နင်တစ်နေ့တစ်နေ့ ဘာတွေလုပ်ဖြစ်လဲ ...?
Me : 🥲

နွေရာသီမှာ ဘာဖြစ်မလဲမသိဘူးလို့ အိုဆင်ဟမ်ပြော

ဖေဖော်ဝါရီ ၂၈

နိုင်ဂျီးရီးယားတိုက်စစ်မှူး အိုဆင်ဟမ်က လာမယ့် နွေရာသီမှာ ဘာဖြစ်မလဲဆိုတာ မသိပေမယ့် ဂါလာတာစာရေး အသင်းမှာ ဆက်ရှိနိုင်မယ့် အရိပ်အမြွက် ပြောခဲ့ပါတယ်။
အိုဆင်ဟမ်က “ရိုးရိုးသားသား ပြောရရင် အနာဂတ်နဲ့ပတ်သက်ပြီး ကျနော် မသိပါဘူး။ လွန်ခဲ့တဲ့ လအနည်းငယ် ကလည်း ဂါလာတာစာရေးအသင်းကို ကျနော် လာမယ်လို့ ကျနော်ဘယ်တုန်းကမှ မယုံကြည်ခဲ့ပါဘူး။ အခုလည်း နွေရာသီမှာ ဘာတွေဖြစ်မလဲဆိုတာ မသိပေမယ့် ဒီကလပ်ကို ကျနော် ချစ်တယ်ဆိုတာ လူတိုင်း နားလည်စေချင် ပါတယ်။ ပရိသတ်တွေရော အသင်းနဲ့ ပတ်သက်တဲ့သူ အားလုံးကိုရော ကျနော်ချစ်ပါတယ်။ ဒီမှာရှိနေရတဲ့ အချိန် တွေကို ကျနော်ပျော်ရွှင်တယ်”လို့ ပြောခဲ့တာပါ။

ပြီးခဲ့တဲ့နွေရာသီက နာပိုလီအသင်းကနေ အငှားနဲ့ ရောက်ရှိလာခဲ့တဲ့ အိုဆင်ဟမ်ဟာ ဂါလာတာစာရေးအသင်း အတွက် ၂၆ ပွဲ ပါဝင်ကစားအပြီးမှာ သွင်းဂိုး ၂၀ သွင်းယူထားတာ ဖြစ်ပါတယ်။

အိုဆင်ဟမ်ဟာ နာပိုလီအသင်းအတွက် ကစားခဲ့တဲ့ ပြီးခဲ့တဲ့ ၄ ရာသီမှာ သွင်းဂိုး ၇၆ ဂိုးသွင်းယူပြီး ခြေစွမ်း ပြသနိုင်ခဲ့ပေမယ့် နည်းပြကွန်တီနဲ့ အဆင်မပြေမှုတွေ ရှိခဲ့တာကြောင့် အသင်းကနေ အငှားနဲ့ ထွက်ခွာခဲ့တာပါ။

နာပိုလီအသင်းဟာ အိုဆင်ဟမ်အတွက် သူတို့သတ်မှတ်ထားတဲ့ ပြောင်းရွှေ့ကြေးရရင် လာမယ့်နွေရာသီမှာ ရောင်းချသွားဖို့ရှိနေပါတယ်။

တိုက်စစ်မှူးသစ် ခေါ်ယူချင်နေတဲ့ အာဆင်နယ်၊ ချယ်လ်ဆီးနဲ့ ယူနိုက်တက်အသင်းတို့ဟာ အိုဆင်ဟမ်ကို ခေါ်ယူဖို့ စိတ်ဝင်စားနေပြီး စောင့်ကြည့်မှုတွေ ပြုလုပ်နေကြတာပါ။

ဒီ ၃ သင်းစလုံးဟာ တိုက်စစ်ပိုင်း အခက်အခဲတွေကြောင့် လာမယ့်နွေရာသီ အပြောင်းအရွှေ့မှာ တိုက်စစ်မှူးသစ် ခေါ်ယူနိုင်ဖို့ ပစ်မှတ်ထားနေပါတယ်။

ယူနိုက်တက်အသင်း နောက်ခံလူဟောင်း ရီယိုဖာဒီနန်က ပြီးခဲ့တဲ့ဇန်နဝါရီ အပြောင်းအရွှေ့က အိုဆင်ဟမ်ကို အငှားနဲ့ခေါ်ယူဖို့ အသင်းကို တိုက်တွန်းမှုတွေပြုလုပ်ခဲ့သေးတာပါ။

အိုဆင်ဟမ် ပါဝင်ကစားနေတဲ့ ဂါလာတာစာရေးအသင်းဟာ တူရကီစူပါလိဂ်ပြိုင်ပွဲမှာ အမှတ်ပေးဇယားကို ဦးဆောင်ထားပေမယ့် ဥရောပပြိုင်ပွဲကနေ ထွက်ခွာခဲ့ရပြီဖြစ်ပါတယ်။

Source: Metro

ပုံ - အိုဆင်ဟမ်ကို တွေ့ရစဉ်

#ဘောလုံးသတင်းစုံ

MMQR အား ယနေ့ စတင်အသုံးပြုခဲ့ပြီး အခွန်အခ၊ လစာများ၊ ပင်စင်၊ ပုဂ္ဂလိက‌ဆေးရုံ၊ ကျောင်းနှင့် စီးပွားရေးကဏ္ဍမျိုးစုံ ငွေပေးချေမှုအတွက် အသုံးပြုနိုင်မည်ဖြစ်ကြောင်း နစက ဥက္ကဋ္ဌ ပြောကြား

ဖေဖော်ဝါရီ ၂၈

မြန်မာနိုင်ငံ၏ ဒီဂျစ်တယ်ငွေပေးချေမှုအတွက် National QR Standard ဖြစ်သည့် မြန်မာကြူအာ (MMQR) ကို စတင်အသုံးပြုခဲ့ပြီး အစိုးရပိုင်းဆိုင်ရာ အခွန်အခ၊ လစာများ၊ ပုဂ္ဂလိကဆေးရုံ၊ စာသင်ကျောင်းနှင့် စီးပွားရေးကဏ္ဍမျိုးစုံတို့တွင် ငွေပေးချေမှုအတွက် MMQR ကို အသုံးပြုနိုင်မည်ဖြစ်ကြောင်း နိုင်ငံတော်စီမံအုပ်ချုပ်ရေးကောင်စီ (SAC) ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ယနေ့ ပြုလုပ်သည့် MMQR စတင်အသုံးပြုခြင်း အခမ်းအနားတွင် ပြောကြားခဲ့သည်။

နိုင်ငံအတွင်း၌ မတူညီသည့်ငွေပေးချေမှုစနစ်များ၏ QR Code အမျိုးမျိုးကိုချိတ်ဆက်ပြီး ငွေပေးချေမှုများ ပိုမိုအဆင်ပြေသုံးစွဲနိုင်မည်ဖြစ်ကြောင်း၊ ပြည်သူများ၏ နေ့စဉ်ဘဝတွင် အသုံးပြုမှုများသည့် လက်လီငွေလွှဲပြောင်းပေးချေမှုများကို စရိတ်သက်သက်သာသာဖြင့် လွယ်ကူမြန်ဆန်စွာ ပြုလုပ်နိုင်မည်ဖြစ်ကြောင်း နစက ဥက္ကဋ္ဌက ပြောကြားသည်။

မြန်မာ QR Code (MMQR)ကို အသုံးပြုခြင်းအားဖြင့် ဘဏ်လုပ်ငန်းဝန်ဆောင်မှု အသုံးပြုနိုင်ခြင်း မရှိသေးသူများသာမက ရှိပြီးသားသူများကိုပါ ငွေရေးကြေးရေးစနစ်တွင် ပိုမိုပါဝင်လာနိုင်ပြီး ငွေကြေးဝန်ဆောင်မှုများကို ရယူနိုင်ရန် အထောက်အကူပြုနိုင်မည်ဖြစ်ကြောင်း၊ ငွေသားကိုင်တွယ်သုံးစွဲမှုအား လျှော့ချနိုင်မည်လည်းဖြစ်ကြောင်း နစက ဥက္ကဋ္ဌက ပြောကြားသည်။


ထို့ပြင် မတူညီသည့် ဘဏ်စာရင်းများ၊ မတူညီသည့် ဒစ်ဂျစ်တယ် မိုဘိုင်းပိုက်ဆံအိတ်များ၊ မတူညီသည့် ပေးချေမှုစနစ်များကို ချိတ်ဆက်အသုံးပြုနိုင်မည်ဖြစ်သည့်အတွက် ကုန်သည်များနှင့် အသုံးပြုသူများအကြား ငွေကြေးစီမံခန့်ခွဲမှုဆိုင်ရာများတွင် လျင်မြန်လွယ်ကူပြီး ရှုပ်ထွေးမှုများကို ဖြေရှင်းနိုင်မည်ဖြစ်ကြောင်း နစက ဥက္ကဋ္ဌက ပြောကြားသည်။

MMQR အသုံးပြုပြီး ငွေပေးချေမှုနှင့် အစိုးရကို အခွန်အခ၊ မီတာခပေးဆောင်ခြင်း၊ ခရီးသွားလုပ်ငန်း၊ နိုင်ငံ့ဝန်ထမ်းများ လစာပေးခြင်း၊ ပင်စင်ထုတ်ပေးခြင်း၊ အသေးစားစီးပွားရေးလုပ်ငန်း၊ စက်သုံးဆီအရောင်းဆိုင်၊ ပုဂ္ဂလိကဆေးရုံများ၊ ကျောင်းများနှင့် လူသုံးကုန်ပစ္စည်းများရောင်းချခြင်း အစရှိသည့်စီးပွားရေး လုပ်ငန်းစုံစုံလင်လင်တွင် အသုံးပြုနိုင်မည်ဖြစ်ကြောင်း နစကဥက္ကဋ္ဌက ပြောကြားသည်။

ယခုကဲ့သို့ ကဏ္ဍစုံကစီးပွားရေးလုပ်ငန်းများ စုံစုံလင်လင်ပါဝင်လာနိုင်မည်ဖြစ်သည့်အတွက် လွယ်ကူထိရောက် မြန်ဆန်ပြီး စွမ်းဆောင်ရည်ပြည့်သည့် ငွေပေးချေမှုစနစ်တစ်ရပ်ကို ဖော်ဆောင်နိုင်မည်ပင်ဖြစ်ကြောင်း နစက ဥက္ကဋ္ဌက ပြောကြားသည်။

#centralnewsnaypyitaw

120. Bangkok Haunted (2001) 👈

ဟာသမနှောတဲ့ Thai horror စစ်စစ်ကိုမှ ခံစားလိုသူတွေအတွက် ၂၀၀၁ ခုနှစ်မှာထွက်ရှိခဲ့တဲ့old but gold ထိုင်းသရဲကားလေးတစ်ကားကို CMမှ ပြန်လည်တင်ဆက်ပေးလိုက်ပါပြီ…ဒီကားလေးကတော့ anthology horror movies အမျိုးအစားဖြစ်ပြီးတော့မတူညီတဲ့သရဲဇာတ်လမ်း ၃ ခု၊ မတူညီတဲ့ရသ ၃ ခုကို ခံစားရမှာဖြစ်ပါတယ်ဗျ…

ဇာတ်လမ်းလေးကိုတော့ သူငယ်ချင်း ၃ ယောက် ကော်ဖီဆိုင်ထိုင်ရင်း ဆက်မိစပ်ရာနဲ့သရဲအကြောင်းပြောရာကနေ အစပျိုးထားပါတယ်…ဒီမှာတော့ ရှေးဟောင်းဗုံ၊ပီယဆေးနဲ့ ကြိုးတန်းလန်းနဲ့အလောင်းဆိုပြီး ဇာတ်လမ်း ၃ ခု ကို တင်ဆက်ပေးထားပါတယ်… ပထမတစ်ခုမှာတော့ ဘယ်သူပိုမှန်းမသိဘဲ ဆိုက်ဆိုက်မြိုက်မြိုက် အိမ်ကိုရောက်လာတဲ့ ရှေးဟောင်းဗုံတစ်လုံး၊ဒီဗုံကရှေးဟောင်းပစ္စည်းဆိုတော့ စိတ်ဝင်စားစရာပေမဲ့ ဗုံရဲ့နောက်ကွယ်မှာ သမိုင်းကြောင်းတွေရှိနေပါသတဲ့…ဘယ်လိုသမိုင်းကြောင်းတွေဖြစ်မလဲဆိုတာကိုတော့ ဇာတ်လမ်းထဲမှာပဲ ခံစားကြည့်လိုက်ပါဦးဗျာ…ဒုတိယဇာတ်လမ်းမှာတော့ ရည်းစားနဲ့ပြတ်ခါစ ဂျီယက်တစ်ယောက် အိမ်နီးချင်းအစ်မကြီးဆီကနေပီယဆေးလက်ဆောင်ရလိုက်ပြီး ဒီပီယဆေးအစွမ်းနဲ့ပဲ အချစ်ကနေ သေမင်းခံတွင်းဝ ရောက်သွားဖို ဖြစ်သွားတဲ့အခါ…ဂျီယက်တစ်ယောက် အသက်ရှင်နိုင်ပါ့မလားဆိုတာ ရင်တဖိုဖိုနဲ့ ကြည့်ရှုလိုက်ပါဦးနော်…တတိယဇာတ်လမ်းကတော့ ကြိုးတစ်ချောင်းနဲ့အလောင်းတစ်လောင်း၊ ကိုယ့်ကိုယ်ကိုယ်သတ်သေမှုလိုလူတိုင်းက ယူဆကြပေမဲ့ဒါကိုမယုံနိုင်တဲ့ ရဲအုပ်’နော့’တစ်ယောက် အမှုကိုစုံစမ်းရာကနေ သူသိလာရတဲ့အမှန်တရားက ဘာတွေဖြစ်မလဲ…Jumpscare တွေလည်းပါတယ်ဆိုပေမဲ့ creepy sense ကို အပြည့်အဝရစေမဲ့ ဇာတ်လမ်းလေးတွေဆိုတော့ညဘက်တစ်ယောက်တည်းဖြစ်နေသူတွေ တစ်ယောက်ယောက်ရှိနေတဲ့ခံစားချက်လေး လိုချင်ရင်တော့ညဘက်မှာ နားကြပ်လေးနဲ့ ကြည့်ရှုခံစားဖို recommend ပေးလိုက်ပါတယ်…

သရုပ်ဆောင်ထူးခြား ယနေ့ ဖွင့်လိုက်တဲ့ ရခိုင်ရိုးရာစားသောက်ဆိုင်ကို သွားရောက်အားပေးခဲ့တဲ့ အနုပညာရှင်များ 🥰
သရုပ်ဆောင် ထက်အောင်ရှိုင်းနဲ့အတူ စည်သူမောင်တို့က သွားရောက်အားပေးခဲ့တာပါ။ သရုပ်ဆောင် ထူးခြားဟာ ဘဲကြီးဆိုတဲ့နာမည်နဲ့ သာကေတမှာ ဝက်နံရိုးမီးတောက်နဲ့ ရခိုင်ရိုးရာအစားအစာတွေကို ဖွင့်လှစ်ရောင်းချနေတာပါ။

ထားဝယ်မြို့၊ သဲကွင်းပန်းခြံရှိ မြက်ခင်းပြင်တွင် ဦးခေါင်းဒဏ်ရာဖြင့် အမျိုးသမီးအလောင်းတွေ့ရှိ

ဖေဖော်ဝါရီ ၂၈

တနင်္သာရီတိုင်းဒေသကြီး၊ ထားဝယ်မြို့၊ ကမ်းနားလမ်း၊ကမ်းနားစျေးအနီးရှိ သဲကွင်းပန်းခြံတွင် ဖေဖော်ဝါရီ ၂၇ ရက် နံနက် ၆ နာရီခွဲခန့်က ဦးခေါင်းဒဏ်ရာဖြင့် သေဆုံးနေသော အမျိုးသမီးတစ်ဦး၏ ရုပ်အလောင်းကို တွေ့ရှိခဲ့ကြောင်း အလောင်းကို သွားရောက်သယ်ဆောင်ခဲ့သည့် ဇမ္ဗူသီရိ အရေးပေါ်လူနာကူညီသယ်ဆောင်ရေးအဖွဲ့ – ထားဝယ်ထံမှ သိရသည်။

သေဆုံးသူမှာ အသက် ၄၀ ၀န်းကျင်ခန့်ရှိပြီး ဦးခေါင်းဒဏ်ရာရရှိကာ ခန္ဓာကိုယ်အပေါ်ပိုင်းတွင် အင်္ကျီမရှိဘဲ သေဆုံးလျက်ရှိကြောင်း သိရသည်။

လတ်တလောတွင် သေဆုံးသူ မည်သူမည်ဝါဖြစ်ကြောင်းကို မသိရသော်လည်း အနီးပတ်ဝန်းကျင်၏ ပြောကြားချက်အရ စိတ်ကျန်းမာရေးမကောင်းသူဖြစ်ကြောင်း သိရသည်။

သေဆုံးသူအမျိုးသမီး၏ ရုပ်အလောင်းကို ဇမ္ဗူသီရိ အရေးပေါ်လူနာကူညီသယ်ဆောင်ရေးအဖွဲ့ – ထားဝယ်မှ အဖွဲ့ဝင်များက ထားဝယ်ပြည်သူ့ဆေးရုံကြီးရှိ ရင်ခွဲရုံသို့ ပို့ဆောင်ကူညီပေးခဲ့ကြောင်း သိရသည်။

#သတင်းဟင်းလေးအိုးကြီး

#tattooideas

#tattooideas

#tattooideas

#tattooideas