MySPACE

26 w - Translate

ငါးကတ်တလိတ်(လက်)ကြော်

ငါးကို ပြုတ်ပြီး သုံးနိူင်သော်လည်း ကင်(grill)ထားသော ငါးက အချိုရည်တွေ မထွက်သွားတဲ့အတွက် ပိုချို၊ ပိုမွှေးစေပါတယ်။ ကျွန်မက oven ထဲထည့်ကာ high heat ဖြင့် grilled လုပ်ထားသော်လည်း မိမိအဆင်ပြေသလို ကင်ပေးနိူင်ပါတယ်။
ငါးကတ်တလိတ်(လက်)ကြော် အတွက် လိုအပ်တာလေးတွေ …

ဖဲ့ရွဲ့ထားသော ငါးကင် – 2 cups (500 ml)
နူးအောင်ပြုတ်ပြီးနောက် ဖိချေထားသော အာလူး – 1 cup (250 ml)
ပါးပါးလှီးထားသော နံနံပင် နှင့် ပူစီနံ – 1/2 cup (125 ml)
ပါးပါးသေးသေးလှီးထားသော ကြက်သွန်နီ – ထမင်းစားဇွန်း ၃ ဇွန်း
ပါးပါးသေးသေးလှီးထားသော ကြက်သွန်ဖြူ – ထမင်းစားဇွန်း ၁ ဇွန်း
ကော်မှုန့် (potato starch (or) corn starch) – ထမင်းစားဇွန်း ၂ ဇွန်း
ပါးပါးလှီးထားသော ငရုတ်သီးစိမ်း – ထမင်းစားဇွန် တစ်ဝက်
ဇီယာစေ့မှုန့် (cumin powder) – လက်ဖက်ရည်ဇွန်း ၁ ဇွန်း
မဆလာ – လက်ဖက်ရည်ဇွန်း ၁ ဇွန်း
သံပုရာရည် – လက်ဖက်ရည်ဇွန်း ၁ ဇွန်း
ငရုတ်သီးမှုန့် – လက်ဖက်ရည်ဇွန်း ၁ ဇွန်း
ဆား – လက်ဖက်ရည်ဇွန်း ၁ ဇွန်းခန့်
ကြက်ဥ – ၁ လုံး (အခြားပါဝင်ပစ္စည်းများဖြင့် ရောနယ်ရန်)
ကြက်ဥ – ၁ လုံး (ကတ်တလိတ် အပြင်မှ ကပ်ရန်)
အတော်လေးမှုန့်ညက်နေသော bread crumb – 2 cups ခန့် (မှုန့်ညက်မနေပါက ဖိကြိတ်ချေပြီးမှ သုံးပါ။)

ပါဝင်ပစ္စည်း ၁ မှ ၁၃ အထိကို နှံ့သွားအောင် နယ်ကာ ထမင်းစားဇွန်း ၂ ဇွန်း ပမာဏခန့်စီယူ၍ နှစ်သက်ရာပုံ လုပ်ထားပါ။

တစ်ခုချင်းစီကို ခလောက်ထားသော ကြက်ဥရည်တွင်ထည့်ပြီးနောက် bread crumb များဖြင့် နေရာလွတ်မကျန်အောင် ခပ်ဖွဖွဖိပြီး ကပ်ပေးပါ။

ကက်တလိတ် တစ်ဝက်ခန့်မြှုပ်အောင်ထည့်ထားသော ဆီ ပူလျှင် အိုးမကြပ်အောင် ထည့်ကာ medium heat နှင့် over medium heat ကြား လိုအပ်သလိုညှိ ကြော်ပေးပါ။

(bread crumb က တူးလွယ်သည့်အတွက် အပူရှိန်ပြင်းပြင်း (high heat)ဖြင့် မကြော်ရပါ။)

နှစ်ဖက်လုံး ရွှေဝါရင့်အရောင် ဖြစ်လာလျှင် ဆီစစ်ဆယ်ထုတ်ပြီး paper towel ပေါ်တင်ကာ ဆီဆက်စစ်ထားပါ။

ဆီစစ်ပြီးနောက် အရသာရှိစွာ သုံးဆောင်နိူင်ပါပြီ။

Crd.chaw su