နေပြည်တော်မှာ ယနေ့စတင်ကျင်းပနေပြီဖြစ်တဲ့ Myanmar Countdown 2025 ပုံရိပ်များ

#သတင်းဟင်းလေးအိုးကြီး

နိုင်ငံတကာသတင်းတိုများ

၁။အ​မေရိပန်ဖ​လော်ရီဒါပြည်နယ်တစ်ခုတည်းတွင်မိ​ချောင်း​​ကောင်​ရေ၁.၃သန်း​နေထိုင်ကျက်စား​ကြောင်းသိရသည်။

၂။ပါကစ္စတန်ကအာဖဂန်နိုင်ငံအတွင်းဗုံးကြဲပြီး​နောက်ပါကစ္စတန်နှင့်နှင့်အာဖဂန်နယ်စပ်တွင်အာဖဂန်တာလီဘန်စစ်တပ်နှင့်ပါကစ္စတန်တာလီဘန်များကတစ်ဖက်ပါကစ္စတန်ကတစ်ဖက်တိုက်ပွဲများပြင်းထန်စွာဖြစ်ပွားလျက်ရှိသည်။

၃။အ​မေရိကန်အာကာသတပ်ဖွဲတစ်ခုကိုဂျပန်၌တပ်စွဲလိုက်သည့်အ​ပေါ်တရုတ်ကအ​မေရိကန်သည်အာကာသအတွင်းလက်နက်ပြိုင်ဆိုင်မှုမြင့်မား​အောင်လုပ်​ဆောင်​နေသည်ဟုစွပ်စွဲလိုက်သည်။

၄။ဘိုင်ဒင်အစိုးရသည်ယူကရိန်းတွင်စစ်မီးပိုမို​တောက်​လောင်ရန်အ​မေရိကန်​ဒေါ်လာ၁.၂၅ဘီလီယံဖိုးစစ်လက်နက်များကိုယူကရိန်းသို​ထောက်ပံ့လိုက်ပြန်သည်။

၅။ဆီးရီယားတွင်တူရကီနှင့်တိုက်ခိုက်​နေ​သောကာဒ့်များကတူရကီနှင့်ငြိမ်းချမ်း​ရေး​နွေး​ဆွေးရန်ရုရှားကိုကြားလူအဖြစ်​ဆောင်ရွက်​ပေးရန်​မေတ္တာရပ်ခံလိုက်သည်။

NOM

Part-5
ဒီမိုကရေစီ ဟူသည် (၂)
ဂရိ ဒီမိုကရေစီသမားတို့ အနေဖြင့်၊
တိုင်းပြည် အုပ်ချုပ်သော အလုပ်ဟူသည် ‘အထူး” ပုဂ္ဂိုလ်တို့သာ လုပ်ရန်မဟုတ်၊ ပုံမှန်ဦးနှောက်ရှိသည့် မည်သည့် နိုင်ငံသားမဆို ဘယ်အရာသည် တိုင်းပြည်အတွက် ကောင်းသည်၊ ဘယ်အရာက မကောင်း၊ ဘယ်အရာသည် ... တိုင်းပြည်အတွက် သင့်တော်သည်၊ ဘယ်အရာက မသင့်တော်ဟူ၍ စဉ်းစားချင့်ချိန်နိုင်စွမ်းရှိသည်ဟု မှတ်ယူသည်။ ထို့ကြောင့် တိုင်းပြည်ရေးရာ၌ သူလိုငါလို အသိဉာဏ်ရှိသည့် နိုင်ငံသားတိုင်း ပါဝင် သင့်သည်။ အုပ်ချုပ်ရေးကျွမ်းကျင်သည်၊ ဦးဆောင်နိုင်စွမ်း ရှိသည်ဆိုသော အထူးပုဂ္ဂိုလ် တစ်စုတည်း သို့မဟုတ် တစ်ဦးတစ်ယောက်တည်းကိုသာ ရွေးချယ်၍ နိုင်ငံ့ကို အပ်နှင်းလိုက်လျှင် ၎င်း (တို့) သည် လူတို့ဘာသာ ဘာဝ အတ္တ ဗဟိုပြုသမားများဖြစ်လေရာ နိုင်ငံအကျိုး စီးပွားထက် မိမိ (တို့) အကျိုးစီးပွားကိုသာ အာရုံပြု လုပ်ဆောင်သွားကြဖို့ များသည်။ ထို့ကြောင့် လူတစ်စု (တစ်ဦး) အုပ်စိုးသောစနစ်ထက် အုပ်စိုးမှုတွင် လူအားလုံး ပါဝင်ခွင့်ရှိသော ဒီမိုကရေစီစနစ်က ပို၍ ကောင်းသည်၊ မှန်သည်၊ သင့်တော်သည်ဟူ၍ စွဲမြဲစွာ ယုံကြည်ကျင့်သုံးခဲ့ကြခြင်း ဖြစ်သည်ဟု ဆိုရပေမည်။
သို့သော်၊ ဆိုခဲ့သည့်အတိုင်း တန်းတူညီမျှဖြစ်ဖို့ ကြိုးစားရင်းပင် ယခုခေတ် အမြင်အရ အားနည်းချက်များ ရှိခဲ့သည်။
ယနေ့ ကမ္ဘာ၌ ရှိကြသည့် ဒီမိုကရေစီဟု ခေါ်ရသည့် နိုင်ငံများမှာလည်း ဟိုဟိုသည်သည် ကဏ္ဍတို့တွင် ချို့ယွင်းချက် အားနည်ချက် အနည်းနှင့် အများဆိုသလို ရှိနေဆဲဖြစ်ရာ၊ ဒီမိုကရေစီစံချိန်ပြည့်ဖြစ်ရန်နှင့် ရောက်ရှိပြီး ဒီမိုကရေစီ အဆင့်အတန်းမှ လျော့ကျ မသွားအောင် နိုင်ငံသားတို့ မပြတ် ပါဝင်ဆောင်ရွက်ကြဖို့ လိုပေမည်။

မျှော်မှန်းချက်နဲ့ ဝေးခဲ့တဲ့ မြန်မာအသင်းရဲ့ ၂၀၂၄ အဆုံးသတ်

ဒီဇင်ဘာ ၂၉

မကြာခင် ရက်ပိုင်းအတွင်းမှာ အဆုံးသတ်တော့မယ့် ၂၀၂၄ ခုနှစ်အတွင်းမှာ မြန်မာအသင်းရဲ့ မျှော်မှန်းချက်တွေ ဟာ ထင်သလိုမဖြစ်ခဲ့ဘဲ ဝေးကွာခဲ့တာဖြစ်ပါတယ်။

မြန်မာအသင်းဟာ ၂၀၂၄ ခုနှစ်ထဲမှာ ပွဲပေါင်း ၁၂ ပွဲ ကစားခဲ့ပြီး နိုင်ပွဲ ၂ ပွဲသာရရှိကာ သရေ ၃ ပွဲနဲ့ ရှုံးပွဲ ၇ ပွဲအထိ ကြုံတွေ့ခဲ့ရတာပါ။

မြန်မာအသင်း အနိုင်ရရှိခဲ့တဲ့ ၂ ပွဲကတော့ သီရိလင်္ကာနဲ့ လာအိုအသင်းတို့ ပွဲစဉ်တွေဖြစ်ပြီး ဒီအသင်းတွေဟာ သူတို့ထက် ကမ္ဘာ့အဆင့် သတ်မှတ်ချက် နိမ့်တဲ့အသင်းတွေ ဖြစ်ပါတယ်။

ပုံ - မြန်မာအသင်းကို တွေ့ရစဉ်

#centralnewsnaypyitaw

Part_8
မောင်သာနိုးဘာသာပြန်တဲ့ ဘောင်းဘီဝတ်မိုးတိမ်
“လျော်ကန်တဲ့ ပွဲတော်နေ ့တိုင်းမှာလို
အလံတွေ ပစ်ဖောက်သံ အဖျားရှိန်နဲ့
တလူလူ လွင့်စေဖို့
စပါးကုန်သည်တွေရဲ့
သွေးအလိမ်းလိမ်း အလောင်းတွေကို
မြောက်မြောက်ကလေး မြှောက်ပေးကြစမ်း၊
ဓာတ်မီးတိုင်တို့'
တကယ်တော့ 'ဘောင်းဘီဝတ် မိုးတိမ်’ဟာ အင်္ဂလိပ်ဘာသာပြန်မှာရော မြန်မာဘာသာပြန်မှာပါ နားလည်ဖို့ခက်တာ အမှန်ပဲ။ ပြည့်ပြည့်ဝဝ ခံစားနိုင်ဖို့ဆို တာ သဘောပေါက်မှုပါမှလည်း ဖြစ်တဲ့ကိစ္စမျိုး မဟုတ်လား။
ဥပမာပြရရင် အခန်း ၃ က...
‘တံတွေးထွေးခံ ဂေါလဂေါသသားထက်
ဗာရဗ္ဗကို နှစ်သက်ပိုကြပြန်ပြီပဲ'
ကဲ...စာဖတ်သူမိတ်ဆွေ ဒီစာကြောင်းကို ဘယ်လိုနားလည်ခံစားမိပါသလဲ။ မိတ်ဆွေ 'တွေ’နေရောပေါ့။ ခရစ်ယာန်တစ်ယောက်ဆိုရင်တော့ သမ္မာကျမ်းစာနဲ့ လည်း နီးစပ်မယ်၊ အမှတ်အသားလည်း ရှိမယ်ဆိုရင် ဒီအပိုဒ်ကို နားလည်ရုံ သက်သက်တော့ နားလည်နိုင်ပါတယ်။ ဒါတောင် မခံစားနိုင်သေးဘူး။
‘ဂေါလဂေါသသား’ဆိုတာ သားသူငယ်ကို ပြောတာမဟုတ်ဘူး။ ဂေါလ ဂေါသ အရပ်က လူ (Man of Golgotha)ကို ဆိုလိုတာ။
ဒါဖြင့် `ဂေါလဂေါသသား’ဟာ ဘယ်သူလဲ။ ယေရှုခရစ်တော်ပေါ့။ ဘာလို သူ့ကို “ဂေါလဂေါသသား”လို့ ခေါ်တာလဲ။
‘ကိုယ်တော်သည် မိမိလက်ဝါးကပ်တိုင်ကိုထမ်းလျက် ဦးခေါင်းခွံအရပ်ဟူ၍ တွင်သော အရပ်သို့ ထွက်တော်မူ၏။ ထိုအရပ်ကား ဟေဗြဲစကားအားဖြင့် ဂေါလ ဂေါသ အမည်ရှိ၏။
(ရှင်ယောဟန်၊ ခရစ်ဝင် ၁၉ဝ၇)

#ဆက်ရန်ရှိ

~~~အမှတ်တရ ~~~ { ၉ } (ဇာတ်သိမ်းပိုင်း)
#ဂျူး
အခန်း -၉
“ပေါင်မုန့်တော့ ရှိတယ် ၊ မောင် ဖျားနေလို့ မကျွေးတာ ။ အေးအေးဆေးဆေးနေမှ ပြန်ပေါ့နော်”
ကျွန်းခုတင်ပေါ် သွားထိုင်၍ မောင့်ကို ကြည့်နေမိပါသည်။ မောင် အနေရခက်စွာ ကော်ဖီပန်းကန်ကို ငုံ့ကြည့်နေ၏။
ရင်ထဲမှာ တစစ်စစ် နာကျင်သော ဝေဒနာကို မသိကျိုးကျွန်ပြုလျက် မတွေ့ရတာ ကြာသော မောင့်ခန္ဓာကိုယ်ကို မက်မက်မောမော ကြည့်နေမိသည်မှာ အမှန်ပင် ဖြစ်၏။
(မောင်သည် ကျောင်းသားဘ၀တုန်းက ထက်တော့ နည်းနည်းပြည့်လာသည်။ မိမိဘ၀ကို ကျေနပ်အားရခဲ့သော လူကြီးလူကောင်း တစ်ဦး ဟန်ပါပဲ)
မောင်က ဖဲချပ်ကလေး တစ်ချပ်ကို အက်ဆစ်ကိုင်ရသလို မဝံ့မရဲ ကိုင်ကြည့်သည်။ ဟောင်းနွမ်းသော ဖဲချပ်ကလေးသည် မောင်ထားရစ်သော ပစ္စည်းတစ်ခု ဖြစ်၏။ တစ်စတစ်စပြောင်းလဲလာသော မောင့်မျက်နှာမှာ နာကျင်စူးနစ်သော ဝေဒနာက သိသိသာသာ ရုပ်လုံးပေါ်လာလေသည်။
ကျွန်မနှင့် မပတ်သက်တော့ဘူးဟု မည်သူက ပြောပါစေ။ ကျွန်မ၏ နှလုံးသားမှ စွဲမြဲစွာ ချစ်ရသော တစ်ဦးတည်း ချစ်သူမှာ မောင်သာလျှင် ဖြစ်ပါသည်။
မောင့်ခံစားချက်သည် ကျွန်မ၏ အရာ ၊ မောင့်ကျန်းမာရေးသည် ကျွန်မ၏အရာ ။ ယခုအချိန်၌ ကျွန်မက လွဲလျှင် မောင့်ကို ပြုစုမည့်သူ မရှိ ၊ ဆိတ်ငြိမ်တွန့်ဆုတ်စွာ ငေးမောနေသော မောင်သည် ကျွန်မဘက်သို့ ရုတ်တရက် လှည့်ကြည့်၏ ကျွန်မ မောင့်ကို ရိုးသားသန့်စင်စွာ ပြုံးပြရန် အားယူလိုက်သည်။ သို့သော် ကျွန်မ နှုတ်ခမ်းများ မယုံကြည်နိုင်လောက်အောင်ပင် တုန်ယင်လာကြသည်။မျက်လုံးများ ရုတ်ချည်းစိုလာသည်။ ကျွန်မ မောင့်ရှေ့မှာ နေမဖြစ်တော့ပါ။
ထိုင်ရာမှ ဖြုန်းခနဲ ထ၍ မောင့်အနီးမှ ဖြတ်လျှောက်ကာ အခန်း၀သို့ ခပ်သွက်သွက် လှမ်းမိသည်။ ငေးငိုင်နေသော မောင်သည် အိပ်ရာမှနိုး၍ ဖျတ်ခနဲ သတိရလာသလို ကုလားထိုင်မှ ရုတ်တရက် ထပြီး ကျွန်မကို လှမ်းဆွဲဖက်လိုက်သည်။
“ဟင့်အင်း”
ကျွန်မ ထိတ်လန့်စွာပင်ရုန်းထွက်ဖို့ ကြိုးစားမိ၏။ သို့သော် ပူနွေးသော မောင့် ကိုယ်ခန္ဓာနှင့် တစ်ခဏချင်းပင် ပူးကပ်သွားသည်။ ထိုအခါ ကျွန်မ ထိန်းချုပ်ထားရသော မျက်ရည်စများကို မောင် မမြင်အောင် မောင့်ရင်ခွင်ထဲသို့ ဇွတ်မျက်နှာအပ်ပစ် လိုက်ရသည်။မောင်က လက်တစ်ဘက်တည်းဖြင့် ကျွန်မကို မြဲမြံစွာ ပွေ့ဖက်ထားပြီး လက်တစ်ဘက်က ကွယ်ဝှက်ထားသော ကျွန်မ မျက်နှာကို မရမက ခေါင်းမော့စေအောင် ဆွဲပင့်ယူ၏။

#ဆက်ရန်ရှိ

🌿🍀

နယ်မြေဒေသ အခြေအနေတွေကြောင့် ပုပ္ပါးတောင်မကြီးပေါ် ခရီးသွားတွေတက်ရောက်ခွင့် ယာယီပိတ်

ဒီဇင်ဘာ ၂၉

မန္တလေးတိုင်းဒေသကြီး၊ညောင်ဦးခရိုင်အတွင်းက ပုပ္ပါးတောင်မကြီးပေါ်သို့ ခရီးသွားတွေတက်ရောက်ခွင့်ကို လတ်တလောမှာနယ်မြေဒေသအခြေအနေအချို့ကြောင့် ယာယီပိတ်ထားလိုက်ပြီဖြစ်တယ်လို့ ပုပ္ပါးဒေသခံတွေထံကနေ သိရပါတယ်။

ဒါ့အပြင် ယခုရက်ပိုင်းအတွင်းမှာ ပုပ္ပါးသို့သွားရောက်ကြတဲ့ ခရီးသွားဧည့်သည်အဖွဲ့အချို့လည်း ပုပ္ပါးတောင်မကြီးတက်ရောက်ခွင့်ပိတ်တယ်ဆိုတဲ့သတင်းတွေကြောင့် လမ်းတဝက်ကနေ လှည့်ပြန်ရမှုတွေလည်းရှိနေတယ်လို့ ဆိုပါတယ်။

ပုပ္ပါးဒေသခံ ခရီးသွားလုပ်ငန်းလုပ်ကိုင်သူတွေကတော့ အနယ်နယ်အရပ်ရပ်က ခရီးသွားဧည့်သည်တွေအနေနဲ့ ပုပ္ပားတောင်မကြီးပေါ်သို့ နေ့ချင်းပြန်ခရီးဖြစ်စေ၊ညအိပ်ခရီးဖြစ်စေလောလောဆယ်တက်လို့မရသေးကြောင်းနဲ့ ပုပ္ပါးတောင်တက်ခွင့်ကို ယာယီပိတ်ထားတယ်ဆိုတာဟုတ်မှန်ကြောင်းအတည်ပြု ပြောဆိုအသိပေးထားပါတယ်။

"ပုဂံဘက်ကိုတော့ အခုဒီဇင်ဘာပိတ်ရက်မှာ ခရီးသွားတွေအတော်လေးလာကြတယ်။ ခရစ္စမတ်ပိတ်ရက်မှာလည်းခရီးသွားတွေ ဝင်တယ်။ပြည်တွင်းခရီးသွားတွေရော ၊ပြည်ပဧည့်သည်တွေရောအခုပုဂံမှာရှိကြပါတယ်။အခုပိတ်ရက်လည်းပုဂံမှာအတော်စည်တယ်။ပုပ္ပါးတောင်ဘက်ကတော့ အသံလေးတွေနည်းနည်းကြားနေရတယ်။ဒါပေမယ့်သွားလို့ရတယ်လို့လည်း ပြောတယ်။တချို့ဧည့်သည်တွေလည်း ပုပ္ပါးဘက်ကိုတက်နေကြတာပဲ၊တောင်ပေါ်အထိတက်ရ၊မရကတော့ အသံလေးတွေတော့ကြားနေရတယ်။ပုဂံ -ညောင်ဦးဘက်ကတော့ အခုထိဘာမှမကြားမိဘူး အခုလည်းပုဂံမှာဘာမှမဖြစ်ပါဘူး။ပုဂံဘက်တွေကတော့အခြေအနေကောင်းပါတယ်။ခရီးသွားတွေလည်းရှိနေပါတယ်။ဒါပေမဲ့တချို့ဧည့်သည်တဖွဲ့စ၊နှစ်ဖွဲ့စလောက်ကတော့ ဟိုတယ် Cancel လုပ်တာတွေတော့ရှိတယ်လို့ကြားတယ်။ ဒီလိုသတင်းတွေကြားတော့မလာရဲလို့ဆိုပြီးဖြစ်ပါလိမ့်မယ်၊တကယ်က ပုဂံဘက်တွေမှာက ဘာမှမဖြစ်ပါဘူး။တချို့ဧည့်သည်တွေကျတော့လည်းလမ်းခရီးအဆင်ပြေပါ့မလားဆိုပြီး ကြောက်ပြီးမလာကြတော့ဘူးပေါ့။တချို့ဧည့်သည်တွေကျ ဘာဖြစ်ဖြစ်ရအောင်သွားမယ်ဆိုပြီး ရအောင်လာကြတာပေါ့။အခုသိရသလောက်က ပုဂံမြို့အဝင်ဂိတ်မှာမှတ်ပုံတင် စစ်တာလောက်ပဲရှိပါတယ်။ကျန်တာကမရှိပါဘူး။အခုဒီဇင်ဘာပိတ်ရက်တွေမှာ ပုဂံဘက်ကအတော်လေးစည် တယ်လို့ပဲ ပြောရမှာပါ၊အခုလည်းခရီးသွားတွေရှိနေပါတယ်"လို့ ပုဂံ-ညောင်ဦးဒေသခံ ခရီးသွားလုပ်ငန်း လုပ်ကိုင်သူတယောက်က ပြောပြပါတယ်။

မန္တလေးတိုင်းဒေသကြီး၊ညောင်ဦးခရိုင်၊ ကျောက်ပန်းတောင်းမြို့နယ် ပုပ္ပါးတောင်မကြီးပေါ်ရှိ ဆက်သွယ်ရေးစခန်းမှာ တာဝန် ကျနေတဲ့ နစက တပ်သား သုံးယောက်ကိုဒီဇင်ဘာ လ ၂၇ ရက်၊ညနေပိုင်းအချိန်က နယ်မြေခံ PDF အဖွဲ့တခုဖြစ်တဲ့ Popa Guerilla Force (PGF)လို့ အမည်ရတဲ့ အဖွဲ့နဲ့ သူတို့ရဲ့ညီနောင်မဟာမိတ်လို့ဆိုတဲ့ Myingyang Black Tiger(MBT)တပ်ဖွဲ့တို့က ဝင်ရောက် စီးနင်းတိုက်ခိုက်ခဲ့တာတွေကိုပြုလုပ်ခဲ့တယ်လို့ အဲဒီ Popa Guerilla Force (PGF)အဖွဲ့က သတင်းထုတ်ပြန်ထားခဲ့ပါတယ်။

အဲဒီဖြစ်စဉ်အပြီးမှာ သက်ဆိုင်ရာတာဝန်ရှိသူတွေက ပုပ္ပါးတောင်မကြီးပေါ်သို့ ခရီးသွားတွေတက်ရောက်ခွင့်ကို အခုလိုယာယီပိတ်ပင်လိုက်တာဖြစ်တယ်လို့ သိရပါတယ်။

"ပုပ္ပါးတောင်တက်လို့မရရင်တောင် ကျောက်ပန်းတောင်ဘက် ပုပ္ပါးတခွင်မှာလည်ပတ်စရာတွေ များပါတယ်။ အရင်တည်းကမြစ်ကူးပြီးသွားရတဲ့ တန့်ကြည်တောင်ဘက်တွေ ဘာတွေဆို ခရီးသွားတွေကသိပ်မသွားကြသလို လိုက်ပို့တဲ့ခရီးသွားဝန်ဆောင်မှုအဖွဲ့တွေလည်း သိပ်ရှိဘူးလေ။ သူကျမကွေးတိုင်းဘက်ထဲပါသွားတာကိုး၊ ပုပ္ပါးတော့မသိဘူး၊ပုဂံဘက်တွေကတော့အခုအထိနယ်မြေဒေသအခြေအနေကောင်းပါတယ်။မြို့ထဲမှာလည်းအေးအေးချမ်းချမ်းပါပဲ"လို့ ပုဂံဒေသခံတယောက်က ထပ်လောင်းပြောပြပါတယ်။

ပုပ္ပါးဒေသအခြေစိုက် ခရီးသွားလုပ်ငန်း လုပ်ကိုင်သူတွေကတော့ ပုပ္ပားတောင်မကြီး တောင်တက်ခရီးစဉ်တွေကို အခြေအနေ အမျိုးမျိုးကြောင့် ခေတ္တပိတ်ထားပေမယ့်၊တောင်တက်လို့မရပေမယ့် အခြားဒေသတွင်း လေ့လာရေးခရီးစဉ်တွေဖြစ်တဲ့ Geosites လေ့လာရေး Package တွေတော့ရှိနေသေးတယ်လို့ ပုဂံ၊ပုပ္ပါးဒေသခရီးသွားဂရုတွေမှာ အသိပေးနှိုးဆော်ထားတာကိုလည်းတွေ့ရပါတယ်။

လက်ရှိမှာ ပုပ္ပါးတောင်မကြီးပေါ်သို့တက်ခွင့်ပိတ်ထားပေမယ့် တောင်ကလပ်ကိုတော့ ဖွင့်ပေးထားသေးတယ်လို့ ဒေသခံ ခရီးသွားလုပ်ငန်းလုပ်ကိုင်သူတွေက ပြောပါတယ်။

ဒါအပြင် Popa Guerilla Force (PGF)အဖွဲ့ရဲ့ထုတ်ပြန်ချက်အရ ပုပ္ပါးတောင်မကြီးပေါ်ရှိ ဆက်သွယ်ရေးစခန်းသို့ ဝင်ရောက်စီးနင်းတိုက်ခိုက်မှုအတွင်း နစက တပ်သားနှစ်ယောက်ကို အရှင်ဖမ်းဆီးနိုင်ခဲဲ့တယ်လို့ဆိုထားပြီး နစကတပ်သားတယောက်ကတော့ ပြည်သူများအကြားထွက်ပြေးလွတ်မြောက်ခဲ့ကြောင်းနဲ့ နောက်ထပ်စစ်ဆင်ရေးတွေကိုလည်း သူတို့အဖွဲ့အနေနဲ့ ထပ်မံပြုလုပ်နိုင်ဖို့ အစီအစဉ်တွေ ထားရှိတယ်လို့ အဲဒီအဖွဲ့ရဲ့ထုတ်ပြန်ချက်မှာ ဖော်ပြထားတာကိုတွေ့ရပါတယ်။

လက်ရှိမှာတော့ ပုပ္ပါးတောင်မကြီးနဲ့ ပုပ္ပါးဒေသတခွင်မှာ နစက လုံခြုံရေးတပ်ဖွဲ့တွေ အများအပြားရောက်ရှိနေပြီး လုံခြုံရေးပိုင်းတွေကို တင်းတင်းကြပ်ကြပ်ပြုလုပ်နေတာကို တွေ့ရတယ်လို့လည်း ပုပ္ပါးဒေသခံတွေက ပြောပါတယ်။

Photo – CJ

ပုံစာ - ပုပ္ပါးတောင်မကြီးအား တွေ့ရစဉ်။

#centralnewsnayptitaw