ရင်ခုန်စရာ Upgrade တွေ အများကြီးမြင်ရဖို့မရှိတဲ့ Apple Watch များ

တစ်ကယ်လို့ Apple ဟာ 2 year upgrade cycle ကိုသာ ဆက်သွားမယ်ဆို Apple Watch SE 3 ကဒီနှစ်ထွက်လာဖို့ရှိပါတယ်။ Upgrade ကတော့ ထုံးစံအတိုင်း Software နဲ့ အရောင်တွေပြောင်းသွားတာပဲ အများဆုံး ဖြစ်ဖို့များမယ်လို့ ခန့်မှန်းရပါတယ်။

နောက်တစ်ခုကတော့ Apple Watch Ultra 3 ကလာမယ့် September မှာ ထွက်လာမလိုလို၊ မထွက်လာတော့ဘူးလိုလို သတင်းထွက်နေတာဖြစ်ပါတယ်။ Leaker တွေအဆိုအရတော့ Apple Watch Ultra 3 ဟာတစ်ကယ်လို့ ဒီနှစ်ထဲမှာ မိတ်ဆက်သွားမယ်ဆိုရင်တောင် Hardware Upgrade အနေနဲ့ အများကြီး မြင်ရဖို့မရှိပါဘူး။ ဆိုတော့ ဒီနှစ် Watch Ultra ထွက်လာမယ်ဆိုရင် Software ပိုင်းနဲ့ Features ပိုင်းမှာပဲ အပြောင်းအလဲ နည်းနည်းပါးပါး မြင်ရဖို့ရှိမှာပါ။

နောက်တစ်ခုကတော့ Apple Watch 9 လည်း ထိုနည်းတူလို့ပြောလို့ရပါတယ်။ ဒါပေမယ့် 2024 လိုလို၊ 2025 လိုလို မသေချာတဲ့ သတင်းတွေထွက်နေတဲ့ Apple Watch X က Bazel ပါးပါး၊ Magnetic Band နဲ့ထွက်လာမယ်လို့ သတင်းထွက်နေတော့ Apple ထုံးစံအတိုင်း နောက် Generation အတွက် Innovation ချန်တဲ့သဘောအနေနဲ့ Watch 9 မှာတော့ အရောင်နဲ့ Features တွေကို ကိုတင်ကွတ် Stage ပေါ်မှာ ရွက်ပြဦးမလားဆိုတာ စောင့်ကြည့်ရပါမယ်။

တစ်ကယ်တော့ Software Upgrade တွေပေးနေမယ့်အစား ဈေးတွေပိုသက်သာအောင် လုပ်ပေးလိုက်တာ User တွေအတွက်ပိုကောင်းတယ်လို့မြင်ပါတယ်။ ဒါပေမယ့် ဈေးချပေးဖို့ဆိုတာကတော့ Apple ဆိုတော့ သိတဲ့အတိုင်းပါပဲ။

"တကယ်​တော့ ​ပျော်ရွှင်မှုဆိုတာ လိုက်ရှာရတာ မဟုတ်ဘူး။ တောင်းခံရတာလည်း မဟုတ်ဘူး။

ဖန်တီးယူရတာ ဖြစ်တယ်။ တစ်နည်းအားဖြင့် ကိုယ်လုပ်တဲ့ လုပ်ရပ်​​တွေရဲ့ အကျိုးဆက်လည်း ဖြစ်ပါတယ်။"
#drphyothiha#

(၁၄)နှစ်အရွယ် အာဆင်နယ်ပရိသတ်အတွက် (၁၄)မိနစ်မှာ ထွက်ပေါ်လာတဲ့ ဝမ်းနည်းခြင်းလက်ခုပ်သံ

ယခုတစ်ပတ် ပရီးမီးယားလိဂ်ပွဲစဉ် အာဆင်နယ်(၃-ဝ)ဘုန်းမောက်ပွဲကစားရာ လန်ဒန်မြို့ရှိ အမ်းမရိတ်စ်ကွင်းအတွင်း ပွဲချိန်(၁၄)မိနစ်၌ ပရိသတ်များထံမှ လက်ခုပ်သံများထွက်ပေါ်လာခဲ့သည်။ ပရိသတ်အများစုက ပွဲကြည့်စင်ပေါ်တွင် မတ်တပ်ရပ်ခဲ့ကြပြီး R.I.P DANIEL ဆိုသည့် ကြီးမားသော စာတန်းကြီးကိုလည်း ပရိသတ်များအကြားတွေ့ခဲ့ရသည်။ယင်းမှာ ပြီးခဲ့သည့် အင်္ဂါနေ့က လန်ဒန်မြို့အရှေ့မြောက်အရပ်တွင် ကျောင်းသွားရင်း ဓားထိုးခံရ၍ သေဆုံးခဲ့ရသော အသက်(၁၄)နှစ်အရွယ်ကျောင်းသား ဒန်နီယယ်လ်အန်ဂျိုရင်အတွက် ပရိသတ်များက ဝမ်းနည်းကြောင်း ပြသခဲ့ကြခြင်းဖြစ်သည်။စပိန်-ဘရာဇီးလ်နိုင်ငံသားလက်မှတ်ကိုင်ဆောင်ထားသူ အသက်(၃၆)နှစ်အရွယ် မွန်ဇိုဟုအမည်ရသည့်သူတစ်ဦး၏ ဓားဖြင့်တိုက်ခိုက်မှုတွင် အန်ဂျိုရင်မှာ အသက်ဆုံးရှုံးခဲ့ပြီး ရဲ(၂)ဦးအပါအဝင် ကျန်လူ(၄)ဦးမှာ ဒဏ်ရာရရှိခဲ့ခြင်းဖြစ်သည်။ယင်းဖြစ်ရပ်မှာ ဖောက်ထွင်းမှုတစ်ခုကို မွန်ဇိုက ကျူးလွန်ခဲ့ရာမှဆက်စပ်ဖြစ်ပွားခြင်းဖြစ်ကြောင်း သိရသည်။ လက်ရှိတွင် ၎င်းအား လူသတ်မှု၊လူသတ်ရန်ကြံစည်မှု၊သူတစ်ပါးကို ထိခိုက်ဒဏ်ရာရစေမှု၊ ဖောက်ထွင်းမှု၊ချွန်ထက်သောလက်နက်ကိုင်ဆောင်မှု အစရှိသည့် စွဲချက်များဖြင့် ဖမ်းဆီးချုပ်နှောင်ထားကြောင်း သိရသည်။ကံဆိုးသူ အန်ဂျိုရင်၏ ကျန်ရစ်သူမိသားစုထံ ပရိသတ်ထောင်ပေါင်းများစွာက ငွေကြေးကူညီထောက်ပံ့မှုများ ပြုလုပ်နေကြောင်းလည်း သိရှိရသည်။

လူတစ်ယောက်နဲ့ပတ်သက်တဲ့အခါ
ငါတို့ဟာ အဲ့လူကိုအစဉ်အမြဲပိုင်ဆိုင်ပြီဆိုတဲ့
စိတ်ကို လျော့ရမယ်။
ဝေးသွားရင်တောင် ချစ်နေဦးမှာဆိုတဲ့ စိတ်ကို
ဖျောက်ရမယ်။
တကယ်လို့များ တခြားတစ်ယောက်နဲ့လက်ထပ်ဖြစ်ရင်တောင် ငါ့စိတ်ထဲကလူက မင်းပဲဖြစ်နေမှာပါဆိုတဲ့
စကားတွေက ဝတ္တုထဲလောက်ပဲ ဖတ်ကောင်းတယ်၊
ခံစားကောင်းတယ် ။

ချစ်ခြင်းမေတ္တာနဲ့ပတ်သက်တဲ့အခါ
အတ္တကင်းကင်းချစ်တတ်ဖို့ လိုတယ်။
ကိုယ့်ရဲ့ချစ်မေတ္တာကြိုးဟာ
သူများဘဝတွေကို ဖျက်စီးပစ်တာမျိုး၊သူများစိတ်နှလုံးကိုနာကျင်စေတာမျိုး မဖြစ်ဖို့လိုတယ်။

တစ်ခါတလေ လူတွေက ရသဦးစားပေးတဲ့ ဝတ္တုတွေအဖတ်များပြီး ပြင်ပလောကမှာလည်း အဲ့ဝတ္တုတွေထဲကအတိုင်းရှင်သန်လိုကြတယ်။လူ့ဘဝဆိုတာ
ဝတ္တုထဲကလိုမျိုး ပေါင်းဖက်ကြတဲ့နေရာမှာဖြစ်စေ၊
ဝေးကွာကြတဲ့နေရာမှာဖြစ်စေ
တစ်ခန်းရပ်ပစ်လို့ရတဲ့အရာမဟုတ်ဘူး။

ပေါင်းဖက်တဲ့နောက်မှာ အိမ်ထောင်ရဲ့သုခ၊ဒုက္ခကိုရမယ်။ဘဝကအခုမှစတယ်။
ကွေကွင်းတဲ့နောက်မှာလည်း ငါတို့ဟာ နောက်ထပ် လူတွေနဲ့ ထပ်တွေ့နေကြဦးမှာပဲ။
ဒါဟာ ဘဝပဲ ။

ငါတို့ လူသားပီပီသသ လုပ်ရမှာက
ငါတို့ပေါ် ကောင်းတဲ့လူကို ပြန်ကောင်းရမယ်။
ငါတို့ဆန္ဒနဲ့ကိုယ်တိုင် လက်တွဲယူထားတဲ့ချစ်သူ၊
အိမ်ထောင်ဖက်အပေါ် သစ္စာရှိရှိနဲ့ ချစ်မြတ်နိုးရမယ်။
ဒီနေရာမှာ ငါကဘယ်သူနဲ့လက်ထပ်လိုက်ပေမယ့်
ငါ့စိတ်ထဲမှာတော့ ဘယ်သူပါဆိုတာတွေက
သိပ်ရယ်ရတယ်၊ကလေးဆန်လွန်းတယ်။

ငါတို့ဟာ ကိုယ့်ခံစားချက်ကို
ကိုယ် ချုပ်ထိန်းနိုင်ရမယ်။
မေတ္တာပေးရမယ်၊သစ္စာပေးရမယ်၊ဒါတွေပေးနိုင်ပြီမှဆိုမှ ဘဝထဲကို လူသစ်တစ်ယောက်ကို ထပ်ခေါ်ရမယ်
တကယ်လို့ မင်းအနေနဲ့ တခြားလူတစ်ယောက်ကိုမမေ့နိုင်သေးဘူး၊စိတ်ထဲကမထုတ်နိုင်သေးဘူးဆိုရင်
မင်းတစ်ယောက်တည်းပဲ နေပါ၊
တစ်ယောက်တည်းပဲ ရှင်သန်ပါ ။

အဲ့လိုပဲ မင်းအတွက်မဟုတ်ဘဲ တခြားတစ်ယောက်ကို ရင်ဘတ်ထဲသိမ်းထားတဲ့ ခပ်ညံ့ညံ့လူတန်းစားတွေကိုလည်း ဝေးဝေးကရှောင်ပါ ။

ကိုယ့်ချစ်ခြင်းမေတ္တာကို တာဝန်မယူနိုင်တာက
တကယ့်လူညံ့တွေပဲလုပ်တာ...🖤

#nayvel

ချစ်ခြင်းတရားတွေသက်သေထူ ငါတို့ ပန်းတိုင်အတူလျောက်မယ်❤️❤️❤️

⚜️ Princess Charlotte of Wales ဟာဆိုရင် May 2 ရက်နေ့ 2015 ခုနှစ်တွင် London မြို့ရှိ St Mary’s ဆေးရုံမှာမွေးဖွားခဲ့တာပဲဖြစ်ပါတယ်။ Charlotte လေးဟာဆိုရင် Prince William နဲ့ Princess Catherine of Wales တို့ရဲ့ ဒုတိယမြောက်ကလေးဖြစ်ပြီး တစ်ဦးတည်းသော သမီးပဲဖြစ်ပါတယ်။ Charlotte လေးရဲ့နာမည်အပြည့်အစုံကတော့ Charlotte Elizabeth Diana ဖြစ်ပြီး သူမရဲ့ အဖွားနဲ့ Great Grandmother တို့ကိုအစွဲပြုပြီး Diana နဲ့ Elizabeth ဆိုတဲ့နာမည်လေးတွေကို ထည့်ပေးခဲ့တာပဲဖြစ်ပါတယ်။ Charlotte လေးဟာ အသက်ငယ်သော်ငြားလဲ သူမမိဘတွေနဲ့အတူ Royal Events တွေ၊ wedding တွေ၊ Trooping Colors ပွဲတွေကို အတူတက်ရောက်လေ့ရှိပြီး တစ်ခါတစ်လေမှာ Diana နဲ့တူတဲ့ အပြုအမူလေးတွေကြောင့် တိုင်းပြည်တစ်ခုလုံးကအပြင် တစ်ကမ္ဘာလုံးကပါ အချစ်ခံရတဲ့ မင်းသမီးလေးပဲဖြစ်ပါတယ်။ Charlotte လေးဟာတော့အခု Thomas’s Battersea ကျောင်းမှာ တက်ရောက်နေပြီး တစ်ခြားကလေးတွေလိုပဲ သာမန်ကလေးဘဝကို ပျော်ရွှင်စွာဖြတ်သန်းနေပါတယ်။ အသက်အရွယ်ငယ်လွန်းတာကြောင့် ကလေးတွေအကြောင်း အသေးစိတ်မသိရပေမယ့်လဲ Charlotte ဟာ အနာဂတ်မှာ ဘုရင်စနစ်ရဲ့အဓိကကျ​တဲ့နေရာကနေ ပါဝင်ပတ်သတ်ရမှာပဲဖြစ်ပါတယ်။

ကော်ဖီ.......⚠️

နူးညံသော ခါးသက်မှုများကို စွဲလန်းတတ်မိရာမှ အစပြုခဲ့သည် ☕

ဒုတိယကမ္ဘာစစ်ကာလက စာတွေကို မိသားစုတစ်စုထံ ၃၇၉ မိုင်ခရီးနှင်ကာ ရှာဖွေပေးပို့ပေးခဲ့တဲ့ စာပို့သမား
တက္ကဆပ်ပြည်နယ်က စာပို့သမားတစ်ဦးဟာ ဒုတိယကမ္ဘာစစ်ကာလက ပေးစာတွေကို မိသားစုတစ်စုထံပေးပို့ဖို့ မိုင် ၃၀၀ ကျော်ခရီးနှင်ခဲ့ပါတယ်။ Grand Prairie USPS စာပို့သမား အယ်ဗင် ဂေါသီယာက အဲဒီပေးစာတွေဟာ လက်ခံရရှိမယ့်မိသားစုအတွက် ဘယ်လောက်အရေးကြီးတယ်ဆိုတာ သိတဲ့အတွက် အခုလို သွားပို့ပေးခဲ့တာပါ။ သူ တစ်နေ့အလုပ်စတင်တဲ့အချိန် ၁၉၄၂ ခုနှစ်ရက်စွဲနဲ့ စာတချို့တွေ့ရှိခဲ့တာကြောင့် အဲ့ဒီမိသားစုကို ရှာပြီး ပို့ပေးရမယ်ဆိုတဲ့ အတွေးပဲ ခေါင်းထဲဝင်လာခဲ့တာပါ။

စာမှာ အာကင်ဆောပြည်နယ်၊ ဂျက်ဆင်ဗီးလ်မြို့မှာ နေထိုင်တဲ့ "Mr. and Mrs Henry Lamb" ဆိုတာကလွဲလို့ အသေးစိတ်အချက်အလက်မပါခဲ့ပါဘူး။ အယ်ဗင်က KARK-TV ကို ဆက်သွယ်ခဲ့ပြီး သူတို့ရဲ့အကူအညီနဲ့ မိဘတွေထံ စာရေးသားပေးပို့တဲ့ စစ်သား မာရီဆန် လမ်ဘ်ရဲ့ညီမဖြစ်သူ ဂျိုအန်စမစ်သ်ကို ရှာတွေ့ခဲ့ပါတယ်။

ကယ်ဗင်က ခွင့်တစ်ရက်ယူပြီး အဲ့ဒီစာတွေကို ပေးပို့ဖို့ ၄ နာရီကြာ ခရီးနှင်ခဲ့ပါတယ်။ ကားအတွက် ဆီဖိုးနဲ့ ဟိုတယ်တည်းခတွေကို သူ့ရဲ့ကိုယ်ပိုင်ငွေတွေကို အသုံးပြုခဲ့တာပါ။ စာတွေနဲ့အတူ ဂျိုအန်စမစ်သ်ရဲ့အိမ်ရောက်သွားတော့ ဂျိုအန်က စာတွေမြင်ပြီး မယုံကြည်နိုင်ဖြစ်ခဲ့ရလို့ စိတ်လှုပ်ရှားက မျက်ရည်ဝဲမိခဲ့ပါတယ်။

သူ့အထက်က မွေးချင်းမောင်နှမ ၅ ယောက်က မရှိတော့တဲ့အတွက် ဒီစာတွေက သူ့အစ်ကို လုပ်ခဲ့တဲ့ စွန့်လွှတ်အနစ်နာခံမှုတွေရဲ့အမှတ်တရတွေဖြစ်ခဲ့ပါတယ်။ ဒီစာတွေကို အိမ်အရောက်လာပို့ပေးခဲ့တဲ့ အယ်ဗင်ကို ဂျိုအန်က ကျေးဇူးတင်မဆုံးဖြစ်ခဲ့ပါတယ်။

Ref: USPS Carrier Drives 379 Miles on His Own Dime to Deliver Lost World War II Letters: 'Above and Beyond'

လက်ထဲမှာ ထားရင်း အရည်ပျော်သွားနိုင်တဲ့ သတ္တု

အလွိုင်း (Alloy) လုပ်ရာမှာ အသုံးပြုတဲ့ ဂယ်လီယမ်သတ္တုဟာ အပူချိန် 29.76 ဒီဂရီစင်တီဂရိတ်မှာ အရည်ပျော်နိုင်စွမ်းရှိတာကြောင့် လက်ထဲမှာ ထားရင်း အရည်ပျော်သွားနိုင်တဲ့ သတ္တုတစ်မျိုး ဖြစ်ပါတယ်။

၁၈၇၅ ခုနှစ်မှာ ပြင်သစ်နိုင်ငံသား ဓာတုဗေဒပညာရှင် ပေါလ်အမ်မလီက စတင်တွေ့ရှိခဲ့တာဖြစ်ပြီး သူ့ရဲ့ symbol ကိုတော့ Ga လို့ ဖော်ပြပါတယ်။ အီလက်ထရောနစ်ပစ္စည်းတွေ ထုတ်လုပ်ရာမှာ အဓိက အသုံးပြုတဲ့ပစ္စည်းတစ်မျိုးဖြစ်ပြီး နည်းပညာအရ အလွန်အရေးပါတဲ့ အရာအဖြစ် သတ်မှတ်ခံထားရတာပါ။

Ref: Gallium

ငှက်ပျောသီးနဲ့ ပေါင်းတင်ပါ

အခု အချိန်လည်းသိပ်ပေးစရာမလိုတဲ့ ငှက်ပျောသီးပေါင်းတင်နည်းလေးနဲ့ အဆင်ပြေနေလို့ ရိုးရာလေးစာဖတ်သူမိတ်ဆွေတို့ကို မျှဝေပေးပါရစေ။

၁) ငှက်ပျောသီးမှည့်မှာ ပိုတက်စီယမ်ဓါတ်တွေ အများကြီးပါတာကြောင့် အသားအရေကို ဖြူဖွေးချောမွေ့စေ ပါတယ်။ သီးမွှေး (သို့) ဖီးကြမ်းငှက်ပျောသီး မှည့်တစ်လုံးကို ကြိတ်စက်ထဲကြိတ်ပါ။ ဒါမှမဟုတ် ပန်းကန်သန့်သန့်ထဲ ဇွန်းနဲ့ ညက်နေအောင် ခလောက်ပြီး သစ်ပြီးစမျက်နှာပေါ် ညီနေအောင် လိမ်းပါ။ မျက်လုံးထဲကိုမဝင်အောင် ဂရုစိုက်ရပါမယ်။ ၁၅-၂၀ မိနစ်ခန့် ထားပြီးရင်တော့ မျက်နှာထပ်သစ်လိုက်ပါ။ အသားအရည်ကို ထိန်းညှိပေး တဲ့အတွက် အသားညိုညစ်နေတာ၊ မျက်အိတ်ဖောင်းနေတာ၊ အဆီပြန်တာ၊ အသားခြောက်တာ၊ အရေးအကြောင်းထင်နေတာတွေ သက်သာသွားပါ လိမ့်မယ်။

၂) ဆံပင်တွေခြောက်ကပ်နေပြီး ဦးရေပြားယားယံဘောက်ထနေ သူတွေလည်း ငှက်ပျောသီးမှည့်နှစ်လုံးကို ကြိတ်စက်ထဲ ကြိတ်ချေပြီး ဦးခေါင်း အနှံ့သေချာလိမ်းပါ။ ပြီးရင်တော့ သဘက်သန့်သန့်တစ်ထည် နဲ့သေချာ ပတ် ပြီး မိနစ် ၂၀ ခန့်ထားပြီး ခေါင်းလျှော်လိုက်ပါ။ ဆံပင်တွေပျော့ပျောင်း သန်စွမ်းသွားပြီး ဦးရေပြားယားယံတာ တွေ သက်သာသွားပါလိမ့်မယ်။

မျက်နှာကိုရော ဆံပင်ကိုပါ တစ်ပြိုင်တည်းပေါင်းတင်ရင်ပိုအဆင်ပြေတာမို့ သီးမွှေး (သို့) ဖီးကြမ်းငှက်ပျောသီးမှည့်လေး တစ်ဖီးလောက်ဝယ်ပြီး ပေါင်း တင်လိုက် ကြပါစို့လား။