Snapdragon 8 Elite နဲ့ AI Feature များစွာ ပါတဲ့ Samsung Galaxy S25 Ultra လာပြီ
==================================================
Samsung က ၂၀၂၅ ခုနှစ်အတွက် စွမ်းရည်မြင့် ဖုန်းတွေကို ကြေညာလိုက်ပါတယ်။ Galaxy S25, S25+ နဲ့ S25 Ultra တို့ ဖြစ်ပြီး အကြမ်းဆုံးက Ultra ဖြစ်ပါတယ်။
Ultra မှာ Display အတွက် 6.9” QHD+ Dynamic AMOLED 2X ကို သုံးထားပြီး Peak Brightness ကတော့ 2,600 Nits ဖြစ်ပါတယ်။ အလင်းပြန်တာကို ကာကွယ်ပေးတဲ့ Coating က ပိုကောင်းလာပြီး နေရောင်ထဲမှာ ဖုန်းသုံးလို့ ပိုကောင်းလာပါတယ်။ ဘေးဘောင်တွေက ပိုပါးလွှာလာပါတယ်။ Samsung က Display System ပိုကောင်းစေတဲ့ “ProVisual Engine “ ထည့်ထားတယ်လို့ ပြောပြီး ဘက်ထရီ သုံးစွဲတာကို လျှော့ချပေးပါတယ်။
ဒီဖုန်းရဲ့ အဓိက စွမ်းရည်က AI Feature တွေ ဖြစ်ပါတယ်။ Google ရဲ့ Gemini AI ကို သုံးထားပြီး ပါဝါခလုတ်ကို ဖိကာ ဆင့်ခေါ်နိုင်ပါတယ်။ Circle to Search က ပိုကောင်းလာပြီး ဖုန်းနံပါတ်၊ အီးမေးနဲ့ URLs တွေကို သိလာနိုင်ပါတယ်။ စာသား၊ အသံ၊ ဓါတ်ပုံနဲ့ ဗီဒီယိုကို ဘာသာပြန်ပေးနိုင်တဲ့ Multimodal AI Agents ပါပါတယ်။
အဲဒီဖုန်းဟာ သင့်အတွက် ဒစ်ဂျစ်တယ် ကိုယ်ရေးလက်ထောက် တစ်ယောက် အဖြစ် အလုပ်လုပ်ပေးနိုင်လာပါတယ်။ အရေးကြီး သတင်းအချက်အလက်တွေကို တစ်နေရာထဲမှာ ပြပေးနိုင်တဲ့ Now Brief ပါလာပါတယ်။ Lock Screen မှာ အရေးကြီး သတင်းတချို့ကို ပြသပေးတဲ့ NowBar ထည့်ထားပါတယ်။ Time to go က ချိန်းဆိုထားတာကို မလွတ်သွားအောင် သတိပေးနိုင်ပါတယ်။
Snapdragon 8 Elite Chip အသစ် ထည့်သွင်းထားပြီး AI အလုပ်တွေကို နိုင်နင်းစွာ စီမံခန့်ခွဲနိုင်ပါတယ်။ အနောက်ဘက်မှာ 200MP Main , 50MP Telephoto , 50MP Ultrawide နဲ့ 10MP Midrange Zoom တပ်ဆင်ထားပြီး အရှေ့ ကင်မရာက 12MP ဖြစ်ပါတယ်။ ဘက်ထရီက 5,000mAh ဖြစ်ပါတယ်။ Titanium Black, Titanium Gray, Titanium Silverblue, နဲ့ Titanium Whitesilver အရောင်တွေ ထုတ်လုပ်ထားပြီး ဖေဖော်ဝါရီလ ၇ ရက်နေ့မှာ ရောင်းချမှာ ဖြစ်ပါတယ်။
အမေရိကန် ဈေးနှုန်းတွေက အောက်ပါ အတိုင်း ဖြစ်ပါတယ်။
• 12GB+256GB: $1300
• 12GB+512GB: $1420
• 12GB+1TB: $1650
