#နိုင်ငံတကာသတင်း
◼ဂျာမနီနှင့်ဖိလစ်ပိုင် ကာကွယ်‌ရေးသဘောတူညီချက် လက်မှတ်ထိုး
အငြင်းပွားနေသော တောင်တရုတ်ပင်လယ်၌ တရုတ်နိုင်ငံနှင့်ကြာရှည်စွာ ဖြစ်ပေါ်နေသော ပြဿနာတွင် ၎င်း၏ အနေအထား ခိုင်မာလာစေရေး မနီလာက မဟာမိတ်အများအပြားထူထောင်နေချိန်တွင် ကာ ကွယ် ရေးဆိုင်ရာဆက်ဆံရေး တိုးမြှင့်ရန်နှင့် ပူးတွဲလှုပ်ရှားမှုများ မြှင့်တင်သွားရန် ဂျာမနီနှင့် ဖိလစ်ပိုင်တို့က သဘောတူလိုက်ကြသည်။
ဆိုက်ဘာလုံခြုံ‌‌ရေး၊ ကာကွယ်ရေးလက်နက်နှင့် သယ်ယူပို့ဆောင်မှု၊ ကုလ သမဂ္ဂငြိမ်းချမ်းရေးထိန်းသိမ်းမှု အပါအဝင်ပူးပေါင်းဆောင်ရွက်မှုတိုးမြှင့်သွားရေး တို့ပါဝင်သည့်ကာကွယ်ရေးပူးပေါင်းဆောင်ရွက်ရေးအစီအစဉ်တစ်ရပ်အား ဖိလစ်ပိုင်ကာကွယ်ရေးဝန်ကြီး ဂီလ်ဘာတိုတီယိုဒိုရို နှင့် ဂျာမနီကာကွယ်‌ရေးဝန်ကြီး ဘော ရစ်ပစ်တိုးရီးယပ်စ် တို့က ယမန်နေ့တွင်ဘာလင်မြို့၌လက် မှတ် ရေး ထိုးခဲ့ကြကြောင်း မနီလာ ကာ ကွယ်‌ရေးဝန်ကြီးဌာနက ယ နေ့တွင် ပြောကြားသည်။
ယမန်နှစ်တွင် ဂျာမနီကာကွယ်ရေးဝန်ကြီး ပစ်တိုးရီးယပ်စ် မနီလာသို့ လာရောက်ခဲ့ပြီး နှစ်နိုင်ငံ စစ်ဘက်များကြား ရေရှည်ဆက်ဆံ‌‌ရေး ထူထောင်ရန် နှစ်ဖက် ကတိပြုခဲ့ကြပြီးနောက် ယခုသဘောတူညီချက် ထွက်ပေါ်လာခြင်းဖြစ်သည်။
အစဉ်အလာမဟာမိတ် အမေရိကန်အပြင် အခြားနိုင်ငံများနှင့်ပါ ကာကွယ်ရေးသဘောတူညီချက်များ ချုပ်ဆိုရန် မနီလာက ကြိုးပမ်းလာခဲ့ပြီးနောက် ဂျာမနီနှင့် သဘောတူညီချက် ရရှိခြင်းဖြစ်သည်။
ပြီးခဲ့သည့်လကပင် စစ်ဘက်ချင်းပူး‌ပေါင်းဆောင်ရွက်မှု တိုးမြှင့်ရန် ဖိလစ်ပိုင်က နယူးဇီလန်နှင့် ကာကွယ်ရေးသဘောတူညီမှုရရှိခဲ့ပြီး မကြာမီ ကနေဒါနိုင်ငံနှင့်လည်း အလားတူ စာချုပ်ချုပ်ဆိုသွားမည်ဟု မျှော်လင့်ရသည်။
ကာကွယ်ရေးအရင်းအမြစ်များ အပြန်အလှန်အသုံးပြုခွင့်‌ပေးရေး ဂျပန်နှင့် သဘောတူညီမှုကို ဒီဇင်ဘာလက အတည်ပြုခဲ့ကြသည်။
ထို့ပြင် တပ်ဖွဲ့များ အပြန်အလှန်လည်ပတ်‌ရေး သဘောတူညီမှုအတွက် ပြင်သစ်နှင့် စတင်ဆွေးနွေးရေးကိုလည်း သမ္မတ ဖာဒီနန်မားကို့စ်က အတည်ပြုခဲ့သည်။
ဘရူနိုင်း၊ မလေးရှား၊ ဖိလစ်ပိုင် နှင့် ဗီယက်နမ် နိုင်ငံတို့ကလည်း ပိုင်ဆိုင်ကြောင်း ပြောကြားနေကြသည့် တောင်တရုတ်ပင်လယ်တစ်ခုလုံး အား မိမိတို့ ပိုင်ဆိုင်ကြောင်း တရုတ် က ပြောသည်။
ပေကျင်း၏ပြောဆိုမှုများမှာဥပဒေအခြေခံမရှိကြောင်းသည်ဟေ့ဂ်မြို့မှအ ငြင်းပွားမှုဖြေရှင်းရေးဆိုင်ရာအမြဲတမ်းတရားရုံးက ၂၀၁၆ ခုနှစ်က ဆုံးဖြတ်သော်လည်း တရုတ်က လက်သင့်မခံဘဲ ပယ်ချထားသည်။
ယင်းဆုံးဖြတ်ချက်သည် ခြွင်းချက်မရှိဘဲတည်မြဲနေကြောင်း ပစ်တိုးရီးယပ်စ် က ပြီးခဲ့သည့် ဩဂုတ်လက မနီလာ ၌ ပြောကြားခဲ့သည်။
ပြီးခဲ့သည့်နှစ် စက်တင်ဘာလကလည်း ဂျာမနီစစ်သင်္ဘောနှစ်စီးက အင်ဒို-ပစိဖိတ်ဒေသသို့ ရှားရှားပါးပါးခရီးနှင်ခဲ့ကာ လွတ်လပ်စွာရေကြောင်းသွားလာမှုအပေါ် ဘာလင်၏ သဘောထားကို ပြသခဲ့သည်။
သတင်း-ရဲမင်း
ကိုးကား-Reuters

#ပြည်တွင်းသတင်း
◼ဒိုးလုံး၏တေးသီချင်းများစီးပွားဖြစ်အသုံးပြုပါက အသိပေးခွင့်တောင်းရန်ကြေညာ
တေးရေးတေးဆို ခွန်နေလင်းနိုင်(ခ)ဒိုးလုံး၏ တေးသီချင်းများအား စီးပွားဖြစ်အသုံးပြုမည်ဆိုပါက ဒေါ်ခင်ချောစုတင်(ချောစုခင်)ထံအသိပေးခွင့်တောင်းရန် နိုင်ငံပိုင်သတင်းစာမှတစ်ဆင့်အသိပေး ကြေညာထားသည်။
ဂီတအနုပညာရှင်ခွန်နေလင်းနိုင်(ခ)ဒိုးလုံး ဖန်တီးခဲ့သောတေးသီချင်းများ၏ မူပိုင်ခွင့်ဆိုင်ရာ ကိစ္စရပ်များ၊ စီမံခန့်ခွဲမှုဆိုင်ရာကိစ္စရပ်များအားလုံးကို ၎င်းကွယ်လွန်ချိန်မှစ၍ ယနေ့ထိတိုင် ဒေါ်ခင်ချောစုတင် (ချောစုခင်)က ဆက်ခံသူအဖြစ် တရားဝင်စီမံခန့်ခွဲဆောင်ရွက်လျက်ရှိကြောင်း ယင်းကြေညာချက်တွင်ဖော်ပြထားသည်။
၎င်းဖန်တီးခဲ့သောတေးသီချင်းများအားအသုံးပြုမည်ဆိုပါက ဒေါ်ခင်ချောစုတင်(ချောစုခင်) ထံသို့ ဖြစ်စေ၊ ယင်းမှတရားဝင်လွှဲအပ်ညွှန်ပြထားသောကုမ္ပဏီ၊ လူပုဂ္ဂိုလ်တို့ထံသို့ဖြစ်စေ အသုံးမပြုမီ ကြိုတင်ခွင့်ပြုချက်တောင်းခံ၍ ခွင့်ပြုချက်ရရှိမှသာလျှင် အသုံးပြုရန်နှင့်ခွင့်ပြုချက်တောင်းခံခြင်း မရှိဘဲ စီးပွားဖြစ်မည်သည့်ကဏ္ဍတွင်မဆိုအသုံးပြုပါက ဥပဒေနှင့်အညီဆက်လက်၍ အရေးယူ ဆောင်ရွက်သွားမည်ဖြစ်ကြောင်း အသိပေးကြေညာထားသည်။
တေးရေးတေးဆိုဒိုးလုံးသည် ပအိုဝ်းလူမျိုးဖြစ်ပြီး ၁၉၇၈ ခုနှစ်၊ ဇန်နဝါရီ ၁၄ ရက်တွင်မွေးဖွားခဲ့သည်။ ၎င်းသည် alternative အဆိုတော်ဖြစ်ပြီး ကိုယ်ပိုင်အခွေများဖန်တီးခဲ့သူဖြစ်သည်။
၎င်း၏တေးသီချင်းများဖြစ်သည့် မချစ်ဘူးမပြောပါနဲ့၊ အရိုးထိအောင်ရူး၊ ချစ်ဦးမေ၊ ကြင်နာလို့ ချစ်ပါရစေ အစရှိသည့်သီချင်းများသည်လည်း ပရိတ်သတ်များကြားယနေ့တိုင်လူကြိုက်များ ကျော်ကြားနေဆဲဖြစ်သည်။
တေးရေးတေးဆိုဒိုးလုံးသည် ၂၀၀၃ ခုနှစ်၊ စက်တင်ဘာ ၂ ရက် ကွယ်လွန်ချိန်တွင် အသက်(၂၅) နှစ် သာရှိသေးပြီး ဇနီးဖြစ်သူအဆိုတော်ချောစုခင်ကျန်ရစ်ခဲ့သည်။
သတင်း - အင်ကြင်း

#ယနေ့ထုတ်သတင်းစာ_သတင်း
◼ မြန်မာရွှေ့ပြောင်းလုပ်သား ၂၆ ဦး ကန်ချနဘူရီခရိုင်တွင် ဖမ်းဆီးခံရ
ထိုင်းနိုင်ငံ ဗန်ကောက်မြို့အနောက်ဘက်ဒေသ ကန်ချနဘူရီခရိုင်တွင် အလုံပိတ်ပစ်ကပ်ကားပေါ်တွင် တရားမဝင် ဝင်ရောက်လာသည့် မြန်မာရွှေ့ပြောင်းလုပ်သား ၂၆ ဦးကိုဖမ်းမိခဲ့ကြောင်း ကန်ချနဘူရီခရိုင် အုပ်ချုပ်ရေးအဖွဲ့က ထုတ်ပြန်ထားကြောင်း သိရသည်။
တရားမဝင် ဝင်ရောက်သူများရှိကြောင်း မေ ၁၄ ရက်တွင် ဒေသခံ များ၏ သတင်းပေးချက်အရ ကန်ချနဘူရီခရိုင် ထောင်ဖာဖွန်မြို့နယ် ထားနွန်ကျေးရွာ လမ်းလေးဆုံတွင် Isuzu D-Max ခဲရောင် အလုံပိတ် ပစ်ကပ်ကားတစ်စီးကို ဆူရစီတပ်မ(၉) တပ်ရင်းက တားဆီးစစ်ဆေးခဲ့သည်။
ကားပေါ်တွင် အသက် (၄၇) နှစ်အရွယ် ယာဉ်မောင်းနှင့်ခရီးသည်တစ်ဦး၊ ကားနောက်တွင် အထောက်အထားမဲ့လိုက်ပါလာသည့် မြန်မာရွှေ့ပြောင်းအလုပ်သမား ၂၆ ဦးကိုဖမ်းဆီးရမိကြောင်း ဆူရစီတပ်မ (၉) တပ်ရင်း ဗိုလ်ချုပ် အသဒ္ဓါဝုပယာရချွန်းက ပြောသည်။
ဖမ်းဆီးခံရသူများသည် ရန်ကုန်တိုင်းမှ ထွက်ခွာလာသူများဖြစ်ပြီး ထိုင်းနယ်စပ်သို့ တောလမ်းကြောင်းမှတစ်ဆင့်ခိုးဝင်ကာ ထောင်ဖာဖွန်မြို့နယ် ခနွန်ခလီရွာတွင် သွားရောက်ခေါ်ဆောင်ပြီး ချွန်ဘူရီခရိုင်သို့ ပို့ဆောင်စဉ်လမ်းခရီး၌ဖမ်းဆီးခြင်းခံရကြောင်း မစ္စတာဆမန်ဟု အမည်ပေးထားသည့်ယာဉ်မောင်းက ဝန်ခံထွက်ဆိုခဲ့သည်။
ကားမောင်းသူနှင့် ခရီးသည်တစ်ဦး အပါအဝင် မြန်မာရွှေ့ပြောင်းအလုပ်သမား ၂၆ ဦးကို ထောင်ဖာဖွန်မြို့နယ် ရဲစခန်းသို့ လွှဲပြောင်းထားကာ ဥပဒေအရအရေးယူခြင်းနှင့် ပြစ်ဒဏ်ပေးခြင်းဆောင်ရွက်မည်ဖြစ်ကြောင်း ထိုင်းသတင်းတွင်ဖော်ပြထားသည်။
မြန်မာရွှေ့ပြောင်းအလုပ်သမား ၂၆ ဦးသည် စာရွက်စာတမ်း အထောက်အထားများ မပါဘဲ ရန်ကုန်မှချွန်ဘူရီခရိုင်သို့ ပို့ဆောင် ရန် ပွဲစားခတစ်ဦးလျှင် ဘတ်ငွေ ၂၅ဝဝဝ ပေးဆောင်ခဲ့ရကြောင်း သိရသည်။

တစ်ချိန်က ကျိကျိတတ်ချမ်းသာတဲ့ သဌေးကြီး လက်ထပ်ခဲ့ပြီး ပြည့်စုံကြွယ်ဝခဲ့ပေမယ့် လက်ရှိမှာတော့ သာမာန်လူတန်းစားအဖြစ်နဲ့ ပြောင်းလဲသွားတဲ့ သရုပ်ဆောင် ချမ်းမီမီကို 😞👇
#ဘဝဆိုတာလဲအဆိုးမရဘူးလေ. .ချက်ချင်းပြောင်းလဲနိုင်တယ်😌
#အဆင်ပြေပါစေ

မှတ်ပလား

ကင်ဆာ ဆဲလ်တွေကို သတ်ပေးနိုင်တဲ့ အလွန်သေးငယ်တဲ့ စက်ရုပ်တွေ လာပြီ
============================================
ကင်ဆာ ရောဂါသည်တွေအတွက် chemotherapy ကုထုံးဟာ ဘေးထွက်ဆိုးကျိုး အလွန်များပြီး ခန္တာကိုယ် တစ်ခုလုံးကို ထိခိုက်စေပါတယ်။ ခန္တာကိုယ်အတွက် အကျိုးပြုတဲ့ ဆဲလ်တွေကိုပါ သတ်လိုက်တာ ဖြစ်ပါတယ်။ အဲဒီအတွက် ပညာရှင်တွေက ဒီထက်ကောင်းတဲ့ ကင်ဆာ ကုထုံးတွေကို တီထွင်နေပါတယ်။
အခုတော့ ဆွီဒင်မှ Karolinska Institutet မှ သိပ္ပံပညာရှင်တွေက အကျိုးပြုတဲ့ ဆဲလ်တွေကို မထိခိုက်စေဘဲ ကင်ဆာ ဆဲလ်တွေကို သတ်ပေးနိုင်တဲ့ အလွန်သေးငယ်တဲ့ စက်ရုပ်တွေကို တီထွင်လိုက်ပါတယ်။ အဲဒီ စက်ရုပ်လေးတွေကို စမတ်ကျတဲ့ ဒုံးကျည်အဖြစ် တင်စားထားပြီး ကင်ဆာ အကျိတ်တွေကို တိကျစွာ ဖျက်ဆီးနိုင်ပါတယ်။
ရင်သား ကင်ဆာ ဖြစ်နေတဲ့ ကြွက်တွေထဲကို အဲဒီ စက်ရုပ်တွေကို ထိုးသွင်းကြည့်တဲ့အခါမှာ ကြွက်တွေမှာ ကင်ဆာ အကြိတ်ဟာ ၇၀ ရာခိုင်နှုန်း လျော့ကျသွားပါတယ်။ ဒါဟာ တော်တော် အစွမ်းထက်တဲ့ ကင်ဆာ ကုထုံး ဖြစ်ပါတယ်။ အနာဂတ်မှာ ကင်ဆာ ရောဂါသည်တွေကို ဒီနည်းပညာနဲ့ ထိရောက်စွာ ကုသပေးနိုင်ဖို့ ပညာရှင်တွေက ယုံကြည်ထားကြပါတယ်။
Ref : Tech Explorers

“လမ်းသွယ်ထဲက လူအားလုံးဟာ သူတို့နောက်ကို တစ်ယောက်ယောက် လိုက်နေသလို လမ်းလျှောက်ကြတယ်။ ရန်ကုန်မြို့က လူတွေဟာ ဒီလိုပဲ လမ်းလျှောက်ကြတယ် ထင်ပါရဲ့။”
၁၉၉၂ခုနှစ်မှာ ရေးခဲ့ပြီး ၁၉၉၃ ခုနှစ်က အမျိုးသားစာပေ ဝတ္ထုရှည်ဆုရခဲ့တဲ့ ဆရာမ နုနုရည်အင်းဝ ရဲ့ စာအုပ်လေးပါ။
“ခို”အိမ်ရှည် မြောမြောလေးတွေလို့ စာအုပ်မှာ ညွှန်းဆို သလို မြို့ပြလူနေမှု ဘဝက တိုက်ခန်းလေးတွေမှာနေကြရတဲ့ လူတန်းစားပေါင်းစုံရဲ့ အမျိုးမျိုးသော ဘဝ အဖုံဖုံကို စုံစီနဖာ ရှုထောင့် ပေါင်းစုံက ရေးပြထားတဲ့ စာအုပ်ပါ။
စာအုပ် ဖတ်နေရင်း တွေးမိတာတော့ တကယ့် လောကဓံ တရားကို ဒေါင်ကျကျ ပြားကျကျ ရင်ဆိုင်ခဲ့ကြရတဲ့ (ရင်ဆိုင်နေကြရတဲ့)လူနေမှုဘဝ ကို ကိုယ်တွေ့မကြုံဖူးရင်တောင် ကိုယ်ချင်းစာနာတတ်လာအောင် ၊ခံစားတွေးတော တတ်လာအောင် ကရုဏာရသ အပြည့်ပေးစွမ်းနိုင်တဲ့စာအုပ်ပါ။
ရန်ကုန်မြို့၊ ကမာရွတ်မြို့နယ်၊မြစိမ်းပြာ လမ်းသွယ်၊ အမှတ် ၂၂၂ မှာရှိတဲ့ ၊အမြင့်ရှစ်ပေ၊အကျယ်ဆယ်ပေ၊ အလျားအရှည် လေးဆယ့်ငါးပေရှိတဲ့ အလွှာပေါင်း ဆယ့်နှစ်လွှာ နဲ့ ဖွဲ့စည်းတည်ဆောက်ထားတဲ့…၊ကန်ထရိုက် သုံးထပ်တိုက်လေးတစ်လုံးရဲ့ အလွှာ အသီးသီးမှာ နေထိုင်တဲ့ ဆရာမနုနုရည် အင်းဝဖန်တီး ထားတဲ့ ဇာတ်ကောင်တစ်ယောက်ချင်းစီ(ခိုမိသားစုလေးတွေ)အကြောင်းကို သိချင်ရင် တော့ ဒီစာအုပ်လေး ကို ဖတ်ကြည့်ပါ။ မိမိအတွက် တွေးတောဆင်ခြင်နိုင်စရာလေးတွေ အများအပြားကျန်နေခဲ့မယ်ဆိုတာ ရဲရဲကြီးအာမခံပါတယ်။
ခေတ်ပေါ်နည်းပညာတွေ တိုးတက်လာတာနဲ့အမျှ လူတွေရဲ့ အလိုရမက်တွေဟာလည်း အတောမသတ်နိုင်ပဲ လိုချင်တာရအောင် ကြိုးစားရုန်းကန်နေကြရတဲ့ rush ဖြစ်နေတဲ့ Life style ကို ထင်သာမြင်သာအောင် ရေးပြထားနိုင်တဲ့ စာအုပ်ပါ အကြောင်းအရာလေးနဲ့ ဒီ reviewလေးကို အဆုံးသတ်ပါရစေ။
#မြစိမ်းပြာကမာရွတ်
#နုနုရည်အင်းဝ
#sharingiscaring 🤍
#bookreviewbyhtet?
11:24/2722021

ကော်ဖီခွက်

အလု” ပ်ကပြန်လာရင် me :

အာကာသမှာ နှစ်ပေါင်း ၁၀၀ အသုံးပြုနိုင်တဲ့ ဘက်ထရီကို တီထွင်နေတဲ့ ဂျပန်
===========================================
အာကာသစူးစမ်းလေ့လာရေးအတွက် နှစ်ပေါင်းများစွာ အသုံးခံတဲ့ ဘက်ထရီတွေ လိုအပ်ပါတယ်။ အာကာသရဲ့ ပြင်းထန်တဲ့ ရာသီဥတုဒဏ်ကို ခံနိုင်ဖို့လည်း လိုအပ်ပါတယ်။
အခုတော့ ဂျပန်က အာကာသမှာ နှစ်ပေါင်း ၁၀၀ အသုံးပြုနိုင်တဲ့ ဘက်ထရီကို တီထွင်နေပါတယ်။ အဲဒီ ဘက်ထရီဟာ ပြုပြင်ထိန်းသိမ်းစရာ မလိုဘဲ ကာလရှည်ကြာ အသုံးပြုနိုင်တဲ့အတွက် အာကာသစူးစမ်းလေ့လာရေးမှာ အလွန် အသုံးဝင်လာမှာပါ။
Americium လို့ခေါ်တဲ့ ရေဒီယို သတ္တိကြွ ဒြပ်ထုကိုအသုံးပြုပြီးအဲဒီလိုမျိုး ဘက်ထရီကို တီထွင်မှာ ဖြစ်ပါတယ်။ လပေါ်မှာ အဲဒီ ဘက်ထရီကို အသုံးပြုဖို့ မြင့်မားတဲ့ အပူချိန်ကို ခံနိုင်ရမှာဖြစ်ပါတယ်။ လရဲ့ အပူချိန်ဟာ နေ့ဘက်မှာ ၁၁၀ ဒီဂရီ နဲ့ ညဘက်မှာ ၁၇၀ ဒီဂရီ ရှိပါတယ်။ လပေါ်မှာ နေ့တာ နဲ့ ညတာ ဟာ ၂ ပတ်ကြာမြင့်ပါတယ်။ ဒါ့အပြင် ဘက်ထရီကို အာကာသယာဉ်မှာ တပ်ဆင်နိုင်လောက်အောင် အရွယ်အစား ကျစ်လစ်ပြီး ပေါ့ပါးရမှာ ဖြစ်ပါတယ်။ အာကာသယာဉ်ရဲ့ တုန်ခါမှုကိုလည်း ခံနိုင်အောင် တည်ဆောက်ထားရမှာ ဖြစ်ပါတယ်။
တီထွင်သူ အဖွဲ့ ခေါင်းဆောင် Masahide Takano က စိန်ခေါ်မှုများစွာ ရှိနေပေမယ့် နှစ်ပေါင်း ၁၀၀ အသုံးခံတဲ့ ဘက်ထရီကို အောင်မြင်စွာ တီထွင်နိုင်မယ်လို့ ယုံကြည်ထားပါတယ်။
Ref : Tech Explorers