Discover postsExplore captivating content and diverse perspectives on our Discover page. Uncover fresh ideas and engage in meaningful conversations
Tattoo Design 💕
Tattoo Design 💕
Tattoo Design 💕
Tattoo Design 💕
Tattoo Design 💕
Tattoo Design 💕
Tattoo Design 💕
Tattoo Design 💕
+7
တရုတ်က စကော်ဘိုရိုရေတိမ်သောင်ခုံအနီး ပိုင်နက်အခြေခံမျဉ်းသတ်မှတ်
ပေကျင်း၊နိုဝင်ဘာ ၂၀
တရုတ်နိုင်ငံက အငြင်းပွားရေပိုင်နက် တောင်တရုတ်ပင်လယ်အတွင်းရှိ စကော်ဘိုရိုရေတိမ်သောင်ခုံအနီး၌ ပိုင်နက်အခြေခံမျဉ်းကိုသတ်မှတ်ခဲ့ကြောင်း နိုဝင်ဘာ ၁၀ ရက်ကထုတ်ပြန်ကြေငြာခဲ့သည်။
ယခုလိုသတ်မှတ်လိုက်ခြင်းသည် ၎င်း၏ပိုင်နက်နယ်မြေခွဲဝေမှုအား ခိုင်မာပြီးတရားဝင်ဖြစ်စေမည့်အပြင် မကြာသေးမီကချမှတ်ခဲ့သည့် ဖိလစ်ပိုင်၏ ရေကြောင်းမူဝါဒကိုတုန့်ပြန်လိုက်ခြင်းလည်းဖြစ်သည်။
ယခုလအစောပိုင်းက ဖိလစ်ပိုင်သမ္မတ ဖာဒီနန်မားကို့စ်ဂျူနီယာသည် ရေကြောင်းဇုန်များအက်ဥပဒေနှင့် ကျွန်းစုပင်လယ်လမ်းများအက်ဥပဒေကို တရားဝင်လက်မှတ်ရေးထိုးခဲ့သည်။
ဤဥပဒေများအရ အငြင်းပွားရေပိုင်နက်များနှင့်ပတ်သက်၍ မနီလာ၏တရားစီရင်ပိုင်ခွင့်ကို တရားဝင်ဖြစ်စေမည်ဖြစ်ပြီး ရေကြောင်းသွားလာမှုအတွက် မဟာဗျူဟာကျသော ရေကြောင်းလမ်းများကို သတ်မှတ်ပေးနိုင်မည်ဖြစ်သည်။
အဆိုပါဥပဒေများအား တုန့်ပြန်သည့်အနေဖြင့် တရုတ်က ပိုင်နက်ပင်လယ်အခြေခံမျဥ်းများကို သတ်မှတ်ခြင်း၊မွမ်းမံထားသော မြေပုံများထုတ်ပြန်ခြင်း၊အငြင်းပွားနေသောဒေသများအတွက် အုပ်ချုပ်ရေးကုဒ်များသတ်မှတ်ခြင်းနှင့် ၎င်း၏တရားစီရင်ပိုင်ခွင့်အောက်ရှိ ကျွန်းများနှင့် ကျောက်တန်းများကို တရုတ်စာလုံးများဖြင့် အမည်ပေးခြင်းတို့ဖြင့်လျင်မြန်စွာပြန်လည်တုန့်ပြန်ခဲ့ခြင်းလည်းဖြစ်သည်။
အရှေ့တောင်အာရှ အမျိုးသား လူ့အခွင့်အရေး အဖွဲ့အစည်းများဖိုရမ်တွင် လူ့အခွင့်အရေးမြှင့်တင်ရေးနှင့် ကာကွယ်စောင့်ရှောက်ရေးဆိုင်ရာများ ပါဝင်ဆွေးနွေး
အရှေ့တောင်အာရှ အမျိုးသား လူ့အခွင့်အရေး အဖွဲ့အစည်းများဖိုရမ် (SEANF) ၏ (၂၁)ကြိမ်မြောက် နှစ်ပတ်လည် အစည်းအဝေးနှင့် ဆက်စပ်ဆွေးနွေးပွဲကို အလှည့်ကျဥက္ကဋ္ဌ ဖြစ်သည့် တီမောလက်စ်တေ လူ့အခွင့်အရေးကော်မရှင်က ဦးဆောင်ကာ ဒီလီမြို့တွင် နိုဝင်ဘာ (၁၈) ရက်မှ (၂၀) ရက်အထိ hybrid ပုံစံဖြင့် ကျင်းပခဲ့ရာ မြန်မာနိုင်ငံ အမျိုးသားလူ့အခွင့်အရေး ကော်မရှင်မှ ပါဝင်တက်ရောက်ဆွေးနွေးခဲ့ကြောင်း သိရသည်။
ဖိုရမ်၏ နှစ်ပတ်လည်အစည်းအဝေးတွင် မြန်မာရွေးကောက်ပွဲကော်မရှင် တာဝန်ရှိသူများက ကော်မတီ၏ လူ့အခွင့်အရေးမြှင့်တင်ရေးနှင့် ကာကွယ်စောင့်ရှောက်ရေးတို့နှင့် စပ်လျဉ်းသည့် ဆောင်ရွက်ချက်များနှင့် တိုးတက်ဖြစ်ထွန်းမှုများ၊ SEANF ၏ မဟာဗျူဟာ စီမံကိန်း (၂၀၂၂-၂၀၂၆) ဦးစားပေးကိစ္စရပ် အမှတ် (၂) ဖြစ်သည့် စီးပွားရေးလုပ်ငန်းများတွင် လူ့အခွင့်အရေး မြှင့်တင် ကာကွယ်ပေးရေးနှင့် စပ်လျဉ်း၍ ကော်မရှင်၏အကောင်အထည်ဖော် ဆောင်ရွက်မှုအခြေအနေများကို ဆွေးနွေးခဲ့ကြောင်း သိရသည်။
အလားတူ ဖိုရမ်၏ ဆက်စပ်ဆွေးနွေးပွဲကို “အရှေ့တောင်အာရှဒေသတွင်း စီးပွားရေး၊ လူမှုရေးနှင့် ယဉ်ကျေးမှု အခွင့်အရေးများဆိုင်ရာ ကောင်းမွန်သော အလေ့အကျင့်များနှင့် အတွေ့အကြုံများ မျှဝေခြင်း”ခေါင်းစဉ်ဖြင့် နိုဝင်ဘာ(၂ဝ) ရက်က ကျင်းပခဲ့ပြီး ဆွေးနွေးပွဲ အကြောင်းအရာနှင့် စပ်လျဉ်း၍ ကော်မရှင် အဖွဲ့ဝင် ဒေါက်တာတင်မောင်မောင်သန်းက ဆွေးနွေးခဲ့သည်။
၎င်း အစည်းအဝေးနှင့် ဆက်စပ်ဆွေးနွေးပွဲများသို့ မြန်မာနိုင်ငံ အမျိုးသား လူ့အခွင့်အရေးကော်မရှင် ဥက္ကဋ္ဌ ဦးပေါ်လွင်စိန်နှင့် အဖွဲ့ဝင်များက Online Platform မှ တက်ရောက်ခဲ့ကြပြီး ဖိုရမ်အဖွဲဝင်များ ဖြစ်သည့် အင်ဒိုနီးရှား၊ မလေးရှား၊ ဖိလစ်ပိုင်၊ ထိုင်းနှင့် တီမောလက်စ်တေနိုင်ငံ လူ့အခွင့်အရေး ကော်မရှင်များက In person တက်ရောက်ခဲ့ကြကြောင်း သိရသည်။
