လူတူစက်ရုပ်တွေနဲ့ ကားထုတ်လုပ်နေတဲ့ မာစီးဒီး
===========================
ကားထုတ်လုပ်တဲ့ စက်ရုံတွေမှာ လူတူစက်ရုပ်တွေကို အသုံးပြုလာကြပါပြီ။ အခုတော့ အဲဒီအထဲမှာ မာစီးဒီးလည်း ပါဝင်လာပါပြီ။
မာစီးဒီး က တက္ကဆပ် အခြေစိုက် Apptronik စက်ရုပ် ကုမ္ပဏီက ထုတ်လုပ်ထားတဲ့ Apollo လူတူစက်ရုပ်တွေကို ကားထုတ်လုပ်တဲ့ စက်ရုံမှာ အသုံးပြုနေပါတယ်။ စက်ရုပ်တွေက ကား အစိတ်အပိုင်းတွေ သယ်ဆောင်တာနဲ့ အရည်အသွေး စစ်ဆေးတာလို အလုပ်တွေကို ပြုလုပ်နေကြပါတယ်။
အစပိုင်းမှာ စက်ရုပ်တွေကို လူတွေက လေ့ကျင့်သင်ကြားပေးထားတာ ဖြစ်ပြီး အခုတော့ စက်ရုပ်တွေဟာ ကိုယ်တိုင် အလုပ်လုပ်နိုင်ကြပါတယ်။ ကားထုတ်လုပ်မှု မြန်ဆန်စေဖို့နဲ့ အလုပ်သမား ရှားပါးမှု ပြဿနာကို ဖြေရှင်းဖို့ လူတူစက်ရုပ်တွေကို မာစီးဒီး က အသုံးပြုနေတာ ဖြစ်ပါတယ်။ ထပ်ခါတလဲလဲ လုပ်ရတဲ့ အလုပ်တွေ၊ လူသားတွေအတွက် အန္တရာယ်ရှိတဲ့ အလုပ်တွေကို စက်ရုပ်တွေကို ခိုင်းစေနေတာ ဖြစ်ပါတယ်။
မာစီးဒီး ဟာ ဘာလင်မှ Digital Factory Campus နဲ့ ဟန်ဂေရီမှ Kecskemet မှာ အဲဒီ စက်ရုပ်တွေကို စမ်းသပ်နေပြီး နောက်ပိုင်းမှာ တိုးချဲ့သွားမယ့် အစီအစဉ်ရှိပါတယ်။