သိရပါတယ်။
ဖြစ်စဥ်မှာ အမရပူရမြို့နယ်၊ တပ်ကြပ်ကျေးရွာ၊ အိုးထုပ်တန်းတိုးဂိတ်အနီးမှာ တရားခံ အောင်ခန့်ကျော်(ခ)ဖြိုးဝင်း(ခ) ကျော်ကြီးနှင့် ခန့်ဇင်လင်းတို့နှစ်ယောက်ဟာ Scoopy အနက်ရောင်စီးနှင်းလာတဲ့ ကြည့်မြင်တိုင်(အထကခွဲ) အလယ်တန်း ပြ ကျောင်းဆရာမ ဒေါ်အေးမြခိုင် ကို အသက်သေဆုံးအောင်အထိ ဓားနဲ့ထိုးကာ ဆိုင်ကယ်လုယက်မှု ကျူးလွန်ခဲ့ပြီး ပြစ်မှုကျူးလွန်သူနှစ်ဦးကို ပတ်ဝန်းကျင်အကူအညီနဲ့ ဝိုင်းဝန်းဖမ်းဆီးနိုင်ခဲ့ပြီး ထွက်ပြေးလွတ်မြောက်နေသူတချို့ကျန်ရှိနေသေးတယ်လို့ သိရပါတယ်။
ပြစ်မှုကျူးလွန်သူနှစ်ဦးကို အမရပူရမြို့မရဲစခန်းက အမှုဖွင့်စစ်ဆေးခဲ့ပြီး အမရပူရခရိုင်တရားရုံးမှာ တရားစွဲတင်ပို့စစ်ဆေးခဲ့ကာ တရားခံ အောင်ခန့်ကျော်(ခ)ဖြိုးဝင်း (ခ)ကျော်ကြီးအပါဝင် ခန့်ဇင်လင်းတို့ နှစ်ဦးအပေါ် သေဒဏ်အမိန့် ချမှတ်ခဲ့တယ်လို့ အမရပူရခရိုင်တရားရုံးကနေ သိရပါတယ်။
မန္တလေးမြို့က လူအသွားအလာ ပြတ်တဲ့နေရာတွေနဲ့ မြို့ပတ် လမ်းလိုနေရာတွေမှာ အုပ်စုဖွဲ့ပြီး Honda scoopy နဲ့ Click ဆိုင်ကယ်တွေကို ပစ်မှတ်ထားကာ လုယက်ကြသလို မီနီအိုးဝေမောင်းနှင်တဲ့သူတွေကိုလည်း ဓားနဲ့ထိုးပြီး မီနီအိုးဝေလုယက်ခံရတဲ့ ဖြစ်စဥ်တွေလည်း ရှိခဲ့ပါတယ်။
Video Crd #sudarli
#သတင်းဟင်းလေးအိုးကြီး
Cervical spondylosis ( ဇက်ကျီးပေါင်း )
အသက်ကြီးသူတွေမှာ cervical spondylosis ( ဇက်ကျီးပေါင်း ) အဖြစ်များပါတယ်။ ဇက်မှာရှိတဲ့ ဇက်ကျောရိုး နှင့် ဇက်ကျောရိုးနှစ်ခု ဆက်စပ်ပေးတဲ့ ဝါရှာလို အရိုးနုလေးတွေ ပျက်စီးခြင်းကြောင့် ဇက်ကျီးပေါင်းဖြစ်လာတာပါ။ ဇက်ကျီးပေါင်းကို ဇက်အဆစ်ရောင်ခြင်း ( neck arthritis ) သို့မဟုတ် cervical osteoarthritis လို့ လည်းခေါ်ပါတယ်။
အသက် ၆၀ နှစ် နှင့် အထက် အသက်ကြီးသူ ၉၀% ကျော်ကျော်လောက် ဇက်ကျီးပေါင်းရောဂါ ခံစားရတယ်လို့ the Cleveland Clinic က ဆိုပါတယ်။ အသက်ကြီးရင့်လာလို့ ဇက်ကျီးပေါင်းဖြစ်တယ်လို့ အလွယ်ပြောလို့ရပါတယ်။ ဇက်အရိုး ထိခိုက်မှုများ၊ ဇက်ကိုထိခိုက်စေသော အလေးမရသော အလုပ်များ ( ဥပမာ - ဆောက်လုပ်ရေး လုပ်သားများ ) ၊ ဇက်ကျီးပေါင်းရောဂါ မျိုးရိုးရှိသူများ၊ ဆေးလိပ်သောက်သူများ၊ အဝလွန်သူများမှာ ဇက်ကျီးပေါင်းရောဂါပိုဖြစ်နိုင်ပါတယ်။
တစ်ချို့ဇက်ကျီးပေါင်းရောဂါရှိသူတွေက ဝေဒနာမခံစားရပေမည့် ဇက်ကျီးပေါင်းကြောင့် ပြင်းထန်သော နာတာရှည် နာကျင်မှု နှင့် ဇက်တောင့်တင်းခြင်းတွေဖြစ်နိုင်ပါတယ်။ ဇက်ကျီးပေါင်းရောဂါကြောင့် ပုခုံးတစ်လျှောက်နာကျင်မှုဖြစ်နိုင်ပါတယ်။ လက် နှင့် လက်ချောင်းလေးတွေ နာကျင်တာလည်း ဖြစ်နိုင်ပါတယ်။ မတ်တပ်ရပ်ချိန်၊ ထိုင်နေချိန်၊ နှာချေချိန် နှင့် ချောင်းဆိုးချိန်တွေမှာ နာကျင်မှုပိုဆိုးနိုင်ပါတယ်။
ကြွက်သားအားနည်းခြင်းလည်း ဖြစ်နိုင်ပါတယ်။ လက်ကို မတင်ရခက်တာ၊ ပစ္စည်းတွေကို ဆုတ်ကိုင်ရခက်တာတွေဖြစ်လာနိုင်တယ်။ ဇက်ကြောတောင့်တင်းနေတာ၊ အနောက်ဘက် ခေါင်းကိုက်နေတာ၊ ပုခုံး နှင့် လက်မောင်း တစ်လျှောက် စပ်ဖျဉ်းဖျဉ်း သို့မဟုတ် တဆစ်ဆစ်ကိုက်ခဲနေတာလည်း ကြုံရနိုင်တယ်။ ခန္ဓာကိုယ်မထိန်းနိုင်ခြင်း ၊ ဆီးမထိန်းနိုင်ခြင်း နှင့် ဝမ်းမထိန်းနိုင်ခြင်းတွေလည်းဖြစ်နိုင်တယ်။
ဇက်ကျီးပေါင်းရောဂါအခြေအနေ မပြင်းထန်ချိန်မှာ ဇက်ကျီးပေါင်းကြောင့် နာကျင်လာလျှင် NSAID လို အကိုက်အခဲပျောက်ဆေးသောက်နိုင်တယ်။ ဇက်ကိုရေနွေးအိတ်ကပ်တာ သို့မဟုတ် ရေခဲကပ်တာ လုပ်ပေးနိုင်တယ်။ မြန်မြန်သက်သာစေဖို့ လေ့ကျင့်ခန်းလုပ်ပေးနိုင်တယ်။ ဝေဒနာ ယာယီသက်သာစေဖို့ neck brace or collar ကို အချိန်အတိုင်းအတာတစ်ခုထိ ဝတ်ထားလို့ရတယ်။
ကိုယ်တိုင်ကုသမှုနဲ့ မလုံလောက်လျှင် ဆရာဝန် နှင့် ပြသပြီး ရောဂါအခြေအနေ နှင့် ပြင်းထန်မှုကို ရှာဖွေရမည်။ ဇက်ကျီးပေါင်းရှိသူတစ်ယောက်အနေနဲ့ ရုတ်တရက် ပုခုံး၊ လက်မောင်း နှင့် ခြေထောက်တစ်လျှောက် စပ်ဖျဉ်းဖျဉ်း သို့မဟုတ် တဆစ်ဆစ် ကိုက်ခဲလာခဲ့လျှင် သို့မဟုတ် ရုတ်တရက် ဆီး နှင့် ဝမ်း မထိန်းနိုင်ဖြစ်လာခဲ့လျှင် အရေးပေါ်အခြေအနေဖြစ်ပြီး နီးစပ်ရာဆရာဝန်နှင့် အမြန်ဆုံးပြသ ကုသရပါမည်။ ခွဲစိတ်ကုသ လိုအပ်တာလည်း ဖြစ်နိုင်ပါတယ်။
#ကျန်းမာရေးဗဟုသုတ
#sharing
