ဆေးရုံဆေးခန်းသွားတဲ့အခါမှာသုံးတဲ့ အဂ်လိပ်စကားလုံးများ🧑🏼‍⚕️🧑🏼‍⚕️🧑🏼‍⚕️

#easyenglish
#englisheverywhere

ဆေးရုံဆေးခန်းသွားတဲ့အခါမှာသုံးတဲ့ အဂ်လိပ်စကားလုံးများ🧑🏼‍⚕️🧑🏼‍⚕️🧑🏼‍⚕️

#easyenglish
#englisheverywhere

လျင်လျင်မြန်မြန်အိပ်ပျော်စေမယ့် ၄-၇-၈ အသက်ရှုလေ့ကျင့်ခန်း
နေ့တစ်နေ့ အစပျိုးဖို့ ကော်ဖီတစ်ခွက် မသောက်ခင်လေး နှစ်နှစ်ခြိုက်ခြိုက် အိပ်စက်ခဲ့ရတာကြောင့် လန်းလန်းဆန်းဆန်း နိုးထလာရတဲ့ ခံစားချက်က ဘာလဲဆိုတာကို ခံစားဖူးချင်ကြတယ် မဟုတ်လား။
စိတ်မကောင်းပါဘူး။ US ရဲ့ အရွယ်ရောက်ပြီးသူ (၃%) ကတော့ ဒီအရာကို အိမ်မက် မက်ရုံပဲ တတ်နိုင်ပါတော့တယ်။ မပြောင်းလဲတဲ့ ပြဿနာတွေနဲ့ မထူးခြားတဲ့ နေ့စဉ် စိတ်ဖိစီးမှုတွေက ကျွန်တော်တို့ ခေါင်းထဲ သံမှို ရိုက်ထားသလို တွယ်ကပ်နေတာကြောင့်လည်း ဖြစ်ပါတယ်။
ဘယ်လိုပဲဖြစ်ဖြစ် သင့်အနေနဲ့ တချို့ အရာတွေကို ထိန်းချုပ်ဖို့ မဖြစ်နိုင်ဘူး ဆိုပေမဲ့ သင့် အသက်ရှုသံကိုတော့ သင်ထိန်းချုပ်လို့ ရပါသေးတယ်။ စိတ်ဖိစီးမှု ကင်းကင်းနဲ့ နှစ်နှစ်ခြိုက်ခြိုက် အိပ်ပျော်နိုင်စေဖို့က သင့်ရဲ့ အသက်ရှုပုံစံကို ပုံမှန် ထိန်းပြီး ရှုပေးဖို့ပဲ လိုတာပါ။ အခု ပြောပြ ပေးမယ့် ၄-၇-၈ အသက်ရှု လေ့ကျင့်ခန်းက တကယ့်ကို ရိုးရှင်းပြီး ဘာ အထောက်အကူပစ္စည်းမှလည်း မလိုတဲ့အတွက် ပိုအဆင်ပြေပါတယ်။
ရိုးရှင်းခြင်းက အဓိက သော့ချက်ပါ ၄-၇-၈ အသက်ရှု လေ့ကျင့်ခန်းဟာ ဒေါက်တာ အန်းဒရူး ဗေယံ (Dr. Andrew Weil) ဆိုသူ ရှာဖွေ တွေ့ရှိခဲ့တဲ့ အသက် ရှုနည်းစနစ်ဖြစ်ပြီး Pranayama လို့ ခေါ်တဲ့ ရှေး ယောဂီ လေ့ကျင့်ခန်း တစ်ခုကို အခြေခံထားတာပဲ ဖြစ်ပါတယ်။ ကဲ … ဒါဆို ဘယ်ကနေ ဘယ်လိုစလုပ် ရမလဲဆိုတာကို ကြည့်လိုက် ကြရအောင်။
၁။ နှာခေါင်းနဲ့ (၄) စက္ကန့် အသက်ရှုပါ။
၂။ ရှုသွင်းထားတဲ့အတိုင်း (၇) စက္ကန့် အသက်အောင့်ထားပါ။
၃။ ပြီးရင်တော့ (၈) စက္ကန့်ကြာ အသက်ပြန်ရှုထုတ်ပါ။
နှာခေါင်းနဲ့ အသက်ရှုနေတဲ့အချိန် မေးရိုး ကြွက်သားတွေကို အနားပေးထားပြီး ပါးစပ်ပိတ် အသက်ရှုပါ။ အသက်ရှုထုတ်ချိန်မှာတော့ ခန္တာကိုယ်ရဲ့ စိတ်ဖိစီးမှု အားလုံးကို ဖြေလျော့ပြီး နှုတ်ခမ်းကနေ ရှုထုတ်ပါ။ ရှုထုတ်ချိန် လေတိုးသံနဲ့ ဆင်တူတဲ့ အသံမျိုး လေးပါးစပ်က ထွက်အောင် ရှုထုတ်ပါ။ ရှုထုတ်စဉ် လျှာဖျားလေးကို အပေါ်သွားနောက်က သွားဖုံးဆီ တွန်းထားဖို့လည်း မမေ့ပါနဲ့။
အဆင့် တစ်ခုစီတိုင်းမှာ အချိန် ဘယ်လောက်ကြာခဲ့တယ်ဆိုတာ အရေးမကြီးဘူး ဆိုပေမဲ့ ၄-၇-၈ အချိုးကတော့ အရေးကြီးပါတယ်။ နားလည်အောင် ပြောရမယ် ဆိုရင်တော့ အချိုးအလိုက်တော့ သင့်ရဲ့ အသက်ရှုတဲ့ အဆင့် တစ်ခုစီတိုင်းကို ချိန်းညှိပေးလို့ ရတယ်လို့ ဆိုလိုတာပါ။ သင့်အနေနဲ့ အသက်ရှုတဲ့ နေရာမှာ အခက်အခဲ ရှိတယ်ဆိုရင် အဆင့် တစ်ခုချင်းစီကို ၄-၇-၈ အချိုးအတိုင်းပဲ ထားပြီး အသက် မြန်မြန်ရှုတာ ဒါမှမဟုတ် ဖြေးဖြေးမှန်မှန် ရှုတာမျိုးလေး ပြုလုပ်ပေးလို့ ရပါတယ်။
အာရုံစူးစိုက်နိုင်မှုကသာ အရေးကြီးတာပါ။ လေ့ကျင့်ခန်းလုပ် နေစဉ် စိတ်လွင့်လွယ်တဲ့အတွက် ကိုယ့်စိတ်ကိုယ် ပြန်ဖမ်းဆုပ်ပြီး ၄-၇-၈ အသက်ရှု နည်းစနစ် အတိုင်း ပြန်စုစည်းပြီး ရှုဖို့ မမေ့ပါနဲ့။
တမှေးလောက် အိပ်ပျော်သွားလည်း လေ့ကျင့်ခန်းက မပျောက်သွားပါဘူး
၄-၇-၈ အသက်ရှု လေ့ကျင့်ခန်းဆိုတာဟာ သင့်ရဲ့ အာရုံကြောစနစ် ကနေ ဖြစ်ပေါ်လာတဲ့အတွက် လွယ်လွယ်နဲ့ မပျောက်သွားပါဘူး။ စိတ်ရဲ့ ထိန်းချုပ်မှု မပါဘဲ ကြောက်ရွံ့တဲ့အခါ ဒါမှမဟုတ် သင့်စိတ်တွေ တည်ငြိမ်နေတဲ့အခါမျိုးမှာ သင့်ရဲ့ စိတ်အခြေအနေပေါ်လိုက်ပြီး ပြောင်းလဲနေတဲ့အသက် ရှုနှုန်းတွေ အကြောင်းကို တွေးကြည့်လိုက်ပါ။ အားလုံးက အလိုအလျောက် တုံ့ပြန်နေတဲ့ စွမ်းဆောင်ချက်တွေပါ။
စိတ်ဖိစီးမှုတွေများတဲ့အချိန်မှာ နှလုံးခုန် မြန်လာပြီး စိတိဖိစီးမှု ဟော်မုန်းတွေ မြင့်တက်လာပါတယ်။ ဒါကြောင့်မို့လို့ အသက်ရှုခြင်းဆိုတာဟာ အလိုအလျောက် စနစ်တစ်ခုဖြစ်ပြီး စိတ်ဖီးစီးမှု အခြေအနေအလိုက် အသက်ရှုနှုန်း အနိမ့်၊ အမြင့်က ကွာခြားသွားတာပါ။ ၄-၇-၈ အသက်ရှု နည်းစနစ်ကတော့ သင့်ရဲ့ အသက်ရှုနှုန်းကို တည်ငြိမ်လာစေပြီး အချိန်တိုအတွင်း အိပ်ပျော်စေကာ တစ်ညလုံး နှစ်နှစ်ခြိုက်ခြိုက် အိပ်မောကျ စေနိုင်အောင်လည်း ကူညီပေးပါတယ်။
အိပ်ရေးဝအောင် အိပ်စက်ခြင်းဟာ သင့်ရဲ့ ကျန်းမာရေးအတွက် မဖြစ်မနေ ပြုလုပ်ပေးသင့်တဲ့ အရာပါ။ တစ်ညတာကို ကောင်းကောင်း အိပ်စက်လိုက်နိုင်ပြီဆိုရင်ပဲ ပိုကောင်းတဲ့ မှတ်ဉာဏ် စွမ်းဆောင်ရည်တွေနဲ့ သွေးလည်ပတ်မှု အားကောင်းလာတဲ့ အကျိုးကျေးဇူးတွေကို ခံစားရမှာပါ။
သင်ကိုယ်တိုင် သင့်ကျန်းမာရေးကို သင်္ကာမကင်း ဖြစ်လာပြီဆိုရင်တော့ ဖုန်းကို အဝေးမှာထား၊ ပန်းရောင်သံစဉ် (pink noise) လေးဖွင့်၊ အသက်ရှု လေ့ကျင့်ခန်း လေးစပြီး အိပ်ပျော်အောင် ကြိုးစားအိပ်လိုက်ပါ

စကားကြမ်းကြမ်း ပြော တတ်တဲ့ လူရဲ့
ရင်ထဲမှာ သိမ်မွေ့တဲ့
နှလုံးသားရှိ တယ်။
ဒေါသတကြီး ပြောတတ် တဲ့ လူရဲ့ ရင်ထဲမှာ
စေတနာတရားတွေရှိ တယ်။
မဟုတ်မခံ ပြောတတ်တဲ့ လူရဲ့ ရင်ထဲမှာ
အမှန်တရားတွေရှိတယ်။

☘️🤍🍂

#crd

မင်းကို မေးချင်နေမိတဲ့
မေးခွန်းတွေထဲက တစ်ခုပါ ...
ကိုယ် ရှိနေရုံနဲ့
မလုံလောက်ဘူးလား ...
နေရာတကာမှာ
ကိုယ့်ကိုယ်ကိုယ် မေ့တဲ့အထိ
ဂရုစိုက်နေမိတဲ့ ကိုယ်က
ပိုများ ပိုနေတာလားလို့ ...
ဒါမှမဟုတ်
ကိုယ့်ချစ်ခြင်းတွေက
မင်းအတွက် မလောက်ငှရအောင်
ဘယ်နေရာမှာများ လိုအပ်ချက်ရှိနေလို့လဲလို့
အဖြေတွေ ရှာနေမိတယ် ...
တခြားတစ်ယောက် နဲ့
စကားတွေ ပြောနေရမှ
ပျော်တတ်တာလား ...
ပြီးတော့လေ ...
ကိုယ်ခဏလေး မျက်ကွယ်ရာရောက်ရင် ...
ကိုယ်မဟုတ်တဲ့ အခြားတစ်ယောက်က
အလိုလို မင်းအနား ရှိလာတာပါပဲ ...
ဒါက သဘာ၀ပဲလား
တစ်စုံတစ်ယောက်မရှိပဲ
ဘ၀ကို တည်တည်ငြိမ်ငြိမ်လေး
မဖြတ်သန်းနိုင်ဘူးလားဟင် ...
ကိုယ်တစ်ယောက်လုံး ရှိနေပြီလေ ...
မင်းကို အများကြီးလဲ ချစ်ပေးတယ်
တစ်ချိန်လုံးလဲ ဂရုစိုက်တယ် ...
ဒါပေမယ့်
ဘာလို့ ကိုယ်တစ်ယောက်တည်းနဲ့
မလုံလောက်ရတာလဲ ။
#ကျေးကို

ယနေ့ #ရွှေစျေး နှင့် #ကမ္ဘာ့ရွှေစျေး
📅24 Feb 2025 ⏰(110 AM)
#ပြင်ပအရောင်းဝယ် အခေါက်ရွှေ စျေးနူန်း
အရောင်း -6690000 MMK
အဝယ်- 6650000 MMK
15ပဲရည် အရောင်း -6296000 MMK
15ပဲရည် အဝယ် -6256000 MMK
===========================
#ကမ္ဘာ့ရွှေစျေး ⏰(110 AM)
1 Ounce = 2942 USD$
===========================
YGEAသတ်မှတ်စျေးနူန်း ⏰( 90 AM)
5500000 MMK

#crd
#gold&Dollar

မန်ချက်စတာစီးတီးအသင်းရဲ့ကွင်းလယ်ကစားသမားကယ်လ်ဗင်ဒီဘရိုင်းအနေနဲ့ ဒီနွေရာသီကာလမှာအသင်းပြောင်းရွှေ့ထွက်ခွာဖွယ်ရှိနေပါတယ်လို့ အဂ်လန်သတင်းဌာနဖြစ်တဲ့ Daily Mail သတင်းကဖော်ပြခဲ့ပါတယ်။

အသက် ၃၃ နှစ်အရွယ်ကွင်းလယ်ကစားသမားအနေနဲ့ ဒဏ်ရာပြသနာမရှိပေမဲ့ ဥရောပချန်ပီယံလိဂ်ပွဲစဉ်ဖြစ်တဲ့ရီးရဲလ်မက်ဒရစ်အသင်းကိုရှုံးနိမ့်ခဲ့တဲ့ပွဲစဉ်မှာချန်လှပ်ခံထားခဲ့ရဖြစ်ကြောင်းပပ်ဂွာဒီယိုလာကထုတ်ဖော်ပြောဆိုလာတဲ့ဖြစ်စဉ်လည်းရှိခဲ့တာဖြစ်ပါတယ်။

မန်ချက်စတာစီးတီးအသင်းနည်းပြပပ်ဂွာဒီယိုလာအနေနဲ့ ဥရောပချန်ပီယံလိဂ်ပွဲစဉ်ဖြစ်တဲ့ ရီးရဲလ်မက်ဒရစ်အသင်းကို ၁-၃ နဲ့ရှုံးနိမ့်ခဲ့တဲ့ပွဲစဉ်မှာအသင်းရဲ့ကွင်းလယ်တိုက်စစ်ကစားသမားကယ်လ်ဗင်ဒီဘရိုင်းကိုဒဏ်ရာပြသနာတစုံတရာမရှိဘဲချန်လှပ်ထားခဲ့တာဖြစ်ကြောင်းတည့်တည့်ဝန်ခံပြောဆိုလာခဲ့တာလည်းဖြစ်ပါတယ်။

ပပ်ဂွာဒီယိုလာရဲ့ပြောစကားကြောင့်ကယ်လ်ဗင်ဒီဘရိုင်းဖြစ်စဉ်မှာတော့ အဆိုပါဘယ်လ်ဂျီယံကွင်းလယ်ကစားသမားအနေနဲ့ ဒီရာသီကုန်ပြီးနောက်ပိုင်းမှာတော့ မန်စီးတီးအသင်းကနေထွက်ခွာမှာလားဆိုတာနဲ့ပတ်သက်ပြီး ကောလဟာလသတင်းတွေဆက်တိုက်ထွက်ပေါ်လာစေခဲ့တာဖြစ်ပါတယ်။

ကယ်ဗင်ဒီဘရိုင်းရဲ့မန်ချက်စတာစီးတီးအသင်းနဲ့လက်ရှိစာချုပ်သက်တမ်းအရတော့ ဒီဇွန်လကုန်မှာစာချုပ်သက်တမ်းကုန်ဆုံးမှာလည်းဖြစ်ပါတယ်။
 
#ဘောလုံးသတင်းစုံ

ယူကရိန်းစစ်ပွဲ အဆုံးသတ်ရေး ရုရှား-အမေရိကန် ဒုတိယအကြိမ်ဆွေးနွေးမယ်

ဝါရှင်တန်၊ ဖေဖော်ဝါရီ ၂၄

အမေရိကန်နဲ့ ရုရှားထိပ်တန်းတာဝန်ရှိသူတွေဟာ ယူကရိန်းစစ်ပွဲ အဆုံးသတ်ရေးနဲ့ အခြားကိစ္စရေပ်တွေ အတွက် ယခုသီတင်းပတ်အတွင်းမှာ ထပ်မံတွေ့ဆုံသွားမယ်လို့ ရုရှားအစိုးရ တာဝန်ရှိသူက ပြောပါတယ်။

၂၀၂၂ ခုနှစ်မှာ စတင်ခဲ့ပြီး လူပေါင်းများစွာ သေဆုံးစေခဲ့တဲ့ ယူကရိန်းစစ်ပွဲကို အဆုံးသတ်စေလိုပြီး စစ်ပွဲအဆုံးသတ်ရေး သဘောတူညီချက်တရပ် ပေးလိုကြောင်း အမေရိကန်သမ္မတ ဒေါ်နယ်ထရန့်က ပြောပါတယ်။

အမေရိကန်နဲ့ ဆက်ဆံရေးအတွက် နှစ်ဖက်အကြား ယခုသီတင်းပတ်မှာ တွေ့မယ်လို့ ရုရှားနိုင်ငံခြားရေးဝန်ကြီးဌာန ဒုတိယနိုင်ငံခြားရေးဝန်ကြီးက ပြောပါတယ်။ အထူးသဖြင့် နှစ်နိုင်ငံဆက်ဆံရေးမှာ စိတ်အနှောက်အယှက်တွေအတွက် အမေရိကန်နဲ့ဆက်ဆံရေးမှာ ရုရှားဘက်က ပွင့်လင်းတယ်လို့ သူက ဆိုပါတယ်။

နှစ်နိုင်ငံအကြား ဆက်ဆံရေး တိုးမြှင့်ဖို့နဲ့ ယူကရိန်းစစ်ပွဲအဆုံးသတ်ရေးအတွက် အမေရိကန်သမ္မတ ဒေါ်နယ်ထရန့်နဲ့ ရုရှားသမ္မတ ပူတင်တို့ဟာ ဖေဖော်ဝါရီ ၁၂ ရက်က တယ်လီဖုန်းဆက်သွယ်ဆွေးနွေးခဲ့ကြပြီး နှစ်နိုင်ငံတာဝန်ရှိသူတွေဟာလည်း ဖေဖော်ဝါရီ ၁၈ ရက်က ဆော်ဒီမှာ တွေ့ဆုံဆွေးနွေးခဲ့ကြပါတယ်။

ပူတင်နဲ့ ဇီလန်စကီးတို့အနေနဲ့ စစ်ပွဲအဆုံးသတ်ဖို့ သဘောတူညီချက်တရပ် ရယူရေး ဆန္ဒရှိနေတယ်လို့ ယုံကြည်ကြောင်း ထရန့်ကပြောပါတယ်။ ယူကရိန်းအနေနဲ့ နေတိုးမဟာမိတ်အဖွဲ့ဝင်ဖြစ်လာရေးကလည်း လက်တွေ့မဆန်ဘူးလို့ သူက ထုတ်ဖော်ပြောဆိုထားပါတယ်။

Ref:Reuters
Photo:Reuters

#သတင်းဟင်းလေးအိုးကြီး

ဝန်ထမ်းများ အလုပ်တာဝန်အကြောင်း သတင်းပို့ရန် ထရမ့် ညွှန်ကြား

ဝါရှင်တန်၊ ဖေဖော်ဝါရီ ၂၄

အမေရိကန်ဖက်ဒရယ်အစိုးရ ဝန်ထမ်းများအနေဖြင့် ပြီးခဲ့သည့် သီတင်းပတ်အတွင်း ၎င်းတို့၏ အလုပ်တာဝန် အောင်မြင်မှုများအကြောင်းကို အသေးစိတ် ရှင်းလင်းတင်ပြရန် သမ္မတ ဒေါ်နယ်ထရမ့် (Donald Trump) အစိုးရ က ဖေဖော်ဝါရီ ၂၂ ရက်တွင် အီးမေးလ်များ ပေးပို့ခဲ့သည်ဟု ရိုက်တာမှ ဖော်ပြခဲ့သည်။

အစိုးရဝန်ထမ်းများ အနေဖြင့် ဖေဖော်ဝါရီ ၂၄ ရက်ညကို နောက်ဆုံးထားပြီး ၎င်းတို့၏ တာဝန်ဝတ္တရားများအား အသေးစိတ် ရှင်းလင်းတင်ပြရန် သို့မဟုတ်ပါက ရာထူးမှ ဖယ်ရှားခံရမည်ဟု ထရမ့်အစိုးရက သတိပေးထားသည်။

အစိုးရအကျိုးဆောင်ဌာန(DOGE)ကို ဦးဆောင်သည့် ဘီလျံနာ အီလွန်မာ့စ် (Elon Musk) က အစိုးရကပေးပို့သည့် အီးမေးလ်များအား ပြန်လည်မတုန့်ပြန်လျှင် ရာထူးမှ နုတ်ထွက်သည့် အဓိပ္ပာယ်အဖြစ် ယူဆခံရမည်ဖြစ်ကြောင်း ၎င်း၏ X လူမှုမီဒီယာတွင် ရေးသားခဲ့သည်။

“ဖက်ဒရယ် ဝန်ထမ်းတွေ အားလုံးဟာ ပြီးခဲ့တဲ့ သီတင်းပတ်အတွင်း သူတို့ လုပ်ဆောင်ခဲ့တဲ့ အလုပ်တာဝန်တွေကို ရှင်းပြဖို့ တောင်းဆိုထားတဲ့ အီးမေးလ်တွေကို လက်ခံ ရရှိပါလိမ့်မယ်။ အဲဒီအီးမေးလ်တွေကို အကြောင်းမပြန်ဘူး ဆိုရင် ရာထူးက နုတ်ထွက်တယ်လို့ သတ်မှတ်သွားမှာ ဖြစ်ပါတယ်” ဟု မာ့စ်က ရေးသားခဲ့သည်။

DOGE အနေဖြင့် ၂ ဒသမ ၃ သန်းရှိသည့် ဝန်ထမ်းအင်အားကို လျှော့ချရန် အားထုတ်ကြိုးပမ်းမှုများကို ယခုထက် ပိုပြီး တင်းတင်းကျပ်ကျပ် ဆောင်ရွက်သင့်ကြောင်း ထရမ့်က ၎င်း၏ Truth Social လူမှုမီဒီယာတွင် ရေးသား ဖော်ပြခဲ့ပြီးနောက် နာရီပိုင်းအကြာ၌ မာ့စ်က X လူမှုကွန်ရက်မှာ ပို့စ်တင်ခဲ့ခြင်းဖြစ်သည်။

ဖေဖော်ဝါရီ ၂၂ ရက် မွန်းလွဲပိုင်းအထိ အစုရှယ်ယာနှင့် ငွေလဲလှယ်မှုကော်မရှင်၊ အမျိုးသားသမုဒ္ဒရာနှင့် လေထု အုပ်ချုပ်ရေးအဖွဲ့၊ ရောဂါထိန်းချုပ်ရေးနှင့် ကာကွယ်ရေးစင်တာ အပါအဝင် ဖက်ဒရယ်အေဂျင်စီများတွင် တာဝန် ထမ်းဆောင်နေသည့် ဝန်ထမ်းများကို အီးမေးလ်များ ပေးပို့ခဲ့သည်။

ထိုအီးမေးလ်များကို “ပြီးခဲ့သည့် သီတင်းပတ်အတွင်းက သင် ဘာတွေ လုပ်ခဲ့သနည်း” ဆိုသည့် ခေါင်းစဉ်ဖြင့် ပေးပို့ခဲ့ခြင်း ဖြစ်သည်။

ဝန်ထမ်းများ အနေဖြင့် ပြီးခဲ့သည့် သီတင်းပတ်က အောင်မြင်စွာ လုပ်ဆောင်နိုင်ခဲ့သော အလုပ်တာဝန်များကို အချက် ၅ ချက်ဖြင့် အကျဉ်းချုံး ရေးသားဖော်ပြရန်နှင့် အစိုးရကို ပြန်ပို့သည့် အီးမေးလ်များအား ၎င်းတို့၏ သက်ဆိုင်ရာ မန်နေဂျာများ၏ အီးမေးလ် အကောင့်များဖြင့် cc တွဲပြီး ပေးပို့ရန် ညွှန်ကြားထားသည်ဟု ထိုအီးမေးလ်ကို မြင်တွေ့ခဲ့သည့် ရိုက်တာသတင်းဌာနက ဖော်ပြခဲ့သည်။

သို့သော် မာ့စ်အနေဖြင့် အီးမေးလ်များ ပြန်မပို့သည့် ဖက်ဒရယ်ဝန်ထမ်းများကို ရာထူးမှ ဖယ်ရှားခြင်းသည် တရားဝင်မှု ရှိ/မရှိကို ရှင်းလင်းစွာ မသိရသေးပေ။

Source: ရိုက်တာ

ပုံ - အမေရိကန်သမ္မတ ဒေါ်နယ်ထရမ့်နဲ့ အီလွန်မာ့စ်ကို တွေ့ရစဉ်

#centralmewsnaypyitaw

ငွေမရှိရင်
သက်မဲ့ကအစ အလုပ်မလုပ်တဲ့
ခေတ်ကြီးထဲမှာ
ငါတို့မှာ ဘာမှမရှိတာတောင်
သူတို့မှာရှိတာလေးနဲ့
ငါတို့အနားမှာ ကပ်တွယ်နေတဲ့သူတွေကို
တန်ဖိုးထားရမယ် ။

#စာတို