Red ink tattoo designs

Red ink tattoo designs

Reference tattoo designs

Reference tattoo designs

Reference tattoo designs

Reference tattoo designs

Reference tattoo designs

🙏#ရေကန်ထဲကရေဟာ သုံးပြီးရင် ထပ်,ထပ်ဖြည့်ရ သလို...
🙏#လူတွေရဲ့ကံဟာလည်း ကုသိုလ်တရားတွေ ထပ်,ထပ်ဖြည့်ပေးဖို့ လိုပါတယ်။
❤️မြင့်မြတ်သောစိတ်ထားလေး ရှိတတ်ကြပါစေ။❤️
🙏#ကျေးဇူးတော်ရှင်ပါမောက္ခချုပ်ဆရာတော်?

"တစ်နေ့လှံအချက်ပေါင်းသုံးရာနဲ့နှစ်ပေါင်းတစ်ရာအထိုးခံမှသစ္စာလေးပါးကိုသိရမယ်ဆိုရင်....."
ဘယ်လောက်ထိမြတ်စွာဘုရားကသစ္စာလေးပါးကိုသိစေချင်သလဲ။ပဋိဝေဒအသိ-ဉာဏ်နဲ့ထိုးထွင်းသိတာကိုရည်ညွှန်းတာနော်။ဘုန်းဘုန်းတို့သစ္စာသံယုတ်ထဲမှာသတ္တိသတသုတ္တန်ဆိုတာရှိတယ်။သတ္တိသတဆိုတာလှံပေါင်းတစ်ရာဒီလိုအဓိပ္ပာယ်ရတယ်။
မြတ်စွာဘုရားကရဟန်းတော်တွေကိုဟောတာ။ရဟန်းတို့တဲ့.....လူတစ်ယောက်ကိုမင်းကိုငါမနက်ခင်းမှာလှံအချက်တစ်ရာထိုးမယ်။ခန္ဓာကိုယ်အနှံ့အချက်တစ်ရာဆိုတော့တကယ်ကိုပဲ‌ကြောက်မက်ဖွယ်ကောင်းတဲ့ဒုက္ခပေါ့နော်။မွန်းတည့်ချိန်မှာအချက်တစ်ရာထိုးမယ်။ညချမ်းကာလမှာအချက်တစ်ရာထိုးမယ်။တစ်နေ့ကိုလှံအချက်၃၀၀။ဘယ်လောက်ကြာအောင်အထိုးခံရမှာလဲဆိုတော့နှစ်ပေါင်းတစ်ရာအထိုးခံရမယ်။တစ်နေ့ကိုလှံချက်၃၀၀နဲ့နှစ်ပေါင်းတစ်ရာအထိုးခံမယ်ဆိုလို့ရှိရင်မင်းသစ္စာလေးပါးကိုသိလိမ့်မယ်။ဆိုလိုတာကသစ္စာလေးပါးကိုသိတဲ့အရိယာဖြစ်လိမ့်မယ်။အဲဒီလိုများတစ်စုံတစ်ယောက်ကလာပြောမယ်ဆိုလို့ရှိရင်အဲဒီလှံအထိုးခံတဲ့ကိစ္စကိုဝမ်းမြောက်ဝမ်းသာသွားပြီးတော့အထိုးခံသင့်တယ်တဲ့။ဘာဖြစ်လို့လဲဆိုတော့သစ္စာလေးပါးကိုမသိသေးဘူးဆိုလို့ရှိရင်ဘဝသံသရာနောက်ထပ်ဘယ်လောက်ဆက်ရဦးမယ်မသိနိုင်ဘူးနော်။ဘဝသံသရာရဲ့အနေအထားကိုမှန်းမရသေးတဲ့အတွက်ကြောင့်လှံထိုးခံပြီးတော့သေရတဲ့ဘဝပေါင်းများစွာ၊ဓားထိုးခံရပြီးတော့သေရတဲ့ဘဝပေါင်းများစွာ၊ခေါင်းဖြတ်ခံရလို့သေရတဲ့ဘဝပေါင်းများစွာမှန်းလို့မရဘူး။ဒါကြောင့်မြတ်စွာဘုရားကတစ်နေ့ကိုလှံအချက်၃၀၀နဲ့နှစ်ပေါင်းတစ်ရာအထိုးလို့သစ္စာလေးပါးကိုသိမယ်ဆိုရင်ပျော်ပျော်ရွှင်ရွှင်အထိုးခံထိုက်တယ်လို့အဲဒီလိုမြတ်စွာဘုရားဟောတာ။
သစ္စာလေးပါးကိုမသိသေးဘူးဆိုလို့ရှိရင်အနာဂတ်သံသရာဟာဘယ်လောက်ရှည်မယ်ဆိုတာမှန်းလို့မရဘူး။ဘဝသံသရာမှာမိုက်မဲတဲ့မိတ်ဆွေယုတ်တွေနဲ့ပေါင်းမိပြီးတော့၊မဟုတ်တာတွေကိုလုပ်မိပြီးတော့ဒုက္ခရောက်နိုင်တဲ့ဘဝတွေအများကြီးမှန်းလို့မရဘူး။ကောင်းကင်မြှောက်လိုက်တဲ့တုတ်ကိုအရင်းကပြန်ကျမလား၊အဖျားကပြန်ကျမလားဆိုတာဘုန်းဘုန်းတို့မှန်းလို့မရဘူး။သစ္စာလေးပါးကိုမသိသေးသမျှဘဝတွေဟာလည်းမှန်းလို့မရဘူး။ဘာတွေဖြစ်မယ်ဆိုတာလည်းမသိနိုင်ဘူး။ဒါကြောင့်မြတ်စွာဘုရားကရဟန်းတို့တဲ့......ဒီသစ္စာလေးပါးကိုမသိခဲ့ကြလို့သင်တို့ကောငါကောအလွန်ရှည်လျားတဲ့သံသရာခရီးကိုသွားခဲ့ကြရလှပြီ၊ကျင်လည်ခဲ့ကြရလှပြီလို့အဲ့လိုဟောတယ်။ဒါကြောင့်မို့လှံအချက်ပေါင်း၃၀၀နှစ်ပေါင်းတစ်ရာအထိုးခံရမှသစ္စာလေးပါးကိုသိမယ်ဆိုရင်အထိုးခံထိုက်တယ်လို့ဟောတာနော်။
သစ္စာရွှေစည်ဆရာတော်ဘုရား
ဓမ္မဒါန by KHH

လုံးစုံများစွာသတ္တဝါ ချမ်းသာကိုယ်စိတ်မြဲပါစေ
ဥပါတ်ရန်ဘေးကင်းစင်ဝေး ငြိမ်းအေးကြပါစေ
သတ္တဝါမှန်သရွေ့ တရားတွေ့ချမ်းမြေ့သာယာရှိပါစေ
သူတော်ကောင်းဓာတ် တရားမြတ်လွှမ်းပတ်ကမ္ဘာတည်ပါစေ
မင်္ဂလာနံက်ခင်းလေးပါ ချစ်သူငယ်ချင်းတို့ အေးချမ်းသာယာပျော်ရွှင်ပြီး စိတ္တသုခ ကာယသုခ နှစ်ဖြာသုခနဲ့ပြည့်စုံကြပါစေဗျာ
မြန်မာပြည်သူပြည်သားအားလုံး ရန်သူမျိုဘေးဘယာတွေဝေးကွာလို့ငါးပါး ကပ်သုံးပါးမှကင်းဝေးကြပြီး အေးချမ်းသာယာကြပါစေဗျာ.