ခဝဲသီး စိုက်ပျိုးပြုစုနည်း မေးမြန်းထားတဲ့မိတ် ဆွေပရိသတ်များအတွက် မျှဝေပေးလိုက်ပါတယ်ခင်ဗျာ⬇️
ခဝဲကို မြန်မာနိုင်ငံ ဒေသအနှံ့အပြားမှာ စိုက်ပျိုးကြပြီး အပင်ပုမျိုးနဲ့ အပင်ရှည်မျိုးဆိုပြီးရှိပါတယ်။ ရောဂါပိုး မွှားဒဏ်ခံပြီး ဒေသနဲ့ ကိုက်ညီတဲ့မျိုးကို ထိန်းသိမ်းစိုက်ပျိုးဖို့ လိုအပ်ပါတယ်။ အပင်ပုမျိုးဟာ အမြီးပိုင်းက တုတ်ပြီး အဖျားပိုင်းကို ရှူးသွားပါတယ်။ အရှည်မျိုးကတော့ တစ်ပေအရွယ်အစားခန့်ရှိပြီး တစ်ဖြောင့်ထဲ သေးသွယ်သွားပါတယ်။
မိုးရာသီ ဇွန်၊ ဇူလိုင်၊ သြဂုတ်လတွေမှာ အစိုက်များပြီး စက်တင်ဘာ၊ အောက်တိုဘာလတွေမှာ ခူးဆွတ်ကြပါ တယ်။ မြေပြန့်ဒေသတွေမှာ ဆောင်းနဲ့ နွေရာသီမှာလည်း စိုက်ပျိုးကြပြီး ရေကိုတော့ ဝအောင် ပေးနိုင်ဖို့ လိုပါတယ်။ ဆောင်းရာသီမှာ အောက်ခြေမှ ငါးပေအထိ အသီးအပွင့်တွေကို ခြွေပြီးမှ အပေါ်က ကျန်တဲ့ အသီးတွေကို ယူသင့်ပါတယ်။ မိုးဒဏ်ခံနိုင်ပြီး စင်တင်စနစ်၊ ဝါးတန်းထိုးစနစ်နဲ့ စိုက်ပျိုးတာများပါတယ်။
ခဝဲကို အစေ့မှ တိုက်ရိုက်စိုက်ပျိုးကြပါတယ်။ မျိုးစေ့ကို အညှောင့်ဖောက်ပြီး စိုက်ဘောင်ပေါ်မှာ တစ်ပေကြား လက်မဝက်ခန့်မြှုပ်ပြီး စိုက်ရမှာဖြစ်ပါတယ်။ စိုက်ဘောင်ကို နှစ်ပေအကျယ်၊ တစ်ပေအမြင့်ဆွဲပြီး တစ်ဘောင်နဲ့ တစ်ဘောင် (၅)ပေခြားဆွဲရပါတယ်။ တစ်ဧကမှာ အပင်ဦးရေ ၈၀၀၀ ခန့်ရအောင် စိုက်ပျိုးရမှာပါ။ စင်ပေါ်ကို မရောက်ခင်ကြားဝါးတန်းတွေကို တစ်ပေခြား ကန့်လန့်ဖြတ် ချည်ပေးရမှာဖြစ်ပါတယ်။
ခဝဲတစ်ဧက စိုက်ပျိုးဖို့အတွက် နွားချေးဆွေး လှည်း (၁၀-၂၀)စီး၊ ပုလဲ (၁-၂)အိတ်၊ တီစူပါ (၂-၄)အိတ်၊ ပို တက်ရှ် မြေသြဇာ (၁၂)အိတ်ထည့်ပေးပြီး သဘာဝမြေဆွေး၊ ကြက်ချေး၊ နွားချေး၊ တီစူပါမြေသြဇာတွေကို ရောပြီး စိုက်ဘောင်အတွင်း သမအောင်မွှေပြီးထည့်သွင်း အသုံးပြုရမှာဖြစ်ပါတယ်။ အသီးစသီးချိန်မှာ ပို တက်ရ်ှနဲ့ နွားချေးဆွေးတွေကို ရောပြီး ဘောင်အောက်ခြေမှ ဘောင်ထပ်ပြီး အစာထပ်ကျွေးရမှာဖြစ်ပါတယ်။
မြေဆီလွှာအစိုဓာတ်အမြဲရှိနေဖို့လိုအပ်ပြီး ဘောင်ပေါ်ရေလျှံမတက်အောင် သတိထားပြီး ရေသွင်းဖို့ လိုပါတယ်။
အပင်သက်တမ်း (၇၅-၈၀)ရက်ရှိတဲ့အခါ အသီးကို ခူးဆွတ်နိုင်မှာဖြစ်ပြီး အဲဒီထက်အချိန်ပိုကြာသွားရင် ရင့် သွားပြီဖြစ်ပြီး အမျှင်ပါစားလို့မကောင်းတော့ပါ။
တစ်ဧကမှ ခဝဲသီး ၂၀၀၀၀-၃၀၀၀၀ တောင့်ထွက်နိုင်ပါတယ်။
